19 Episodes
2021 First episode About ଅନ୍ତର୍ଦୃଷ୍ଟି (ANTARDRUSHTI) ମୋର ପ୍ରଥମ ଗଳ୍ପ ପୁସ୍ତକ "ଜୀବନ ଜୁଆ" ପରେ ସଦ୍ୟ ପ୍ରକାଶିତ ମୋର ଦ୍ଵିତୀୟ ଗଳ୍ପ ସଂକଳନ "ଅନ୍ତର୍ଦୃଷ୍ଟି"ରେ ସ୍ଥାନ ପାଇଥିବା ବିଭିନ୍ନ ସ୍ୱାଦର ୧୧ଟି ଯାକ କାଳ୍ପନିକ ଗଳ୍ପକୁ ମୁଁ ନିଜ ମୁହଁରେ ଆପଣମାନଙ୍କୁ ଶୁଣେଇବାକୁ ଚେଷ୍ଟା କରିବି। ଏ ଥରର ଗଳ୍ପଗୁଡ଼ିକ ବି ଶ୍ରୋତାଙ୍କୁ ନିଶ୍ଚିତ ଭାବେ ଭଲ ଲାଗିବ, ଏହା ମୋର ଦୃଢ଼ ବିଶ୍ୱାସ।
Publisher INDU BHUSAN MOHANTY
Category arts
Language or
Explicit No
First episode 16 Jan 2021
Latest episode 28 Dec 2022 Latest episodes 19 episodes in the feed.
28 Dec 2022
ମୋର ଦ୍ଵିତୀୟ ଗଳ୍ପ ସଂକଳନ "ଅନ୍ତର୍ଦୃଷ୍ଟି"ର ଦ୍ୱିତୀୟ ଗଳ୍ପ "ପ୍ରଥମ ପ୍ରେମର ସ୍ମୃତି"। ସମ୍ପୂର୍ଣ କାଳ୍ପନିକ ବିଷୟବସ୍ତୁକୁ ନେଇ ରଚିତ ମୋର ବର୍ତ୍ତମାନର ଗଳ୍ପ "ପ୍ରଥମ ପ୍ରେମର ସ୍ମୃତି" - ବୟସର ସାୟାହ୍ନର ଅବ୍ୟକ୍ତ ଅଭିବ୍ୟକ୍ତି । ପ୍ରେମ କେବଳ ଯୁବାବସ୍ଥାର ଏକ ଉନ୍ମତ୍ତ ଅନୁଭୂତି ନୁହେଁ । ପ୍ରେମ ଏକ ନୈସର୍ଗିକ ଅନୁଚେତନା, ଯାହା ସମସ୍ତଙ୍କ ଜୀବନକୁ ସରସ, ସୁନ୍ଦର କରେ ତା'ର ଅଦୃଶ୍ୟ ସ୍ପର୍ଶରେ । ଏଇ ବିଷୟବସ୍ତୁକୁ ନେଇ ଗଳ୍ପଟି ଗତିଶୀଳ । ଶୁଣିବେ, ନିଶ୍ଚିତ ଭାବେ ଭଲ ଲାଗିବ । ଧନ୍ୟବାଦ ।
14 Dec 2022
ମୋର ଦ୍ଵିତୀୟ ଗଳ୍ପ ସଂକଳନ "ଅନ୍ତର୍ଦୃଷ୍ଟି"ର ପ୍ରଥମ ଗଳ୍ପ "ଦରିଆ ସେପାରିର ବୋହୂ"। ଏକ କାଳ୍ପନିକ ବିଷୟବସ୍ତୁକୁ ନେଇ ପ୍ରସ୍ତୁତ କରୁଛି "ଦରିଆ ସେପାରିର ବୋହୂ"। ଶ୍ରୋତାଙ୍କ ଧୈର୍ଯ୍ୟକୁ ଲକ୍ଷ୍ୟରେ ରଖି, ଗଳ୍ପଟିକୁ ମୁଁ ଦୁଇଟି episode ମାଧ୍ୟମରେ ବର୍ଣ୍ଣନା କରିବାକୁ ଚେଷ୍ଟା କରିଛି। ଆଶା କରୁଛି, ମୋର ଏ ଗଳ୍ପଟି ନିଶ୍ଚୟ ଭଲ ଲାଗିବ। ମତାମତ ଦେଲେ ମୁଁ ଖୁସି ହେବି। ଧନ୍ୟବାଦ।
9 May 2021
SPECIAL EPISODE on International Mother's Day. ମା' - ଛୋଟ ଶବ୍ଦଟିଏ । ମମତାର ସୁଗଭୀର ସୀମାହୀନ ସାଗର, ସ୍ନେହର ପ୍ରତିମୂର୍ତ୍ତି, ଦୟାର ଅବତାର - ମା'। ସେଥିପାଇଁ ତ ସେ "ସ୍ୱର୍ଗାଦପି ଗରିୟସୀ"। ସେଇ ମା' ଉଦ୍ଦେଶ୍ଯରେ ସମର୍ପିତ ମୋର ବର୍ତ୍ତମାନର ଏଇ ଅଧ୍ୟାୟ ।
3 May 2021
SPECIAL EPISODE - କରୋନା କରୋନାରେ ସାରା ବିଶ୍ୱଟା ଏବେ ଆତଙ୍କିତ । ଆମ ଭାରତର ଅବସ୍ଥା ତ ଅତି ସାଂଘାତିକ । ଏଇ ସମୟରେ ସତର୍କତା ଅବଲମ୍ବନ ଏକମାତ୍ର ପନ୍ଥା । ସାବଧାନ ହୁଅନ୍ତୁ, ପରିବାର ସହ ସୁରକ୍ଷିତ ରହନ୍ତୁ । ଧନ୍ୟବାଦ ।
3 Apr 2021
SPECIAL EPISODE - "THE SILLY MISTAKE" This is a story in English for my listeners, those who are listening stories of my book "JIBANA JUA" and also for the listeners of other states speaking different languages other than Odia.
1 Apr 2021
SPECIAL EPISODE - ଉତ୍କଳ ଦିବସ ଉପଲକ୍ଷେ ... ... ପବିତ୍ର ଉତ୍କଳ ଦିବସ ଅବସରରେ ସମସ୍ତଙ୍କୁ ମୋର ହାର୍ଦ୍ଦିକ ଶୁଭେଚ୍ଛା ।
28 Mar 2021
SPECIAL EPISODE - ପବିତ୍ର ଦୋଳ ପୂର୍ଣ୍ଣିମା ଓ ହୋଲି ଉପଲକ୍ଷେ .. ... ମୋର ପ୍ରଥମ ଗଳ୍ପ ପୁସ୍ତକ "ଜୀବନ ଜୁଆ"ର ୧୧ଟି ଯାକ ଗଳ୍ପ ଶୁଣାଇବା ପରେ, ମୁଁ ଏଇ SEASON - 1 ର ବିରତି ବିଷୟରେ ଆଗରୁ କହିଥିଲି । କିନ୍ତୁ, ମୋର ଏବଂ ମୋର ପ୍ରିୟ ଶ୍ରୋତାମାନଙ୍କ ମଧ୍ୟରେ ୟା' ଭିତରେ ଗଢ଼ିଉଠିଥିବା ସୁସମ୍ପର୍କକୁ ଆଗକୁ ନେଇଯିବାର ଚିନ୍ତା କରି, ମୁଁ ଆପଣମାନଙ୍କ ପାଇଁ ଗଳ୍ପ ବ୍ୟତୀତ ଆଉ କିଛି କରିବାକୁ ଚେଷ୍ଟା କରୁଛି । ଆଶାକରେଁ, ମୋର ଏ ପ୍ରଚେଷ୍ଟା ଆପଣମାନଙ୍କୁ ମନୋରଞନ ଯୋଗାଇବାରେ ସଫଳ ହେବ । ଧନ୍ୟବାଦ ।
22 Mar 2021
ମୋର ପ୍ରଥମ ଗଳ୍ପ ପୁସ୍ତକ "ଜୀବନ ଜୁଆ"ର ଏକାଦଶ ଗଳ୍ପ "ମୁଁ ବି ଜଣେ ମାଓବାଦୀ" । ଆମ ସମସ୍ତଙ୍କ ଜୀବନରେ ଥରେ ଥରେ ଏମିତି ଘଟଣାସବୁ ଘଟିଯାଏ, ଯାହା ଅନେକ ଦିନ ପର୍ଯ୍ୟନ୍ତ ଭୁଲି ହୁଏନାହିଁ । ମୋ' ଚାକିରି ଜୀବନର ସେମିତି ଏକ ଭୟାନକ ତଥା ଅଭୁଲା ସତ୍ୟ ଘଟଣା ଉପରେ ଆଧାରିତ ମୋର ବର୍ତ୍ତମାନର ଗଳ୍ପ "ମୁଁ ବି ଜଣେ ମାଓବାଦୀ" । ଶୁଣିଲେ ନିଶ୍ଚିତ ଭାବେ ଭଲ ଲାଗିବ ଆଶା । କେମିତି ଲାଗିଲା, ମତାମତ ଦେଇ ଜଣାଇବେ । ଧନ୍ୟବାଦ ।
16 Mar 2021
ମୋର ପ୍ରଥମ ଗଳ୍ପ ପୁସ୍ତକ "ଜୀବନ ଜୁଆ"ର ଦଶମ ଗଳ୍ପ "ଯମରାଜଙ୍କ ମର୍ତ୍ତ୍ୟଯାତ୍ରା" । ପାଖାପାଖି ପ୍ରାୟ ବର୍ଷେ ହେଲାଣି, କରୋନା ତା'ର ବିଭୀଷିକା ଜାରି ରଖିଛି । ସାରା ବିଶ୍ୱରେ କୋଡ଼ିଏ ଲକ୍ଷରୁ ବେଶି ଲୋକଙ୍କ ଜୀବନ ନେଇସାରିଲାଣି ସେ । ତାକୁ ନେଇ ସବୁଆଡ଼େ ରାଜନୀତି ବି ଚାଲିଛି । ଆମ ପରିବାରର ସମସ୍ତଙ୍କ ଜୀବନ ରକ୍ଷା ନିମନ୍ତେ, ସତର୍କତା ମୂଳକ ପଦକ୍ଷେପ ନେବା ଆମ ପାଇଁ ନିତାନ୍ତ ଜରୁରୀ । କରୋନା ସମୟରେ ଘଟିଥିବା କିଛି ଗୁରୁତ୍ୱପୂର୍ଣ୍ଣ ଘଟଣାବଳିକୁ ନେଇ ମୋର ବର୍ତ୍ତମାନର ଛୋଟ ଗଳ୍ପଟିଏ - "ଯମରାଜଙ୍କ ମର୍ତ୍ତ୍ୟଯାତ୍ରା" । ଆଶାକରେଁ, ଶୁଣିଲେ ଆପଣମାନଙ୍କୁ ଭଲ ଲାଗିବ ନିଶ୍ଚୟ । ନିଜ ମତାମତ ଜଣାଇବେ । ଧନ୍ୟବାଦ ।
11 Mar 2021
ମୋର ପ୍ରଥମ ଗଳ୍ପ ପୁସ୍ତକ "ଜୀବନ ଜୁଆ"ର ନବମ ଗଳ୍ପ "ବଫେ" (Buffet). ପରମ୍ପରା ହିଁ ଭାରତୀୟ ମାନଙ୍କର ବିଶେଷ ପରିଚୟ । କିନ୍ତୁ, ଅନୁକରଣ ପ୍ରିୟ ଆମେ ବିଦେଶୀ ଅପସଂସ୍କୃତିକୁ ଯୋଡ଼ି ସେଥିରେ ଆଧୁନିକତାର ରଙ୍ଗ ଦେବାକୁ ଚେଷ୍ଟା କରୁଁ । ଏହାର ସଦ୍ୟତମ ଉଦାହରଣ ହେଉଛି ବଫେ, ଯାହାକୁ ନେଇ ମୋର ଛୋଟ ଗଳ୍ପଟିଏ "ବଫେ" । ଆଶାକରେଁ, ଭଲ ଲାଗିବ ଆପଣମାନଙ୍କୁ । ଧନ୍ୟବାଦ ।
8 Mar 2021
ମୋର ପ୍ରଥମ ଗଳ୍ପ ପୁସ୍ତକ "ଜୀବନ ଜୁଆ"ର ଅଷ୍ଟମ ଗଳ୍ପ "ମିସେସ୍" (Mrs.) । ଇଂରାଜୀ ଭାଷା ପ୍ରତି ଦୁର୍ବଳତା କେବଳ ମୋର କାହିଁକି, ଆମ ସମସ୍ତଙ୍କର ରହିଛି । ଏମିତି କିଛି ଶବ୍ଦ ଅଛି, ଓଡ଼ିଆରେ ତାହା ଆମ ପାଇଁ ଦୁର୍ବୋଧ୍ୟ ହେଲେ ବି ତାକୁ ଇଂରାଜୀରେ କହିଲେ, ଆମେ ସମସ୍ତେ ଭଲଭାବେ ବୁଝିଯାଉଁ । ସେଇଥିପାଇଁ, କିଛି ଇଂରାଜୀ ଶବ୍ଦ ଆମ ଦୈନନ୍ଦିନ ଜୀବନରେ ବହୁଳ ଭାବରେ ଶୁଣିବାକୁ ମିଳେ । ସେମିତି ଏକ ଇଂରାଜୀ ଶବ୍ଦକୁ ନେଇ ମୋର ଏଇ ବର୍ତ୍ତମାନର ଗଳ୍ପ "ମିସେସ୍" । ଆଶା କରେଁ, ଆପଣମାନଙ୍କୁ ଭଲ ଲାଗିବ । ଧନ୍ୟବାଦ ।
3 Mar 2021
ମୋର ପ୍ରଥମ ଗଳ୍ପ ପୁସ୍ତକ "ଜୀବନ ଜୁଆ"ର ସପ୍ତମ ଗଳ୍ପ "ବୁଲା କୁକୁର" । ଗାଡ଼ମୋଟର ତଳେ ଚାପି ହୋଇ ରାସ୍ତାରେ ମରି ପଡ଼ିଥିବା ବୁଲା କୁକୁରମାନଙ୍କୁ ଦେଖିଲେ ଆପଣଙ୍କ ମନରେ ଦୟା ଆସୁଥିବ ନିଶ୍ଚିତ ଭାବେ । ଦୁର୍ଘଟଣାଗ୍ରସ୍ତ ସେମିତି ଏକ ଛୋଟ ବୁଲା କୁକୁର ଛୁଆର ମର୍ମନ୍ତୁଦ ଛବି ମୋ' ମନରେ ଗଭୀର ରେଖାପାତ କରିଥିଲା କିଛି ଦିନ ଆଗରୁ । ଶେଷରେ, ତାହା ରୂପ ନେଇଥିଲା ମୋ' ଜୀବନର ପ୍ରଥମ ଗଳ୍ପ - "ବୁଲା କୁକୁର" ଆକାରରେ । ଘଟଣାଟିକୁ କାଳ୍ପନିକତାର ରଙ୍ଗରେ ସଜେଇବାକୁ ଚେଷ୍ଟା କରିଛି ମୁଁ । ଆଶାକରେଁ, ଗଳ୍ପଟିକୁ ଶୁଣିଲେ ଭଲ ଲାଗିବ ଆପଣଙ୍କୁ । ଧନ୍ୟବାଦ ।
24 Feb 2021
ମୋର ପ୍ରଥମ ଗଳ୍ପ ପୁସ୍ତକ "ଜୀବନ ଜୁଆ"ର ଷଷ୍ଠ ଗଳ୍ପ "ବିରୋଧ" । ଆମ ସମସ୍ତଙ୍କ ଜୀବନରେ ପ୍ରତି ମୁହୂର୍ତ୍ତରେ କିଛି ନା କିଛି ଛୋଟ ବଡ଼ ଘଟଣା ଘଟେ, ଯେଉଁଟା ଅନୁଭୂତି ଭାବରେ ମନରେ ସାଇତା ହୋଇ ରହିଯାଏ । ସେମିତି ଏକ ଅତି ସାଧାରଣ ଅନୁଭୂତିକୁ ନେଇ ମୋର ଏଇ ଛୋଟ ଗଳ୍ପ "ବିରୋଧ" । କରୋନା ସମୟରେ ଗଳ୍ପଟି ରଚିତ ହୋଇଥିବାରୁ, ଏହାକୁ ମୁଁ କରୋନା ସହ ଯୋଡ଼ିବାକୁ ଚେଷ୍ଟା କରିଛି । ଗଳ୍ପଟି କେମିତି ଲାଗିଲା, ଆପଣଙ୍କ ସୁଚିନ୍ତିତ ମତାମତ voice message ମାଧ୍ୟମରେ ଜଣାଇଲେ ମୁଁ ଅନେକ ଖୁସି ହେବି ।
19 Feb 2021
ମୋର ପ୍ରଥମ ଗଳ୍ପ ପୁସ୍ତକ "ଜୀବନ ଜୁଆ"ର ୫ମ ଗଳ୍ପ "ନାୟକବାବୁଙ୍କ ମାରୁତି କାର୍"। ମୋ' ଜୀବନର ସାଧାରଣ ଅନୁଭୂତି ଗୁଡ଼ିକ ଆଧାରରେ ମୋର ଏ ଗଳ୍ପ "ନାୟକବାବୁଙ୍କ ମାରୁତି କାର୍" । ଗଳ୍ପଟି କାଳ୍ପନିକ ହେଲେ ବି, ଏଥିରେ ବର୍ଣ୍ଣିତ ଚରିତ୍ର ମାନଙ୍କୁ ମୁଁ ମୋର ପୁରୁଣା ଦିନର ଅନ୍ତରଙ୍ଗ ବନ୍ଧୁ ମାନଙ୍କ ନାମରେ ନାମିତ କରିଛି । ବିଶେଷ କରି, ଗଳ୍ପର ନାୟକ ଚରିତ୍ରରେ ମୋର ଅତି ଘନିଷ୍ଟ ବନ୍ଧୁ ନାୟକବାବୁ । ଦୁଃଖର ବିଷୟ, ମୋର ଗଳ୍ପ ପୁସ୍ତକ "ଜୀବନ ଜୁଆ" ପ୍ରକାଶିତ ହେବା ପୂର୍ବରୁ ଗଳ୍ପର ପ୍ରମୁଖ ନାରୀ ଚରିତ୍ରରେ ଥିବା ନାୟକବାବୁଙ୍କ ଧର୍ମପତ୍ନୀ ରତିଲତାଙ୍କ ଦେହାନ୍ତ ହେଲା । ଏଥିରେ ମୁଁ ଅତ୍ଯନ୍ତ ମର୍ମାହତ ହେଲି । ତାଙ୍କ ଅମର ଆତ୍ମାର ସଦ୍ଗତି କାମନା କରୁଛି । ମୋର ଏ ଗଳ୍ପଟିକୁ ମୁଁ ରତିଲତାଙ୍କ ଉଦ୍ଦେଶ୍ୟରେ ଉତ୍ସର୍ଗ କଲି । ଧନ୍ୟବାଦ ।
11 Feb 2021
ମୋର ପ୍ରଥମ ଗଳ୍ପ ପୁସ୍ତକ "ଜୀବନ ଜୁଆ" ର ଚତୁର୍ଥ ଗଳ୍ପ "ଅପ୍ରତ୍ୟାଶିତ ଅବ୍ୟବସ୍ଥା" । "ଅପ୍ରତ୍ୟାଶିତ ଅବ୍ୟବସ୍ଥା" ଗଳ୍ପଟି ସମ୍ପୂର୍ଣ୍ଣ କାଳ୍ପନିକ । ୨୦୨୦ ମସିହାରେ କରୋନା ମହାମାରୀ ସମୟରେ ଚିକିତ୍ସା କ୍ଷେତ୍ରରେ ଅନେକ ଅବ୍ୟବସ୍ଥା ପରିଲକ୍ଷିତ ହେଉଥିଲା । ସେମିତି ଏକ କାଳ୍ପନିକ ଘଟଣା କ୍ରମକୁ କାହାଣୀର ରୂପ ଦେବାକୁ ଚେଷ୍ଟା କରିଛି ମୁଁ ମୋର ଏହି ଗଳ୍ପ ମାଧ୍ୟମରେ, ଯେଉଁଥିରେ କରୁଣ ରସ ସହ ଅଳ୍ପ ପରିମାଣର suspense and twist ର ପ୍ରୟୋଗ କରିଛି । ଆଶା କରେଁ ମୋର ଏଇ ଛୋଟ ଗଳ୍ପଟିକୁ ଶୁଣିବେ ଏବଂ ଗଳ୍ପଟି କେମିତି ଲାଗିଲା ସେ ବିଷୟରେ ଆପଣଙ୍କ ମତାମତ voice message ଜରିଆରେ ଦେଲେ ମୁଁ ବହୁତ ଖୁସି ହେବି । ଧନ୍ଯବାଦ ।
9 Feb 2021
ମୋର ପ୍ରଥମ ଗଳ୍ପ ପୁସ୍ତକ "ଜୀବନ ଜୁଆ"ର ୩ୟ ଗଳ୍ପ "ପ୍ରଥମ ଗଳ୍ପର ଅଭିଜ୍ଞତା" । "ପ୍ରଥମ ଗଳ୍ପର ଅଭିଜ୍ଞତା" ଏକ କାଳ୍ପନିକ ଗଳ୍ପ । ଚଳଚ୍ଚିତ୍ର ବା ନାଟକ ଭଳି ଏ ଗଳ୍ପଟିରେ ବି ମୁଁ ଏକ court scene କୁ ପରୀକ୍ଷାମୂଳକ ଭାବେ ସଂକ୍ଷେପରେ ବର୍ଣ୍ଣନା କରିଛି । ଆଶା କରେଁ, ଆପଣଙ୍କୁ ଭଲ ଲାଗିବ । ଗଳ୍ପଟିକୁ ତିନିଟି segment ରେ ଶୁଣାଇବି । ଧୈର୍ଯ୍ୟର ସହ ଶୁଣିବାକୁ ଅନୁରୋଧ କଲି । ହଁ, ପଢ଼ି ସାରିଲା ପରେ ଉପରେ ଥିବା message button ରେ ଯାଇ ମତାମତ ମାଧ୍ୟମରେ ଗଳ୍ପଟି କେମିତି ଲାଗିଲା ଜଣାଇଲେ, ମୁଁ ଉତ୍ସାହିତ ହେବି । ଧନ୍ୟବାଦ ।
2 Feb 2021
ମୋର ପ୍ରଥମ ଗଳ୍ପ ପୁସ୍ତକ "ଜୀବନ ଜୁଆ"ର ଦ୍ୱିତୀୟ ଗଳ୍ପ "ରସଗୋଲା" "ରସଗୋଲା" ଏକ ବ୍ୟଙ୍ଗ ତଥା ହାସ୍ୟ ରସାତ୍ମକ କାଳ୍ପନିକ ଗଳ୍ପ । ଗଳ୍ପଟିକୁ ଦୁଇଟି segment ରେ ଶୁଣାଇବି । ଧୈର୍ଯ୍ୟର ସହ ଶୁଣିବାକୁ ଅନୁରୋଧ ରହିଲା । ଧନ୍ୟବାଦ ।
23 Jan 2021
ମୋର ପ୍ରଥମ ଗଳ୍ପ ପୁସ୍ତକ "ଜୀବନ ଜୁଆ"ର ପ୍ରଥମ ଗଳ୍ପ "ଜୀବନ ଜୁଆ". "ଜୀବନ ଜୁଆ" ଗଳ୍ପଟି ସମ୍ପୂର୍ଣ୍ଣ କାଳ୍ପନିକ । ଗଳ୍ପଟି ଟିକିଏ ଲମ୍ବା ହୋଇଥିବାରୁ, ମୁଁ ଏହାକୁ ଚାରିଟି segment ରେ ଶୁଣାଇବାକୁ ଚେଷ୍ଟା କରିଛି । ଆଶାକରେଁ, ଗଳ୍ପଟିକୁ ଧୈର୍ଯ୍ୟର ସହ ଣୁଣିବେ । ଧନ୍ୟବାଦ ।
16 Jan 2021
ଅନ୍ତର୍ଦୃଷ୍ଟି (ଗଳ୍ପ ସଂକଳନ) "ଅନ୍ତର୍ଦୃଷ୍ଟି" ମୋ ଗାଳ୍ପିକ ଜୀବନର ଦ୍ଵିତୀୟ ଗଳ୍ପ ସଂକଳନ। ବିଭିନ୍ନ ସ୍ୱାଦର କାଳ୍ପନିକ ବିଷୟବସ୍ତୁକୁ ଆଧାର କରି ରଚିତ ଏଗାରଟି ଗଳ୍ପ ଶ୍ରୋତାଙ୍କ ମନୋରଞ୍ଜନ କରିବାରେ ସକ୍ଷମ ହେବ - ଏହା ମୋର ଦୃଢ଼ ବିଶ୍ୱାସ। ଗଳ୍ପ ଶୁଣି ମେସେଜ୍ ମାଧ୍ୟମରେ ମତାମତ ଦେଲେ ମୁଁ ଖୁସି ହେବି। ଧନ୍ୟବାଦ।
Host of ଅନ୍ତର୍ଦୃଷ୍ଟି (ANTARDRUSHTI)? Claim your podcast to manage its listing and keep your show details accurate.
Claim this podcast Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice .
