About Blabla Ganoush - din Podcast zum nachhaltig Apéröle
Schnapp der es Apéro Getränk nach dim Gusto. Öb Bierli, Limo oder Vino, isch alles völlig legitimo. Hauptsach dini Apérolust wird gweckt. Und ja richtig - du hesch Apéro ghört. Wenn din Tatedrang nanig gstillt isch, denn schnür der no d Chochschürz um. Mir werded i jedere Folg mit spannende Gäst nachhaltigi Apéro Häppli zuebereite wo du bim Lose chasch mitchoche. D Rezept dezue finsch uf https://www.instagram.com/leonlechef/?hl=en und falls du s Rezept für 5 Franke gern als Postcharte möchtisch ha, schrib mer doch es Mail uf leonie.neukomm@hotmail.com. Dur d Expertise vo mine Gäst versuechemer usezfinde, ob nachhaltig Apéröle überhaupt möglich isch, wänn Süesherdöpfel ”too ugly” fürs Supermarktregal sind, warum Riis s Fleisch vo de Veganer isch und wo de Rüeblilachs schwümmt, bevorer ufem Zmorgebrötli landed.
Alli Rezept und wiiteri Informatione findsch uf mim Instagram Account unter leonlechef.
Gin gin!
Häsch gwüsst, dass d’Haselnuss es klimafründlichste Lebensmittel isch wos git?
Worum das so isch, erfahrsch du i de dritte Folg vo Blabla Ganoush. Zu Gast dörf ich de Umweltjournalist Mathias Plüss i meinere Chuchi empfange. Mit sine Text bildet er eini vo mine Haupt Inspirationsquellen für dä Podcast. I sim Umwelt-Lexikon “weniger ist weniger” erklärt er ahand vo churze, verständliche und humorvolle Text, wele Impact üsi alltägliche Handlige ufs Klima hend.
Während de Mathias mir bi de Zuebereitig vom Soja Labaneh mit Haselnusskrokant - em passende Apéro-Rezept zu dere Folg - hilft, thematisiered mir verschiedeni Klima-Facts, wo ich us sim Buch glernt han. De Mathias verrotet mir aber au wases mit sim Respekt vor Schlange uf sich het, uf wele “guilty pleasure” er nid verzichte chan und überrascht au mich mit unerwartete Froge.
Chum es dritts und letschts Mal mit uf e gustatorischi Reis in Orient und los em Mathias und mir beim Labaneh Gelaber zue.
Viel Spass und l’chaim!
Es passende Rezept zu de hütige Folg finsch do. Und falls du s Rezept für 5 Franke gern als Postcharte möchtisch ha, schrib mer doch es Mail uf leonie.neukomm@hotmail.com mit em Betreff “Rezeptpostkarte Blablaganoush”. Lah mich wüsse obd e einzelni Postcharte oder s Abo möchtisch ha. Bim Abo schick ich dir jedes Mal, wenn e neui Podcast-Folg usechunt, es passende Rezept als Postkarte zue - du hesch denn nid nur es neus Rezept dihei, sondern unterstützisch somit au mis Projekt
28 Jan 2022
# 2 Challah Talk mit Caroline
I de zweite Folg vo Blabla Ganoush heizemer ih - und zwar de Bachofe. Mir lönd es Lauge Challah heiss und chnusprig im ofe drin ufgoh. S passende Rezept zu dere Folg findsch do.
I dere Podcast Folg erfahrsch, wie Challah richtig usgsproche wird, weli Bedütig das Zopfbrot i de jüdische Kultur ihnimmt und was bi de koschere Ernährig z beachte isch. Sprachlichi und kulturelli Nachhilf chumi für das vo de Caroline über. Ihri Familiä hat 1968 es beliebteste Kafi vo de Stadt Schaffhuse gründet. Als gebürtigi Schaffhuserin han au ich scho zahlrichi Stunde im lebendige Cafe Vordergässli verbrocht. Das Kafi isch es absoluts Bijou und brilliert scho sit über 30 Johr mit ere rein vegetarische Spischarte. Dank em jüdische Ischlag i de Chuchi, bin ich au i dem Kafi uf de Gschmack vo Hummus Pita cho, no bevor Hummus d Chüehlregal vo Coop und Migi überschwemmt het. Ich nime eu also sozäge mit id Geburtsstätte vo minere Liebi zude orientalische Chuchi und hoffe, das ich sie au eu gluschtig mache. Ah jo und natürlich düemer zeme es ultra chnusprigs Challah zubereite - mitere recht lustige Flecht-Beschriebig, woni eu sicher chli demit usefordere. Ich wür döt wärmstens empfehle, di illustriert Beschriebig uf Instagram azluege!
Viel Spass bim lose, zöpfle, bache und l’chaim.
30 Jul 2021
#1 Blabla Ganoushen mit Cathrin Michael
D Reis entführt üs gustatorisch i di orientalischi Chuchi - mir gönd i dere Podcast Folg zeme em “Signature Dish” vo dem Podcast uf de Grund: em Baba Ganoush.
Für das nimi eu mit is Büro “släsch” Atelier vo de Cathrin Michael. Sie arbeitet als selbstständigi Texterin und beglückt grösseri und chlineri Unternehme im Bereich Food mit ihrne molerische Wort.
I däre Folg erfahrsch wer und was überhaupt hinter Blabla Ganoush steckt. Usserdem verzellt d Cathrin uf was sie bi ihrer Ernährig bsunders achtet, was eusi secret weapons ide Chuchi sind und warum Chips en suboptimale Podcast Snack sind. Ah jo, und mer zaubered zeme es Baba Ganoush wome am liebste drin würd bade. S Rezept dezue finsch do!
Viel spass und l’chaim!
25 Jul 2021
#0 BLA BLA WAS?
Bla Bla Was? Bla Bla Ganoush!
So heisst min neue Podcast rund ums Thema nachhaltig Apéröle. Jetzt heissts Chopfhörer ufsetze, Bierli chaltstelle und mir bim Labere zuelose!
Gin Gin und viel Spass!
Host of Blabla Ganoush - din Podcast zum nachhaltig Apéröle?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
