Hadia Tajik snakker med ulike mennesker om hvorfor de er sosialdemokrater. Korte, personlige og politiske historier om hvordan hverdagen vår former det politiske ståstedet vårt.
Torbjørn Vereide (31) er fyrstekandidat for Arbeiderpartiet i Sogn og Fjordane i stortingsvalet i haust.
Han er ein sjølverklært evig optimist og har alltid sett lyst på framtida. Men han meiner det er skummelt å berre rekne med at ting ordner seg på slump. «Me må jobbe for å bevare dei sterke fellesskapa vi har i Norge», seier han, «fordi ved å løfte kvarandre får me til noko større saman.»
20 May 2020
#12: Jone Edland
Det som gjorde at Jone Edland var sikker på at han høyrde heime i Arbeiderpartiet var erfaringa med fagrørsla og trepartssamarbeidet, hjå den tradisjonsrike plogfabrikken Kverneland i Rogaland. 45-åringen arbeider som teamleiar for vedlikehald og verktøyskonstruksjon og har erfart i kvardagen kva rørsla har å seie for gutta på golvet. Høyr meir om kvifor Jone er sosialdemokrat her.
(Merk at episoden er spelt inn før koronapandemien braut ut.)
10 May 2020
#11: Arne Pedersen
Arne Pedersen er ein sterk røst frå Vestre Jakobselv. Mange kjenner han som leiar i Kystfiskarlaget, ein organisasjon som representerer 700 medlemmar langs heile kysten. Høyr korleis han meiner organisasjonsliv og fiskekvotar kan skildre kampane sosialdemokratiet står overfor i dag. Merk at opptaket med Arne var gjort før koronapandemien braut ut.
1 May 2020
#10: Zaineb Al-Samarai
Zaineb Al-Samarai er fyrste vara til Stortinget frå Oslo Arbeiderparti, og leiar for Oslo Arbeidersamfunn - det største arbeiderpartilaget me har! 32-åringen har arbeidserfaring frå ferskvaredisken hjå Meny, som avisbud, advokatfullmektig og rådgjevar. I mange år spelte ho fotball på høgt nivå - og no er ho styremedlem i Norges Idrettsforbund. Denne spesialutgåva av «Derfor er jeg sosialdemokrat» er eit liveopptak frå vår 1. mai-prat.
28 Apr 2020
#9: Elin Dahlseng Eide
Elin Dahlseng Eide er den fyrste som tok høgare utdanning i familien til far sin. I dag bur ho i Rana, og er PPT-rådgjevar hjå Polarsirkelen vidaregåande og gruppeleiar i Rana Arbeidarparti.
Då ho som 13-åring ville melde seg inn i AUF måtte ho gjennom eit kryssforhør med foreldra sine om kvifor ho meinte ho var sosialdemokrat. Høyr Elin fortelje om kva sosialdemokratar bør gjere meir av framover, i denne episoden av «Derfor er jeg sosialdemokrat».
13 Apr 2020
#8: Øystein Grønning
Øystein Grønning (70) bur på Bjølsen i Oslo. Han er arkitekt. «Min private velstand er avhengig av offentleg velstand» seier han til meg. Han er nok den einaste eg har møtt som ville sagt nei til å verte millionær sjølv. Grønning har erfaring som tidlegare rådgjevar for palestinerane sitt planleggingsministerium etter Oslo-avtalen, han har vore rådgjevar for PLOs Negotiations Support Unit, betalt av British Council, og har leia eit stort byfornyingsprosjekt i Muscat, Oman. Ved sida av å undervise ved NTNU og KhiO, har han hatt fleire verv i fagrørsla. Dagen etter 22. juli melde han seg inn i Arbeiderpartiet. Her kan du verte betre kjent med kvifor Grønning er sosialdemokrat.
5 Feb 2020
#7: Roy Inge Nilsen
Roy Inge Nilsen har jobba hjå tradisjonsrike Rosenberg Verft, i dag WorleyParsons, i Stavanger sia 1985. På nært hald har han sett kva tillitsmannsapparatet har å seie for vanlege arbeidsfolk når det har vore tøffe tider på verfta. Dei siste 12 åra har han vore klubbleiar for hundrevis av medlem hjå Rosenberg. I fjor gav han seg i vervet. Han meiner at politikarar bør kommunisere mykje meir direkte med folk. «Politikara gløymer at dei er vald av folket og skal vere for folket», seier han. Høyr Roy Inge sine erfaringar og krav til sosialdemokratiet her.
24 Jan 2020
#6: Amal Abdinur
Berre 10 år gammal vart Amal Abdinur (25) sosialdemokrat! Grunnen? Skatt! Høyr historia til den taleføre geografistudenten, oslojenta, ny-trøndaren og tidlegare restaurantsjefen, Amal. Ho snakkar så godt om kva fellesskap er, kva skatt betyr og kvifor me treng kvarandre.
16 Jan 2020
#5: Sandra Åberg Kristiansen
Sandra Åberg Kristiansen (23) er ei som bryt ny veg for andre: Ho vart den fyrste kvinnelege klubbleiaren i Elektroarbeidernes fagforening i Trøndelag, i tillegg til ved elektromontørbedrifta Vintervoll – ei av dei største i Midt-Norge. Ho opplevde møtet med arbeidslivet som «brutalt». No vil ho representere kolleger og andre arbeidsfolk gjennom politisk arbeid i bystyret i Trondheim. «Me må snakke så folk forstår, og me må forstå folk betre», seier ho. Høyr Sandra si historie og utfordringar til sosialdemokratar i dag i ei ny episode i podcasten.
18 Dec 2019
#4: Richard Storevik
Du kjenner kanskje Richard Storevik som ein hardslåande fagforeningsmann frå Fellesforbundet og klubbleiar ved Leirvik verft. Han har meldt seg ut av Ap og han har meldt seg inn igjen. Men visste du at det var #thuglife som gjorde han til sosialdemokrat? Thug life er å ha alle odds mot seg og likevel lande på beina. Høyr kva Richard fortel om livet sitt, og kva råd han har til sosialdemokratar i dag.
27 Aug 2019
#3: Tilde Broch Østborg
Overlege Tilde Broch Østborg vet hvordan vårt offentlige helsetilbud settes på prøve av kommersielle helsegiganter. Hun snakker med Hadia om dette, og mye mer.
19 Jun 2019
#2: Jonas Bals
Høyr Jonas Bals fortelje korleis me kan sørge for at revitaliseringa av sosialdemokratiet skjer på innsida, og ikkje frå utsida av partiet.
Bals er malar og historikar, og nestemann ut i serien «Derfor er jeg sosialdemokrat». Dette er ein serie med korte podcastar, der du vert kjent med personlege og politiske historiar frå den breie arbeiderrørsla.
3 Jun 2019
#1: Tonje Randisdatter Tunstad
Tonje Randisdatter Tunstad vet hva det vil si å gå på en smell, og så reise seg opp igjen. Her kan du høre henne fortelle om hva «fellesskap» betyr i praksis.
Host of Derfor er jeg sosialdemokrat?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
