La "Emisión Sefarad" es un programa kultural de radio, en lingua sefardí o djudeo-espanyol.
Sefarad es uno de los nomvres de Espanya, i el sefardí es una lingua de baza medieval a la ke se adjuntan palavras de los dialektos i linguas de las sivdades onde los sefaradim moravan.
Matilda i Rajel Barnatán, madre i ija, aparejan i prezentan las emisiones i sus kontenido por entero:entrevistas, presonajes, folklor i múzika de ancha
diversidad, aktividades, tradisiones, literaturas i una lingüístika atada a la kultura ke tyene sus raízes en Espanya.
Ansí "Emisión Sefarad" guadra el trezoro poétiko de los S X al XII en uno de los grandes patrimonios kulturales entregados a la umanidad.
Ansiemzmo la kreasión kontemporánea arrebive en muestros días i atira el intereso de oyentes de diversos lugares i paízes.
Viviana Barnatan (colaborador externo)
Emisión en sefardí - "Poetas Ispanoevreos: La pluma de Shlomo Ibn Gabirol" - 08/11/2026
Kompartimos un programa kon investigasiones sovre uno de los grandes poetas ispanoevreos yamado Shlomo Ibn Gabirol, indemás ofresemos a los oyentes konsejos para la vida espiritual, komo ese legado sefardí para la vida de kada'l día, temas de interezo en el desvelopamiento en verso la pas interior, tan menesteroza oy día. El Poeta: Shlomo Ibn Gabirol es uno de los más bryantes presonajes de Sefarad, nasido en Málaga asia 1022, de famyia de Córdoba (Sefarad) es uno de los más importantes kreadores ispanoevreos.Se konservan en serka de 300 poemas sekulares indemás de munchos más de rolo litúrjiko. Destaka su ovra metafísika "La Fuente de la vida" ke kontó kon ancho prestijio entre djudiós i kristianos. En el rolo de la Poesía Sinagogal fue uno de los grandes kreadores de la Eskola Sefardí, enrikesiéndola kon muevas temátikas i se kreye ke es el primero en eskrivir Moaxajas litúrjikas. Te damos toda la informasión sovre Ibn Gabirol en este programa.En Patrimonio Muzikal sentimos los kantes "Buena semana " en la versión de Esther Ackermann i "Bre Sarica Bre" un kante de Tuquía ke interpretan Voices of Sepharad. Kurunamos el programa kon el romanse tradisional de "Las tres ermanikas eran" en la versión del Grupo A Ballare."La Eskola Poétika Sefardí i sus grandes presonajes en Emisión Sefarad".
1 Nov 2026
Emisión sefardí - Las Biblias romanseadas i sus traduisiones - 1/11/26
Kompartimos destakadas investigasiones de Matilda Gini Barnatán sovre estas primeras traduisiones de las Biblias romanseadas. El sentimiento del Puevlo Evreo yamado El Puevlo del Livro por su literatura sagrada se reflektó en las primas traduisiones al ladino de la Biblia, komo meldamos en la mezma por odren del Dió "No se kitará de tu boka la palavra de la Ley ni de día ni de noche". En este programa kompartimos investigasiones istórikas sovre literaturas i te kontamos las diferentes tiempos de traduisiones de la Biblia de Ferrara i unotros tekstos Bíblikos. La rikeza de los djéneros de Livros Sagrados i las Koleksiones impresas. Indemás informasiones sovre traduisiones ke fueron fraguadas por estudiosos, ofresemos el enshemplo de la traduisióndel "Tratado de Pirke Avot", "Tratado de Nuestros Padres" Livro de étika djudía, vinien de la Koleksión del sefardí Albert Adatto, (Seattle) livrito editado en Viena en 1897. Meldado (lektura) en Ladino. I si keres saver kuala fue la primera traduisión de la Torá (Viejo Testamento) i ken la izo siente este interesante programa istóriko. Los kantes ke akompanyan este programa son el kante kontemporáneo sefardí "La Novia" autoría i interpretasión Viviana Rajel Barnatán i el kante de bodas sefardí tradisional de Grecia i de Turquía "Skalerika de oro" en la versión de Marlène Samoun. Kurunamos el programa kon el romanse "Diego León" en la versión de la kantadera Fortuna."En Emisión Sefarad las investigasiones sovre la Biblia del Puevlo del Livro"
25 Oct 2026
Emisión en sefardí - Exposición Max Aub: El laberinto del Siglo XX - 25/10/26
Ekspozisión en Centro Sefarad-Israel sovre Max Aub, desde el 26 de Octubre, sovre este destakado eskritor de la literatura espanyola.Selevramos kon los oyentes el kumpleanyos de Matilda Gini Barnatán, kreadora de muestro programa Emisión Sefarad, ke oy, 25 de octubre de 2026 selevra su 91 kumpleanyos. "Max Aub: El laberinto del Siglo XX", ofresemos informasión sovre esta mueva ekspozisión ke se puede vishitar desde el 26 de Octubre al 26 de Mayo de 2027 en Centro Sefarad-Israel, patrocinada por la Secretaría de Estado de Memoria Democrática i kon kolavorasión de la Fundación Max Aub. Max Aub es uno de los eskritores más importantes de la literatura espanyola del Siglo XX. Ofresemos a los oyentes un detayado rekorido por la vida i ovra de Max Aub: Nasió en París el 2 de Junio de 1903 en el seno de una famyia de orijín djudió. En 1914 al empesijo de la Primera Guerra Mundial injunto a su famyia se tresladan a España morando en Valencia. En 1937 se inaugura el Pabellón de la República Española de la Exposición Internacional para la kual Max Aub enkargó el "Guernica" a Picasso. El Ministerio de Instrucción Pública y Bellas Artes le nomvra Secretario del Consejo Central de Teatro. Fue enviado a distintos kampos de konsentrasión komo los de Vernet i Djelfa. Entre sus ovras topamos: "Juego de cartas", las "Guerrillas del Teatro", "Campo francés", "Historia de mala muerte", "Campos de los almendros", "Signos de ortografía" y un Volumen de Teatro completo. Francia le otorga la Kondekorasión de "Comendador de la Orden de las Artes y las Letras". Max Aub muere el 22 de Julio de 1972 en la sivdad de Méjico. Kurunamos el programa dedikando a Matilda el kante tradisional "Tus ojikos djoya mía" en la versión de Isaac Levy."Emisión Sefarad eskrive la memoria de los grandes autores"
Host of Emisión en sefardí?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
