بحب المشي في الجناين، الملمس الرطب في الكعب والأصابع، الريحة العطرة اللي بتدخل في الجسم طاقة مختلفة، مكنتش محظوظة كفاية أن يبقى عندي جنينة لحد دلوقتي، بس بحاول في أي مساحة متاحة أضيف حاجة من الطبيعة.. على حرف الشباك، في ركنة مشمسة أو في البلكونة، ومع الاضطرار للجلوس بالبيت في ظل «كورونا»، المساحات الصغيرة دي كانت ملاذي أنا وأسرتي.
من هنا اتولدت فكرة سلسلة «حكاوي جنايني هاوي»..
سلسلة «حكاوي جنايني هاوي» هي بودكاست من إنتاج «مدى مصر»، كل حلقة بتقدم قصة شخص مش خبير، بس عنده شغف حقيقي ناحية الزرع، وبيشاركنا تجربته الخاصة، وفي كل مرة بنتعرف برضو على نصايح تساعدنا إحنا كمان نزرع
كل حلقة بتقدم قصة شخص مش خبير، بس عنده شغف حقيقي ناحية الزرع، وبيشاركنا تجربته الخاصة، فيه اللي بيتكلم عن الزراعة والمطبخ، وفيه اللي بتتكلم عن علاقة الموسيقى بالنباتات، وفي كل مرة بنتعرف برضو على نصايح تساعدنا إحنا كمان نزرع.
معانا النهاردة إبراهيم جارسيا، معماري مصري/كوبي/أمريكي مقيم بالقاهرة، إبراهيم مهتم بالطبيعة والنباتات من صغره واشتغل لفترة في ملجأ لحماية الحيوانات المهددة في أرجنتينا. لما درس عمارة اتخصص في مجالات العمارة البيئية والحضرية، حلمه أنه يأسس مزرعة بتتبع فلسفة الزراعة الدائمة (permaculture) وإلى أن يحقق حلمه بيحاول يطبق المبادئ دي على النباتات اللي بيزرعها في البيت وفي شغله.
«حكاوي جنايني هاوي» بودكاست من إنتاج «مدى مصر»
فكرة وإعداد وحوار ومونتاج: مي الوكيل
مكساج صوت: سمير نبيل - ستوديو بدروم
موسيقى: شادي الجرف
27 Jul 2020
حكاوي جنايني هاوي: أنا شجرة
كل حلقة بتقدم قصة شخص مش خبير، بس عنده شغف حقيقي ناحية الزرع، وبيشاركنا تجربته الخاصة، فيه اللي بيتكلم عن الزراعة والمطبخ، وفيه اللي بتتكلم عن علاقة الموسيقى بالنباتات، وفي كل مرة بنتعرف برضو على نصايح تساعدنا إحنا كمان نزرع.
معانا النهاردة شدوى علي، فنانة من الإسكندرية، بيتشارك في سطح بيت أهلها أكتر من ١٠٠ زرعة بالإضافة لقطط العيلة وحمام أخوها. شدوى طورت مجموعة الزرع الموجودة وأضافت أنواع جديدة، خصوصا من الصبار اللي كانت بتسافر كل سنة القاهرة مخصوص علشان تجيب أنواع جديدة منه من معرض الزهور، ومن ساعتها وهي بتشتل وبتكبر المكان.
«حكاوي جنايني هاوي» بودكاست من إنتاج «مدى مصر»
فكرة وإعداد وحوار ومونتاج: مي الوكيل
مكساج صوت: سمير نبيل - ستوديو بدروم
موسيقى: شادي الجرف
13 Jul 2020
حكاوي جنايني هاوي: الكوخ الأخضر
كل حلقة بتقدم قصة شخص مش خبير، بس عنده شغف حقيقي ناحية الزرع، وبيشاركنا تجربته الخاصة، فيه اللي بيتكلم عن الزراعة والمطبخ، وفيه اللي بتتكلم عن علاقة الموسيقى بالنباتات، وفي كل مرة بنتعرف برضو على نصايح تساعدنا إحنا كمان نزرع.
معانا النهاردة لولي سيف، مخرجة ومونتيرة، أهلها في السبعينات فتحوا واحد من أوائل محلات زرع الزينة في الإسكندرية، لولي بتشاركنا ذكرياتها والحاجات اللي أتعلمتها من والدتها، وبتحكيلنا كمان إزاي علاقتها بالزرع تطورت من علاقة من نوع الحب والكراهية إلى علاقة وطيدة تكاد تكون قايمة على التخاطر.
«حكاوي جنايني هاوي» بودكاست من إنتاج «مدى مصر»
فكرة وإعداد وحوار ومونتاج: مي الوكيل
مكساج صوت: سمير نبيل - ستوديو بدروم
موسيقى: شادي الجرف
15 Jun 2020
حكاوي جنايني هاوي: المطبخ بيأكّل بعضه
كل حلقة بتقدم قصة شخص مش خبير، بس عنده شغف حقيقي ناحية الزرع، وبيشاركنا تجربته الخاصة، فيه اللي بيتكلم عن الزراعة والمطبخ، وفيه اللي بتتكلم عن علاقة الموسيقى بالنباتات، وفي كل مرة بنتعرف برضو على نصايح تساعدنا إحنا كمان نزرع.
معانا النهاردة مسعود وليد، مسعود اتخصص في الجامعة في دراسة الأحياء والكيمياء واشتغل في البترول والاتصالات قبل ما يقرر إنه يسيب كل ده علشان يعمل الحاجة اللي هو بيحبها بجد، وفعلاً قدر من خمس سنين إنه يفتح مطعمه الخاص.
«حكاوي جنايني هاوي» بودكاست من إنتاج «مدى مصر»
فكرة وإعداد وحوار ومونتاج: مي الوكيل
مكساج صوت: سمير نبيل - ستوديو بدروم
موسيقى: شادي الجرف
7 Jun 2020
حكاوي جنايني هاوي: خفت أكل البرتقال
كل حلقة بتقدم قصة شخص مش خبير، بس عنده شغف حقيقي ناحية الزرع، وبيشاركنا تجربته الخاصة، فيه اللي بيتكلم عن الزراعة والمطبخ، وفيه اللي بتتكلم عن علاقة الموسيقى بالنباتات، وفي كل مرة بنتعرف برضو على نصايح تساعدنا إحنا كمان نزرع.
في أول حلقة «خفت أكل البرتقال» بندردش مع محمد عبدالكريم، فنان، نقل من المنيا للقاهرة في الألفينات علشان يكمل دراسته في كلية تربية فنية، بس هو مبتداش يزرع لحد ما راح سويسرا، ودلوقتي بلكونته المطلة على ميدان عبدالمنعم رياض أقرب لجنينة، فيها شجر وورد وزرع من مصر واليابان والهند.
«حكاوي جنايني هاوي» هو بودكاست من إنتاج «مدى مصر»
فكرة وإعداد وحوار ومونتاج: مي الوكيل
مكساج صوت: سمير نبيل - ستوديو بدروم
موسيقى: شادي الجرف
Host of حكاوي جنايني هاوي?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
