Nukta the Podcast

About Nukta the Podcast

Nukta Habari inakusogeza na mambo mtambuka yanayokuhusu ikiwemo burudani, mtindo maisha, safari, teknolojia na biashara.

Publisher

Nukta Habari

Category

news

Language

sw

Explicit

No

First episode

18 Jun 2021

Latest episode

3 Nov 2026

Latest episodes

91 episodes in the feed.

1. 

   3 Nov 2026

   VITA YA KUZUIA KIFO | Mabadiliko ya tabianchi yanavyotishia kutoweka jamii za asili Tanzania

   Miaka 30 iliyopita ilikuwa ni rahisi kwa jamii za Wahadzabe kupata maji karibu na maeneo walipokuwa wakiishi. Licha ya kuishi milimani, wakati huo kulikuwa na chemchemi na vijito vinavyotiririsha maji hadi nyakati za kiangazi.Iliwachukua muda mfupi tu kupata maji, matunda na wanyama pori kwa ajili ya chakula.Sasa hali imebadilika. Maeneo wanayoishi hususan katika bonde la Ziwa Eyasi yamekuwa yakikabiliwa na vipindi vya ukame na mvua zisizotabirika mara kwa mara na sehemu kubwa ya vyanzo vya maji vimekauka. Chemchem, vijito na baadhi ya mito ya karibu iliyokuwa ikitiririsha maji imekauka kutokana na mabadiliko ya tabianchi, ambayo sehemu kubwa yamechochewa na shughuli za kibinadamu.

2. 

   31 Oct 2026

   Ifahamu Halloween, sherehe za kale zilizohusishwa na ulimwengu wa wafu

   Kila ifikapo Oktoba 31, watu katika maeneo mbalimbali duniani, hususan Marekani huonekana wakiwa katika mavazi na vipodozi vya kutisha wakiadhimisha sherehe maarufu zinazojulikana kama Halloween. Lakini ushawahi kujiuliza, sherehe hii ilianzia wapi, maana yake nini na kwa nini mavazi ya kutisha yamekuwa sehemu muhimu ya maadhimisho yake? Kwa mujibu wa Maktaba ya Congress ya Marekani, historia ya Sherehe za Halloween ilianzia katika karne ya pili kabla ya Kristu, katika sherehe za kale za watu wa zamani waliokuwa wanajulikana kama Waselti. Katika kipindi hiko ambacho ni zaidi ya miaka 2000 iliyopita sherehe hizo zilikuwa zikijulikana kama (Sow-in) na zilikuwa zikihusishwa na mwisho wa msimu wa mavuno. Waselti ni makabila na jamii za kale za Ulaya zilizokuwa na lugha, mila na tamaduni zinazofanana, zilizoishi katika maeneo mbalimbali ya Ulaya, yakiwemo Ireland, Scotland, Wales, Uingereza na Ufaransa ya sasa. Katika sherehe za Sow In Waselti waliamini kuwa mpaka kati ya ulimwengu wa walio hai na waliokufa ulikuwa mwembamba sana hivyo waliamini kwamba roho za marehemu zingeweza kurejea kuwatembelea walio hai. Waselti waliweka utamaduni wa kusheherekea sherehe hizo kwa kuvalia ngozi za wanyama,na vinyago vya kutisha ili wafanane na wafu wakiamini kwamba kwa kufanya hivyo wangeweza kujikinga dhidi ya roho zilizodhaniwa kuzunguka duniani usiku huo. Na hii ndio sababu mavazi ya kutisha yameendelea kuwa sehemu maarufu ya maadhimisho ya Halloween. Hata hivyo, historia ya Halloween iliendelea kubadilika baada ya kuenea kwa Ukristo. Katika karne ya nane, Kanisa Katoliki liliweka Novemba 1 kuwa Siku ya Watakatifu Wote, na Novemba 2 kuwakumbuka waumini waliokufa. Mabadiliko hayo yaliifanya sherehe ya Sow in kuingiliana na kalenda ya maadhimisho ya Kikristo. Na usiku wa kuamkia Novemba 1, yaani Oktoba 31 ulianza kujulikana kama All Hallows’ Eve, maana yake ‘Usiku wa Kuamkia Siku ya Watakatifu Wote’ jina ambalo baadaye lilifupishwa na kuwa Halloween. Baadaye, wahamiaji kutoka Ulaya, hasa Ireland, walichangia kueneza Halloween nchini Marekani katika karne ya 19. Kadiri muda ulivyopita, sherehe hiyo ilibadilika na kuwa sehemu ya burudani na utamaduni maarufu, ikihusisha mavazi ya wahusika wa kutisha, mapambo ya maboga yaliyochongwa, sherehe na watoto kuomba pipi. Ingawa Halloween ya sasa inaonekana zaidi kama burudani, historia yake inahusishwa na mila za kale na mabadiliko ya kidini na kitamaduni yaliyotokea kwa karne nyingi. Mavazi ya kutisha ni sehemu ya urithi huo wa kihistoria, ingawa maana yake kwa washiriki wa leo inaweza kuwa burudani tu, bila kuhusisha imani za kale kuhusu roho za wafu.

3. 

   26 Sept 2026

   Mfahamu Fatma Karume mwanamke aliyeshika kiganja cha historia ya Zanzibar

   Mama Fatma Karume, mjane wa Rais wa kwanza wa Zanzibar, Sheikh Abeid Amani Karume, amefariki dunia Jumatatu, Septemba 21, 2026, akiwa na umri wa miaka 97. Makamu wa Pili wa Rais wa Zanzibar, Hemed Suleiman Abdulla ametangaza taarifa za msiba huo usiku wa kuamkia leo Septemba 22, 2026 akieleza kuwa Mama Fatma alifariki dunia akiwa Mbweni, Zanzibar. Katika salamu zake za rambirambi, Rais wa Tanzania Samia Suluhu Hassan amesema Mama Fatma alikuwa sehemu muhimu ya historia ya Zanzibar, hususan katika harakati za kupigania uhuru, Mapinduzi ya Zanzibar na kuasisiwa kwa Jamhuri ya Muungano wa Tanzania. Amesema Taifa litaendelea kukumbuka na kuenzi mchango wake katika kuhifadhi kumbukumbu na urithi wa Taifa, pamoja na kuchochea maendeleo ya kisiasa, kiuchumi na kijamii. Lakini swali kubwa kwenye masikio ya watu wengi hasa vizazi vilivyozaliwa baada ya historia ya mapinduzi ni mama Fatma Karume ni nani hasa licha ya kuwa mke wa Rais na mama wa Rais wa 6 wa Zanzibar, Amani Abeid Karume?