مش كل الرجوع خسارة ساعات بيبقى مكسب بتحصد نتايجه قدام ..سواء مكسب نفسي أو مادي أو صحي
هتتعب وقت التعافي بس دوا الوقت هيريحك بعدين… أحسن ماتكمل حياتك مريض…مريض بسبب الضغط في مكان مش متقدر فيه أو في علاقة انت عارف إنها فاشلة أو في أحلام مبقتش مناسبة ليك …كتير بنكمل في حاجات مش عايزنها عشان هنتعب دلوقتي مع إننا لو فكرنا هنلاقينا أصلا تعبانين في الحيرة اللي بنطول مدتها عشان مش عارفين ناخد قرار
27 Sept 2023
احسن من نسختك زمان
الحياة مش دايما هتكون علي هوانا … هنقع كتير … ونقف أكتر ….وفترات كتير هنتوه فيها .. وكلمة ليه مش دايماً هتفارقنا ….. ليه الشخص دا مشي ؟ ليه اتأذيت كدا ؟ …وليه بعافر في شغلي ومش لاقي المقابل ….ليه بتعامل كويس مع الناس والاقي منهم العكس ؟ ليه بتفهم غلط؟ وليه صاحبي دا باعني ؟ ليه محدش بيهتم بزعلي ؟ ليه ليه ليه كل شويه هتلاقي ليه لحاجة مختلفه في حياتك .... كل ليه بنسألها لنفسنا بيجي وراها شك ! شك في شخصيتنا وفي نفسنا .. وبيبقى السؤال !! هو انا استاهل دا؟..
سؤال بداية الشك في قدراتك… كل واحد فينا عنده رحلة
خاصة جدا مهما اتشابهت مع قصص ناس تانية ..
14 Sept 2023
اللطف معدي
احنا ممكن نقول كلام كتير ويكون كله بنفس المعنى اللي عاوزين نوصله للشخص .. ممكن ننتقد حد بكلمة لطيفه تخليه يتقبل النقد ده وممكن نقوله كلمة بنفس المعنى توجعه وتخليه يكره نفسه .... احنا اللي بنختار كلامنا يكون لطيف زو يكون كلام زي ما بيتقال ( دبش )
31 Aug 2023
ًالصمت ليس لغة العظماء دائما
مواقف كتير بنحتاج نتكلم فيها.. والسكوت فيها بيبقي نوع من أنواع الخذلان …زي لما حد يكون مستني منك إنك تدعمه في موقف هو فيه ضعيف.. أو لما يحصل خلاف مع شخص ويكون مستني منك رد يطمنه أو يحس أنه فارق معاك…
24 Aug 2023
الصداقة
من أكتر الحاجات اللي الانسان بيحتاجها في حياته أن يكون في شخص مصدقه .. شخص واثق فيه ومأمن بيه ..شخص بيدعمه بس علشان يشوفه مبسوط..
لو دورنا شوية هنلاقي أن كل الصفات دي مختصرة في كلمة صديق الكلمة اللي جاية من الصدق
15 Aug 2023
الفقد
لما حد بنحبه بيتوفى .. ساعات كتير بنقفل على نفسنا فترة وفي ناس مبتعرفش ترجع تعيش حياتها زي الاول.. بتفضل واقفة عند اللحظة ديه..
بس لو فكرت شوية هتلاقي الشخص ده مكنش بيحب يشوفك حزين ولوكان ينفع يكلمك كان هيقولك متوقفش حياتك علياكمل..
8 Aug 2023
الأثر
الأثر.. يعني الكلمة الطيبة، الفعل الحسن وممكن يبقى العكس!… احنا اللي بإيدنا بنحدد نوع الأثر اللي بنسيبه في حياة كل شخص وفي حياتنا عموما
كل فعل طيب بنعمله أو كلمة حلوة بنقولها واحنا مش حاسيين حتى دا في حد ذاته أثر
جبر الخواطر أثر ، الابتسامة للغير أثر، الكلمة الطيبة أثر ، العطاء بدون مقابل أثر.. مجرد انك تبقى لطيف وشخص ودود مع الناس دا بردو أثر
Host of سايب أثر?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
