برنامج يلا نفتي هو برنامج بيتناول مواضيع في التكنولوجيا المالية (الفنتك) بشكل بسيط ومفهوم لحتى كلنا نفهم شو المقصود فيه وكيف بأثر على حياتنا. بقدموا المحتوى ركان وحمزة، مختصين في التسويق والعلوم المالية ومؤسسي شركات ناشئة رائدة في الوطن العربي
انضمولنا اليوم وادعوا صحابكم ينضمولنا لنقدر كلنا نكتسب معرفة ومهارات جديدة
مصير أصحاب السيارات المحروقة.. ما بين تامين وتعويض
مع الأحداث المستمرة بفلسطين من اعتدائات المستوطنين وجنود الاحتلال، للأسف أصحاب المركبات الفلسطينيين غير محميين بتأمين مركبات يساعدهم بتغطية وتعويض خسائرهم. مع الحج عامر طميزة والأستاذ هيثم ربايعة منشوف شو في مقترحات لحل هاي المشكلة
13 Oct 2022
بورصة فلسطين الأولى عربيا في تطبيق منظومة التداول الالكتروني
بلدية عجّة الفلسطينية عم تقطع أشواط رهيبة بالاستدامة البيئية! ما بتعرفوا بلدة عجّة؟ ما بتعرفوا شو علاقة الاستدامة بالفنتك؟ خلينا هادا الاسبوع نتعرف على هاي الروابط بحلقة ما كنا نتوقع تكون بهالشمولية بالمواضيع مع مدير عام الاوراق المالية في هيئة سوق رأس المال، السيد مراد جدبة
استمتعوا بالحلقة متل ما استمتعنا احنا فيها
6 Oct 2022
أول وأكبر هاكاثون لتكنولوجيا التأمين في المنطقة العربية..... فلسطيني
حلقة اليوم مع د. بشار من هيئة سوق رأس المالي الفلسطينية فيها كتير محتوى عن أهم مؤشرات التقرير السنوي، ولمحة عن أسبوع المستثمر العالمي ونشاطاته في فلسطين. انضمولنا لتعرفوا عنها ونتعرف مع بعض على انجازات فلسطين في المالية الغير مصرفية
29 Sept 2022
بين المالية التقليدية والإسلامية Buy Now Pay Later الشراء بالدفع اللاحق
معاشك بينزل كمان يومين وفي شغلة بدك تشتريها هلأ؟ عن طريق نموذج الدفع اللاحق منقدر نأجل أو تقسّط الدفعات بدون ما نقلق! كيف هادا الإشي بيصير؟ إحضروا الحلقة لتعرفوا مع د. موسى عجوز
22 Sept 2022
أسهل طريقة نتطلّع فيها على التأمين في فلسطين
معقول فش اشي اسمه تأمين شامل؟ طيب كيف ممكن أعرف شو التأمين اللي بحتاجه؟ اذا أمّنت عن طريق وكيل أرخص ولا كيف؟ ايش يعني وكيل تأمين أصلا؟
عشان نسهّل عحالنا عالم التأمين، استضفنا السيد براء محسيري لنبسّط الصورة ونرتاح أكتر لما نحكي بهاي المواضيع
15 Sept 2022
سلوك مستخدم المحافظ الالكترونية بين الاسواق العربية والعالمية
معقول الكورونا كان الها أثر ايجابي على تبنّينا للمحافظ الالكترونية؟ طيب هل سلوكنا احنا كمستخدمين تغيّر بأي شكل؟ مع يارا منحكي بهاي المواضيع وأكتر ومنتعلم كيف هادا العالم بيختلف وبيتشابه حوالين العالم
8 Sept 2022
الفنتك والعمل التنموي في فلسطين، هل في تعاون او تناقض؟
السيد سفيان المشعشع، المثل الخاص المساعد لبرنامج الأمم المتحدة الإنمائي في فلسطين بيحكي معنا عن دور الفنتك في التنمية وعلاقتها مع أهداف التنمية المستدامة، ونماذج جديدة من الشراكات بين القطاعات الخاصة والحكومية لرفع الشمول المالي
1 Sept 2022
شو بتعمل هيئة سوق رأس المال الفلسطينية وكيف بتحمي حقوقنا؟
بفلسطين، القطاع المالي مفصول بين القطاع المصرفي وغير المصرفي. مين بيتحكم فيهم؟ كيف هيئة سوق رأس المال بتحمي حقوقنا كأفراد ومستهلكين؟ خلينا نسمع د. بشار ابو زعرور لنجاوب هاي الاسئلة، ونعرف كيف وايمتا نتواصل مع الهيئة ونستفيد من دعمهم عبر منصة ابتكر
25 Aug 2022
معقول كلنا نقدر نستثمر بالعقارات بدون ما يكون عنا خبرة؟ التمويل الجماعي بيحكي اه
مع محمد الجمل من شركة كراوديوس منتعرف على عالم التمويل الجماعي وكيف مع بعض ممكن نجمع مبالغ تخلّي أكبر استثمار يتم تمويله بفترة قليلة. انضمولنا لنتعرف على شركة ناشئة بالمجال، وكيف عم بقودوا جهد كبيربتغيير فهمنا لعالم التمويل
18 Aug 2022
شو الرحلة اللي محافظ فلسطين الالكترونية مرّت فيها لتوصل لنجاحاتها اليوم؟
رحلة طويلة وصعبة مر فيها تطبيق #محفظتي التابع لشركة بال باي. مع الاستاذ معاوية القواسمي، مدير الشركة التنفيذي، منسمع كيف استخدموا الفنتك في زيادة الشمول المالي في #فلسطين وتسهيل عمليات الدفع والتحويل وادارتنا لمواردنا المالية
11 Aug 2022
معقول في اشي اسمه فنتك إسلامي؟
بالعادة لما نحكي تكنولوجيا مالية بكون سهل علينا نفكر بالقطاع المالي التقليدي وننسى انه في وجود كبير للقطاع المالي الإسلامي كمان. بس لحسن الحظ، د. موسى عجوز، محاضر في جامعة فلسطين الاهلية منسق مسار التكنولوجيا المالية، أجى ليساعدنا نفهم مبادئ المالية الإسلامية وكيف ممكن نبتكر بشكل متوافق مع الشريعة الإسلامية اللي عمرها فوق ال١,٤٠٠ سنة
تابعونا وشاركوا الحلقة مع أصدقائكم لنستفيد كلنا من هاي المعلومات واحكولنا عن شو بتحبوا نحكي بحلقات جاي
4 Aug 2022
مبروك علينا العيادة المالية الجديدة
بهاي الحلقة ركان بيحتفل مع حمزة بمناسبة تصميم وإطلاق أول عيادة مالية في فلسطين بالشراكة بين حاضنة أعمال انترسكت وشركة فن بلووم. ايش يعني عيادة مالية؟ شو الفايدة منها؟ وليش وجودها مهم؟ اسمعونا لنعطيكم الاجابات هاي كلها
28 Jul 2022
ايش يعني كريبتو وكيف البلوكتشين غيرت مجرى العالم
بهاي الحلقة ركان وحمزة بيبنولنا أساس لنفهم مواضيع العملات الرقمية كيف بدت وتطورت، وكيف تكنولوجيا البلوكتشين عم تدخل بمجالات متل الطب والفن والعقارات وغيرها. انضموا معنا لنسمع أكتر عن أمور الكريبتو الجدلية
21 Jul 2022
وسائل الدفع الرقمية والمحافظ الالكترونية
حلقتنا التانية بتقارن ما بين وسائل الدفع التقليدية والرقمية، وبتحكي عن المحافظ الالكترونية وين واصلة بالعالم وشكلها بفلسطين
انضمولنا وشاركونا بالتعليقات انتوا اي محفظة بتستعملوا
17 Jul 2022
(Fintech/ايش يعني تكنولوجيا مالية (فنتك
ايش يعني تكنولوجيا مالية؟ من وين أجى مصطلح "فنتك" وكيف بتتأثر القطاعات المالية فيه. هل حياتنا راح تضل متل ما هي اليوم؟ ولا راح تصير أسهل وأسرع؟
انضموا لحمزة وركان لتعرفوا كل هاي الأجوبة...وأكتر
Host of YallaNFT - يلانفتي?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
