T3 E1 "Chichi e mais eu" Nico Campos e a recuperación do humor do seu pai
Nico Campos vennos falar do seu documental finalista aos Mestre Mateo "Chichi e mais eu" e do libro "Estampas dun mundo elegante". Obras que poñen en valor a obra do humorista gráfico, guionista e "artistiña" Xesús Campos "Chichi" a quen se lle adica este ano o Día da Ilustración. Unha obra que tardou 12 anos en rematar e que serve coma homenaxe póstuma.
12 Dec 2021
T2 D2 "Juanucha: Contrabando, guitarras e armas no avión" Diáspora 2
Neste episodio coñecemos a Juanucha, emigrante retornada oriunda de Ribeira. Aos seus case 90 anos estívonos a contar as suas aventuras e desventuras na emigración en Newark (New York). Muller de Julián, o practicante de Ribeira, marchou cada el cando decidiu facer as américas, onde estiveron a traballar deixando aos fillos en Galicia.
Juanucha falounos dos tempos do contrabando na súa vila natal, do nacemento da festa da Donra e do seu traballo na diáspora; nunha fábrica de armamento primeiro e de guitarras despois.
Anos de traballo que culminaron na súa volta a Ribeira cunha pistola gardada entre a equipaxe.
Estas e moitas historias máis, na Lareira de hoxe.
29 Oct 2021
T2 E3 "Esther Estévez, xornalismo nas novas plataformas e a verinidade"
Tivemos no podcast á xornalista Esther Estévez. Estivemos falando de novas plataformas, a elección de carreira profesional, música, aficións, entroido, e de como é pasar a infancia en Verín.
3 Oct 2021
T2 E2 "Queco Lago e a súa primeira canción, Mírame"
O cantautor pontevedrés Queco Lago vén Á Lareira presentarnos a súa nova canción "Mírame", o seu vindeiro videoclip e facer un percorrido polos seus temas e versións máis soados.
Intercalamos parola e músicas, escoitando e falando sobre as composición máis persoais de Queco; o que significa para el expresarse a través da música, micros abiertos, proxectos de futuro, recomendacións musicais e literarias, e as amizades creadas a través desta arte.
25 Sept 2021
T2 "Karina Espinoza, Neofalante Costarricense" A Lareira Diáspora 1
Inauguramos a Tempada 2 de A Lareira coa primeira entrega da nova serie de podcasts "Diáspora: Conversas con galegos de acolá."
A primeira convidada é Karina Espinoza, costarricense de nacemento e galego falante de corazón.Tartas de Santiago, Shin Chan en galego, Neira Vilas e rapaces de Riazor que che fan ser do Celta de Vigo.
3 Jun 2021
Pablo Lamosa e os efectos visuais dende Galicia
Hoxe ven ao podcast o compositor de vfx Pablo Lamosa. Despois de anos traballando en Madrid en El Ranchito e Deluxe Films, en producións do calado de Xogo de Tronos, volta á Galicia para fundar o estudo "Cormorán vfx" no seu Bueu natal.
Pablo vennos falar da súa profesión, do traballo nos efectos en Xogo de Tronos e como é traballar dende Galicia
11 Apr 2021
De Parola na Lareira. Martín Sorga, Iván Iglesias e Raquel Besteiro
Hoxe viñeron pasar o rato á Lareira os amigos ourensáns Martín Sorga e Iván Iglesias.
Nunha charla distendida botamos unhas risas parolando e reflexionando sobre as cousas da vida, da universidade e do Carrefour.🎙️🔥
25 Mar 2021
Olaxonmario Mario Brión na Lareira
No programa de hoxe, Mario Brión veu pasar o rato e falar da súa visión da Gallaecia, do galego, do "postureo da peña" e a presentarnos as súas novas camisolas de merchandising.
Deunos tempo tamén de estilo, prexuizos e rememorar os vellos tempos pola facultade
15 Feb 2021
O oso de Salcedo con Aitor Rodríguez e Raquel Besteiro
Hoxe é luns de Entroido e ímolo celebrar traendo a unha das personaxes máis ancestrais do entroido galego. Dos montes de Salcedo, baixa o oso nun ritual de orixe agraria, símbolo do fin da hibernación e do comezo da primavera.
Na Pobra de Brollón no corazón dos montes lucences segue viva unha tradición cuxa orixe perdouse no máis remoto dos tempos.
5 Feb 2021
Xoguetes eróticos 2 con Raquel Besteiro Gestoso e Diego Blando Álvarez "A Lareira" #9
Segunda parte do especial Nadal sobre xoguetes eróticos e recomendación de saúde persoal.
No programa Raquel e Diego partellan e intercambian as súas opinións e consellos sobre diversos aparellos, prexuízos arredor de determinadas prácticas e productos e ejercicios para manter a saúde muscular
28 Jan 2021
Xoguetes eróticos con Diego Blanco e Raquel Besteiro A Lareira #8
Esta é a primeira parte do programa sobre Xoguetes eróticos. Falamos sobre saúde sexual, xoguetes eróticos masculinos e femininos, lubricantes, desinfectantes. Explicando usos, recomendacións, curiosidades e desfacendo prexuízos e tabúes de xeito divertido, humorístico e didáctico. Da man de Diego Blanco e Raquel Besteiro
18 Jan 2021
A Lareira #7 "RAG e Divulgación da cultura galega" con Xian Lois Alcayde Dans
Xian Lois Alcayde Dans ven falarnos do proxecto audiovisual promovido pola Real Academia Galega e a Univesidade de Santiago de Compostela. No programa puidemos falar co emprego do galego para divulgar, crear cultura, os prexuízos herdados, e a situación actual da lingua galega.
26 Sept 2020
A Lareira #6 "Oropel" o novo cómic de Miriam Iglesias
Miriam Iglesias, a autora ferrolá de banda deseñada, gañadora do concurso europeo de ilustración European Comic Schools 2018 vennos falar do novo cómic que ten entre mans. Mestura de fantasía, lendas galegas e maxia. Comentaremos os procesos que se levan a cabo á hora de crear un cómic, como chaguo a dar coa historia e como ve o sector actual da banda deseñada.
25 Jun 2020
A Lareira #5 "La sal de las lágrimas" a nova novela de Guillermo Moldes Rodal
No programa de hoxe Raquel Besteiro Gestoso fala co escritor e libreiro Guillermo Moldes, que nos ven falar da súa nova novela, do proceso de autoedición e crowfunding así como da súa librería Cinania. Unha das mellores librarías de segunda man de España.
18 Jun 2020
A Lareira #4 "Chrysalis" o primeiro traballo de Daniel Gómez
Daniel Gómez vennos falar do seu disco "Chrysalis", de composición e produción musical e da súa iniciativa de concertos en directos de Instagram por mor da cuarentena.
22 Jan 2020
A Lareira #3 Curta "Homomaquia" de David Fidalgo
David Fidalgo ven á Lareira falar de"Homomaquia", a súa curta de animación nominada aos premios Goya 2020.
No programa de hoxe, falamos da temática da curta, da técnica de animación empregada, a importancia de contar historias fronte aos despregues técnicos e moitas cousas máis.
19 Dec 2019
A Lareira #2 "Voices" o novo disco de Iván Caride Sanjuán
No programa de hoxe, temos ao músico e compositor ourensán Iván Caride Sanjuán, que nos ven falar do lanzamento do seu disco "Voices" e do seu próximo concerto.
Ademais, no programa, poderemos escoitar un adianto do disco, con dous temas "We are young" e "I see you in my dreams"
25 Nov 2019
A Lareira #1 "Especial 25 N"
Hoxe viñeron quentarse á Lareira xunto a Raquel Besteiro Gestoso, os convidados Alba Tomé Sueiro, Eva Flete Giraldo e Diego Blanco Álvarez para parolar sobre o papel da muller na industria cinematográfica, no mundo laboral e no deporte.
Acompáñanos neste interesante debate, con motivo do día internacional contra a violencia de xénero.
Reach and audience
Public platform figures. Ratings count people who left a rating, not total listeners.
Spotify
5.0 / 5
3 ratings
Contact A Lareira podcast
Guest appearances
Books guests
Based on episode analysis; this does not confirm that the show is currently accepting guests.
Host of A Lareira podcast?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
