பைந்தமிழ் குட்டிஸ் இதழின் சார்பாக எங்களின் தலைமை ஆசிரியர் ஞான முருகன் அவர்களின் கடிதம் இங்கு குரல் வடிவமாக ஏற்றப்பட்டுள்ளது. ஒவ்வொரு மாதமும் இதில் குழந்தைகளுக்கான ஒரு நற்சிந்தனை விதைத்து எங்களின் இதழ் தொடங்கும்..
ஆசையில் ஓர் கடிதம் - புரட்டாசி21: இடுக்கண் களைவதாம் நட்பு
கெடுவான் கேடு நினைப்பான்.” என்ற பழமொழியின் விளக்கம் உங்களுக்குத் தெரியுமா? யாருக்காவது நீங்கள் கெடுதல் நினைத்தால், அது உங்களுக்கே கெடுதலாய் வந்து முடியும். அது எப்படி என்று பார்ப்போமா !
16 Sept 2020
ஆசையில் ஓர் கடிதம் - புரட்டாசி20: கணித்து செயல்படுவனுக்கு துன்பம் ஒன்றுமேயில்லை
எதிரதாக் காக்கும் அறிவினார்க் கில்லை
அதிர வருவதோர் நோய்.
அன்புத் தம்பியே, அழகுத் தங்கையே! குமரன் சொன்னது சரிதான். தனக்கு இன்னல் தரப்போகின்றவனின் மனநிலையை முன்னரே கணித்து செயல்படும் அறிவுடையவனுக்கு, அவன் அஞ்சி நடுங்கும்படியான துன்பம் என்று ஒன்றுமேயில்லை என்று அய்யன் வள்ளுவன் சொன்னதைத்தானே குமரன் கடைபிடித்தான்.
யாராவது உங்களுக்குத் தொல்லை தருவார்கள் என்று நீங்கள் எண்ணினால் முதலில் அவர்களின் மனநிலையைச் சற்று ஆய்வு செய்யுங்கள். தீய எண்ணம் கொண்டவன் மனநிலை சீராக இருக்காது. அதனை நீங்கள் புரிந்துகொண்டால் அவனால் வரும் இன்னலை உங்களால் தடுக்க இயலும்
13 Aug 2020
ஆசையில் ஓர் கடிதம் - ஆவணி20: பொறுத்தார் பூமி ஆள்வார்
ஐயன் வள்ளுவர் காட்டிய வழி:
“செல்வத்துள் செல்வம் செவிச்செல்வம் அச்செல்வம்
செல்வத்துள் எல்லாம் தலை”
14 Jul 2020
ஆசையில் ஓர் கடிதம் - ஆடி : தீர விசாரிப்பதே மெய்!
“இன்று முழுவதும் என் ஐம்புலன்களையும் என் மனம் கட்டுப்படுத்த என் கூடவே இருங்கள்” என்று கடவுளை வேண்டிக்கொள். உன் ஐம்புலன்கள் எதற்காகவாவது ஆசைப்படும்போது கடவுளை ஒரேயொரு வினாடி நினைத்துக்கொள்; அவர் உன்
மனதிற்கு வழி காட்டுவார். அதேபோல் இரவு தூங்குவதற்கு முன் இன்று
முழுவதும் உன்னோடு இருந்ததற்காக இறைவனுக்கு நன்றி சொல்.
11 Jun 2020
ஆசையில் ஓர் கடிதம் - ஆனி : பொறுத்தார் பூமி ஆள்வார்!
அன்புத் தம்பியே, அழகுத் தங்கையே!
“அகழ்வாரைத் தாங்கும் நிலம்போலத் தம்மை
இகழ்வார்ப் பொறுத்தல் தலை.”
என்ற திருக்குறள் போல் நீங்களும் வாழக் கற்றுக்கொள்ளுங்கள்
12 May 2020
ஆசையில் ஓர் கடிதம் - வைகாசி 2020 : தந்தை சொல் ...
உங்கள் அப்பா சொல்வதை நீங்கள் கேட்பீர்களா? சிறு வயதில் கேட்காமல் இருந்ததால் எனக்கு நடந்த கதையைக் கூறவா? ஏனெனில்
“தந்தை சொல் மிக்க மந்திரம் இல்லை!”
8 Apr 2020
ஆசையில் ஓர் கடிதம் - சித்திரை 2020
தஞ்சை பெரிய கோயிலை இராஜ ராஜா சோழன் என்ற மன்னர் கட்டினார் என்று நீங்கள் படித்திருப்பீர்கள். அவர் கோயிலை கட்டியபோது நடந்த ஒரு நிகழ்வை நான் இம்மடலில் எழுதப்போகிறேன்.. சிற்பியின் மனஉறுதியைக் கவனித்தீர்களா? தான் கற்றுக்கொண்ட சிற்பக் கலையை மனதார நேசிக்கிறார். அதில் சிறு தவறை மற்றவர்கள் கவனிக்கமாட்டார்கள் என்று அறிந்தாலும். தன் மன நிம்மதிக்காக அந்தத் தவறையும் திருத்திக்கொள்கிறார். நீங்களும் எதைச் செய்தாலும் மனவிருப்பதுடன் செய்யுங்கள். அதில் உங்களுக்கு மனதிருப்தி கிடைக்கும்வரை விடாதீர்கள். அப்படிச் செய்தால் மனமகிழ்வு நிறைந்த வாழ்வு உங்களுக்குக் கிடைக்கும், அதுவே சிறந்த அறமாகும்.
இதைத்தான் அய்யன் வள்ளுவர் சொல்கின்றார்
“மனத்துக்கண் மாசிலன் ஆதல் அனைத்துஅறன்
ஆகுல நீர பிற”
இச்சித்திரையில் சீருடன் வாழுங்கள் வைகாசியில் மீண்டும் வலம் வருவோம்!
29 Feb 2020
ஆசையில் ஓர் கடிதம் - பங்குனி 2020
“அன்பிலார் எல்லாம் தமக்குரியர் அன்புடையார்
என்பும் உரியர் பிறர்க்கு”
எதைக் கொண்டு வந்தால் என் அன்பு வெளிப்படும்? என்ற கேள்வியுடன் இம்மடலைத் தொடங்கினேன். நீங்கள் என்னிடம் அன்பைக் கொண்டு வந்தால் என் அன்பும் வெளிப்படும். இந்த உலகில் நம் கண் முன் காணும் ஒவ்வொரு உயிர்கள் மீதும் அன்பு காட்டவேண்டும்; இல்லையென்றால் கண்ணுக்குத் தெரியாத இறைவன் மீது எப்படி அன்பு காட்ட முடியும்?
அன்புத் தம்பியே, அழகுத் தங்கையே! நீங்கள் இந்த உலகிற்கு எதையேனும் கொடுக்க
வேண்டுமென நினைத்தால் அன்பைக் கொடுங்கள். இந்த உலகம் அதிகமாக ஏங்கிக் கிடப்பதும் அதே அன்புக்காகத்தான்...! அனைவரிடமும் அன்புடன் பழகுவோம்...! அன்பினையே பகிர்வோம்!
Contact ஆசையில் ஓர் கடிதம்
Guest appearances
Does not typically book guests
Based on episode analysis; this does not confirm that the show is currently accepting guests.
Host of ஆசையில் ஓர் கடிதம்?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
