Jede Mentig treffemer eus fürd Happy Hour ide BARWANNE.
Miteme Fiirabiggetränk startemer mit eu id Wuche.
Bis debii während mir über die verschiedenste Theme diskutiered, lached und philosophiered.
Schenk der au es Gläsli ihh höckle zu eus! 🛁
Mir tested euses Allgemeinwüsse | Barwanne Podcast 04-04
Ide letschte Folg spielemer Heads Up, also e Mischig us Scharade und Taboo und nehmed euses Allegemeinwüsse under dLuupe (Es isch chli peinlich). Dezue gits en alte Klassiker, es lauwarms Sommersby und wie immer viel Lache, bevor mer eus mal wieder abmeldet. Viva!
10 Jan 2022
Spieliabig ide Barwanne | Barwanne Podcast 04-03
Wie tönt Öl-Farb und wie pantomimt mer Schleim? Mir hend hüt eis vo eusne Lieblingsspiel id Barwanne gholt - s’Schüsselispiel! Wie das gaht und wie mir eus schlönd gsehnder i de neuste Folg! Mir freued eus, wenner drii lueged! CinCin!
3 Jan 2022
Whisper Challenge | Barwanne Podcast 04-02
I de hütige Folg challenged mer eus i de “Whisper-Challenge”. Ei Person lost Musig und ghört darum nöd, was die ander Person seit - mer muss also Lippe lese und wie sich usestellt, fallt das nöd allne so liecht. S’Endergebnis umfasst au no de eint oder ander Gast und isch uf jede Fall en Lacher wert! Yamas!
27 Dec 2021
Zrugg i de Barwanne | Barwanne Podcast 04-01
Mir sind zrug! Mir wüssed, ihr hend eus sicher uh vermisst und eu e neui Staffle vom Barwanne Podcast gwünscht - und da isch sie! Die neue vier Folge dreihed sich um alli mögliche Challenges. Hüt, i de erste Folg spieled mer “Wer wür am ehnste?”, “Wer bin ich?” und zum Schluss tested mer no verschiedeni Snacks zume Glas ZAPFE-Vinoo. Zum Wohl!
14 Jun 2021
Adiós! - Mir verabschieded eus | Barwanne Podcast 03-04
Mir verabschiedet euus! Ide letschte Folg vom Barwanne Podcast übergebemer eu s Wort und lönd eu bestimme, was die Folg so lauft! Mer redet über Broccoli, Schicksal und Urintrichter! Schalted ihh und stossed es letschts Mal mit eus ahh! Danke vielmal, daser eus zueglost hend und Prost ihr Säcke!
7 Jun 2021
Was bedütet Selbstliebi | Barwanne Podcast 03-03
Hüt wirds deep ide Barwanne! Mer redet über dBedüütig vo Selbstliebi, wie mirs praktiziered und was Schwierigkeite demit sind! Dezue tümer miteme Mimosa uskatere! Nazdorovje!
2 Jun 2021
D'Helin isch gliich wie de Eric Weber - Persönlichkeitstests | Barwanne Podcast 03-02
Hüt lerned ihr eus nomal richtig kenne! Mir hend beidi de Persönlichkeitstest gmacht vo Myers und Briggs und reded drüber, wie sehr s‘Resultat uf eus zuetrifft und wie fescht mer so Tests chan vertraue. Dezue schlürfed mer en Amaretto Sour. Yamas!
24 May 2021
Skorpion, Fisch und Zwilling | Barwanne Podcast 03-01
Hüt started mer i die dritti Staffle vom Barwanne Podcast! Mer reded über euses Stern- und Mondzeiche und eusi Aszendente und diskutiered, wie gnau so öpis überhaupt chan sie. Mer freued eus, wennd debi bisch!
17 May 2021
5 Fraue inere Badwanne - mit de Lorena, de Léonie und de Lynn | Barwanne Podcast 02-04
I eusem zweite Staffelfinale tested mir eusi beste Kolleginne vo Winterthur mit Quizfrage über euses Lebe und d‘Welt. Lern d’Lynn, d’Lorena und d’Léonie kenne und find use, wer s‘klügste Köpfchen isch! Zum Wohl!
10 May 2021
D‘Aline gaht zu GNTM - mit de Aline | Barwanne Podcast 02-03
En guete Start id Wuche! Hüt höckled mer mit de Aline i eusere Barwanne und beantwortet Frage vo 17 vo eusne Klassegspäändli 👶🏼👧🏼 Wie käuflich sind mir, was sind green flags inere Fründschaft und wie wür‘s usgseh, wenn euse Po um 90° dreht wer? 🧐 Mer freued eus uf dich!
3 May 2021
Eis Jahr en Sugardaddy - mit em Philip | Barwanne Podcast 02-02
I de hütige Folg packed mer eusi absurdiste Träum us und analysiered sie mit eusem Gast, em Philip! Mer reded über Sugardaddies, muskulösi Schwein und lebensrettendi Spagat. Dezue trinked mer em Philip sin Lieblingsdrink - Sangria usem Denner. Cin Cin!
26 Apr 2021
Fraue sind Spitzer als Manne - mit Nico und Sven | Barwanne Podcast 02-01
Begrüessed eusi Gäst! Die Staffle derfemer eu es paar vo eusne Kolleg*inne vorstelle. Die Wuche redemer mitem Sven und em Nico über Gender Stereotype. Da dezue trinkemer euses Go-To-Getränk: En Vodka Lime mit Sprite! Prösteeeel! (P.S. Sorry für die schlimmi Quali)
19 Apr 2021
Offeni Beziehig, Betrüge und Zeme Alt Werde | Barwanne Podcast 01-04
Schalt ihh fürs Staffelfinale vode erste Staffle vom Barwanne Podcast. Ih dere Folg widmemer eus miteme Mojito ide Hand na es letschts mal am Thema Dating. Zum Abschluss redemer über hypothetischi Szenarie inere Beziehig und bim Date. Cheers!
12 Apr 2021
Girl Code & Bro Code | Barwanne Podcast 01-03
Da simmer wieder! Ide dritte Folg redemer bime Glas Rootwii über dRegle vom Girl Code, wie zum Bispiel eb mer de Ex vode Kollegin derf date! Schenk der au es Glas ihh und join eus ide Barwanne! 🍷
Youtube: Barwanne Podcast
Lieder-der-Woche-Playlist: https://spoti.fi/39i6PHN
Instagram: barwanne_podcast
5 Apr 2021
Heartbreak us Lust und Luune | Barwanne Podcast 01-02
Frohi Osteree!
Währendem Eierfärbe verzellt d Helin, dass sie sich am liebste jede Tag wür verchleide und d Nicole schwärmt eu übers Brunche vor! Usserdem redemer über Festtäg, Traditione und vieles meh zumne Glas Aperol Spritz. Viva!
Youtube: Barwanne Podcast
Lieder-der-Woche-Playlist: https://spoti.fi/39i6PHN
Instagram: barwanne_podcast
29 Mar 2021
NoGo's bim Date | Barwanne Podcast 01-01
Willkomme bim BARWANNE Podcast! Ide erste Folg lernemer eus kenne mit Frage über Dating, Religion und Charaktereigeschafte.
Schnapp der au es Gläsli! 🥂
Youtube: Barwanne Podcast
Lieder-der-Woche-Playlist: https://spoti.fi/39i6PHN
Instagram: barwanne_podcast
Contact Barwanne Podcast
Guest appearances
Books guests
Based on episode analysis; this does not confirm that the show is currently accepting guests.
Host of Barwanne Podcast?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
