بدون إحراج – البودكاست اللي هيغير طريقة كلامنا عن كل اللي مش بنتكلم فيه!
ليه دايمًا المواضيع اللي تخص جسمنا، علاقتنا، وحياتنا الشخصية بتتقابل بالكسوف أو الردود المبهمة؟ في بدون إحراج، هنكسر كل الحواجز ونتكلم بصراحة عن الحاجات اللي فضلنا سنين نسأل عنها ومحدش جاوبنا بوضوح!
لو عمرك سألت “ليه محدش بيتكلم عن ده؟”، فأنت في المكان الصح! استعدوا لحوارات جريئة، ممتعة، علمية، ومن غير أي لف ودوران – لأن الصحة والعلاقات والجسد مش مفروض يكونوا مواضيع محرجة.
📅 حلقات جديدة كل يوم إثنين
🎙️ تقديم: نور إمام
https://daleela.app
Instagram: @thisismotherbeing
TikTok: @motherbeing
الأفلام و المواقع الإباحية ممكن يبقى ليها تأثير أكبر مما تتخيلي على علاقتك الزوجية وصورتك عن جسمك وثقتك بنفسك. في الحلقة دي، معانا د. مونيك مجدي، استشارية الخصوبة والطب الجنسي، وهنتكلم بوضوح عن إزاي البورن ممكن يسبب توقعات غير واقعية، ويأثر سلبًا على حياتك الزوجية، ويخليكِ تحسي بعدم رضى عن نفسك أو جسمك. هنناقش كمان إزاي تتعاملي مع التأثيرات دي وتبني علاقة صحية وإيجابية مع شريكك ومع نفسك. 🌸✨
حملي تطبيق دليلة، مساعدتك الشخصية في صحتك، من اللينك ده. (https://motherbeing.page.link/podcast)
14 Apr 2025
أول مرة: الحلم و الحقيقة
لو حاسة إن أول مرة (أو حتى أول كام مرة) ما كانتش زي الأفلام، فده طبيعي وعادي جدًا! في الحلقة دي هنتكلم بصراحة، ومن غير كسوف، عن التوقعات اللي في دماغنا عن العلاقة الحميمة وإزاي ممكن نغيّر فكرتنا عنها. هنضحك كتير، وهنحكي تجارب شخصية عشان نطمنك ونفكّرك إن الجنس تجربة إنسانية وطبيعية، وبتتحسن مع الوقت والتواصل. اسمعي الحلقة عشان تعرفي إزاي تريّحي دماغك، وتاخدي الأمور ببساطة، وتستمتعي بجد. 🌸✨
7 Apr 2025
الحوار عن الجنس قبل الجنس
“نتكلم ولا نسكت؟” دي أكتر حاجة بنفكر فيها قبل أول علاقة مع شريك حياتنا. في الحلقة دي هنقولك بصراحة ومن غير كسوف إزاي تفتحي كلام مريح مع شريكك قبل أول تجربة جنسية ليكم. هنتكلم عن إيه الأسئلة اللي ضروري تسألوها، أحسن وقت للكلام ده، وإزاي تتعاملوا مع الخوف والتوتر بشكل لطيف وخفيف ويقرّبكم أكتر من بعض.
حلقة كلها نصايح مفيدة ومهمة لأي اتنين داخلين على حياة جديدة مع بعض، عشان تكون تجربتكم الأولى حلوة ومريحة. اسمعوا الحلقة دلوقتي عشان تتعرفوا أكتر على مفتاح العلاقة الصحية والممتعة. 🌸✨
لو حابة تحملي تطبيق دليلة و تكون دليلك بجد في كل خطوة من حياتك الزوجية الجديدة دوسي هنا. (https://motherbeing.page.link/podcast)
24 Mar 2025
حياتي مع متلازمة تكيّس المبايض | مع بسنت دينار وفريق دليلة
دردشة من القلب مع بسنت دينار وفريق دليلة عن تجربتنا مع متلازمة تكيّس المبايض. هنحكي عن تحدياتنا ومشاعرنا ولحظات كتير من الضحك كمان.
لو محتاجة مساعدة مع أعراض تكيّس المبايض والدورة غير المنتظمة، نزّلي تطبيق دليلة (https://motherbeing.page.link/podcast)وابدئي برنامجنا المتخصص. 🌸✨
17 Mar 2025
منع الحمل: ليه مسؤولية الست لوحدها؟
عمرك فكرتي ليه منع الحمل بقى مسؤولية الست أكتر من الراجل؟ في الحلقة دي، هنتكلم عن الأسباب الثقافية والاجتماعية اللي خلّت تحديد النسل يقع أغلبه على الستات. هنشرح إزاي المجتمع والتقاليد والنظام الصحي منحازين شوية للرجالة في الموضوع ده. كمان هنحكي عن التطورات العلمية الجديدة في وسائل منع الحمل للرجالة والصعوبات اللي بتواجهها.
وبمناسبة عيد الأم 💐، بنقدّم لكل مستمعينا خصم 30% على أي خدمة من الخدمات اللي على تطبيق دليلة! نزّلي التطبيق (https://motherbeing.page.link/podcast) واستخدمي البروموكود:
mothersday30
اسمعي الحلقة واعرفي إزاي ممكن نغيّر المفهوم ده ونحقق مساواة حقيقية بين الراجل والست في مسؤولية الصحة الإنجابية. ✨🧡
10 Mar 2025
بطانة الرحم المهاجرة و الأورام الليفية (مع د. لوجين صلاح و د.وليد سرحان)
🎙️ إيه هي بطانة الرحم المهاجرة والأورام الليفية؟ وليه تشخيصهم ساعات بيتأخر سنين؟
في الحلقة دي,هنسمع حوار شيق بين د.لوجين صلاح مع د. وليد سرحان وهيشرحلنا بشكل بسيط وواضح إيه هي بطانة الرحم المهاجرة (Endometriosis) والأورام الليفية (Fibroids)، وأشهر الأعراض اللي ممكن تحسّي بيها. كمان هنتكلم عن أسباب تأخر التشخيص، وهنوضح تأثير الحالتين دول على الحمل والخصوبة. ومن الآخر هنقولك إزاي تقدري تعالجيهم، من الحلول الجراحية وغير الجراحية، وكمان هنتكلم عن المخاوف الشائعة اللي بتواجه كل ست بتتعامل مع الحالات دي.
لو عايزة تفهمي أكتر عن صحتك وتطمني على نفسك، متفوتيش الحلقة دي! ✨🌸
اتشخصي من على كنبة بيتك في مجال الشعر و الجلدية حصرياً على تطبيق دليلة!
لينك التحميل هنا (https://motherbeing.page.link/podcast)
3 Mar 2025
فجوة الألم بين الجنسين
💬 ليه وجع الستات دايمًا بيتاخد باستخفاف؟ وليه دايمًا بيتقال لهم “انتي بس متوترة” أو “بتكبري الموضوع”؟ في الحلقة دي، هنتكلم عن فجوة الألم بين الستات والرجالة، وإزاي الطب والمجتمع ساعات بيتعاملوا مع وجع الستات كأنه حاجة ثانوية. هنسمع قصص عن تجارب حقيقية لستات عانوا سنين من تشخيصات غلط وألم محدش كان مصدقه. وكمان، هنعرف ليه الأمراض عند الستات بتتأخر في التشخيص مقارنة بالرجالة، وإزاي نقدر نغيّر ده. ماتنسوش تسمعوا الحلقة وتشاركوا رأيكم! 🎙️💜
حملي تطبيق دليلة من هنا (https://motherbeing.page.link/podcast)
24 Feb 2025
عقدة المادونّا و العاهرة
في الحلقة دي من البودكاست، هنتكلم عن “عقدة المادونا و العاهرة”، الفكرة اللي فرويد اتكلم عنها، واللي بتقسم الستات لنوعين: يا “ملاك طاهر”، يا “امرأة سيئة”! 😵💫
هنناقش إزاي الرجالة اللي مصدقين الفكرة دي، بيواجهوا مشكلة في إنهم يشوفوا الست كحبيبة وشريكة، وفي نفس الوقت كحد جذاب ومثير ليهم. وده مش بس بيأثر على علاقتهم، لكن كمان بيضغط على الستات بشكل كبير.
هنحكي عن الضغوط اللي بتتحط على الستات عشان “يتقبلهم” المجتمع، وعن إحساسهم الدائم إنهم محتاجين يثبتوا نفسهم قدام أزواجهم عشان يقدروا احترامهم. وكمان، هنفتح نقاش مهم عن رغبة الستات الجنسية، وحقهم في إنهم يكونوا متشافين بشكل صحي وطبيعي، بعيدًا عن الأفكار اللي بتحطهم في قالب واحد.
وأهم نقطة؟ مفيش أي تعارض بين إن الست تكون “محترمة” وإنها تكون مثيرة جنسيًا لزوجها.
اسمعوا الحلقة وشاركونا رأيكم، يمكن نبدأ نغيّر النظرة ونتكلم عن الموضوع بشكل أكتر تقبّل واحترام لرغبة الستات.
اتعلمي أكتر عن تطبيق دليلة من الرابط ده (https://motherbeing.page.link/podcast)
17 Feb 2025
تأثير السنيما على توقعاتنا العاطفية و الجنسية
في الحلقة دي، هنتكلم مع دكتور مونيك مجدي، عن إزاي الأفلام الرومانسية، الكوميدية، وحتى الإباحية بتقدم لنا صورة مش واقعية عن الحب والعلاقات الجنسية.
ليه بنشوف مشاهد زي القبلة تحت المطر أو قصص الحب السينمائية كأنها الحقيقة المطلقة؟ وإزاي الحاجات دي بتخلينا نحط توقعات مثالية ممكن تخلي حياتنا العاطفية والجنسية معقدة؟ كمان هنناقش الفرق بين العلاقات القصيرة والطويلة، وإزاي الأفلام والمسلسلات، سواء المصرية أو التركية، بتصور الرغبة والعلاقات بشكل ممكن يضللنا.
لو عايزين تعرفوا أكتر عن تأثير السينما على تصوراتنا عن الحب والعلاقات، اسمعوا الحلقة وتعلموا معانا إزاي نميز بين الخيال والواقع..
اتعلمي أكتر عن تطبيق دليلة من الرابط ده (https://motherbeing.page.link/FGYB)
Reach and audience
Public platform figures. Ratings count people who left a rating, not total listeners.
Spotify
5.0 / 5
16 ratings
Host of Bedoon E7rag - بدون إحراج?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
