被子外面的世界

About 被子外面的世界

我哋係呀澤同呀米—— 兩個鍾意宅喺屋企嘅人（嚴格意義上嚟講係被竇裡面），平時得閒冇事就吹下廢水，期望有一日可以衝出被子外面的世界。 -- Powered by Firstory Hosting (https://firstory.me/zh)

Publisher

呀澤 & 呀米

Category

leisure · society & culture

Language

zh

Explicit

No

First episode

19 May 2024

Latest episode

18 Nov 2024

Latest episodes

6 episodes in the feed.

1. 

   18 Nov 2024

   EP6. 被子移加搬屋好閉翳 feat. 牙溫

   你以為喺多倫多搵到屋就萬事大吉，被子話俾你知，呢個只不過係一個開始； 今集繼續請到牙溫，同我哋一齊傾吓喺加拿大落地生根，真係冇想像中咁容易： 交樓過程一地雞毛，你嘅紗窗差啲跌落街，我嘅無奈叫做「你大我呀」； 遇到業主無理續租要求要點算？呀澤日刨法律，夜讀條文，教你速成LTB最強王者； 呀米「家有一龐然大物，四腳而立，並有六匣」，屢令搬屋師傅叫苦連天，險列黑名單而不自知； 牙溫搬屋無故釀成「book lift 羅生門」，現場激情對話，舌粲蓮花； 加港租屋大不同，凶宅禁忌、入伙儀式，你又識唔識？呀澤表示佢只識「Yahoo知道」。 雖然喺多倫多租屋同搬屋都充滿好多眉眉角角 但係搵到一個屬於自己嘅溫馨小窩 呢種幸福感又真係「零舍唔同」 被子祝願喺異地漂流嘅大家 無論海角定天涯，都能夠 心有所依 身有所居 【節目製作】 文案企劃：呀澤 聲音剪輯：呀米 音樂設計：牙溫 聽眾信箱： https://open.firstory.me/user/clwcujuhs0cow01tbd65rcwut/comments (https://open.firstory.me/user/clwcujuhs0cow01tbd65rcwut/comments) -- Powered by Firstory Hosting (https://firstory.me/zh)

2. 

   15 Sept 2024

   EP5. 被子移加搵屋唔容易 feat. 牙溫

   喺多倫多生活咗咁耐，仍然有一種異鄉人嘅感覺。 有時會諗，係咪對呢座城市足夠熟悉就唔會咁覺得，定係要喺呢座城市巨人腳下買車買樓，甚至有埋citizenship，先至可以擺脫呢種漂泊感？ 從來都冇人俾過我哋答案，好似由離開香港嘅果一剎那，就唔知點解變成一個漂流嘅異鄉人； 或者，由始至終，我哋都仲未搵到一個屬於自己嘅家。 今集請到最近搬咗屋嘅牙溫，同咁啱得咁橋都係搵緊屋搬嘅呀米，我哋一齊傾下喺多倫多搵一個「舒適的家」嘅各種「糟心事」： 搵樓如同見工，上至家庭背景，下至財產證明，甚至讀書轉科，地產經紀同你一對一面試； 旺季租樓堪比拍賣會，古有唐玄宗一騎紅塵妃子笑，今有千金散盡只為bid得心水租盤； 再三尖八角嘅租盤都租得出？係「廳中柱睇電視」可怕，定係「窗台掂到highway」更得人驚； 呀澤險租暗盤，租金交收現場驟變歡樂滿東華總理支票遞交儀式，沒有最荒謬，只有更荒謬！ 📢小號外📢 有冇留意到我哋嘅片頭唔同咗呢？被子特別請到今集嘅嘉賓牙溫，親自操刀創作並且演繹咗呢首片頭曲 希望佢嘅歌聲可以同我哋嘅節目一樣，陪伴每一個在外漂泊嘅異鄉人 就算世界紛紛擾擾，我哋都唔好捨棄衝出被子外嘅果份勇氣 終有一日，我哋都會搵到屬於自己嘅一方天地 萬家燈火，總有一盞為你點亮 【節目製作】 文案企劃：呀澤 聲音剪輯：呀米 音樂設計：牙溫 聽眾信箱： https://open.firstory.me/user/clwcujuhs0cow01tbd65rcwut/comments (https://open.firstory.me/user/clwcujuhs0cow01tbd65rcwut/comments) -- Powered by Firstory Hosting (https://firstory.me)

3. 

   18 Aug 2024

   EP4. 被子裡面職業密密傾：空姐篇（下） feat. Kiwi

   歡迎大家再次乘搭被子航班，今集繼續請到前空姐Kiwi，同我哋一齊分享吓空中服務員工作以外有趣嘅故事： 明星夫婦錯將飛機托盤當成「換片板」，滿滿味道猶如毒氣入室； 你以為只有乘客先會搭訕空姐，原來同事之間更會出現「鹹豬手」； 你知唔知道杯麵其實唔係用水沖，而係溝左綠茶落去呢？ 空姐唔單止有「一折機票」周圍飛，仲有大把零用錢俾你大洗特洗； 原來空姐喺外地最重要嘅一課，係要學識獨處，好好享受一個人嘅生活。 仲想聽我哋講啲咩行業，不妨留言話俾我哋知吖： https://open.firstory.me/user/clwcujuhs0cow01tbd65rcwut/comments (https://open.firstory.me/user/clwcujuhs0cow01tbd65rcwut/comments) 文案：呀澤 & 呀米 剪輯：呀米 -- Powered by Firstory Hosting (https://firstory.me)

4. 

   14 Jul 2024

   EP3. 被子裡面職業密密傾：空姐篇（上） feat. Kiwi

   求學時期總有條作文題目陰魂不散，就係「我的志願」： 有啲人如願以償做到自己鍾意嘅工作；有啲人兜兜轉轉為五斗米而折腰。 大千世界，你會唔會幻想平行時空下嘅另一個自己做緊一份意想不到嘅職業？ 被子廣發英雄帖，請嚟身邊各行各業嘅代表密密傾、密密斟。 第一彈重磅邀請到前空姐Kiwi，同我哋一齊傾下空中服務員不為人知嘅工作小秘辛： Kiwi即席拆解空姐面試成功要訣，關鍵係「識笑就得」； 訓練期間唔單止要學識用丹田喊話，仲要練習鐵人三項，唔合格要你即刻執包袱； 原來最受乘客歡迎嘅特別餐，係大人同細路哥都鍾意嘅「兒童餐」； 機上上位秘訣唔係賣多啲免稅品，而係請纓長伴廁所旁。 仲想聽我哋講啲咩行業，不妨留言話俾我哋知吖： https://open.firstory.me/user/clwcujuhs0cow01tbd65rcwut/comments (https://open.firstory.me/user/clwcujuhs0cow01tbd65rcwut/comments) 文案：呀澤 & 呀米 剪輯：呀米 -- Powered by Firstory Hosting (https://firstory.me)

5. 

   16 Jun 2024

   EP2. 被子出走睇轉日全蝕

   被子第一次出走，就遇上「一生人一定要去睇一次」嘅日全蝕： 火車再現「人類大遷徙」，兩條目無表情嘅沙甸魚意外登上頭版； 呀米化身海鷗傳心師，揭露佢哋「呢晚淨係瞓得三分半鐘」； 呀澤離奇連結大自然，喺孤島水中央飛昇成為「宇宙微塵」； 回程路上噩夢連連，列車驚魂事件竟然係「伴隨住警衛而嚟」。 今集不如同我哋一齊重溫一下，多倫多百年難得一遇嘅日全蝕啦！ 仲想聽我哋講啲咩，不妨留言話俾我哋知吖： https://open.firstory.me/user/clwcujuhs0cow01tbd65rcwut/comments (https://open.firstory.me/user/clwcujuhs0cow01tbd65rcwut/comments) 文案：呀澤 & 呀米 剪輯：呀米 -- Powered by Firstory Hosting (https://firstory.me)

6. 

   19 May 2024

   EP1. 被子外面嘅世界真係咁危險？

   兩個平時鍾意摺喺屋企吹廢水嘅I人，有一日竟然開咗個Podcast： 事緣呀澤瘋狂迷戀種地，唔係種瓜得瓜，而係種Podcast得Podcast； 呀米表示佢雖然唔係德米安，但考G1嘅時候依然好徬徨； 櫻花「奮力衝破蛋殼」，喺四月邂逅一場春日限定。 今集不如聽我哋講吓，被子外面嘅世界，係咪真係咁危險？ 仲想聽我哋講啲咩，不妨留言話俾我哋知吖： https://open.firstory.me/user/clwcujuhs0cow01tbd65rcwut/comments (https://open.firstory.me/user/clwcujuhs0cow01tbd65rcwut/comments) 文案：呀澤 & 呀米 剪輯：呀米 -- Powered by Firstory Hosting (https://firstory.me)

Contact 被子外面的世界

Guest appearances

Books guests

Based on episode analysis; this does not confirm that the show is currently accepting guests.