This is a daily Reading of the Bible, One Chapter a Day in Bicolano language.
An encounter with the Lord in His Word, through reading, prayer, and reflection.
Aldaw #312: Deut 3 - An Kapangganahan kan mga Israelita
“BASAHON AN BIBLIA: Sarong kapitulo kada Aldaw.”
Aldaw #312: Deut 3 - An Kapangganahan kan mga Israelita
NADANGOG TA SA BINASA: Nagsabi ni Moises si Josue na “Dai ka matako sa sainda, huli ta makikilaban para saimo an Kagurangnan na saimong Dios” (Deut 3:22).
TANDAAN TA: Dai ta inaatubang an mga pagsakit asin mga hamon sa buhay na solo sana kita, huli ta an Dios mismo, iniibanan niya kita, asin nakikilaban para sa sato na saiyang maimbod na banwaan.
PAGHOROP-HOROPAN TA: Anong mga “higante” o nakakapagabat na mga problema an saimong inaatubang ngonyan na kaipuhan mong isuko sa Dios? Nagtitiwala ka daw na Siya an nakikipaglaban sa kataid mo, sa kaibanan mo?
MAMIBI KITA: Kagurangnan, kun ako nakakamati nin takot, pagirumdoma ako na Ika an sakuyang Parasurog asin Paraligtas, asin na an ultimong kapangganahan yaon asin huli Saimo. Amen.
14 Jan 2026
Aldaw #311: Deut 2: An Danay na Pangataman kan Dios sa Pagbaklay kan mga Israelita
"BASAHON AN BIBLIA, Sarong Kapitulo kada Aldaw"
Aldaw #311: Deuteronomio 2: An Danay na Pangataman kan Dios sa Pagbaklay kan mga Israelita
NADANGOG TA SA BINASA: “Benendisyonan kamo kan Kagurangnan sa gabos nindong gibo. Inataman Niya kamo sa disyerto, asin inibanan Niya kamo sa laog nin kwarentang taon; dai kamo nagkulang nin anu man” (Deut 2:7).
PAGHOROP-HOROPAN TA: An Dios danay na yaon sato, kaibanan nyato, nagbabantay sato asin nagsisiguro na igwa kita kan satong mga kaipuhan, dawa sa mga “disyertong” momento kan satong buhay.
GIBOHON : Girumdoma an mga momento na ika inataman kan Diyos sa nakaaging masakit na pagbaklay sa saimong buhay. Papano ini nakakapakusog kan saimong pagpasalamat asin pagsarig sa Saiya?
MAMIBI KITA: O Dios, salamat sa Saimong maimbod na pag-ataman asin paggiya sa lambang panahon kan samong buhay. Amen.
14 Jan 2026
Aldaw #310: Deut 1 - Nagpapagiromdom si Moises, "Dai matakot. Magsarig asin magsunod sa Dios."
Ini po an pagbabalik kan programang,
BASAHON AN BIBLIA: Sarong kapitulo kada Aldaw.
Nasa ika-310 na aldaw na kita sa oro-aldaw na pagbasa poon kan Marso 9, 2025 kan pormalmenteng inilunsar an programa kan Bible Conference (Central District) na ginibo sa Holy Rosary Major Seminary.
Ngonyan na aldaw, Enero 13, 2026, pinupunan an pagbasa kan Libro nin Deuteronomio.
Deuteronomio 1:
Sa kapitulong ini, nagpapagiromdom si Moises, "Dai matakot. Magsarig asin magsunod sa Dios."
ROMDOMON TA:
"Maski sinabi ko na ini saindo, dai man giraray kamo nagtubod sa Kagurangnan, mnaski danay na nangenot Siya saindo tanganing itukdo Niya saindo an dalan na aagihan."
(Deut 1:32-33)
PAGHOROP-HOROPAN TA:
Nahinanyog po nyato: Maski malinaw an paggiya asin presensya kan Dios, an kakulangan ta nin pagtubod makakadara sato na dai ta maako an Saiyang biyaya asin magdanay kita sa pagsakit.
MAMIBI KITA:
Kagurangnan, patawara kami samong mga pagduda asin pagkatakot. Warasan sa samo an biyaya nin bilog na pagsarig asin pagsunod Saimo. Huli ki Kristo na samong Kagurangnan. Amen.
Contact Bikol Biblia
Guest appearances
Does not typically book guests
Based on episode analysis; this does not confirm that the show is currently accepting guests.
Host of Bikol Biblia?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
