Dat gifft so veel Lüüd um uns rum, de för wat brennen. För ehr Neegsten, ehr Arbeit, ehr Ehrenamt oder annerswat. Unse Hosts snacken mit Gäst över düt un dat to Themen, op de wi nieschierig worrn sünd.
Se weten, wo se vun snacken: Anja un Inge leven Platt in emme egen Kitas un delen emme Weten un Erfohren as Fortbildnerinnen mit KollegInnen in anner Inrichtens. De beiden hören to en Team vun Pädagoginnen, de ünnerwegens sünd mit „Platt för de Lütten“ – en Fortbillen-Reeg vun dat Plattdüütsch Zentrum (www.platt.best).
Dat fröhe Lehren vun mehr Spraken is en Chance un en Schatz för’t Leven. Dat is en Mehrweert för de Brägen, as de Wetenschop intwüschen beleggt hett. Un för dat Hart, vunwegen Spraak as Deel vun eens Identität, as en Deel vun tohuus sien. Unse Gäst vertellen vun Glücksmomenten, vun Rutföddern un de een un anner Dööntje ut Kinnermund. Un to de Fragen vun unse Gastgevers Christin un Steffen, beide Öllern mit Kinner in’t “Vör-Kita-Öller”, weten se ok Raat.
En Folg över fröhe Mehrsprakigkeit, leevte Platt un de Fraag, worum sik dat lohnt un truen Kinner mehr Spraken eenfach to.
20 Aug 2026
Mitmal Dirigent
He is man 19 Johr oolt, as Thore Klein de Taktstock vun sien Lüüd ut de Speelmannstog Bredtsedt andragen kriggt un he de Rutfoddern annimmt. Wi snacken över Moot, Strukturen, Provendisziplin, Wettstrieden, Generatschonendiversität un de Insicht „Wat de Tohörers geern hören, dat mögen wi ok geern spelen“. De Antwoort dorto reckt vun „Gruß an Kiel“ bet „Narcotic“, vun traditionelle Origianlmusik bet moderne – ok egen – Arrangements.
En Folg över Drift, Mitenanner un de Lust musikaalsch nie’e Weeg to gahn.
13 Aug 2026
Leev för Kinnerohren schenken
Wat blifft vun en Minsch? Bi dat Familienhöörbook-Projekt kriegen Öllern, för de dat Leven op’t Enn togeiht un de minnerjohrige Kinner hebben, de Gelegenheit ehr Stimm, ehr Geschichten un ehr Leev in en Höörbook fasttoholen – professionell begleidt, finanzeert över Spennen un ahn Kosten för de Familien.
Iris Hansen vertellt, worum se bi dat Familienhöörbook anfungen is to arbeiden, wat ehr an düt besunnere Projekt beweegt un worum lütte Delen för ehr oftmals de gröttste Bedüden hebben. En Snack, de anröhrt, över Torüchdenken, Verbunnenheit un dat, wat opletzt wohrhaftig tellt.
Wenn jem bang sünd, dat jem düt Thema jüst to dull faatkriggt, denn överspringt düsse Folg, oder höört sik de mi een tosamen an.
6 Aug 2026
Musik is (sien) Trumpf
Plattdüütsch hett Regisseur un Sänger Philip Lüsebrink bi sien Arbeit för nedderdüütsche Bühnen quer dörch Noorddüütschland lehrt. He schrifft egen Musikrevuen un gifft Wunschkonzerten in en Hospiz. Wi snacken över dat Potentschal vun Spraak, över Kreativität, Nieschier, wat man dorvun hett, wenn wat scheefgeiht, un worum Fehlers oftmals de beste Weg sünd to wassen.
27 Nov 2025
Füer un Flamm för Brandschuul un Blaasmusik
He kennt sik in Saken Füerwehr ut, as knapp een anner. Al mit teihn Johr över de Jugendafdelen un de Musiktog instegen, is Sören Hansen jümmers noch Füer un Flamm för dat Thema. Intwüschen verdeent he sien Broot as pädagoogsche Leider vun de Landsfüerwehrschool in S-H. In düsse Snack deelt he sien Drift för Brandschuul för Lütt un Groot un för Blaasmusik, sien Sicht op de Chancen vun KI in Utbillen un Insatz un wat man bi de Füerwehr för’t Leven mitnehmen kann.
19 Nov 2025
Truen, Tresen, Taktgeföhl
Glöhnig vun Energie un jümmers geern vörn dorbi: Ina Christiansen Hansen smitt as Standsbeamtin nu ok de Dörpskroog in Löwenstedt un brennt opto för de Römser Speelmannstog. Wo dat to all dat kamen is un wat ehr dat gifft deelt se in düsse Snack över Lust un Luun, Lüüd un Levensfreud, bang för nix un na de Devies "Dat löppt sik torecht un kriegen wi al".
12 Nov 2025
Boor un blank – un nu?
Jann Rothberg is Schullenberader mit Lief un Seel. Na em kamen Lüüd, wenn se finanzjell nich mehr wieder weten. He vertellt vun sien Alldag twüschen Tallen un Levensgeschichten, vull Respekt för Lüüd, de den Moot finnen na Hölp to fragen, wenn se alleen nich mehr wieder weten.
5 Nov 2025
Knööv för de Lief, Roh för de Kopp
HYROX – en Kombinatschoon ut Lopen un funkschonelle Training – foddert miteens Lief un Geist. Levke vertellt, wat ehr an düsse Sport begeistert, wodennig se de Weg na ehr Work-Life-Balance funnen hett un wat se bito as Content-Createrin op Instagram beschickt.
27 Oct 2025
Öllern warrn, Öllern sien, Öllern blieven
In de Pilotfolg sünd dree vun unse Hosts noch ünner sik. Dat geiht um’t Kinner kriegen un hebben dörch de Brill vun verscheden Generatschonen, um Ideale un Vörsätze, um Druck un Stütt vun buten, um Raatslääg, de keen bruukt oder de man geern hatt harr, um Alldag un dat grote Aventüer Familie.
Reach and audience
Public platform figures. Ratings count people who left a rating, not total listeners.
Spotify
5.0 / 5
10 ratings
Contact bito op platt
Guest appearances
Books guests
Based on episode analysis; this does not confirm that the show is currently accepting guests.
Host of bito op platt?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
