بودكاست العبث هو بودكاسط مغريبي كيتلاقاو فيه الدراري (و تا لبنات) باش يهضرو على كلشي، على حساب شكون جا و لڭانة.
هو بودكاست عبتي، افتراضي و غير جاد. كل الاحداث و الوضعيات و النقاشات و الاشخاص و الارنبات و داكشي هو من وحي الخيال، ولا تمت بصلة مباشرة او غير مباشرة لاي طرف من الاطراف، و اي تشابه مع الواقع هو محض صدفة.
الراس اللي مايدور كدية، واللي عزيز على ميمتو عمرو ما يخسر بما تشتهي السفن.
من هادي عاماين وبزاف د لبلدان لفرانكوفونية ف إفريقيا كيجيو فيها لإنقلابات واحد مورا لاخر. جبنا ف هاد لحلقة لخبير السياسي السي هشام، وهضرنا معاه على التاريخ د لمنطقة، و علاش كترو هاد لإنقلابات مؤخرا. من بين لأسباب لمشتركة كاين فرانسا، و هو اللي خلانا ندوزو للعلاقة ما بين فرانسا و لمغريب، و علاش فرانسا بقا فيها لحال حيت لمغريب قبل لمعاونة د بلدان آخرا من مورا الزلزال د لحوز.
4 Sept 2023
صناعة المحتوى المنبهر بالمغرب، و بوصلة القيم
من مورا كاس لعالم، ولاّو بزاف د الناس ف من شحال من بلاد كيديرو فيدييويات على لمغريب. من هاد الناس، كاين بزاف من لمشرق و من لخليج. هاد لفيدييويات كيتشافو بزاف وبغاو الدراري ديال العبث يهضرو عليهم ويفهمو علاش بزاف د الناس مبهورين باللي لمغريب فيه الطرامواي. بدون سابق انذار دزنا مبعد للموضوع ديال بوصلة القيم، و واش اللي ختارع شي حاجة خايبة هو اللي مسؤول على لأتر ديالها؟ ولاّ هاداك اللي خدّمها هو لمسؤول؟
20 Aug 2023
الغواصة، المخاطر و لپريميوم
بودكاست لعبت دخل هاد لمرّة ف لعبت ديال بصّح، حيت بديناه ب لهضرة على لغواصة اللي غرقات حدا تيطانيك، و مبعد دزنا لشحال كل واحد فينا يقدر يزعم ويخاطر بحياتو، بحال دابا واش تبغي تمشي ف أول طيارة تاطّير بالضو باش تتسما نتا الول؟ ولا تخافها طّيح؟
من موراها، و بلا ما تكون تا علاقة دزنا نهضرو على لمفهوم ديال پريميوم، و واش هو عادل ولا فيه لإستغلال ديال الناس.
6 Aug 2023
الذكاء الصناعي و بلاناتو
صوّرنا لحلقة التانية ديال بودكاست لعبت فوق من الدائرة لقطبية، و بالضبط ف واحد لبلاصة سميتها يوكموك. هضرنا تما على الداكا الصناعي و شويا د التحديات اللي جاية منّو، بحال لخبار لغالطة و كيفاش أيولّي التعليم، و واش خاصنا نحبسو التطوير ديالو دابا. سالينا لحلقة بأسئلة كثر من اللي كانو عنّا ملّي بدينا، ولكن لمهم هو بلي جبدنا لموضوع، و نناقشوه معاكم تا نتوما!
24 Jul 2023
العبت، الطلاق و الحكومة
مرحبا بكم فاول حلقة من بودكاست العبت. بودكاست بعيد كل البعد عن الواقع و غير جاد بتاتا. غادي نهدرو فهاد الحلقة، باسلوب جد عبتي، على دراسة اللي تنشرات حديتا حول الطلاق و تعدد الزوجات في المغرب. شوية غادي يدينا الواد و غادي ناقشو نقص التواصل عند الحكومة، واش الشعبوية مزيانة في مواقع التواصل الاجتماعي!
Contact بودكاست العبث
Guest appearances
Books guests
Based on episode analysis; this does not confirm that the show is currently accepting guests.
Host of بودكاست العبث?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
