قراءة القرآن شيء جميل جدًا وبكل حرف حسنة، والله يضاعف لمن يشاء، ولكن الأجمل أنه يكون بتدبر وفهم، لأنه نازل للتدبر.
يلا بينا سوا في البودكاست دا نستشعر كلام الله ونعيش في ظلاله، أنا هكلم نفسي بصوت عالي وأنت اسمعني وعيش كلام ربنا معايا.
شكرا لاستماعكم.!
السلام عليكم أهلًا وسهلًا بيكوا في حلقة جديدة من بودكاست تأمل، معلش اتأخرت عليكوا المرادي في نزول الحلقة، بس إن شاء الله متعوضة يعني.
في مشكلة كبيرة بنعاني منها في مجتمعنا، وهي أننا ما بقيناش بننصح ولا بنقبل النصيحة، وكل واحد عايش بدماغه صح أو غلط بقى مش مهم عنده، للأسف أخلاقنا وسلوكياتنا اتغيرت، حتى في التواصل بيننا كبشر، أنا أعتقد أن دي كارثة أكيد هتؤدي لحاجات أكبر منها.
طبيعي نسأل نفسنا ايه سبب وصولنا للحال دا؟
13 Nov 2024
الحلقة الخامسة | فإني قريب أجيب
السلام عليكم..
أهلًا بيكوا في حلقة جديدة من بودكاست تأمل، النهاردا هنتكلم عن حاجة عظيمة جدًا، حاجة بتقربنا من ربنا، وبتدينا قوة وطمأنينة، وبتساعدنا نتخطى أي صعوبة.
كلنا بنحس بضغوط الحياة، بنحس في أوقات اننا تايهين، بنحس في لحظات بالضعف وبالهوان، وقتها مش بنكون عارفين نعمل إيه، مش عارفين نروح فين؟
أنا جاي أقول لك تعمل ايه؟ وجاي أقولك تروح فين بالظبط؟
6 Nov 2024
الحلقة الرابعة | له الحمد في الأولى والآخرة
السلام عليكم
أهلاً وسهلاً بيكوا في حلقة جديدة من بودكاست تأمل، النهاردة هنتكلم عن موضوع مهم، وهو شكر ربنا وحمده على نعمه اللي مش بتخلص.
في زحمة الحياة اليومية، ساعات بننسى نقف شوية ونعبر عن امتناننا لله على كل النعم اللي حوالينا، احنا بحاجة لأننا نفكر نفسنا بأهمية الشكر في كل وقت.
بس قبل ما أبدأ لازم أسألك سؤال، ايه أول حاجة بتعملها أول ما بتسمع خبر يفرحك؟
في الحلقة دي، هنتكلم عن بعض نعم ربنا، وأهمية شكر ربنا عليها، وازاي كلمات بسيطة ممكن تغير حياتنا، وتخلي قلوبنا مليانة سعادة ورضا، وكمان هنشارك قصص ملهمة من حياة النبي ﷺ اللي كان طبعا قدوة في الشكر والامتنان.
31 Oct 2024
الحلقة الثالثة | وأن ليس للإنسان إلا ما سعى
السلام عليكم
أهلاً وسهلاً بيكوا في حلقة جديدة من بودكاست تأمل
النهاردا هنتكلم عن موضوع مهم جدًا
في زمن مليان تحديات وضغوطات، كلنا عارفين أن السعي جزء من حياتنا اليومية، مش مجرد حاجة بنعملها وخلاص.
في البداية بس عايز أسألك سؤال، هل عمرك وأنت بتسعى لشيء معين حسيت بشعور اليأس والإحباط؟
النهاردا هنتناول مع بعض معنى السعي وازاي ممكن يكون عبادة، وأد إيه بيشكل جزء كبير من إيمانك بالله، وازاي تغلب على المشاكل اللي ممكن تواجهك في الحياة.
27 Oct 2024
الحلقة الثانية | ولسوف يعطيك ربك فترضى
السلام عليكم
دي الحلقة التانية من بودكاست تأمل
النهاردا معادنا مع آية جميلة جدًا،
وزي ما اتفقنا قبل كدا أن أنا مش بفسر آيات،
أنا بعيش في ظلال الآية وازاي حسيتها وبنقل لك دا.
في الحقيقة الآية اللي معانا عبارة عن وعد رباني ليك،
وعد مليان بهجة وإيجابية!
قبل ما أقولك الآية عايز أسألك كام سؤال..
امتى آخر مرة كنت مبسوط وسعيد فحياتك؟
طيب هل أنت راضي تمام الرضى عن حياتك؟
بتتمنى ايه يحصل ويغير حياتك، أكيد طبعا يغيرها للأحسن؟!
ممكن متبقاش عارف إجابات الاسئلة دي بس اللي أنا متأكد منه أنك عايز تبقى كويس.
19 Oct 2024
الحلقة الأولى | وعصيتم من بعد ما أراكم ما تحبون
كتير مننا وهو بيقرأ القران بيقرأه بطريقة سريعة..
خالية من معاني التدبر وإحساس الآيات
أنا شايف بصراحة أنه لا يليق.. لأنه مش واجب بتعمله وخلاص
قراءة القرآن شيء جميل جدًا وبكل حرف حسنة، والله يضاعف لمن يشاء.
ولكن الأجمل أنه يكون بتدبر وفهم. لأنه نازل كدا اصلا
يقول الله: أفلا يتدبرون القران؟ أم على قلوب أقفالها؟!
النبي ﷺ كان بيقرا القران في شهر أو أربعين يوم، وأمر بدا
طبعا على سبيل الاستحباب وليس الوجوب
الخلاصة
أنا مش جاي أقولك متقراش ولا جاي أقولك بطء فالقراءة
أنا جاي أقولك تدبر وافهم.
موضوع البودكاست كله هيكون ازاي أنا استوقفتني آيات معينة وازاي حسيتها، وجاي أنقلك الإحساس دا عن طريق أني هكلم نفسي بس بصوت عالي وأنت هتسمعني وتحس كلام ربنا معايا.
Contact بودكاست تأمل | ممدوح عماد
Guest appearances
Books guests
Based on episode analysis; this does not confirm that the show is currently accepting guests.
Host of بودكاست تأمل | ممدوح عماد?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
