Ee Joer laang huet de Lëtzebuerger Journal d'Team Lëtzebuerg begleet. Kommt mat hannert d'Kulisse vun de Paralympics 2024.
D'Cilia huet 13 Joer, ass Judoka an dreemt vun der nächster Editioun 2028 zu Los Angeles. Fir e bessert Gefill dofir ze kréien, wat e bedeit sech fir d'Paralympics ze qualifizéieren, huet d'Cilia wärend dem leschte Joer dat aktuellt Team Lëtzebuerg begleet. An de Lëtzebuerger Journal war dobäi. Bei den Ups, den Downs, ma och dem Moment, an deem d'Sportler*innen rausfannen, ob si sech qualifizéiert hunn oder net.
D’Hoffnungsdréier – e Podcast vum Lëtzebuerger Journal.
Recherche a Moderatioun: Misch Pautsch
Konzept a Produktioun: Maxime Toussaint
September 2024. Mir sinn zu Paräis. Fir de leschte Kompetitiounsdag vun de Paralympics sinn 80.000 Spectateuren a Spectatricen am Stade de France. De Roude Léiw ass iwwerall ze gesinn an och de Familljeminister Max Hahn ass mat Kolleegen den Tom Habscheid vun den Tribünen aus ufeiere komm.
Um 20.25 probéiert den Tom nämlech, eng Medail am F63 Kugelstousse mat Heem ze bréngen. Hie stellt sech eng leschte Kéier sengen Dämonen… a klappt se.
Paräis geet zu Enn. Elo kënnt L.A. 2028 – dem Cilia seng éischt Chance fir op d'Paralympics.
Kontaktéier den LPC via info@paralympics.lu, start deng Para-Sportskarriär elo
Join the LUNEX experience, méi Infos dozou op www.lunex.lu
Du wëlls méi iwwer Reklamme wëssen? Schreif eis op podcast@journal.lu
20 Sept 2024
#7 Paräis
August 2024. D'Team Lëtzebuerg fir d'Paralympics vu Paräis gëtt am Rehazenter offiziell presentéiert. Zwou Wochen duerno ass d’Katrin Kohl dann och schonn drun.
Zu Saint-Denis, direkt beim Paralympic Village, erzielt hatt eis vu senger Erfarung. Mir profitéieren dovun, zu Paräis ze sinn, fir mam Joël Adams een drénken ze goen. Am Salon vum Stade de France, kuerz virum Tom Habscheid sengem Optrëtt, erzielt eis dann och d'Grande-Duchesse Maria Teresa, wéi si 1992 zu Barcelona hir éischt Paralympics als Spectatrice erlieft huet a wisou Paräis 2024 no London 2012 e Game-Changer fir de Behënnerte-Sport ass.
Kontaktéier den LPC via info@paralympics.lu, start deng Para-Sportskarriär elo
Join the LUNEX experience, méi Infos dozou op www.lunex.lu
Du wëlls méi iwwer Reklamme wëssen? Schreif eis op podcast@journal.lu
30 Aug 2024
#6 Virbiller
Juli 2024. Mir sinn um "Alles normal – Let’s celebrate Inclusion"-Festival. Ee vun den Highlights vum Weekend ass e Meet & Greet mat den Athlet*inne vum Paralympic Committee.
D'Katrin Kohl an dem Tom Habscheid hu sech entre-temps fir d'Paralympics zu Paräis qualifizéiert. De Familljeminister Max Hahn nennt si "Ambassadeuren, fir de Leit mat Behënnerungen Hoffnung ze maachen". D’Christine Zimmer, Directrice vun Info-Handicap, an de Sascha Lang, deen den Event organiséiert huet, erklären, wéi wichteg Sport an d'Virbildfunktioun vun de paralympeschen Athlet*innen ass.
Ma och d’Virbiller vun haut waren eng Kéier jonk an hu selwer Virbiller gebraucht. Fir den Tom waren dat d’Spiller vu London 2012. D’Katrin erënnert allerdéngs drun, dass d’Lëtzebuerger Paralympics net just déi zwee Qualifizéiert sinn, ma eng ganz Ekipp.
Kontaktéier den LPC via info@paralympics.lu, start deng Para-Sportskarriär elo
Join the LUNEX experience, méi Infos dozou op www.lunex.lu
Du wëlls méi iwwer Reklamme wëssen? Schreif eis op podcast@journal.lu
23 Aug 2024
#5 Gewannen
Juli 2024. Endlech fanne mir – an d’Katrin Kohl selwer – raus, ob hatt op Paräis geet oder net. Ma net nëmmen hatt: Den Tom Habscheid, deen no Tokio 2020 mam Kugelstoussen eigentlech opgehal hat, ass zeréck a plangt de perfekte Comeback. An dësem Episod léiere mir hie kennen.
D'Paralympics fänken allerdéngs schonn am August un. Ass ee Mount virdrun dann net e bësse knapp, fir engem*r Elite-Sportler*in matzedeelen, dass hien oder hatt bei de Paralympesche Spiller dobäi ass? De Marc Kiefer, Sportdirekter vum LPC, erzielt eis unhand vum Cilia, vun L.A. 2028 an dem Lëtzebuerger Judo, wéi eng ideal Preparatioun sollt ausgesinn.
Kontaktéier den LPC via info@paralympics.lu, start deng Para-Sportskarriär elo
Join the LUNEX experience, méi Infos dozou op www.lunex.lu
Du wëlls méi iwwer Reklamme wëssen? Schreif eis op podcast@journal.lu
9 Aug 2024
#4 Verléieren
Ufank 2024 zu Dubai. D'Rennrollstullfuererin Katrin Kohl fiert en neie Personal Best. Fir d'paralympesch Norm, déi eng automatesch Qualifikatioun mat sech bréngt, geet dat awer (nach) net duer. Fir de nächste Versuch geet et op eng Kompetitioun an Italien… mee packt hatt dat?
A wat ass eigentlech, wann net? Mir hu mam Marc Kiefer, Sportdirekter vum Luxembourg Paralympic Committee, iwwert d'Wildcard an aner Zorten Invitatioune geschwat, ma awer och mam Frank Müller, e Sportpsycholog, deen zesumme mam LIHPS (Luxembourg Institute for High Performance in Sports) Elitesportler*inne begleet, iwwert d'Mental Health vu Leeschtungsathlet*innen.
Ausserdeem ginn et an dëser Episod déi éischt Äntwerten: De Joël Adams, de Philippe Hein an de Matteo Scuto wëssen, ob si bei de Paralympics 2024 dobäi sinn oder net.
Kontaktéier den LPC via info@paralympics.lu, start deng Para-Sportskarriär elo
Join the LUNEX experience, méi Infos dozou op www.lunex.lu
Du wëlls méi iwwer Reklamme wëssen? Schreif eis op podcast@journal.lu
2 Aug 2024
#3 Zesummen
Februar 2024. D'Katrin Kohl, de Joël Adams, de Philippe Hein an de Matteo Scuto bereese mëttlerweil d'Welt, fir bei Trainingscampen a bei wichtege Weltcups dobäi ze sinn, bei deenen si Punkte fir eng Paralympics-Qualifikatioun kënne sammelen. Dat mat der Aarbecht ënnert een Hutt ze kréien, ass awer net ëmmer einfach…
Mee wéi ass et mat der Zivilkarriär? Momentan féiert zu Lëtzebuerg den eenzege Wee zu enger professioneller Sportler*innekarriär iwwert d'Arméi. Mat enger Behënnerung huet een awer keng Chance, d’Grondausbildung ze packen. Mir hu beim Sportminister Georges Mischo nogefrot, wéini Para-Sportler*inne mat enger Alternativ rechne kënnen. Dat ass och eng Fro vun der Inklusioun, a fir de Marc Schreiner, President vum Luxembourg Paralympic Committee, ass d'Äntwert esou kloer, wéi onerwaart : eng absolutt Inklusioun ass net méiglech.
Kontaktéier den LPC via info@paralympics.lu, start deng Para-Sportskarriär elo
Join the LUNEX experience, méi Infos dozou op www.lunex.lu
Du wëlls méi iwwer Reklamme wëssen? Schreif eis op podcast@journal.lu
26 Jul 2024
#2 Eleng
November 2023. D'Cilia kämpft um Judo Youth Cup U15. Wéi et fir hatt op Kompetitiounen ëfters de Fall ass, gëtt hatt vun enger ganzer Ekipp begleet. Den Arnaud Grisier, Trainer vum Judo Club zu Stroossen, de Franz Kofler, 28x Landesmeeschter an Éisträich a Coach vum Cilia, an natierlech seng Elteren. Si zielen eis seng Geschicht.
Fir Para-Sportler*innen ass et awer eigentlech méi üblech, eleng ze sinn, well et einfach net genuch Leit ginn, déi am Para-Sport aktiv sinn. De Christophe Ley, Professer fir ugewant Statistik op der Universitéit Lëtzebuerg, erklärt eis wéi dat de Para-Sport zeréckhällt. Mir léieren och de Joël Adams kennen, e Lëtzebuerger Para-Vëlosportfuerer, deen, wéi d'Katrin Kohl, de Philippe Hein an de Matteo Scuto, fir e Slot zu Paräis 2024 kämpft.
Kontaktéier den LPC via info@paralympics.lu, start deng Para-Sportskarriär elo
Join the LUNEX experience, méi Infos dozou op www.lunex.lu
Du wëlls méi iwwer Reklamme wëssen? Schreif eis op podcast@journal.lu
19 Jul 2024
#1 Paralympics zu Lëtzebuerg
Oktober 2023. A manner wéi engem Joer sinn d'Paralympics 2024 zu Paräis. De Lëtzebuerger Journal mécht sech op de Wee op d'Paralympic Days fir d'Katrin Kohl, de Philippe Hein an de Matteo Scuto kennenzeléieren, eis Sportler*innen, déi déi nächst Méint fir e Slot an hirer Discipline kämpfe wäerten.
Organiséiert ginn d'Paralympic Days vum Luxembourg Paralympic Committee (LPC), deen dëst Joer seng 50 Joer feiert. Ma wéi ass et zum LPC komm an a wéi enger Discipline huet en seng gréisste Succèse kannt? Dat erzielt de Marc Schreiner, Präsident vum LPC, ier de Mathis Finke eis seet, wéi eng Para-Sportaarten haut zu Lëtzebuerg am Fokus stinn.
Kontaktéier den LPC via info@paralympics.lu, start deng Para-Sportskarriär elo
Join the LUNEX experience, méi Infos dozou op www.lunex.lu
Du wëlls méi iwwer Reklamme wëssen? Schreif eis op podcast@journal.lu
Reach and audience
Public platform figures. Ratings count people who left a rating, not total listeners.
Spotify
5.0 / 5
4 ratings
Contact D'Hoffnungsdréier
Guest appearances
Does not typically book guests
Based on episode analysis; this does not confirm that the show is currently accepting guests.
Host of D'Hoffnungsdréier?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
