Бұл жобада келесі тақырыптар қозғалатын болады: әлеуметтік өзгерістер, активизм, көшбасшылық, үкіметтік емес ұйымдар, азаматтық қоғам, сала этикасы мен кәсібилігі, профессиялар және карьера жолдары, филантропия, сектораралық серіктестік және тағы басқа қоғамға әсер ететін үрдістер.
Бізбен байланысқа шығу жолдары:
Гүлназдың instagram-ы https://surl.gd/alhdoe (https://surl.gd/alhdoe)
Құралайдың instagram-ы https://surl.li/irnygs (https://surl.li/irnygs)
14 эпизод: Өз үйің — өлең төсегің бе? Жергілікті және халықаралық ұйымдар
Жергілікті ұйымда қалған жөн бе, әлде халықаралық ұйымға ұмтылған дұрыс па? Бұл эпизодта біз екі ортада жинаған тәжірибемізбен бөлісеміз.
Жұмыс мәдениеті несімен ерекшеленеді, мансап қай жерде тезірек өседі, бір ортадан екіншісіне ауысқанда не қиын болды — бәрін өз басымыздан өткен мысалдармен айтамыз.
Халықаралық ұйымда жұмыс істегісі келетіндерге де нақты кеңестеріміз бар: неден бастау керек, түйіндеме мен сұхбатта қандай қателіктер жиі жіберіледі, ағылшын тілі ана тіліңіз болмаса, оның мансапқа қалай әсер ететіні. Өзімізге халықаралық ортаның есігін ашқан сәттер мен адамдар туралы да әңгімелейміз.
18 Sept 2026
13 эпизод: Жанып жүріп, сөнбеудің жолы. Үшінші сектордағы кәсіби күйу туралы
Үшінші секторда жүргендердің көбі бұл сезімді біледі: жұмыс жүріп жатыр, жоспар толы, ал сен іштей босап қалғансың. Бұрын шабыт беретін іс енді ауыр жүк секілді. Бернаут жобаның соңын күтпейді, ол кез келген сәтте келуі мүмкін. Бұл эпизодта Құралай мен Гүлназ эмоционалдық күйіп кету (бернаут) туралы ашық әңгімелеседі. Бұл сезім қалай көрінеді? Неге әлеуметтік салада, білім беруде, қоғамдық жобаларда жүргендер оған ерекше бейім? Одан қалай шығуға және өзіңді қалай сақтауға болады? Бұл теория емес, өз басымыздан өткен тәжірибе.
Соңғы кезде «бәрі мәнсіз» деген ой жиі келетін болса, бұл эпизод саған арналған.
20 Jun 2026
12 эпизод: “Әй, бала, сен бухгалтерсің бе? Жоқ, мен фандрайзермін. Ол не тағы?” - 3 cектор рөлдері мен қысқа профориентациясы
Үшінші секторда мансап құру мүмкін бе? Бұл эпизодта біз коммерциялық емес ұйымдардағы кәсіби рөлдер мен позицияларды егжей-тегжейлі талқыладық. Қазақстан мен әлемдік нарықтағы үрдістерге тоқталып, осы салада өсу амбициялары мен мансаптық картаны қалай құру керектігін сөз еттік. Фандрейзер, мониторинг және коммуникация мамандары, жобалық және бағдарламалық менеджерлер — бұл рөлдердің өзіндік ерекшелігі қандай? Егер сіз осы секторда қалып, кәсіби деңгейіңізді өсіргіңіз келсе, даму бағытын қалай айқындау керек? Сұрақтарға жауап беретін өте практикалық әрі пайдалы шығарылым. Тыңдап, баға беріңіздер!
25 May 2026
11 эпизод: "Күнмен қоректенушілер, іші пысқан Ханшайымдар" 3 сектордарғы мамандар туралы мифтер, келу жолдары және алған сабақтарымыз
Сәлем! Біз 3 секторда жұмыс істейтін адамдардың кейіпін әлі де талқылап жатырмыз. Осы эпизодта мифтер мен біздің салаға адамдар қалай келетінін талқыладық. Одан бөлек біздің кәсіби құндылықтарымыз және алған басты сабақтарымызды да әңгімеге қостық! Сіздердің кері байланыстарыңызды күтеміз!
1 May 2026
10 эпизод: "Өскенде кім боламын?" 3 сектордағы жолымыздың тарихы, кәсіби жеңістеріміз туралы әңгіме-дүкен
Біз жаңа сезонды бастадық! Бұл сезон 3 сектор, филантропия және азаматтық қоғамдағы мансап, көшбасшылық және жұмыс мәдениеті туралы болады. Егер осы салада кәсіби даму мақсатыңыз болса, сезон сізге өте пайдалы болады деген үміттеміз. Осы сезонның бірінші эпизодында өзіміз осы салаға қалай келдік, үйдегілер бұған қалай қарады, қаржы көзі не болды деген әңгіме-дүкен құрдық. Тура бір құдды жастықты еске алу кеші секілді! Ал сіздерге пайдалы болады деген үміттеміз! Және кері байланыс күтеміз!!!
8 Dec 2025
9 эпизод: Секторалық серіктестік: ҮЕҰ, БАҚ, мемлекеттік органдар, бизнестің тоғысқан жері
Қазақстандағы секторалық серіктестіктің тиімді тұстары, алдында тұрған шешетін мәселелері, жаһандық трендтер
15 Oct 2025
8 эпизод: Адвокацияның әлеуметтік жобалардағы рөлі
Біз үкіметтік емес ұйымдардың қоғамдағы жүйелі өзгерістерге қалай әсер ете алатынын және осы жолда адвокацияның нақты рөлі мен стратегияларын талқылаймыз. Жүйелі өзгеріс әрқашан бір идея мен әрекеттен басталады. Адвокация - осы әрекеттің күші
3 Oct 2025
7 эпизод: Стейкхолдерлермен жұмыс: экожүйедегі барлық топтарды білеміз бе?
Әлеуметтік жобалардың сәтті іске асу процесінде стейкхолдерлердің рөлі, олармен тиімді жұмыс істеу стратегиялары мен серіктестік этикасы.
Этикалық коммуникация қағидаларын, ҮЕҰ мен әлеуметтік жобаларда storytelling үлгілерін қалай қолдануға болатынын біраз талқыладық.
17 Jul 2025
Эпизод 6: Жақсы ниеттің зиян салдары
Кейде біз "жақсылық жасаймыз" деп, нақты бір қауымдастыққа немесе адамға зиян келтіруіміз мүмкін. Бұл эпизодта біз нақты кейстерді, этикалық дилеммаларды, және "Do no harm" – "Зиян келтірме" қағидасын қалай ұстануға болатынын қарастырамыз.
30 May 2025
Эпизод 5: Logic Model-ді қалай тиімді құрып, нәтижені өлшеуге болады?
This episode explores how to effectively build a logic model and measure results, emphasizing the importance of understanding connections between resources, activities, and outcomes in NGO projects.
18 May 2025
4 эпизод "Өзгеріс теориясы, миссия, ұйымның болашақ бейнесі, құндылықтар"
Dala kündelıgı (Field Notes) подкастының үшінші эпизодында өзгеріс теориясы, миссия, ұйымның болашақ бейнесі, құндылықтар секілді ұғымдарды талқылайтын боламыз. Кейде олар жазылып, сөреде қағаз жүзінде немесе сайттың парағында қалып қалады. Сондықтан бұл инструменттерді әлеуметтік ұйымдар күнделікті өмірде қолданса, мақсаттарына қалай тез жете алады деген сұраққа да жауап беруге тырыстық.
2 May 2025
2 эпизод "Үкіметтік емес ұйымдар: мән-мағынасы, бүгінгі жағдайы, перспективалары"
Dala kündelıgı (Field Notes) подкастының екінші эпизодында азаматтық қоғамның бір институционалды бөлігі, үкіметтік емес ұйымдар, туралы сөз қозғайтын боламыз. Тек қана Қазақстандағы жағдай емес, халықаралық контекстті де шолуға тырыстық!
2 May 2025
1 эпизод "Әлеуметтік ықпал. Бос сөз бе әлде қоғамдағы маңызды құбылыс па?"
Біздің бірінші эпизодымызда біз “Әлеуметтік ықпал дегеніміз не? Оны қалай түсіндіруге, өлшеуге болады? Қоғамдағы маңызы неде?” деген сұрақтарға жауап беруге тырысып көреміз. Тыңдап, кері байланыстарыңызды жазыңыздар. Күтеміз!
2 May 2025
Dala kündelıgı (Field Notes)-Intro
Сәлем! Сіздерге жаңалықпен келіп отырмыз! Подскасттар әлеміне Dala kündelıgı (Field Notes) атты жаңа жоба кірейін деп жатыр. Подкаст авторлары: Гүлназ және Құралай
Гүлназ Қорданова соңғы он жылда білім беру, цифрлық теңдік және әлеуметтік әділеттілік салаларында Қазақстан мен халықаралық жобаларда жұмыс істеп келеді. Ол үшін бұл сала — жай ғана жұмыс емес, өзінің өмірлік бағыты.
Құралай Жарқымбаева кәсіби жолын қауымдастықтардың дамуы және жүйелі өзгерістер тақырыбына арнаған еді. Оның ішінде білім саласы, балалар, жасөспірімдер, жастармен жұмыс көп орын алды. Гуманитарлық көшбасшылық және әлеуметтік жұмыс экспертизасын жұмыс жолында көп қолданды.
Contact Dala kündelıgı (Field Notes)
Guest appearances
Books guests
Based on episode analysis; this does not confirm that the show is currently accepting guests.
Host of Dala kündelıgı (Field Notes)?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
