Deep Think Matters

About Deep Think Matters

Drink Too Much

Publisher

Deep Think Matters

Category

education

Language

en

Explicit

No

First episode

8 Jul 2025

Latest episode

26 Jul 2026

Latest episodes

10 episodes in the feed.

1. 

   26 Jul 2026

   EP9｜發現原來唔係得我咁奇怪！關於性格、事業，同埋兩者之間

   歡迎收聽最真實嘅對話，關於性格、工作，同埋兩者之間嘅一切。 一個好I嘅人可唔可以做到出色嘅導師？你嘅性格應唔應該限制你嘅職業選擇？ 要求員工完全配合公司方向，或者容許員工自由發揮。邊種啱？ 「我MBTI係咁㗎啦」- 呢個可能係最危險嘅心態。認清性格係好事，但唔代表你可以用嚟逃避責任。 冇標準答案，但呢啲對話值得諗。 三位職場人坦誠分享佢哋對性格、工作同管理哲學嘅睇法。

2. 

   15 May 2026

   EP8｜城市都要搵 Ikigai？由香港2036講到我哋嘅未來定位

   「10年後嘅香港會變成點？」呢個問題好似好遠，但當我哋一路去想像未來，一路傾落去，竟然發現原來問緊香港嘅未來定位，其實都係問緊自己嘅人生方向。 呢集 DTM，我哋會由一個簡單嘅思考實驗出發，探討： 城市嘅中年危機： 當中介角色消失，香港靠咩搵到位？ 科技落差嘅代價： AI accessibility 受限，會點影響競爭力？ 個人嘅 Ikigai： 擅長啲乜、鍾意啲乜、世界需要啲乜、有冇人俾錢？ 未來唔係用嚟估中，而係用嚟準備。過程先係最有價值嘅嘢。

3. 

   14 Mar 2026

   EP7｜得唔得閒？一場關於「時間主權」的心理實驗

   「忙」係一種身份象徵，定係一種逃避？喺呢個追求效率嘅時代，「唔得閒」好似變咗我哋嘅口頭禪。但當我哋填滿咗每一分每一秒，我哋到底係贏咗產出，定係輸咗生活？ 呢集 DTM，我哋會由「得唔得閒」呢句問候出發，探討： 忙碌嘅潛規則： 點解全世界都好似好忙咁？ 時間嘅質素： 點樣由「生存時間」過渡到「生活時間」？ 「Me Time」嘅罪惡感： 抖吓真係咁奢侈？

4. 

   18 Feb 2026

   EP6｜停不了的招財貓｜點解我哋唔識停低？工作同休息之間仲有冇界線

   今集《Deep Think Matters》，由忙到爆既生活經驗開始，發現自己原來係一隻停唔到落嚟嘅「招財貓」？！不斷揮手，唔識停。10年無縫銜接的職業生涯，項目與項目之間冇真正嘅空檔，連放假都會諗緊工作。 點解我哋停唔到？工作同休息嘅界線去咗邊？係責任心、係習慣、定係已經唔識點樣真正放低？今集一齊探討呢個「停不了」嘅狀態，同埋當生活變成動機，我哋應該點樣搵返自己嘅節奏。

5. 

   15 Jan 2026

   EP5｜真係冇得揀，定係以為冇得揀？｜喺「冇得揀」嘅年代搵返自己嘅決定權

   今集《Deep Think Matters》，由忙到爆的生活細節開始：揀唔到 、覆唔完訊息、成日覺得自己只係被推住走，再加埋 AI 幫你寫文案、幫你做 research，仲有平台推送內容，一切都好似已經有人幫你揀好咗。 當生活、工作、城市條件一層層疊上嚟，好多選擇變成「理論上有，實際上冇」，我哋應該點樣理解自己真正嘅空間？ 呢一集，一齊講下點樣分清「我真係冇得揀」同「我仲可以點樣揀」、點樣喺照顧自己、尊重他人限制之間，慢慢學返其實係可以選擇。

6. 

   4 Dec 2025

   EP4｜忙碌係身不由己，定係一種選擇？｜做唔想做嘅嘢其實已經係「忙」

   喺呢個個個都掛住「好忙」喺嘴邊嘅世代，我哋成日覺得時間唔夠用。但係咪真係多嘢做到做唔切？定係因為我哋做緊一啲根本唔想做嘅嘢，所以無論時間幾充裕，心態上都已經覺得好「忙」、好壓迫？ 究竟「忙碌」係一種客觀嘅時間狀態，定係一種主觀嘅心理抗拒？當我哋面對唔想處理嘅任務，嗰種「忙」其實係咪有得揀？原來忙定唔忙，有時係一種 Option（選擇）。 今集《Deep Think Matters》，同大家重新定義「忙碌」！一齊思考點樣面對呢種生活狀態，係咪可以由心態開始，攞返對生活嘅主導權。

7. 

   25 Oct 2025

   EP3｜重新定義生活技能、生存技能｜咩先至係必備嘅現代生存工具

   喺呢個瞬息萬變嘅世界，我哋成日都會問：到底咩技能先至係真正有用？係咪真係識得生火、淨化食水，呢啲古代嘅「生存技能」？定係要識得 AI、識得理財、識得WLB（工作與生活平衡）嘅「現代生活技能」？ 究竟呢兩種技能，邊種對你嘅人生影響更大？當古代嘅求生智慧，遇上現代嘅都市壓力同科技爆炸，邊種技能先至係真正能令你安身立命、應對突發事件，甚至活得更精彩嘅「有用技能」？ 今集《Deep Think Matters》，重新定義！一齊思考吓到底咩先至係真正有用嘅生存同生活技能。

8. 

   23 Aug 2025

   EP2 | 批判思維等於唱反調？AI識分析定識「諗通」？文化、證據同道德標準點樣拉扯我們的判斷

   AI世代，資訊爆炸同算法推薦拉高咗「自以為知道」的錯覺；證據、事實、信念之間，仲有冇清晰邊界？作為「人」，我哋點界定「證明」同「相信」的關係：科學實驗、法律共識、社會文化會點樣改寫我們的標準？ 今集《Deep Think Matters》，我哋唔只談「批判」，而係拆解「批判性思維」：係形容詞定一套思考流程？AI可以好快「評分」與「分類」，但係識唔識權衡情境、道德相對、文化差異？質疑是否等於挑戰權威？在團隊、職場、創作中，點樣由「唱反調」走到「諗清楚」？

9. 

   10 Aug 2025

   EP1｜讀嗰樣=做嗰樣？MT迷思、內卷節奏同職場升呢：由放榜到Senior嘅真實軌跡

   放榜一刻，好多人以為條路已經被「八字」寫死：讀Product就做Product？讀Marketing就一定做Marketing？設計只係「靚」定真係有功能？呢集，沿住「Path A→B」嘅迷思，拆解「人生整定」同「自主權」之間嘅拉鋸。 由0到1入職場，再由Junior升到Senior，點樣面對缺乏工作/管理經驗、但又要帶人做事嘅現實？MT Program係加速器定濾鏡？點理解「節奏」同內卷、不自覺OT的文化？如果「讀嗰樣、做唔同樣」，又點樣補回中間真正重要、但最易miss嘅磨練過程？ 今集《Deep Think Matters》，我哋由放榜講到初入職場，再到由Junior升到Senior的磨練，拆解點樣喺「命定感」同「選擇權」之間，搵到屬於自己嘅路。

10. 

    8 Jul 2025

    EP0｜試一個！自私定大愛？成長中喺呢兩者點搵平衡？AI世代，I人著數啲定E人著數啲？

    喺呢個 AI 爆炸嘅年代，個個都叫你「要快、要學、要追」，好似慢一步就會被淘汰。要成功，究竟做人要自私，定係要大愛？成長，係咪就等於要妥協？ 作為「I人」，喺追求效率、個個都話要搞個人IP嘅時代，可以點樣搵到自己嘅獨特價值？ 今集《Deep Think Matters》，唔講空泛理論，當面對「現實社會要求」同「真實嘅自我」打交嘅moments，我哋可以做啲咩，去調整自己嘅心態？

Reach and audience

Public platform figures. Ratings count people who left a rating, not total listeners.

Spotify

5.0 / 5

3 ratings

Contact Deep Think Matters

Guest appearances

Does not typically book guests

Based on episode analysis; this does not confirm that the show is currently accepting guests.