Egypt Real Estate Podcast أول بودكاست عقاري متخصص.
هنقابل هنا أفضل العقول في القطاع العقاري: Marketing, Sales, Operation, Back office, CEO's and Decision-makers
Egypt Real Estate Podcast مش هيكون Podcast مليان مشاريع ووحدات و inventory مبيخلصش.
هدفنا الحقيقي إننا نتواصل عقول مبدعة في قطاع العقارات نحاول نعرف قصتهم، أسباب نجاحهم، رحلتهم في عالم العقارات ومواضيع تانيه كتير، هنسمع منهم وجهات نظرهم في كل الملفات وأفكارهم لقطاع عقاري متطور.
أنا علي السعدني ودا هيكون بودكاست عقاري لذيذ جدًا.
الموسم 2 | حلقة 6 | مع أحمد عاشور مؤسس Broqurz أول منصة للفريلانسرز في القطاع العقاري.
استكمالا لحلقاتنا عن المشاريع التكنولوجية أو كما تدعي ال Proptech ف ي القطاع العقاري، انهارده عندنا حلقة مهمة أوي لكل الفري لانسرز اللي موجودين في قطاع العقارات وفيه مفاجأة في نهاية الحلقة، حلقتنا عن منصة Broqurz وهي برودكت تكنولوجي جديد بيتضاف للكل البرودكتس الناجحه اللي موجودة في السوق، ، اللي توقعي الشخصي ليه انه هيغير تماما شكل تعاملنا مع فرص العمل في القطاع العقاري الفترة الجاية خصوصا في قطاع المبيعات، بنستضيف انهارده أحمد عاشور مؤسس المشروع عشان يفصصلنا السيستم الجديد حته حته ويكلمنا عن مميزاته وأهدافه.
لكل الفريلانسرز اللي بيسمعوا الحلقة تقدرو تستخدمو برومو كود ( BROQURZFAM) عشان تاخد شهر مجانا على المنصة تستمعتوا بكل المميزات الموجودة فيها
15 Apr 2023
الموسم 2 | الحلقة 5 | ازاي تقدر تبني قنوات ديجيتال فعالة للشركات العقارية مع مصطفى السيد
في الحلقة ال ٥ من الموسم التاني استضفنا الصديق العزيز مصطفي السيد نائب مدير قطاع التسويق في شركة RED للتسويق العقاري، اتكلمنا معاه عن رحلته في عالم العقارات اللي امتدت ل ١٣ سنة بأكتر من ٦ مليار مبيعات في شركات مختلفة، دردشنا عن القطاع العقاري وازاي نقدر نبني قنوات تسويقية فعالة لشركات التسويق العقاري تساعدها على الاستمرارية وتحقيق أهدافها.
31 Mar 2023
الموسم 2 | حلقة 4 | عن فرص التكنولوجيا العقارية في القطاع العقاري المصري
في الحلقة الرابعة من الموسم التاني بنستضيف مينا عماد المتخصص في تكنولوجيا العقارات عشان يكلمنا عن فرص تطور التكنولوجيا في القطاع العقاري المصري ويكلمنا عن رحلته في اكبر المشاريع التكنولوجية في قطاع العقارات.
6 Jan 2023
أهمية دراسات الجدوى للمطورين العقاريين مع هشام الفولي | الموسم 2 | حلقة 3
أهمية دراسات الجدوى للمطورين العقاريين مع هشام الفولي | الموسم 2 | حلقة 3
21 Dec 2022
الموسم 2 | الحلقة 2 | تهيئة محركات البحث للشركات العقارية مع خبير ال SEO محمد الشحات.
تهيئة محركات البحث أو الSEO هو واحده من النقاشات اللي مبتتقفلش خالص في سوق العقارات، ما بين دي صعبه جدا تكاد تكون مستحيله بسبب المنافسه، طول المده اللي بيحتاجها المتخصصين عشان يكون فيه نتائج وطبعا تكلفته العاليه نسبيا، لكن في المقابل كل الناس انه يستاهل الاستثمار فيه لإنه نتايجه بتكون مرضية جدا جدا.
في الحلقة التانية من الموسم التاني بنستضيف Mohammed Shahat واحد من خبراء ال SEO وتحديدا في قطاع العقارات، حلقة طويله اتكلمنا فيها عن أغلب النقاط اللي بيسألها أصحاب الشركات خصوصا شركات التسويق العقاري.
تم التصوير بستوديو ساري العقارية.
تم المونتاج بشركة رواة للانتاج الصوتي.
14 Dec 2022
خطوات بناء علامة تجارية عقارية ناجحة - د. رشا حجاج | الحلقة 1 | الموسم 2
أهلا بيكم في الموسم الثاني من Egypt real Estate Podcast
في الحلقة الأولى من الموسم الثاني بنستضيف دكتورة رشا حجاج، مستشار ادارة الاعمال والخطط الاستراتيجية بخبرة تزيد عن ١٨ سنه في القطاع العقاري، اتعرفنا فيها علي د. رشا عن قرب وناقشنا فيها خطوات بناء علامة تجارية عقارية ناجحة
- تعريف العلامة التجارية الناجحة
- خطوات بناء العلامة التجارية
- خطوات اطلاق العلامة التجارية بشكل فعال
- معايير العلامة التجارية الناجحة
- ايه الاخطاء اللي لازم تتجنبها
تم المونتاج بستوديوهات رواة
تم التصوير في ستوديو شركة ساري العقارية
شكرًا لشركة أو تو ميديا على الدعم المستمر
17 Oct 2022
حلقة 8 | المشاريع العقارية بين فاعلية وجماليات التصميم وواقع التنفيذ - مهندس وليد مرسي
الحلقة رقم ٨ من Egypt real estate podcast
استضفنا فيها المهندس Waleed Morsy (https://www.facebook.com/waleed.morsy?__tn__=-]K*F) المؤسس والمدير العام ل Dci Plus Arcitects عشان نتكلم عن التصميمات المعمارية وواقع تنفيذها خصوصا في العاصمة الادارية، شرحلنا مفهوم ال Value engineering وأهميته للمطور العقاري وكلام تاني كتير عن رحلته في عالم التصميمات المعمارية.
18 Sept 2022
حلقة ٧ | أهمية إدارة التطوير داخل شركات التطوير العقاري
إدارة التطوير داخل شركات التطوير العقاري واحدة من أكتر الإدارات اللي كانت شغلاني الفترة اللي فاتت، لإنه الدور اللي مفروض تقوم بيه هو دور حيوي ومهم لنجاح المنظومه كلها، مع ذلك مكنتش بشوف الإدارة دي في أغلب الشركات الصغيرة والمتوسطة لكن موجودة في الكيانات الكبيرة وسبب من أسباب نجاحها.
في الحلقة ٧ من Egypt Real Estate Podcast استضفت فيها المهندس أحمد عبد السلام Ahmed Abdel Salam (https://www.facebook.com/Ahmed.AbdelsalamAbdelMaksoud?__cft__[0]=AZXrbuTmbQ2Jntz4Zr1tXNZvc-1H_03Dp8MC2qtA0DM-8pxL0hNFK9z10ftYgZJhP3MlbG6FbbxA6h2XpQz4K-_1_v6qFHjeNsHryCmUaZsa6255hGWS_7RjMR8eRM6idziThh_CA5KTqdl9bWOPCYhYPXKSSmmCOdFRojkX8qjFTg&__tn__=-]K-R) استشاري التطوير العقاري في العديد من شركات التطوير العقاري خصوصا الموجودة في العاصمة الادارية، اتكلمنا فيها عن مفهوم ادارة التطوير وأهميتها، شكلها وخبراتها بتكون عامله ازاي، وفايدتها على المستوي الربحي كمان وليه مش موجودة بشكل فعال أكتر في الشركات العقارية الناشئة.
23 Aug 2022
حلقة ٦ | كيف تُطلق معرض عقاري ناجح مع ليليان ادوارد
المعارض العقارية هي حديث الساعه في القطاع العقاري في الفترة الأخيرة، خلافات كبيرة في الرأي حوالين الموضوع دا مابين ناس شايفه المعارض السنه دي ادائها كان سيء وناس تانية قدرت تخرج من المعارض بنتائج كويسة، ما بين دا ودا قررت إني ابدأ سلسلة حلقات عن المعارض العقارية هنناقش فيها كل التفاصيل الخاصة بالموديول دا من أول الفكرة مرورًا بالتنظيم لحد تقييم النتايج ومواضيع تانية كتيرة
ضيفتنا في الحلقة رقم ٦ من Egypt Real Estate podcast، ليليان إدوارد Lelian Edawrd (https://www.facebook.com/lelian.edawrd?__cft__[0]=AZXDGYvof00L1oxshH4lZPEbFeMTklT_mSuu9q8p54QhG-vNfT6DXHCs3fSCsauWMMEpVELY5cVpFjTqOKMFE4Wppe4JwegVm3ea8WSO4s9B57Zi51p4Sa0QwZx4ZXpCM9i9Mlul9jb9c-fk5Zf-Q0bHt275QxahksRU066hOI1HxA&__tn__=-]K-R) وهي مديرة التسويق في معرض The national Expo ، هنسمع منها عن خطوات ومعايير اطلاق معرض عقاري ناجح ونصايحها لكل الاطراف عشان يضمنوا النجاح.
7 Aug 2022
حلقة ٥ | ازاي تقدر تزود مبيعاتك العقارية عن طريق الديجيتال ماركيتنج مع عز الدين عادل
أهلًا وسهلًا بيكم في حلقة جديدة من بودكاستكم المفضل Egypt Real Estate Podcast
معانا في الحلقة رقم ٥ المهندس والخبير التسويقي عز الدين عادل مع واحد من أهم ال ديجيتال ماركتيرز في سوق العقارات المصري، هتسمعوا قصته من الهندسة لريادة الأعمال والماركيتنج، انطلاقته في عالم العقارات، تجربته القوية جدًا مع The Address investment كمدير للديجيتال، خطوته الجديدة اللي اتكلمنا عنها كتير، وهتسمعوا كلام تكنيكال محترم جدًا في النص الأخير من الحلقة من واحد كان بيدير أكبر ميزانية تسويق في السوق العقاري.
11 Jul 2022
حلقة ٤ | حوار مع هلال محسن - مدير تسويق شركة أمازون للتنمية العمرانية
أهلا وسهلا بيكم في حلقة جديدة من Egypt Real Estate Podcast
لو رجعنا بالزمن شوية، قطاع العقارات هو في الأساس قطاع بيعي، اعتماد الشركات كان بشكل كامل على مستشاريين عقاريين، لإنه ال Demand كان عالي أوي و ال Supply كان قليل مع هدوء شويه في مسألة المنافسيه، لكن في آخر ١٠ سنين خصوصا ال ٤ سنين اللي فاتو، مازال ال Demand عالي و Supplyلسه قليل في بعض أنواع العقارات، لكن المنافسة بقت شديده أوي، حصل معاها تغييرات كبيرة في سوق العقارات أدت مساحة أكبر لأقسام التسويق انها تكون موجودة بشكل قوي في القطاع العقاري، في زمن الداتا والديجيتال ترانفسورميشن، هياكل الشركات العقاريه بقت مرنه جدًا وبتدى مساحه إكبر لمديرين التسويق في هيكلها الإداري، انهارده معانا شخص بيقود شركة كبيرة بمشروع ضخم في العاصمة الإدارية كمدير تسويق
في الحلقة الرابعة معانا هلال محسن، مدير التسويق في شركة أمازون للتطوير العقاري، انا دايما بوصف هلال انه مدير تسويق شقي، حد هايبر اكتف جدا ونشيط أوي ومختصر، مثال لمواصفات شخص شغال في التسويق تخليه يبقي من الأسماء القوية في مجاله في الفترات الجايه وهو فعلا أسمه قوي في قطاع العقارات في سوق التجمع والعاصمة الإدارية انهارده، هيكلمنا انهارده عن:
- بدأ ازاي في مجال العقارات
- وصفه للمشهد العقاري في العاصمة الادارية
- مميزات وسمات مدير التسويق في القطاع العقاري
- كيفية التعامل مع التغير السلوكي لعميل العقارات في السنوات الأخيرة
- كيفية ادارة العلاقة مع الأقسام الأخري والادارات العليا في شركة عقارات
4 Jul 2022
حلقة ٣ | حوار مع كريم زين - المدير التنفيذي لشركة كولدويل بانكر للاستثمار والتسويق العقاري
أهلاً بيكم في الحلقة الثانية من Egypt Real Estate podcast
منصب المدير التنفيذي يعد من المناصب الإدارية العليا الحساسة في الشركات عموما وفي القطاع العقاري بالتأكيد، مهام المنصب أغلبها بتكون على مستوى استراتيجي في الأمور المتعلقة بخطط الشركة ومشاريعها والاشراف تنفيذيها على اكمل وجه، بيكون مسئول أمام أعضاء مجلس الإدارة عن جودة العمل داخل الشركة والربحية وعن مدى دقة تنفيذ مشاريع الشركة، نقدر نقول انه هو القائد المباشر للشركة، وتحت دا عدد كبير من المهام التي سيكون مسؤولاً عنها، وتختلف تلك المهام بحسب كل شركة ومجال اختصاصها وحجم عملها وعدد الموظفين فيها.
انهارده بنستضيف كريم زين المدير التنفيذي لشركة كولدويل بانكر للاستثمار والتسويق العقاري، هنتكلم فيها عن التالي:
- خطوة استحواذه على أسهم كولد ويل ووجوده كرئيس تفيذي
- ليه كولد ويل مميزة، وهيكلمنا كمان عن برنامج الفرنشايز اللي اطلقوه في بداية السنة
- هل شركات التسويق العقاري بتقدم قيمة حقيقيه لكل الأطراف، العميل والمطور؟
- إيه أهم عوامل نجاح شركة تسويق عقاري في مصر، ازاي يكونو ناجحين زي كولدويل؟
- تقييمك ايه للمشهد التقني في سوق العقارات، شايفه ازاي؟
- مسألة الكوميشنز الكبيرة حاليا، هل هي حاجه مفيده ولا مضرة ولا طبيعيه في سوق ضخم؟
- أفضل صفات المدير التنفيذي الناجح لشركة عقارات.
- ايه أكبر التحديات بالنسبالك كمدير تنفيذي.
- روتينه اليومي بيمشي ازاي في شركة كبيرة زي كولد ويل.
- ايه المعايير الي بيختار عليها second lineعلشان يتأكدو انهم بينفذوا ويستوعبوا plan الشركة بشكل مثالي.
- ازاي كمدير تنفيذي تقدر تحافظ على الديناميكية وعلى بيئة عمل صحية جوا شركة ضخمه زي كولد ويل.
- بيشوف الماركتييرز ازاي دلوقتي في ٢٠٢٢ وفي سوق معتمد بشكل كامل على ال Leads Generation
- اتكلمنا عن مواسم البيع، هل حاجه زي كدا لسه موجودة وانت عندك ١٢ مدينه جديده! ولا خلاص السوق اتغير وبقه فيه بيع طول السنة؟
- اتكلمنا عن مصطلح بره مصر اسمه Dehumanizing in real estate، مفهومه عن عدم الإنسانية في قطاع العقارات، هل الموضوع دا موجود في مصر؟
29 Jun 2022
حلقة ٢ | حوار مع أمنية عصام - المدير التنفيذي لـ Billboards Agency
أهلا بيكم في تاني حلقات Egypt Real estate podcast, مع المتميزة أمنية عصام، حلقة مختلفة أوي عن الماركيتنج والديجيتال في قطاع العقارات، أعتقد هتكون مصدر لكتير من الناس اللي حابه تدخل مجال الديجيتال من باب العقارات، ومرجع قوي لشركات التطوير والتسويق العقاري، الحلقة كمان مختلفه بما إننا في نفس المجال فكان نقاش اكتر منه ضيفة متميزة، ضايقتها شوية بأسئلة كتيرة، واختلفت معاها في شوية نقاط بس النقاش في مجمله كان محترم جدا من شخص عنده علم وخبرة، أتمنى تعجبكم زي مانا اتبسطت بيه.
23 Jun 2022
حلقة 1 | حوار مع الأستاذ محمد إبراهيم الرئيس التنفيذي لـ نوا للخدمات العقارية.
الحلقة الأولي من Egypt Real Estate Podcast
استضفت فيها الأستاذ محمد ابراهيم الرئيس التنفيدي لـ نوا للخدمات العقارية، اتكلمنا فيها عن رحلته في عالم العقارات، رحلة شركة نماء للتطوير العقاري وقصة النجاح المبهرة والفريدة في مصر، دردشنا عن منصة نوا برو وأهدافها وأفكاره لقطاع عقاري أسهل، قالنا من وجهة نظره عن الخلطة أو السبب الرئيسي لنجاح شركة عقارية في مصر، انتظروا حوار هاديء مع شخص مخلوط بالعقارات وقصة مليانة خبرات أكبر من انها تتحكي في ساعة.
#EgyptRealEstatePodcast (https://www.facebook.com/hashtag/egyptrealestatepodcast?__eep__=6&__cft__[0]=AZX_unQD4JHKQztHl1-6xjP4bgaV-WJBPHF-PiLldHynffn4YMEb2qIl_vvMtuKYIdueADQjTqUM2McHvduMj1BmUNqGVOoZIhZOTs6TiMvMuR5n9h3YkX-FrHxpfd8kO16mS2X-MSVKZE7f5R0cUIvTfn-gDsh9JaHyJYsrUSW8OnVLA7-kyYJV2AsWMWXdl50&__tn__=*NK-R)
16 Jun 2022
Egypt Real Estate Podcast | Trailer
Egypt Real Estate Podcast أول بودكاست عقاري متخصص.
هنقابل هنا أفضل العقول في القطاع العقاري: Marketing, Sales, Operation, Back office, CEO's and Decision-makers
Egypt Real Estate Podcast مش هيكون Podcast مليان مشاريع ووحدات و inventory مبيخلصش.
هدفنا الحقيقي إننا نتواصل عقول مبدعة في قطاع العقارات نحاول نعرف قصتهم، أسباب نجاحهم، رحلتهم في عالم العقارات ومواضيع تانيه كتير، هنسمع منهم وجهات نظرهم في كل الملفات وأفكارهم لقطاع عقاري متطور.
أنا علي السعدني ودا هيكون بودكاست عقاري لذيذ جدًا.
Reach and audience
Public platform figures. Ratings count people who left a rating, not total listeners.
Apple Podcasts (US)
5.0 / 5
2 ratings
Contact Egypt Real Estate Podcast
Guest appearances
Books guests
Based on episode analysis; this does not confirm that the show is currently accepting guests.
Host of Egypt Real Estate Podcast?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
