Ej šī! Parunuosim?

About Ej šī! Parunuosim?

"Ej šī! Parunuosim?“ ir vīta sarunai - breivai i vīnkuoršai, taidai, kur dreikst pīsadalēt "parostī miersteigī" i runuot par temom, par kurom parosti runoj tikai "namiersteigī". :) Mes - Leila i Aija - asom divys latgalītis, i myusim tryukst podkāsta nu šenis, na uorzemem voi Reigys. Tod nu izdūmuom taisēt pošys! Runuosim par vysdažaiduokajom temom i aicynojom īsasaistēt arī tevi - ar komentārim, ar īrūsynuojumim temom & gostim (vairuok par tū losi Facebook: https://www.facebook.com/groups/293414518452052/). Ej šī! Prīcuosimēs tevi satikt! Un, prūtams - like, share & subscribe! 😊

Publisher

Aija Mežale // Leila Rasima

Category

society & culture

Language

lv

Explicit

No

First episode

1 Jul 2020

Latest episode

24 Oct 2022

Latest episodes

13 episodes in the feed.

1. 

   24 Oct 2022

   Ej šī! Parunuosim? // #12 Patriotisma eiroremonts

   Itymā laikā daudzi Latvejā puorskota voi “remontej” sovus uzskotus, ari Eiropā juopuorskota vierteibys i uzteiceiba tuom. Podkāstā runuosim par tū, kū Latgolai i Latvejai itymā laikā nūzeimej patriotisms, voi tei nūzeime ir koč kai mainiejusīs. Par Latgolys kongresa atskaņom - par Latgolys nūzeimi Latvejis drūšeibā i tū, ka myusu reģionam vajag vaira uzmaneibys, tikai dimžāl leidz šam juos ir vaira negativys kai pozitivys. Voi gaidoma volūdys revoluceja leidzeigi kai Ukrainā, kur daudzi ukraiņi izavielej vaira narunuot krīviski? Kaida lūma myusu latgalīšu volūdai sovys valsts patriotismā i voi itys laiks ir īspieja tai atdzimt? Voi lokālpatriotisms vysod ir arī sovys valsts patriotisms? Padūmju pīminekļu nūjaukšona - voi tys atrysynuos godim naatrysynuotuos integracejis problemys? Voi krīze ir lakmusa papeirs, kur radzam, kai vyss ir patīseibā? Voi mes spiejom byut vīnuoti breižūs, kod juobyut vīnuotim? Sarunā kluotīnē Leila Rasima i Aija Mežale, itū raizi nu Reigys.

2. 

   24 Oct 2022

   Ej šī! Parunuosim? // #11 Myusdīnu vajadzeibys: dorbs; Netflix; a, kur drūšeiba?

   Leila Rasima, Aija Mežale un Kristaps Andrejsons sasatyka, lai parunuotu par tū, kur myusdīnu vajadzeibu hierarhijis piramidā atrūnama drūšeiba. Pādejūs godu, mienešu i nu jau stunžu i minošu nūtykumi atguodynoj, cik svareiga cylvākam ir drūšeiba sovā ģimenī, valstī, pasaulī. Kristaps Andrejsons ir žurnalists, podkāsta The Eastern Border radeituojs, kam interesej PSRS viesture i myusdīnu politika. Leila Rasima & Aija Mežale - podkāsta "Ej šī! Parunuosim?" veiduotuojis, sabīdriski aktivys personeibys. Aija ir arī breivpruoteiguo twitter.com/free_Belarus_lv (https://l.facebook.com/l.php?u=https%3A%2F%2Ftwitter.com%2Ffree_Belarus_lv%3Ffbclid%3DIwAR23lObhoHmDLCE6eGqVwgG9CH8Bv9cdaDiCSmu4n4FCEtpZDaMpVafXjC8&h=AT1Fq36jKjxZAds6jsJwO0Lymx-hGIcU3aiub4pwL39liB_SdoIUD14ZvELwk49OYWi16SNq99vBJnCWjc8mVs9xUiLf9VcFKrEnqz4SuFVuJ7Ak6fEBu8DxCMLmTnbbTeOnnDCVjiwOkn3Fl8zc&__tn__=-UK-R&c[0]=AT1RIifaXsOv--NQTTd0a3lr_J6unOtDK8fpWvvRCvEnQvZzR5EHkh4Yi04-inZse4lNWYsqmqlJTDEk6FNkeDxWx7hRJsATyT9rNQhCO5y9kZEL6erBmIv6wfNC4UibdyUMvsaYP1lhmBS5Iq3WkpH9ZtbXvUxG9DFkZnfW9T4UzULcl-MJB2x8). Podkāstu atbolsta #AktīvoIedzīvotājuFonds (https://www.facebook.com/hashtag/akt%C4%ABvoiedz%C4%ABvot%C4%81jufonds?__eep__=6&__cft__[0]=AZUe97hvd0WqJocUpH5YvdIPVOYfvthzwuu08haUSBVpkXSavBrIC3uD81bcZhPrzd3h2rqMaSkS-SRy5HKetFfmywXMs4CtG3AEhvzPAF8bqcZO80RtusiklhTCuDGEC8JSI7vyUbR9Z42Y2hpkmq-CBZ3t4BhlIEfKUwPhiF3ROg&__tn__=*NK-R), projekts "Klausies. Saproti. Rīkojies."

3. 

   15 Feb 2022

   Ej šī! Parunuosim? // #9 Pandemijis blokusefekti

   Kaidi bejuši pandemejis blokusefekti saimis i dorba vidē? Kai tī ītekmiejuši myusus i sabīdreibu kūpumā? Kai pasaryupeit par sevi i par leidzvylvākim, kab nuokušīs gods byutu krītni lobuoks par aizejūšū? Sarunā pīsadaleja Lauma Žubule, organizaceju psiholoģe i supervizore, Inga Zeltiņa-Ušpele - školuotuoja, sabīdriski aktiva persona, i, prūtams, Leila Rasima, jaunīšu mentore i vīna nu podkasta iniciatorem i moderatorem. Podkāstu atbolsta Aktīvo iedzīvotāju fonds projekta "Klausies. Saproti. Rīkojies." aktivitašu ītvarūs.

4. 

   15 Feb 2022

   Ej šī! Parunuosim? // #10 Iedīņkartī filosofeja

   Itymā reizē myusim pīsavīnoja sirdī jūprūjom latgalīts, bet nu filosofejis pietnīks i pasnīdziejs Cīrihis universitatē - Artūrs Logins. Parunuom par dažaidom dilemmom, ar kū sasaskoras na tikai zinuotnīki, bet arī mes poši ikdīnā, pīmāram, par "trolley dilemma". Pīsaskuoram aktualom Twitter diskusejom, kas labi sasasauc ar dilemmu tematiku.

5. 

   10 Dec 2021

   Ej šī! Parunuosim? // #8 Cik zaļa dzeive zaļajā Latgolā?

   Itymā reizē Leila un Aija tiksīs ar Mairitu Lūsi, un vysys kūpā raudzēsim saprast, cik zaļi dzeivojom myusu zaļajā, skaistajā Latgolā. Mairitu gribēm aicynuot i ar jū pacelt zaļuos temys jau seņ - jei ir latgalīte, kura ir aktiva Zero Waste Latvija bīdre, kai ari Atkrytumu apsaimnīkuošonys dorba grupys vadeituoja Reigys dūmē. Mairita rauga padarēt vīgluoku atkrytumu naradeišonu un šķiruošonu. Runuojam par tū, kai myusim veicās ar atkrytumim, par Zero Waste i minimālismu, par tū, voi myusim ir juozajyutās vaineigim, ka našķirojom atkrytmus kai nuokās voi ka pierkom daudzi produktu plastmasys īpokuojumūs. Atbolsta Aktīvo iedzīvotāju fonds.

6. 

   10 Dec 2021

   Ej šī! Parunuosim? // #7 Kod demokrateja snauž, diktatura mūstuos

   Vieleišonys garom i jau pratiski aizamiersušs. Prīcej šmuka vosora, tiuleņ Leigū - dzeive ir skaista! Un dzeive ir krītni skaistuoka, kod izavielīs tū baudēt, darēt sovys dzelis, naīspringt iz probemom i reizem pat pīviert acs iz vysaidom nataisneibom. Dzeivojom tok viņ vīnreiz un vysys pasauļa suopis naizsuopeisi. Un bīži viņ myusim arī līkās - kū tod es tī taids vīns varu izdarēt? Kū muns vīns bolss maina? Vieleišonys paruodē, ka koč kū maina gon, i na moz. Kotrs, kurš aizguoja nūbolstuot, tū izdarē na viņa par sevi, bet par vēl 2 cylvākim. Vīns par trejim - gondreiž kai “Treis musketīrūs”! Bet voi tīm 2, kas nabeja vielēt, vyspuor var kū puormest? Kurš ir aita - tys, kurš īt bolsuot i, pīmāram, vāluok atskuorš, ka izdariejs pavysam aplomu izvieli, voi tys, kurš palīk sātā i nabolsoj nimoz? Cik sūļi nu demokratejis leidz autoritārismam? Voi tei ir eista demokrateja, ja 66% cylvāku ļaun vysu izlemt cytim i pat naaizīt iz vieleišonom? Voi varbyut tei ir normāla demokratejis sastuovdaļa - izavielēt naizavielēt? Kai nuookās, ka gon Latvejā, gon pasaulī demokrateja jūprūjom ir tik trausla i apdraudeita? Voi obligatu vieleišonu īvīšona byutu demokratiska? Voi varbyut kaidys bolvys, lotereja voi samoksa par bolsuošonu byutu loba ideja? Kas ir tys, kū varom reali darēt lokāli pi seva, Latgolā, lai styprynuotu myusu breiveibu i demokrateju? 

 Itī i vēl daudzi cyti nūpītni i na cik nūpītni vaicuojumi pyrmūdiņ 20:00 Facebook tīšraidē. Itymā reizē Leilai i Aijai pīsavīnuos Inga Zeltiņa-Ušpele. Inga ir sociali aktiva rēzeknīte, kura struoduojusi Eiropas Komisejā Luksemburgā, bet nu jau laiceņu atsagrīzuse atpakaļ dzymtajā Latgolā. Atbolsta Aktīvo iedzīvotāju fonds.

7. 

   10 Dec 2021

   Ej šī! Parunuosim? // #6 Jimšonuos ap apsajimšonom

   2021.goda pyrmais mieness ir cauri i skaidrs - daudzys apsajimšonuos izkūpiejušs gaisā kai Zīmyssvātku snīgs! Par laimi, uzsnyga jauns! Itymā reizē podkāstā parunuosim par tū, voi apsajimšinuos vyspuor ir pozitīva vai na cik pozitīva līta, par kū dažim saīt, bet dažim nasaīt sasnīgt izvyrzātūs mierķus i par tū, kai myusu apsajimšonuos ītekmej sabīdreibu i cytus cylvākus myusim apleik. Sarunā pīsadola: Māris Resnis - "meža koučs", apmuoceibu i pīdzeivuojumu projektu vadeituojs, Maija Hartmane - Riezeknis nūvoda pošvaļdeibys Izgleiteibys-uzņiemiejdarbeibys kontaktpunkta specialiste, Leila Rasima - podkāsta vadeituoja & jaunīšu mentore projektā "Proti un dari!" Podkāstu atbolsta Aktīvo Iedzīvotāju Fonds.

8. 

   6 Feb 2021

   Ej šī! Parunuosim? // #5 Dorbs par capumu

   Dorbs - tema, par kuru varātu runuot daudzi. Parunuom par tū, kai mainuos uztvere par tū, kas ir dorbs, par "bullshit jobs", par "Adugs" skandalu i "Svetlanom". Facebook live sarunā pīsadaleja Aija Mežale, Leila Rasima, Vineta Vilcāne i Daiga Laizāne jeb DJ Deila Muse.

9. 

   1 Nov 2020

   Ej šī! Parunuosim? // #4 Laimis seja. Depre seja. Latgola

   Itymā reizē podkāsts "Ej šī! Parunuosim?" pīsavierš taidai myužeigai temai kai laime. Kaida ir laimis cena? Kas paleidz voi tīši ūtraiži - līdz myusim byut patīsi laimeigim? Voi depreseja ir īildzs nūmuokts nūskaņuojums voi slynkums voi tūmār koč kas cyts? Kaida lūma laimē ir montom i minimālismam? Voi Latgola var kļyut par laimis zemi - i kai? Sarunā pīsadola cylvāki, kas par itū temu dzeivī varbyut dūmoj nadaudz vaira kai cyti, a, mož i nā - Betija Elīza Lāce, Raimonds Platacis i sarunu moderej Leila Rasima & Aija Mežale.

10. 

    28 Aug 2020

    Ej šī! Parunuosim? // #3 Kolumbejis flirts ar skotu iz stroiku?

    Latgalīši pasaulī. Leluo emigrāceja. Pādejais lidūstā izslādz guni! Itymā reizī saruna par tū, kaida dzeive cytur, i kaidu Latgolu grybātu redzēt ourzemu pīredzi pīsasmālušī. Sarunai pīsaslēgs Juoņs Dreļs nu Kolumbejis, Raivis Bondars nu Īrejis, Aija Mežale nu Vuocejis i Leila Rasima - itūreiz nu Francejis. Byus gona jautri i interesanti!

11. 

    7 Aug 2020

    Ej šī! Parunuosim? // #2 Feminisms, seksisms, dzymumu lūmys

    Sasatykomēs jau ūtrajā podkāstā "Ej šī! Parunuosim?" iz sarunu Facebook live. Par sīvīšu i veirīšu tīseibom, par dzymumu lūmom, par sīvišķeibu i veirišķeibu, par vīnleidzeibu, par tū, voi feministis patīšom īneist veirīšus, par bārnu (meitiņu) i sīvīšu seksualizeišonu, par Rebeku Kohu, Ghetto Games, Uģi Kuģi i daudzi kū cytu. Raudzejom iz ituom temom pasavērt Latgolys kontekstā, kai ari na viņ nu sīvīšu skotupunkta. Itūreiz sasarunuoja Leila Rasima, Helēna Viļuma un Kaspars Strods.

12. 

    1 Jul 2020

    Ej šī! Parunuosim? // #1 LIDL, Marsa parks, automozguotuvis

    Ir kluot myusu pats pyrmīs podkāsts - kūpā ar Dāvi Gasuli. Jis ir arhitekts i pa pusei kuorsovīts. Runuosim par Kuorsovys automozguotuvem, Riezeknis LIDL, Reigys koncertzalu i Marsa parku. Par vidi, kurā dzievojom i kurā grybātu dzeivuot. Par tū, kas vajadzeigs laimei.

13. 

    1 Jul 2020

    Ej šī! Parunuosim? // Īpazeistynojam ar sevi i podkāstu

    "Ej šī! Parunuosim?“ ir vīta sarunai - breivai i vīnkuoršai, taidai, kur dreikst pīsadalēt "parostī miersteigī" i runuot par temom, par kurom parosti runoj tikai "namiersteigī". :) Mes - Leila i Aija - asom divys latgalītis, i myusim tryukst podkāsta nu šenis, na uorzemem voi Reigys. Tod nu izdūmuom taisēt pošys! Runuosim par vysdažaiduokajom temom i aicynojom īsasaistēt arī tevi - ar komentārim, ar īrūsynuojumim temom & gostim (vairuok par tū losi Facebook: https://www.facebook.com/groups/293414518452052/ (https://www.facebook.com/groups/293414518452052/)). Ej šī! Prīcuosimēs tevi satikt! Un, prūtams - like, share & subscribe! 😊

Contact Ej šī! Parunuosim?

Guest appearances

Books guests

Based on episode analysis; this does not confirm that the show is currently accepting guests.