Ontdek 'n transformerende reis van selfontdekking en geestelike groei terwyl jy God beter leer ken. Elke episode bied inspirerende gesprekke, praktiese wenke en persoonlike getuienisse om jou geloofsreis te verdiep.
In hierdie vertelling hoor ons van die eerste Kersfees soos beleef deur Maria - nie as ’n veraf Bybelverhaal nie, maar deur ’n jong meisie se herinnering aan stofpaaie en ’n ja-woord wat alles verander het.
Sy vertel van vrees en vertroue, van ’n lang reis na Bethlehem, van ’n stal waarin die hemel aarde toe gekom het, en van ’n Kind wat klein genoeg was om vasgehou te word - maar groot genoeg om die wêreld te verander.
18 Dec 2025
Stille Nag - Lied van vrede
In hierdie vertelling neem ons jou terug na ’n sneeubedekte dorpie in Oostenryk, waar ’n priester en ’n skrynwerker met net ’n gedig en ’n kitaar ’n lied skep wat die wêreld sou verander. Die verhaal beweeg verder na die loopgrawe van 1914, waar dieselfde lied - oor niemandsland gesing - ’n oorlog vir ’n paar heilige oomblikke laat ophou het.
Skrywer: Nadia Muller
Voorleser en musiek: DJ Muller
30 Oct 2024
Ep. 16 - The Long Haul of Faith: Dr. Rowan Williams on Vocation and Prayer
In this special episode, I sat down with about 9 other people, including Dr. Rowan Williams after a full day of exploring “Faith Formation within the Church for the Life of the World” at the Andrew Murray Centre. Following the main event, Marnus Havenga and Dr. Williams engaged in a very interesting conversation on vocation, calling, and the lifelong journey of faith. Reflecting on the Eucharist as a place of both divine and human connection, Dr. Williams delved into how Christian identity is shaped through listening, self-awareness, and spiritual practice.
Drawing on personal experiences in spiritual direction, he shares valuable insights on the “long haul” of ministry, offering guidance on how routines of prayer and attentiveness can sustain faith, even amidst life’s distractions and difficulties. This intimate conversation beautifully concluded a day focused on the role of the church as a learning, grateful, and unanxious community, inspiring us to see faith formation as an ongoing, life-giving process.
Also read: https://kaapkerk.co.za/faith-formation-for-the-life-of-the-world/
9 Oct 2024
Ep. 15 - Die onmoontlike "geluk" - Prof Anton van Niekerk
“Goue tafels, goue stoele en goue vloere kan seker soms geluk beteken, maar nie ’n goue dogtertjie nie.” Só reflekteer prof. Anton van Niekerk oor koning Midas se obsessie met geluk en goud, tot op die dag dat Marygold, sy dogtertjie, ook in goud verander.
Prof. Anton het tydens die ringsitting van die Ring van die Paarl op 9 Oktober 2024 gepraat oor die ware betekenis van geluk. “Dit was een van daardie gesprekke wat nooit te lank sou voel nie,” beskryf een van die ringsleraars sy ervaring.
In kort: Geluk is nie iets wat ons kan najaag of skep nie. Waar kom geluk dan vandaan? Luister gerus na prof. Anton se diskoers hieroor.
Prof. Anton van Niekerk is ’n gerespekteerde Suid-Afrikaanse filosoof en akademikus, en was voor sy aftrede verbonde aan die Universiteit Stellenbosch, waar hy gefokus het op etiek, politieke filosofie en die filosofie van godsdiens. Sy navorsing het veral ’n impak gemaak op die etiek van gesondheid en biomediese kwessies, en hy het diepgaande bydraes gelewer oor die rol van moraliteit in die openbare sfeer. As skrywer en openbare intellektueel staan hy bekend vir sy genuanseerde beskouings en sy vermoë om komplekse temas op ’n toeganklike en relevante wyse te verwoord.
11 Jun 2024
Ep. 14 - Ouerskap: Lééf in besig wees
Ouers is superhelde. Hulle kan nie net "multiTASK" nie, maar is sommer ook iets in die lyn van "multiBEINGS". In die loop van 'n dag moet ouers polisiekonstabel, dokter, prokureur, regter, pastoor, finansiële adviseur en onderwyser wees.
Realiteit: ouers het konstant 'n hoed op en is iets vir iemand. So min het hul geleentheid om sommer net hulself te wees. Hierdie konstante inspanning is uitputtend.
Ons gesels in hierdie episode met Dr. Siegfried Louw oor hoe ouers kan "cope" met die druk om altyd iets vir iemand te wees.
Intro music copyright info: Words by Anita Renfroe/2007 Bluebonnet Hills Music
11 Mar 2024
Ep. 13 - Om gelowig kwaad te wees
Twee vroue vertel oor hul ervarings van kwaad wees - één oor ’n ontvoering, en die ander een oor ’n gewapende roof.
Esté Gross is ’n rubriekskrywer, sangeres en omroeper by PretoriaFM en bied die middag nuus- en aktualiteitsprogram IMPAK aan.
Mariëtte Theart is mede-eienaar van MaWees - 'n platform met praktiese produkte en hulpbronne spesifiek vir ma’s.
Ons praat oor KWAAD WEES en hoe dit in ons geloof inpas.
Om die artikel van Esté te lees waarna sy in dié episode verwys: https://www.netwerk24.com/netwerk24/stemme/menings/este-gross-gun-n-oomblik-om-kwaad-te-wees-daaroor-20240215
26 Feb 2024
Ep. 12 - Jesus met vel aan ("Ministry of Presence")
In hierdie episode praat DJ Muller met twee passievolle kenners oor "Ministry of Presence". Ons kyk na die waarde daarvan om by iemand teenwoordig te wees met jou lyf en hoe dit elke mens se roeping is om dit te doen.
Ronell Bezuidenhout is 'n predikant met 'n passie vir teologie en die vroegste eeue se kerkgeskiedenis. Haar beroepspaadjie het haar van Port Elizabeth tot Groot Brak-rivier gelei, waar sy 'n pos aanvaar het by 'n Lutherse Gemeente. Sy deel haar kennis wyd oor verskeie kontinente deur 'n internetbediening wat in 2020 begin het.
Jacob Meiring is 'n navorser aan die Universiteit van Stellenbosch met 'n fokus op teologiese antropologie. Hy het 'n PhD voltooi oor die belang van die liggaam in betekenisgewing. Hy werk ook as 'n narratiewe teoloog/terapeut met 'n passie vir menslike ervarings.
13 Feb 2024
Ep. 11 - From Stats to Stories: Revolutionizing Nonprofit Communication (Rain Bennett)
South Africa is one of the countries with the most NPO’s, against the backdrop of terrible social-economic decay… For very long the only way NPO’s approached raising awareness for the organisation, and getting funding, was through trying to impress with statistics, milestones and presentations.
Today, we're diving into the heart of storytelling and its transformative impact on the world of nonprofits and churches in South Africa. Joining us is a two time Emmy-nominated filmmaker, writer and storytelling expert, Rain Bennett. We'll unravel the power of stories and learn practical strategies for NPOs and churches to shine in a crowded narrative space.
Rain Bennett:
https://www.rainbennett.com
https://www.youtube.com/user/flyingflounderprod
https://www.instagram.com/rainbennett/
6 Feb 2024
Ep. 10 - Renosters en Rituele: Hoe ver is ons van uitsterwing? (dr. Braam Hanekom)
Renosters is vir seker aan die uitsterf, en almal is daarvan bewus. Maar is daar dalk nóg iets wat aan die uitsterf is waarvan ons te min kennis neem?
In hierdie episode ondersoek ons die rol van rituele en simbole in die samelewing met dr. Braam Hanekom. Ons kyk na die invloed van simbole en rituele in die antieke tyd en vra of moderne samelewings dalk hiervan weg beweeg het.
Braam deel sy perspektief oor hoe die afname van gedeelde simbole en rituele ons interaksie met die wêreld en mekaar beïnvloed. Ons verken die waarde van simbole in die moderne samelewing en die verband met sakramente.
Die gesprek verskuif na rituele, waar ons kyk na handelinge wat 'n ritueel-karakter aanneem, soos oorgangsfases, belydenisaflegging en selfs 'n tipiese Suid-Afrikaanse braai. Braam deel sy insigte oor hoe rituele kultuurgrense oorskry en gemeenskappe verryk.
23 Jan 2024
Ep. 9 - Om te sterf voor jou dood (dr. Johan Pienaar)
Sommige mense gaan dood voor hul sterfdatum…
’n Mens se pad kruis gereeld met iemand wat nog lewe, maar tog in hul binneste eintlik al begin sterf het... iemand wat hul lus vir die lewe heeltemal verloor het. Dit is iemand wat maar net in die lewe dryf, soos ’n houtstomp in ’n rivier. Hoekom is dit so, en hoe moet ons waak daarteen om hierdie punt te bereik?
Om ons hiermee te help, gesels ons met dr. Johan Pienaar van Pretoria. Hy was, voor sy aftrede, by NG Kerk Riviera in Pretoria ’n predikant, en het ’n groot liefde daarvoor om spanne te help met persoonlike- en groepsontwikkeling.
2 Jan 2024
Ep. 8 - Brugleraars - "'n Watse ding?"
Ons hoor gereeld dat daar verwys word na dominees, predikant of leraars, maar "brugleraars" is 'n konsep wat selfde in gesprekke opkom. Brugleraars speel 'n besondere rol in gemeentes en het al in diens van God, tot baie gemeentes se redding gekom. Ds. André Agenbag is betrokke by Gemeentebegeleiding op Stellenbosch, en hy vertel ons meer oor wat 'n brugleraar is, wat hulle doen en hoekom dit belangrik is.
Indien jou gemeente meer wil weet oor hoe 'n brugleraar hul van hulp kan wees, of indien jy oorweeg om self 'n brugleraar te word, kontak asb. vir André by agenbag1@kaapkerk.co.za
19 Dec 2023
Ep. 7 - Openbaring: Moet ek feesvier of naels kou?
Ons gesels in hierdie episode met Ds. Ben Blom van Gansbaai. Hy was amper sy hele bediening in Belfast 'n predikant, en het 'n besondere kennis en passie vir die boek Openbaring. Hy help ons bietjie om te dink oor die vraag of die inhoud van Openbaring ons moet laat feesvier, en of dit ons eerder moet laat naels kou.
12 Dec 2023
Ep. 6 - Kersboodskap: Josef, Maria en Jesus vertel... (LUISTERDRAMA)
Josef, Maria en Jesus vertel van hul ervaringe rondom Sy geboorte. Die lastige Romeine en hul ontydige sensus, het Josef warm onder die kraag. Maria is moeg, maar pak met moed die reis Betlehem toe aan, met Josef aan haar sy. Jesus vertel van die geskenk wat Hom die meeste opgewonde maak...
Opgevoer deur:
DJ Muller - Josef
Wilmi Wheeler - Maria
Lylah Muller (8) - Jesus
Vervaardiging en musiek:
DJ Muller
12 Dec 2023
Ep. 5 - Bediening en Uitbranding
Ons gesels met ds. Melanie Thirion, dr. Siegfried Louw en dr. George Roux. Ds. Melanie maak haar hart oop oor haar ervaring met uitbranding in die bediening en dr. Siegfried help ons hierna kyk deur die bril van spiritualiteit. Dr. George Roux is 'n sielkundige met, onder andere, 'n passie vir pastorale sorg en terapie. Hy reflekteer in hierdie episode op die dieper dinamika van uitbranding en selfsorg.
Hierdie episode is een wat elke geestelike leier moet hoor. Stuur dit gerus vir jou leier aan!
5 Dec 2023
Ep. 4 - 16 Dae van Aktivisme vir Geen Geweld teen Vroue en Kinders
In hierdie episode gesels Ronelda Visser met Merrishia Singh Naicker, Bianca Truter Botha & Eugene Malan oor geslagsgebaseerde geweld. Ons gesels oor die 16 Dae van Aktivisme vir Geen Geweld teen Vroue en Kinders. Merrishia is 'n verhoudingsterapeut, VGK predikant en koördineerder van die Faith Action Collective. Bianca en Eugene is albei betrokke by Kaapkerk se Taakspan vir Gendergeregtigheid.
Handige Hulplyne:
- Hulplyn vir geslagsgeweld: 0800 150 150
- Rape Crisis: 021 447 9762.
- Huis Jabes: 083 564 3313
- Saartjie Baartman Safehouse: 021 633 5287
https://standunitedsa.org/national-police-stations-shelters/wpbdp_category/shelters-western-cape/
https://wcwsm.org.za/about.html.
28 Nov 2023
Ep. 3 - Alzheimers en Demensie: Hoe help ek my familielid? (Madelein Duvenhage)
Indien jy iemand in jou familie het wat aan Alzheimers of Dementia ly, is hierdie episode net vir jou. Ons gesels ons met Madelein Duvenhage van ADASA oor hoe mens iemand moet hanteer wat aan hierdie siektes ly. Ons vra onder andere of mens 'n Dementie/Alzheimer-lyer se verwronge realiteit moet aanspreek/reghelp, en of ons eerder moet saamspeel. Ons kyk ook na die rol wat geloof speel vir persone wat hiermee gediagnoseer is.
21 Nov 2023
Ep. 2 - Psalms: 'n Immergroen Reisgenoot (Dr. Nico Viljoen)
Ons gesels met Dr. Nico Viljoen van Wellington. Hy is ’n leraar by Wellington Moederkerk. Sy liefde vir die Psalms is merkwaardig, en in ons gesprek met hom, kyk ons na hoekom Psalms gesien kan word as ’n Immergroen Reisgenoot, en hoe die Psalms ons kan help om die mistiekheid van God te beleef.
Hy verwys onder andere na:
Leesrooster: https://lectionary.library.vanderbilt.edu
BibleHub: https://biblehub.com
Stuur jou onderwerp voorstelle na inhoud@kaapkerk.co.za.
15 Nov 2023
Ep. 1 - Kaapkerk Podcast Inleiding
Die Kommunikasie Span van Kaapkerk, Ronelda, Wilmi en DJ, vertel in die breë oor Kaapkerk en die rol van die Kommunikasie Span binne die sinode. Hierdie episode is 'n "pilot" vir die Kaapkerk Podcast. Ons sien uit na nog hope podcasts wat stories vertel, inligting bied en inspireer.
Deel gerus jou kommentaar/stories met ons by inhoud@kaapkerk.co.za
Contact Ek en God
Guest appearances
Books guests
Based on episode analysis; this does not confirm that the show is currently accepting guests.
Host of Ek en God?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
