Piornedo, Festa da pandeira_Con Xulia Feixoo e Lola do Ancho. Ep.09
Un dos fenómenos culturais máis senlleiros da provincia de Lugo, a pandeira, ocupa este novo episodio. Falamos coa etnomusicóloga Xulia Feixoó para establecer o marco teórico en torno ao uso da pandeira. Falamos con Lola da Casa do Ancho, unha das recuperadoras da pandeira e promotora da Festa da pandeira de Piornedo. Aproveitamos para recoller un pequeno fragmento do programa Alaláda TVG, para reivindicar tamén o seu rol no proceso de recuperación da nosa tradición oral e musical.
29 Dec 2025
Especial solsticio de inverno. Ep.08
Presentamos o especial de Nadal no que participantes ao longo do ano en Folcast, como Noemi Basanta, Cantareiras de Fornelas, Carme López, Arredor da Tradición, Bea Busto, Xacobo Ares ou Isabel Vigo envían as súas panxoliñas favoritas con comentarios. Antes, unha primeira parte de entrevistas na que o antropólogo Rafa Quintía debulla os Cantos de Nadal como feito cultural vinculándoa a outros ritos do ciclo do ano e tratando de botar luz sobre a súa orixe. Branca Villares aporta algúns trazos dos Cantos de Reis na provincia de Lugo, centrando no Cebreiro.
10 Dec 2025
Por que cantan as mulleres?_Ep.07
Nesta nova entrega conversamos con Branca Villares quen ten estudado a través do proxecto “Consoantes”. Branca ten estudado tamén o pouso das violencias contra as mulleres, temética sobre a que vén de realizar unha ponencia nas xornadas organizadas pola Real Academia Galega en Muxía como peche do ano realizadas en Muxía o pasado 22 de novembro. Ademais Branca imparte aulas en diversos centros da provincia, dende A Montaña, A Terra Cha ou Lugo capital ademais de realizar actividades educativas en torno as músicas de tradición oral en moitos centros de ensino da provincia, polo que ten unha visión integral que comprende o mundo dos palcos e actuacións, a formación e os estudos académicos, sempre cunha perspectiva de xénero.
20 Nov 2025
Panluguismo: Faia e Tereixa Novo. Ep.06
Neste episodio non nos trasladamos a un territorio concreto da provincia senón que nos achegamos a toda a provincia da man de Tereixa Novo, compoñente de “Fuxan os Ventos” e Faia Díaz, unha das artistas máis relevantes do panorama das músicas tradicionais e que ven de gañar un premio Martín Códax polo seu último álbum, Alvela.
Nai e filla tecen unha conversa de enorme interese, na que debullan os procesos creativos, o fenómeno das recollidas ou as características das músicas de tradición oral na nosa provincia.
Adubiamos todo con algún fragmento do disco Alvela e cunhas coplas finais cantadas a dúo por nai e filla
21 Oct 2025
Lugo: Noemi Basanta e Bea Busto_Ep.05
Neste episodio visitamos a cidade de Lugo a través dunha entrevista con Noemi Basanta. Noemi é Adufeira de Salitre, formadora en Cántigas e Frores de Lugo, doutora en filoloxía e profesora de secundaria, con ela percorremos algúns trazos das músicas de tradición oral na nosa provincia e na cidade de Lugo. A entrevista lévanos tamén por algúns temas que atravesan o fenómeno da oralidade a nivel Galiza, como os roles de xénero, ou os papeis do agrupacionismo folcórico, asociacionismo cultural e a labor das institucións. Afondamos nestes temas que nos lanza Noemi con Bea Busto, etnomusicóloga. Coma sempre, o episodio, perlado de agasallos musicais por parte de Noemi Basanta.
8 Sept 2025
A Fonsagrada: Antón Santamarina con Alba Cid. Ep.04
Neste episodio compartimos unha conversa entre Antón Santamarina e Alba Cid realizada no marco do Tradfest organizada pola Central Folque. Antón, natural da Fonsagrada é unha figura fundamental para entender o xeito no que nos chegan as músicas de tradición oral xa que é coautor xunto a Dorothè Schubarth do “Cancioneiro Popular Galego” , obra de referencia pola súa magnitude e metodoloxía. Nesta conversa, repasa con Alba o contexto no que se realiza o cancioneiro así como en xeral a súa traxectoria
7 Aug 2025
Terra Cha: Ai, Xermolos, dásmo todo! Ep.03
Neste episodio repasamos a actividade da Asociación Xermolos, organizadora do Festival de Pardiñas.
Para iso, contamos cunha intro de Xurxo Souto, así como entrevistas con “Rufi”, primeira mestra de baile da Escola de música de Xermolos, Alfonso Blanco, fundador e coordinador de Xermolos, Marina e Noemí Miraz, pertencentes á nova xeración de Xermolos e integrantes do Bolquinho e a Escola de Música. Para rematar, falamos con Xosé Arias, coordinador do último número da revista ”As nosas raíces”, editada por Xermolos e que se centra na figura do Reinote “O capador de Sesulfe”, improvisador oral que “falaba polo verso”.
Todo adubiado con sorpresas musicais e de improvisación oral.
22 Jul 2025
Lemos: Xosé Maceda e Nerea de Fornelas. Ep.02_Parte3
Neste episodio continuamos pola Terra de Lemos da man da Vanessa de Vilaestava. Entrevistamos a Xosé Maceda, ex Quempallou e construtor de instrumentos de percusión. Tamén falamos con Nerea López, da Asociación Veciñal de Fornelas quen reflexiona sobre o impacto comunitario da celebración das Foliadas Guímaras, promovidas polo Concello da pobra do Brollón. Temos tamén unha sorpresiña en forma de conto por parte da cantareira e narradora María da Pontragha e outras sorpresiñas musicais
14 Jul 2025
Lemos: Entrevista con Carme López. Ep.:02_Avance2
Neste avance entrevistamos a Carme López, que ven de presentar o seu traballo “Vinde Todas” co seu proxecto Carmela, finalista dos Premios Martín Códax. Reflexionamos con ela sobre a adaptación e modernización das coplas e músicas tradicionais. Acompáñanos a Vanessa de Vilaesteva na condución
3 Jul 2025
Lemos: O brindo con Sechu e Nuria. Ep. 02_Avance1
Neste primeiro avance do episodio de Lemos, presentamos a Vanessa de Vilaesteva que nos acompañará por este territorio, entrevistamosa Sèchu Sende e Nuria Penas, falamos con Ramón Pinheiro (Chito), da Central Folque, reproducimos gravacións históricas dos brindeiros de Forgas e contamos cun “cameo” de Tegra de Tras o Couto. Un avance especial sobre o brindo, centrándodnos na súa dinamización a partir do traballo nas escolas, o Encontro Interescolar de brindo e outras estratexias que están a desenvolverse na Pobra do Brollón e Folgoso do Courel
26 Jun 2025
Extra 1 Ep.01_ Iria e Quique Penabad
Contido extra que inclúe a entrevista íntegra con Iria e Quique Penabad realizada durante as XEAM. No episodio, puidemos incluir un fragmento mais había moitos temas que tratar, así que aí vos queda a entrevista completa
18 Jun 2025
Anaco 2 Ep. 01 Manu Calviño, Xiana Teixeiro, Ana Ermida e Dani García
Neste segundo Anaco do episodio 1, falamos con Manu Calviño, arqueólogo, experto no sector téxtil na Galiza e comisario da exposición “Tecedeiras: arte e talento na sombra”; entrevistamos a Xiana Teixeiro, etnomusicóloga de Foz que presentou nas XEAM o seu traballo sobre “Os Veiga” e “Os Pacheco”, comparsas mindonienses. Reamatamos con Ana Ermida e Dani García representantes institucionais que veñen do mundo asociativo
11 Jun 2025
Anaco _1 Ep. 01 Tecedeira, A Chocolateira e Tumba e Dálle
Neste anaco, ofrecemos unha entrevista con Sara García e Xacobo Ares da Asociación Tecedeira, organizadoras das Xornadas Etnográficas da Mariña. Falamos tamén con Tania Fernández da Chocolateira da Pontenova e con Laura e Xoán do grupo mariñao Tumba e Dálle. Coma sempre, sorpresas musicais.
5 Jun 2025
Folcast Ep. 01 A Mariña
A través das Xornadas Etnográficas da Mariña, realizamos un achegamento a este territorio da provincia. Neste episodio, atravesado polo asociacionismo conversamos con Xacobo Ares e Sara García da AC Tecedeira, con Tania Fernández da Chocolateira da Pontenova, con Iria Penabad, Adufeira de Salitre e Quique Penabad fundador da Agrupación Folclórica O Arco da Vella que este ano 2025 celebran 45 anos de actividade. Seguimos as conversas con Xoán e Laura do grupo Tumba e Dálle, Manuel Calviño, comisario da exposición Tecedeiras, Xiana Teixeiro, etnomusicóloga e Ana Ermida e Dani García, cargos institucionais nados no asociacionismo. Ademais, moitas sorpresas e pílulas musicais
26 May 2025
Anaco_2 Ep.00 Suso do Rei
Neste anaco do capítulo 00, falamos con Suso do Rei, fillo de Concha de Agrade, decubrindo o trazo máis humano e familiar da pandeireteira. Por suposto, con sorpresiñas musicais
23 May 2025
Anaco_1 Ep.00 Alba María
Anaco do Episodio 0 sobre Concha de Agrade no que entrevistamos a Alba María sobre a creación nas cantareiras e sobre os xéneros do parrafeo e o romance. A poeta Noa Moreira recítanos un poema de Concha de Agrade
19 May 2025
Folcast Ep.00_Concha de Agrade
Comezamos serie de podcast cun episodio especial polo Día das Letras Galegas.
Homenaxeamos ás cantareiras da provincia de Lugo a través da figura de Concha de Agrade.
Neste episodio, Branca Villares e Xosé Gago falan con Suso do Rei, Alba María, Xulia Feixoó e Isa Vigo, ademais de moitas sorpresas musicais.
O episodio ofrece unha visión completa da figura de Concha de Agrade alén de aportar novos datos froito do proceso de investigación.
Contact Folcast
Guest appearances
Books guests
Based on episode analysis; this does not confirm that the show is currently accepting guests.
Host of Folcast?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
