Frí Mikrofon er ein poddvarpsrøð, sum viðger júst tað, sum rørir seg í samfelagnum júst nú. Heitið merkir ikki, at gestirnir fáa fría mikrofon - men hinvegin at redaktiónin fær fríar teymar. Kanska er tað eitt kjak, kanska senda vit frá Løgtinginum ella einum borgarafundi. Kanska frá Sornfelli ella einum fiskiskipi. Kanska eftirmeta vit eina gølu, ella royna at koma til botns í einum máli í sendingini. Tað einasta, sum er vist er, at hetta er ein aktualitetssending, sum hevur fingurin á pulsinum.
Alsamt fleiri føroyingar nýta ChatGPT, Claude, Gemini ella aðrar vitlíkismyndlar í gerandisdegnum, tað verið seg í skúlanum, til arbeiðis ella bara í frítíðini. Men alsamt fleiri hava eisini lyndi til at stúra, tí tað er torført at vita, hvørja ávirkan vitlíki fer at hava á nakrar av okkara mest grundleggjandi samfelagsstovnar.
Fólk innan amerikanska tech-geiran hava nú í fleiri ár ávarað um, at vitlíki fer at hava við sær hóparbeiðsloysi og samfelagsligan ófrið. Enn er tað ikki hent, men merkir tað, at kollveltingin er avlýst?
Tað er evnið í hesum poddvarpinum, har íverksetin Gunnleygur Clementsen greiðir frá og hugleiðir um, hvussu heimurin broytist í breiðari høpi, enn vit geva okkum far um, orsaka av vitlíki. Vit skifta millum annað orð um, hví tað hevur serligan týdning fyri fólk, ið bera brek, at vitlíki dugir væl føroyskt, um tað er tín fakligheit ella tín persónligheit sum avger, hvørt títt arbeiði verður niðurlagt av vitlíki, og hvussu tað ber til, at fólkini handan vitlíkismyndilin Alphafold vunnu nobelheiðurslønina innan evnafrøði.
See omnystudio.com/listener (https://omnystudio.com/listener) for privacy information.
13 Mar 2026
Gestur Hovgaard: Marknaðarlogikkurin fyllur ov nógv á húsamarknaðinum
Vit kenna øll til hugtakið "bústaðarneyð". Vit hava øll eina fatan av, hvat tað merkir. Tað merkir í øllum førum, at tað er størri eftirspurningur eftir heimum, enn tað eru útboð á marknaðinum. Tað merkir í øllum førum eisini, at prísurin verður trýstur upp - ofta so mikið høgt upp, at unga ættarliðið hevur torført við at fóta sær.
Men hvussu eru vit komin her til? Hvussu skilur bústaðarmarknaðurin seg burtur frá øðrum marknaðum, og hvussu ber tað til, at heimið hjá fólki er blivin ein íløga? Tað er evnið í hesum poddvarpinum, har samfelagsfrøðingurin Gestur Hovgaard greiðir frá, hvussu bústaðarmarknaðurin snýr seg um bæði søgu, tilknýti og pengar.
See omnystudio.com/listener (https://omnystudio.com/listener) for privacy information.
19 Jun 2024
2. Elisa og Sjúrður um støðuna í Gasa
30. mai helt Sjúrður Skaale eina nógv rósta røðu á fólkatingi, har hann kallaði Ísrael ljósið í Miðeystri. Elisa Vang er hinvegin virkin í “Samhuga við Palestina”, har tað verður funnist harðliga at Ísrael - og røðuni hjá Sjúrði Skaale.
Í hesum partinum av Fríari Mikrofon (https://frihedsbrevet.fo/podcasts/fri-mikrofon/) kjakast tey bæði um støðuna í Ísrael og Gasa.
Vertur: Jan Lamhauge
See omnystudio.com/listener (https://omnystudio.com/listener) for privacy information.
25 Aug 2023
1. Haturstala, talufrælsi og En kenguru som dig
Frí Mikrofon er ein nýggj poddvarpsrøð, sum er ein aktualitetssending um tað, sum rørir seg í samfelagnum júst nú. Hesa ferð er kikarin settur á gamla kjakið um samkyndleika, sum aftur kyknaði fyri kortum, nú leikurin “En kenguru som dig” var á skránni m.a. í Norðurlandahúsinum fyri kortum.
Og bylgjurnar ganga høgt í hesum fyrsta partinum av Frí Mikrofon, nú vit skifta orð um kjakið eftir leikin “En kenguru som dig”. Dina Jensdóttir Norðberg, sum rekur kristin-konservativu síðuna Vakurleiki.fo og Esther Margreth Petersen, nevndarlimur í LGBT skifta orð.
Nær er talan um haturstalu, nær kunnu børn hoyra um samkyndleika og hvussu langt gongur talu- og trúðarfrælsi? Millum annað hesar spurningar tosa Dina Jensdóttir Norðberg og Esther Margreth Petersen um í hesum fyrsta partinum av Frí Mikrofon.
See omnystudio.com/listener (https://omnystudio.com/listener) for privacy information.
Contact Frí Mikrofon
Guest appearances
Books guests
Based on episode analysis; this does not confirm that the show is currently accepting guests.
Host of Frí Mikrofon?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
