جر كلام هو قعدة بين آيه وندى… بنبدأ نحكي لبعض عن اللي حصل في أسبوعنا، وفجأة موقف صغير يوقفنا، ونلاقي نفسنا بنتكلم في حاجة أكبر بكتير. عن نفسنا، وعلاقاتنا، وطفولتنا، وشغلنا، والناس اللي حوالينا، والحاجات اللي بنفكر فيها ومش دايمًا بنلاقي حد نتكلم معاه عنها. إحنا مش متخصصين ومش بنقول إن عندنا الحل، إحنا بس صحاب بطبيعتنا بنحب نفهم ونحلل ونتكلم. ومن هنا… الكلام بيجر كلام. ويمكن وسط الكلام تلاقي حاجة شبهك وتعرف إنك مش الشخص الوحيد اللي بيفكر أو بيحس كده.
أصحاب على الماشي | جر كلام 🎙️
هو إحنا إمتى بنبقى وسط أصحابنا الصح؟ وإمتى بنكتشف إننا في المكان الغلط؟ 🤔
في الحلقة دي من جر كلام، قررنا نتكلم عن الصحاب… عن الناس اللي وجودهم في حياتنا بيفرق، والمواقف اللي بتخلينا نعيد التفكير في علاقتنا بيهم.
إمتى نحس إننا على طبيعتنا مع أصحابنا؟ وإمتى نعرف إننا بقينا في وسط مش شبهنا؟ هل كل غلطة تستاهل إننا نمشي؟ وإمتى المسامحة تبقى فرصة تانية، وإمتى تبقى على حساب نفسنا؟
هنتكلم عن المواقف اللي بتكشفلنا معادن الناس، وعن أهمية إننا نختار الصحبة اللي تريحنا وتشبَهنا، وعن العلاقات اللي تستاهل نحافظ عليها، والعلاقات اللي يمكن يكون وقتها خلص.
لأن مش كل صاحب لازم يكمّل معانا العمر كله، ومش كل خلاف معناه إن العلاقة انتهت… بس يا ترى نعرف منين الفرق؟ 💭
احكولنا عن مواقفكم مع أصحابكم، وشاركونا: إيه الموقف اللي ممكن يخلّيكم تعيدوا التفكير في صداقة بقالها سنين؟
🎧 اسمعونا على:
- Spotify: https://open.spotify.com/show/5fxEemnt8SwCjo4jLUgYxK?si=b3d933c801eb46a3
- YouTube: https://youtube.com/@garkalam?si=y3M2O6WCApTzr23i
- وباقي منصات الاستماع:
https://open.anghami.com/laXaQeyxp7b
https://podcasts.apple.com/us/podcast/gar-kalam/id6812043786
ولو الحلقة فكّرتكم بحد، ابعتوهاله… يمكن يبقى عندكم كلام كتير محتاج يتقال. ❤️
إنتوا بتسمعوا جر كلام، المساحة اللي بنتكلم فيها عن الحاجات اللي جوانا، واللي ساعات بنحتاج حد يفتح سيرتها عشان نبدأ نتكلم.
#جر_كلام #أصحاب_على_الماشي #بودكاست_مصري #الصداقة
21 Oct 2026
Relationships - Part 2
هو إيه اللي بيخلّي علاقة تنجح، وعلاقة تانية تفشل؟ ❤️
بما إن ناس كتير طلبت مننا نتكلم أكتر عن العلاقات بعد الجزء الأول، رجعنالكم بحلقة أطول حاولنا فيها نغطي أكبر قدر من النقط والأسئلة اللي اتفتحت معانا.
اتكلمنا عن إيه اللي ممكن ينجّح علاقة أو يبوّظها، والتوقعات اللي بندخل بيها أي علاقة، وإيه الحاجات اللي مهم نتكلم فيها قبل الجواز. وكمان ناقشنا إزاي نختار الشخص المناسب، وإزاي نختلف ونتخانق بشكل صحي من غير ما نأذي بعض، ودور الأهل وتدخلاتهم، والجواز والمسؤولية، والحب نفسه… وهل الحب لوحده كفاية؟
حاولنا نبص للعلاقات من جوانب مختلفة، ونتكلم عن الحاجات اللي ساعات بنفكر فيها، بس مش دايمًا بناخد وقتنا ونتكلم عنها بجد.
إحنا مش خبراء علاقات، ومش جايين نقول إن عندنا الإجابات الصح، إحنا بس بنشارك أفكارنا ونتناقش ونحاول نفهم أكتر.
ولو سمعتوا الجزء الأول، قولولنا رأيكم في الجزء التاني، وإيه أكتر نقطة حابين نتكلم عنها بالتفصيل في حلقات جاية. 🎙️
YouTube:
https://youtube.com/@garkalam?si=bXHClIOOrVQ4_3SE
Instagram:
https://www.instagram.com/garkalam0?psln=Z2cxOXE2dWxzNGdv
TikTok:
https://www.tiktok.com/@garkalam0?_r=1&_t=ZS-9AObPp1VkWa
14 Oct 2026
قلبك أبيض ..🤌🏻
هو لازم نسامح؟ وإمتى التسامح بيكون راحة لينا، وإمتى بيكون على حسابنا؟
في الحلقة دي بنتكلم عن التسامح بكل أشكاله؛ إمتى نسامح الناس اللي حوالينا، وإزاي نفرّق بين إننا نسامح وبين إننا نسمح لنفس الشخص يأذينا تاني.
بنتكلم كمان عن الحدود، وهل ممكن أسامح حد وفي نفس الوقت أبعد عنه؟ وهل التسامح معناه إن اللي حصل كان عادي أو إننا لازم نرجع زي الأول؟
وبين كل ده، بنتكلم عن نوع تاني يمكن يكون أصعب… مسامحة نفسنا. على قرارات خدناها، حاجات حصلت ومقدرناش نغيرها، أو حاجات لسه بنلوم نفسنا عليها.
كالعادة، مش جايين نقولك إيه الصح وإيه الغلط، إحنا بس بنتكلم ونحاول نفهم الموضوع من وجهات نظر مختلفة.
ويمكن وسط الكلام تلاقي حاجة شبهك… أو تفتكر موقف لسه شايله جواك. 🤍
🎧 اسمعوا الحلقة كاملة:
YouTube https://youtube.com/@garkalam?si=UEVsYD1dvBBuJUTx
📱 تابعونا:
Instagram https://www.instagram.com/garkalam0?stkn=Z2cxOXE2dWxzNGdv
TikTok https://www.tiktok.com/@garkalam0?_r=1&_t=ZS-9AKpDLZwiOL
7 Oct 2026
شوية طفولة وشوية كلام (الجزء الثاني)
في الجزء الثاني العميق بقى من حلقة "شوية طفولة وشوية كلام" مع ندى وآية، بنغوص في الحياة الحقيقية بعد التخرج.. ⏳💡
بنتكلم بصراحة عن مرحلة ما بعد الكلية والمسؤوليات الجديدة، والسؤال الجوهري: هل الكبار فعلاً عندهم إجابة لكل الأسئلة؟ وإزاي شكل حياتنا اتغير. بنشارك معاكم تفاصيل ومشاعر واقعية عن تحديات الحياة اليومية، وتجربة النضج والتعامل مع الواقع بعد التخرج.
30 Sept 2026
شوية طفولة وشوية كلام (الجزء الاول)
في الجزء الأول الـ Light من حلقة "شوية طفولة وشوية كلام"، بنرجع بالزمن لورا وبنفتكر ذكرياتنا القديمة.. 🎒✨
بنحكي عن أيام المدرسة، الصحيان بدري، طابور الصباح، وعقدة جدول الضرب، وبنسترجع كل الحاجات اللي حصلت معانا وإحنا صغيرين بروقان، في قعدة خفيفة على عكس طابع البودكاست بتاعنا.
🎧 استمعوا للحلقة كاملة، واجهزوا للـ Part 2 التقيل والحلو بتاعنا اللي نازل الأسبوع الجاي.. استنوه! 🔥
23 Sept 2026
أنا إيه اللي جابني هنا؟ 👀
أنا إيه اللي جابني هنا؟ 👀
هو إحنا فعلًا بقينا الناس اللي كنا متخيلين إننا هنبقى عليها؟
اتكلمنا عن الشغل، الشغف، الأحلام اللي كانت في دماغنا وإحنا أصغر، وإزاي الحياة أخدتنا في طرق ماكنّاش متوقعينها.
عن الحاجات اللي كنا فاكرين إنها مهمة زمان وبقت مش فارقة دلوقتي، والحاجات اللي ماكنّاش شايفينها أصلًا وبقت جزء كبير من حياتنا.
يمكن إحنا ماوصلناش للمكان اللي كنا متخيلينه… بس يمكن إحنا كمان ماعدناش نفس الأشخاص اللي كانوا بيرسموا الخطة دي.
حلقة عن الشغل، الشغف، التوقعات، والحياة اللي طلعت مختلفة شوية عن اللي في دماغنا.
Personality Test:
https://www.16personalities.com/free-personality-test
16 Sept 2026
Overthinking
في الحلقة دي بنتكلم عن الـOverthinking، وإزاي التفكير الزيادة ممكن يخلينا نعيد نفس الموقف ألف مرة، ونفكر في كل الاحتمالات، ونفضل نسأل نفسنا: "طب لو كنت عملت كذا؟"
وبنحاول نفهم: هو إحنا بنفكر كده ليه؟ وهل ممكن يكون في حاجات اتعلمناها من وإحنا صغيرين خلتنا نتعامل مع المواقف بالطريقة دي؟
بنتكلم عن الموضوع من وجهة نظرنا وتجاربنا، من غير ما ندّعي إن عندنا الإجابة الصح أو إننا متخصصين. بنحاول نفهم نفسنا، ونشوف إيه اللي ممكن يساعدنا نقلل من الـOverthinking ونطلع من الدايرة دي.
ويمكن وإحنا بنتكلم تلاقي حاجة شبهك، ويمكن نوصل لإجابة تساعد حد فينا. أو يمكن إنت تساعدنا إحنا نفهم حاجة كنا تايهيين فيها
16 Sept 2026
Relationships
الحب مش دايمًا بيكون كفاية… والعلاقات مش دايمًا بتبقى سهلة.
في الحلقة دي بنتكلم عن العلاقات والمسافات اللي بتحصل بين الناس، الحب المشروط، وفكرة إنك تحب حد من غير ما تحس إنك لازم تعمل حاجة عشان تستحق حبه. بنتكلم كمان عن الحب والجواز، وهل فعلًا الحب لوحده كفاية عشان علاقة تكمل؟ وإيه اللي بيتغير لما الحب يدخل في مسؤوليات والتزامات وحياة كاملة؟
كالعادة، مش بنحاول نطلع بإجابة مثالية… إحنا بس بنتكلم ونسأل نفسنا أسئلة يمكن تكون جت في بالنا كلنا قبل كده. 🤍
13 Sept 2026
Gar Kalam Trailer
Coming soon
Wednesday: On Spotify
Friday: On YouTube
Contact Gar Kalam
Guest appearances
Does not typically book guests
Based on episode analysis; this does not confirm that the show is currently accepting guests.
Host of Gar Kalam?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
