Wie fescht veränderet mer sich i 10 Jahr? Genau das hemmer üs au gfragt. Mer redet über diverses Züg wo grad aktuell isch, eus interessiert oder eif grad ume isch. Viel spass bim zuelose :)
Nachere längere pause begrüesse mer euch zunere neue staffle vo „hemmers gwüsst?“. Ih de erste folg vo dere staffle rede mer passend zum semesterbeginn überd möglichkeite und vertüfige vo eusem Studium. Mer neiged beidi dem bachelorendi zue und versueched gmeindsam eusi zuekunft usmale. Mit dere diskussion hoffe mer das mer en schritt, wenn au en chline, wieter cho sind. Danke fürs Zuelose
9 Jun 2021
#12 - Traditionelles vs Online Dating
Online Dating isch sit jahre eh alternativi lösig zum neui lüt kennelerne. Vor allem bi junge mensche gnüsst es sehr grossi beliebtheit. Während de pandemie benutzed meh lüt den je online dating apps und traditionelles dating isch viel meh im hintergrund grate. Es stelled sich die frage; warum tendiered lüt eher online eh bezeihig zfinde? was macht es so attraktiv?
Mit eusem gast, d’Sarina werde mer versueche die antworte ufd spur cho.
Danke fürs zuelose.
30 May 2021
#11 10 „Ängst“ vo Männer
Traditionell werded männer ih de westliche gsellschaftt sehr oft als starch, muetig, unabhängig und durchsetzigsfähig ahgseh. Aber selte redet mer au überd ängst vo de männer. Darum werde mer ih dere folge eus GENAU mit dene „unusgsprocheni ängst“ vo de männer befasse. Danke fürs zuelose und viel spass :)
7 May 2021
#10 Gott und die Welt
Gits en gott oder eh höchere macht? Eh frag wo zunere endlose diskussion chan fuehre ohne das mer am schluss gschider worde isch. Trotzdem hemer es gwagt, eus mit dere frag zkonfrontiere. Kei garantie uf wissenschaflich belegti ussage :) Danke und viel spass bim zuelose.
10 Apr 2021
#9 Künstlichi Intelligenz: eusi Rettig oder euse Untergang?
Egal obs eim bewusst isch, jede vo eus isch scho mit künstlichi intelligenz (ki) ih irgende form in kontakt cho. Segs de spam ordner uf em laptop, google search, siri oder sogar de staubsuger roboter, künstlichi intelligenz isch ih eusem alltag allgegewärtig. Doch vieli mensche hend es verfälschts bild überd KI. Mer wönd ih dere folg mit eusem limitierte wüsse eus gegesietig ufkläre überd grenze und möglichkeite vo ki und wie sie de menschheit wieterhilft oder au schadet. Danke fürs zuelose und viel spass :)
21 Mar 2021
#8 Statussymbol
Fashiontrend oder alles nur show?! Liebr de 700.- Gucci pulli oder längt de 100.- pulli vo nike? Liebr de neue mercedes c63 oder längt vorerst en billigere vw golf? Jugendlichi leged immer meh wert uf ihres üsserliche, seg es kleider, schmuck, oder autos. Und für das griffed sie gern tüüf is portmonnaie. Aber warum? Warum isch fashion zum statussymbol gworde und warum isch eus das so wichtig? Viel geld wird usgeh, um sis üsserlichi erschienigsbild zverbessere, aber cha mer sis geld nöd au no gschieder usnütze? Alles nur eh show?: Diskussion vo dere folg. Viel Spass bim zuelose
7 Mar 2021
#7 Fitnessboom: nachhaltig oder nur druck?
Hützutags triebt fast jede sport: segs kraft, usduur oder sust irgend eh sportart rund 50% vo de schwizer bevölkerig stuft sich als sehr aktiv ih. Doch da isch nöd immer so gsii. Warum und vo wo chunt de Fitnesstrend? Wie beihflusst eus das und was sind schattesiete vo dem? Paar frage wo mer eus gstellt hend und ih dere folg versueched beantworte. Mer send aber uf jedefall kei experte und chönd somit au ned behaupte das eusi tips 100% gsund send und für jede past. Trozdem wünschemer wie immer viel spass bim lose und hoffentlich nimsch au du öppis devo mit :)
21 Feb 2021
#6 Dateschutz und e chli Social Media
Dateschutz dies, dateschutz das?! Mer ghört immer wieder das eusi persönlichi date gschützt werded müesse, abr vo was und vo wem? S‘thema dateschutz isch heiss diskutiert ih de medie und mer hend chli eusi meinig welle erlütere und chli ufkläre ob eusi date überhaupt gschützt werded chönd. Als chlins extra gits no en biitrag über sgliebte social media
danke fürs zuelose :)
17 Feb 2021
#5 d'Selbstverständlichkeit vom Lebensstandart
Nach ere gwollte sowie ungewollte längere pause hemmer i de 5 folge vo eusem podcast serst mal miteme gast über es Thema diskutiert. Und zwar hemmer i der folg über dselbstverständlichkeit gredet mit welere mer hötzutags i euesem wunderschöne Land lebed. Zudem send na paar anderi themene dezue cho aber lönd eu überasche und viel spass bim zuelose:)
31 Jan 2021
#4 Persönlichkeit Test
Höt hemmers ganze mal echli anders gmacht. Und zwar hemmer uf höt beidi de 16 personalties test usgfült und über d ergebnis diskutiert und gwerweist. Mer hoffet es isch für all echli öpis debie, für die wo de alte stiel me gefalle het oder eus ned eso guet kenned, kei sorge nächst mal chömmer weder zum alte zrug. Mer wünsched eu trotzdem wie immer viel spass bim zuelose und bis bald :)
24 Jan 2021
#3 Dur Motivation zum Ziel
Nach ere chürzere pause simmer zrug mit de dritte folg vo Hemmers Gwüsst? Hüt befasse mer eus mal chli mit em thema motivation. D’mischig zwüsche de frage was motiviert eus? Und was phaltet eus motiviert? mit de disziplin und em fliess het eus dur die hütig Diskussion gleitet. Wie immer danke viel mal fürs zuelose, viel spass debie und s’feedback ned vergesse :)
9 Jan 2021
#2 Lebe nach em Weg vo de Eltere?
Nach langem geschwafel über de trump, elon musk und em brasiliansche regelwald hemer eus de ernstere theme begeh. Mini ziel und erwartige im lebe vs. erwartige und druck vo de eltere? Het mer und brucht mer überhaupt ziel im lebe? Über die frage hemer eus chli gedanke gmacht ih eusere zweite folg. Viel spass bim zuelose.
4 Jan 2021
#1 Was gebet eim wahri Fründe?
Wie gahts? was lauft momentan? und was bringed dir wahre fründe und fründschafte? Die drü frage hend eus dur die ersti Folg begleitet. Mer wünsched dir viel spass bim zuelose und en schöne:)
3 Jan 2021
S'Intro
S gaht los! Mit dem intro möchte mer euch begrüesse und churz informiere um was dases gaht bi üs. Beste dank bi all dene wo verbie lueged und losed ich hoffe es gfallt eu und falser mal gern debie wäred eif be eus melde :)
Contact HemmersGwüsst?
Guest appearances
Books guests
Based on episode analysis; this does not confirm that the show is currently accepting guests.
Host of HemmersGwüsst??
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
