Nortzuk dira egungo euskal kirolarien idoloak, zer ispilutan islatzen dira eta zergatik. Zer arrazoi izan dute kirolari erreferente horietan oinarritzeko beren eguneroko lana eta izerdia? Elkarrizketa bitartez euren azalpenak eman dizkigute arlo ezberdinetako kirolariek.
17. Ander Cantero: ''Arrastoa utzi zidan Santi Canizaresek ate azpian erakusten zuen jarrera eta segurtasunak''
Ander Cantero (Irunea, 1995) Eibar futbol taldeko atezaina da 2022an. Osasunako harrobian urte luzez aritu eta gero, 2014an talde nafarra utzi eta Zamorara joatea erabaki zuen. Ondoren, Real Madrilen, Vila-realen, Rayo Majadahondan edo Lugon aritu zen, 2021ean Eibarrekin sinatzea erabaki zuen arte.Irunean jaio eta Osasunaren elastikoa jantzi arren, bere idoloa ez da gorritxoen jokalari ohietako bat. Santi Canizares, Real Madril edo Valentziako atezain ohia baizik. Oso gazte zela sortu zitzaion atezain espainiarrarekiko miresmena, Txapeldunen Ligako 2001ko finala ikusten ari zela, hain justu. Inaki Berastegirekin solastu da "Idoloak" podcasterako.
28 Aug 2022
16. Jose Luis Korta: Txikitan idolorik izan ez zuen idoloa
Kontxako 16 banderaren jabe, 8 arraunean eta beste 8 prestatzaile eta patroi lanetan. Txapelketa ezberdinak eta traineru ligak irabazi ditu Jose Luis Korta Elizondok (Orio, 1949) arraunlari, patroi eta entrenatzaile modura. 1980ko Moskuko Joko olinpikoetan diploma lortutakoa ere bada Oriotarra.Manu Maritxalarri "Idoloak" podcastean azaldu dionez , txiki txikitatik, oinak ibaian sartuta denbora gehiago ematen zuen lehorrean baino. Jolasean egiten zuen kirola, eta kirola bihurtu zuen gerora bere ogibidea.Orioko Ortzaika auzoan jaioa, hori kolorea izan du ezin bestean bere bigarren azala urte askotan. Lasarte-Michelin, Kaiku, Castro, eta San Juango traineruetan ibili izan da tostan eserita, popan patroi edo eta motoratik arraunlariei aginduak ematen. Gaztetan, Kontxako estropadetako eguna izaten zuen egutegian azpimarraturiko eguna.Cantabriako Castron du etxea, handik batera eta bestera ibili ahal izateko. Ehiztari amorratua da eta Telebistako saio mordoan ibili da, pantailan beste aldean dagoena bere jarrera bizi, bero eta maitakorraz entretenitzen.
27 Aug 2022
15. Julen Gabirondo: ''Mikel Garaialde lagunak ematen dit indarra une kritkoetan''
Julen Gabirondo segalariak (Urnieta, 1989) Euskal Herriko bost txapela lortu ditu dagoeneko. Urnietako Xoxoka auzoko herritarra da. Hoditeria enpresa batean aritzen da egun osoz lanean, eta egunak uzten diona familiarekin eman, eta entrenamenduak eginez osatzen du.Julenek ez du ahazteko Mikel Garaialde laguna. Koadrilako kidea urte batzuk atzera hil zen minbiziak jota, eta txapelketa guztietan presente izaten du. Hainbesterako, bere erreferente bakartzat duela urnietar gaztea zena "hark bai zeukala nik ez daukadan kemena, indarra handia izango zen", esan dio umil Andoni Urbistondori "Idoloak" podcastaren atal honetan.
21 Aug 2022
14. Eli Pescador: Eusko Tren, Kontxa eta Euskadiko Txapelketa irabazitakoa da
Herri kirolak eta Igeriketa gustuko kirolak ditu Eli Pescadorrek (Errenteria, 1982). Arraun ontzi bat non, Eli ez zebilen urruti.Proiektu desberdinetan aritu izan da. 2008tik Hibaika-n egin zuen arraun, 11 urtez. 2020ean Alicantera joan zen bizitzera eta bertako arrauna ezagutzeko aukera izan zuen. 2021ean Donostia-Arraun lagunak taldetik proposamena jaso zuen eta bertan darrai arraunean. 2022koa denboraldi berezia izan da Elirentzat, bere ahizpa Ane Pescadorrekin batera arraun egiteko aukera izan duelako.
20 Aug 2022
13. Aritz Egea: “Bizitzaz duen ikuspegiak eragin du Jokin Lizeaga erreferente izatea''
Aritz Egea (Urretxu 1984) teknologia irakasle da Mondragon Unibertsitatean. Triatloilari izan zen hasieran, eta Hawai-ko ironman-a ere osatu zuen. Mendi lasterketetan murgildu zen ondoren eta hainbat lorpen erdietsitakoa da azken hamarkadan. Nabarmentzeko modukoak, 2017an "Sky Runner World Series"-eko txapelketa, bai eta txapelketa horretako hainbat probatan lortutako garaipena; "Gorbeia Suzien" ere irabazi zuen 2019an. Azken urteetan, ultra trail edo iraupen luzeko probetara bideratu du bere iharduna.
14 Aug 2022
12. Igor Anton: ''Txirrindularitza eskolan, kirol arloko figurek haurrak motibatzen dituzte''
Igor Antonek, 2005ean egin zuen debut profesionalen tropelean eta 39 urteko galdakaoztarrak 2018 an utzi zuen txirrindularitza. Vueltan eta Giroan etapa irabazitako da Anton.Bere idoloaz galdetuta, zalantzarik ez du: Marco Pantani izan da bere idoloa. Pantani zenak Frantziako Tourra eta Italiako Giroa eskuratu zituen urte berean, 1998 urtean. Italiako txapeldun zena, munduko igotzailerik onena izan da bere ustez. 34 urte zituela hil zen 2014. urtean ziklismoko mitoa. Egun, txirrindularitza eskolan ikusten du bertako haurrak motibatu egoten direla, kirol arloko "figura" bat ikustean.
13 Aug 2022
11. Esther Arrojeria: ''Matxalen Ziarsolo eredu izan da Bera Beran, bere bidea jarraitzen ari naiz''
Super Amara Bera-Berako eskubaloi jokalaria da Esther Arrojeria (Usurbil, 1994). Matxalen Ziarsolo taldekide ohia da usurbildarraren erreferentea, kantxa barruan eredu izan du beti, baina bereziki liluratu zuen joko-eremutik kanpo izan duen jarrerak.Hemeretzi urterekin, Bera Berara iritsi zenean, kapitain zen Ziarsolo, eta gogoan du ze goxo hartu zuen neska urduri eta lotsati hura. Orain Arrojeria bera da talde donostiarreko kapitainetako bat, eta ikasitako guztia praktikan jartzen ahalegintzen ari da.
7 Aug 2022
10. Maite Maiora: “Luis Arconada, Realeko atezaina izan zen nire idoloa”
Maite Maiora (Mendaro, 1980) korrikalari geldiezina da, 42 urterekin sasoiko jarraitzen du, maila bikaina emanez nazioarteko mendiko lasterketetan.Bere idoloez galdetuta, 80 ko hamarkadan Realeko atezaina izandako Luis Miguel Arconada aipatu digu. Txikitan aitarekin eta anaia-arrebekin Atotxara joaten zen Realaren partiduak ikustera. Maite Maiora bizi zen etxean, Arconada atezain handiak familiako kideei eskainitako argazkia zegoen. Maioraren iritzian, idolo batek gertuko pertsona izan behar du; jendearengana iritsi behar du."Idoloak" podcasteko atal honetan aitortu digu, bera ere saiatzen dela hurbiltasun hori erakusten, jarraitzen dutela ikusten duen pertsonekiko."Idoloak" podcastean euskal kirolari esanguratsuenen idoloak nortzun izan diren ezagutuko dugu.
6 Aug 2022
9. Oihana Kortazar: “Erreferenteak izaterakoan garaipenei baino baloreei ematen diet garrantzia handiagoa”
Oihana Kortazar (Elgeta 1984) gaztetxoa zenean kirolarekin zerikusirik ez zuten pertsonaien argazkiak jartzen zituen logelan hormetan. Gerora, kirol munduan murgiltzen joan zen neurrian, hasi zen erreferenteak izaten. Etxean txirrindularitzarekin lotura handia izan dutenez Joane Somarriba izan zuen ispilu. Ondoren aurkari eta lagun izan duen Nerea Amilibia mendi lasterkaria ere mirestu du.Egun, bera da Euskal Herriko mutiko eta neskatila askoren erreferente eta Haritz Gallastegiren galderak erantzun ditu "Idoloak" podcastareko.
31 Jul 2022
8. Markel Irizar: ''Kirolari aparta izateaz gain, ingurugiroaren kontzientzia du Kilian Jornetek''
Trek Segafredo taldeko zuzendaria da Markel Irizar (Onati, 1980). Kilian Jornet miresten du txirrindulari ohiak, mendiari eta ingurugiroari lotutako baloreak bere egiten ditu Irizarrek. Elurraren maitale sutsua izan arren, txirrindulari zen garaian ezin izaten zuen gehiegitan mendira jo, eta inbidia apur batekin ere hitz egiten du Jorneti buruz. Kirolari kataluniarra ardatz hartuta, Marino Lejarreta edota Lance Armstromgen izenak ere aterako dira podcast honetan. Inork ez omen du idolotzat hartzen Markel Irizar, baina bere bizipoza askorentzat eredu da.
30 Jul 2022
7. Naroa Agirre: “Jokoagatik, izeaeragatik eta bere aldarteagatik miresten dut Rafa Nadal”
Naroa Agirre (Donostia, 1979) pertika-jauzilari ohia euskal atleta oparoenetakoa izan da. 4,56 metroko jauzia eginda, Espainiako pista estaliko errekorra du Agirrek. Sevillan lortu zuen 2007ko otsailean, eta 15 urte geroago inor ez da gai izan donostiarraren jauzia gainditzeko. Besteak beste, Atenasko Olinpiar Jokoetan, 2004an, seigarren postua erdietsi zuen, eta hamairugarren izan zen 2008an Pekinen. 2018an hartu zuen erretiroa.Idolo zalea izan ez arren, hainbat kirolari miresten dituela aitortu du atletak, Rafa Nadal batez ere.
24 Jul 2022
6. Jokin Altuna: ''Onak izateaz gain transmititzen dutenagatik miresten ditut kirolariak''
Jokin Altuna (Amezketa, 1996) esku pilotak duen izar nagusia da. Gazte askoren erreferentea da. Baina aurrelari bikaina izateaz gain, kirol zale amorratua ere bada eta asko dira gertutik jarraitzen dituen kirolariak. Gaztetxo zenean Juan Martinez de Irujo pilotaria eta Fran Yeste futbol jokalaria zituen gustuko. Irujoren kasuan idolo izatetik Altunaren lagun izatera ere pasa da. Elkarrekin ondo konpontzen dira.Sasoi bateko berotasun barik, baina gaur egun ere asko dira Jokin Altunak miresten dituen kirolariak. Pasio handiz bizi bait du kirola.
23 Jul 2022
5. Inigo Llopis: “Idolo baino nahiago dut erreferente hitza erabili. Richard Oribe da nire erreferente nagusia”
Inigo Llopis (Donostia, 1998) igerilari paralinpikoa da eta gaztea izan arren ibilbide loriatsua ari da izaten. 100 metro bizkar eran Espainiako errekorra ezartzeaz gain, 23 urteko igerilari donostiarrak makina bat domina ditu palmaresean: zazpi Europako Txapelketetan, hiru Munduko txapelketetan eta bat Olinpiar Jokoetan.Llopisek 2016an ekin zion ibilbide paralinpikoari, Rio de Janeiroko Olinpiar jokoetan, baina 2021ean eskuratu zuen zilarrezko domina, hain zuzen ere, bizkar eran. Idolo hitza gustatu ez arren, Richard Oribe igerilari paralinpikoa du erreferente nagusia eta bere lorpenetan Oribek zerikusi handia izan duela ere azpimarratu du Llopisek, "Idoloak" podcastaren atal honetan.
17 Jul 2022
4. Helene Alberdi: Abraham Olano txirrindulari ohia du idoloa. Gurpila zulatuta nola irabazi zuen gogoan du
Helene Alberdi (Bilbao, 1991) triatleta da eta ogibidez medikua. Bere emaitzek erakusten dute ondo antolatzen dela kirola, lana eta familia bizitza uztartzeko. Azken garaipen entzutetsuen artean Zarautzko triatloia ageri da.Pertsonalitate handiko emakumea txikitatik, izan ere, Euskal Herrian marea laranjak Pirinioetako errepide bazterrak koloreztatzen zituen bitartean, bera ONCEko maillotarekin joatean zen Abraham Olano animatzera. Olanok 1995ean munduko txapelketa gurpila zulatuta irabazi izana ondo gordeta dauka oroimenean, nahiz eta berak garai hartan 4 urte baino ez izan. Lasterketa hartan Olanok erakutsi zuen jarrera, adorea, asko baloratzen ditu kirolari batengan Helene Alberdik eta horregatik du idolotzat Anoetako ziklista ohia.
16 Jul 2022
3. Inaki Osa Goikoetxea: Kelly Slater surflaria du idoloa, 11 aldiz munduko txapeldun izandakoa
Inaki Osa Goikoetxea (Zumaia, 1980) puntista profesionala da. Zazpi urterekin hasi zen zesta puntan jokatzen, jaioterrian. Amateurretan aritu eta gero, 16 urte zituela profesional bihurtu zen, eta Milanera (Italia) joan zen jokatzera sei hilabetez. Handik itzulita, 1997ko abuztuan, Amerikako Estatu Batuetara joan zen jokatzera. 2015eko urtarrilean, soldata % 70 baino gehiago murriztu ziotela eta Euskal Herrira itzuli zen. Bere ibilbide profesionalean 11 aldiz izan da buruz buruko txapelduna.Zesta puntarekin batera surfa ere txikitatik izan du gustuko Goikoetxeak eta hortik datorkio Kelly Slater-ekiko zaletasuna. Gertutik jarraitu du Floridako surflariaren ibilbidea eta gaur egun ere halaxe egiten jarraitzen du. Slater-en izenarekin batera, Slash Guns NRoses-eko musikaria ere aipatzen du idolo modura Maitane Urbietak "Idoloak" podcasterako egin dion elkarrizketan.
10 Jul 2022
2. Garazi Sanchez: ''Idoloak baino nahiago ditut erreferenteak''
Garazi Sanchez (Getxo, 1992) surflaria da, etxeko olatuetan hasi eta mundu mailan lehiatzera iritsi da. Txikitatik izan ditu erreferenteak. Hurbilekoak eta bere kirolari loturikoak haurra zenean, begirada gehiago zabalduta gaur egun.Baina ez du "idolo" hitza gustuko: inor bizitzarako idolo gisa hartzea arriskutsua dela uste du, jarraitzen dugun kirolari horren gizatasuna ezabatzen delako. Garaipena miresten dugu askotan, horren atzean dagoen eguneroko lana, edo kirolari horrek izaten dituen egun txarrak ahaztuz. Eta horiek ere badirela erakustearen aldekoa da.
8 Jul 2022
1. Abel Barriola: ''Gaztetxoentzat makulu garrantzitsuak dira idoloak''
Abel Barriolak (Leitza, 1977) Sobietar Batasuneko kirolariak miresten zituen. Lau urtez behin baino ez zituen ikusten, Olinpiar Jokoak iristen zirenean, eta beste planeta bateko super-gizakiak iruditzen zitzaizkion.Hurbilagoko idoloak ere baditu Leitzarrak, Julian Retegi, Fernando Arretxe, edo eta Miguel Indurain, kasu. Barriolak uste du batik bat gaztetxo garaian direla garrantzitsu idoloak. Gainera, orain urte batzuk idoloak erromantikoagoak zirela pentsatzen du, egunero haiek ikusteko aukerarik ez zegoenean.
Contact Idoloak
Guest appearances
Books guests
Based on episode analysis; this does not confirm that the show is currently accepting guests.
Host of Idoloak?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
