In 'n chaotiese wêreld lyk meeste situasies hopeloos. Kom ontdek saam met my metafore, modelle en midnsets wat ons gaan help om insig te kry vir die lewe, geloof en God.
God. Die woord is vir sommiges te heilig om te mag sê, vir ander is dit 'n vloekwoord. Vir baie van ons is ons al so gewoond aan die woord, ons vergeet soms van wie ons praat as ons sê, "God".
As inleiding vir die res van ons pad saam, begin ons die gordyn terugtrek oor waarvan ons praat as ons sê, "God".
Hier is die tekste waarna ek in die episode verwys.
Volgens die Bybel, is daar net een God:
Jes. 44:6; 45:18; 46:9; Joh.5:44; 1 Kor. 8:4; Jak. 2:19
Hierdie God word na verwys as drie persone:
Die Vader (1 Pet. 1:2)
Jesus (Joh. 20:28; Heb. 1:8)
Die Heilige Gees (Hand. 5:3-4)
Elkeen van hierdie persone het God se karaktereienskappe:
Hy is altyd oral: Ps. 139:7; Jer. 23:23-24; Matt. 28:20
Hy is bewus van alles: Ps. 147:5; Joh. 16:30; 1 Kor. 2:10-11
Hy is die magtigste wese wat bestaan: Jer. 32:17; Joh. 2:1-11; Rom. 15:19
Hy bestaan nog altyd, en sal vir altyd bestaan: Ps. 90:2; Heb.9:14, Openb. 22:13
Elkeen van hierdie persone tree soos God op, byvoorbeeld: Skep die Heelal
Die Vader: Gen. 1:1; Ps. 102:25
Die Seun: Joh. 1:3; Kol. 1:16; Heb. 1:2
Die Heilige Gees: Gen. 1:2; Job 33:4; Ps. 104:30
Die Bybel skep die prentjie dat die drie persone ‘een’ is:
Matt. 28:19; 2
Kor. 13:14
Welkom by die #watiswaarheid Podcast!
Kry meer by www.in-sight.life
18 Oct 2023
Episode 7 - EK IS
Welkom by die #watiswaarheid Podcast!
Vandag se episode het bietjie meer vleis as die voriges. Ons klim verder aan ons berg na God toe. En met hierdie een begin kyk ons na Jesus. Het gesê "Ek is..." en dis waar ons reis as Christene begin. Die vraag is dan, wie is ek as Jesus is wie Hy is?
As ek my lewe rondom Hom bou, hoe lyk dit dan op grond van wie en wat Hy is?
Ek is bly jy explore saam as ons vra #watiswaarheid.
Kry meer by www.in-sight.life
11 Oct 2023
Episode 6 - WEET
Wat weet jy? Wat kan jy weet? Sonder om te filosofies te raak, moet ons praat oor wat dit is om
te weet. As ons verstaan hoe ons brein werk, is dit baie makliker om te kan sien hoe ons geestelik kan groei.
Welkom by die
#watiswaarheid Podcast!
Kry meer by www.in-sight.life
29 Sept 2023
Episode 5 - EN
Aan watter kant is jy?
"Aan watter kant van wat?", vra jy. En dis waaroor ons praat. Hoekom is daar altyd twee kante wat teen mekaar moet veg? Waar kom hierdie idee dat daar kante is vandaan wat ons in alles inbou? Swart en Wit, Goed en Sleg, Heilig en Sondig, In en Uit...ons is gesplit. Onder mekaar en in ons harte. Hoe begin ons di ebrug bou tussen "ons" en "hulle"?
As ons hierdie ding verstaan, is dit makliker om die pad tussen Ons en God te vind.
Kry nog op die website: in-sight.life (https://in-sight.life/)
19 Sept 2023
Episode 4 - STIL
Al die verskillende dele van jou menswees smelt saam in 'n heel eenheid in, as jy kan leer hoe om stil te word.
Kan ek jou nooi om iets te kom hoor oor hoe belangrik dit is dat ons leer om stil te raak, en net in die oomblik te wees?
Kry nog op die website: in-sight.life
31 Aug 2023
Episode 3 - WEES Deel 2: Ek Beweeg
Die ander belangrike deel van menswees is om aan die beweeg te bly. Sonder beweging is mens geneig om sommer dood te gaan...as jy te lank ophou beweeg.
So, ons jaag. Oral heen. Heeltyd. Maar min mense weet waarnatoe of hoekom hulle jaag. Dis dalk tyd om hierdie gemors uit te sort.
Hoekom beweeg jy? Waarnatoe beweeg jy? Ek gee in hierdie episode 'n model wat my al baie gehelp het om my beweeg te laat sin maak.
31 Aug 2023
Episode 2 - WEES Deel 1: Ek Bestaan
Wie is jy?
Moes jy al hierdie vraag antwoord? Dis moeiliker as wat mens dink as jy alles in ag neem wat jy vir mense beteken of wat jy oor jouself dink.
Wat beteken dit om te WEES? Dit voel vir my dis nogal belangrik om hierdie vraag te kan antwoord voordat ons kan begin wonder hoe ons saam met God kan loop.
So die eerste stap op ons geestelike groei pad, is om te kyk wie ons is en wat dit beteken om te bestaan.
30 Aug 2023
Episode 1 - Wees stil en weet ek is God
Kom ons kry eers 'n "birds-eye view" van ons reis wat voorlê. Die Ps 46 sin, "Wees stil en weet ek is God" gaan ons help om die wêreld se geraas uit te doof en te fokus op 'n paar belangrike punte van Christen-wees. Hierdie gaan ons roetemerkers wees vir ons bergklim ekspidisie. Sommiges gaan lekker wees, en sommiges gaan harde werk wees. Op die einde sal dit die moeite werd wees om bo uit te kom en met nuwe perspektiewe die lewe saam met God aan te kan pak.
30 Aug 2023
#watiswaarheid Podcast - Die intro
Pilatus het vir Jesus gevra: "Wat is waarheid?", nadat Jesus gesê het Hy is hier om van die waarheid te getuig. Hierdie vraag is vandag ook 'n goeie vraag om te vra.
Om dit te begin antwoord wil ek saam met jou na 'n manier kyk om al die geraas in die wêreld uit te sif. 'n Deel uit Psalm 46, "Wees stil en weet ek is God" voel vir my soos 'n goeie plek om te begin.
Hier is 6 idees waaroor ons kan praat wat 'n sterk fondasie gaan bou. Elke week gaan ons die volgende idee uitpak wat ons help om 'n goeie lewe, 'n heilige lewe te leef.
Welkom op hierdie reis.
Contact IN-SIGHT.LIFE
Guest appearances
Does not typically book guests
Based on episode analysis; this does not confirm that the show is currently accepting guests.
Host of IN-SIGHT.LIFE?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
