About Ingeniørane som bygde Vestlandet - 150 år med utdanning og utvikling
I 2025 markerer Høgskulen på Vestlandet ein stolt milepæl: 150 år med ingeniørutdanning. Sidan oppstarten i 1875 har utdanninga utvikla seg frå ein lita teknisk skule med fokus på praktiske ferdigheiter til å bli ein sentral kunnskapsaktør i regionen – og ein viktig nasjonal bidragsytar innan teknologi, innovasjon og berekraft. Gjennom generasjonar har ingeniørar frå HVL vore med på å forme Vestlandet. Dei har konstruert bruer, vegar og energisystem, utvikla industri, sikra samfunnstryggleik, styrkt digitaliseringa og drive fram nye løysingar i møte med store samfunnsutfordringar. I dag står utdanninga midt i ein epoke prega av grøn omstilling, teknologisk utvikling i rekordfart og eit akutt behov for innovasjon.
Korleis skal Vestlandet og Norge lukkast i overgangen frå olje og gass til fornybar energi? I denne episoden ser vi framover mot 2050 og diskuterer kva behov næringsliv og samfunn står ovanfor i ei tid prega av klimautfordringar, teknologisk utvikling og kunstig intelligens.
Gjestar: Jens Kristian Fosse (dekan HVL) og Mathias Fischer (Initiativ Vest).
16 Dec 2025
Kvinner i ingeniørfag
Korleis var det å vere kvinne i eit yrke der menn sette premissa, og korleis er situasjonen i dag? I denne episoden tar vi deg med frå Sonja Giil, den første kvinnelege studenten i 1910, til notidas arbeid for likestilling i akademia og arbeidsliv.
Gjestar: Kristin Fanebust Hetland, Lise Bjørkhaug Gundersen og Michelle Sæther.
16 Dec 2025
Brytningstid (1980 – 2017)
Det er omstilling i næringslivet og omstilling i høgskulen. Vi går inn i ein formande periode. Samspelet mellom ingeniørutdanninga og næringslivet utviklar seg, samtidig som politiske føringar verkar inn.
Gjestar: Ole-Gunnar Søgnen og Trond Mohn.
21 Nov 2025
Utdanningseksplosjonen (1945 – 1980)
Etter krigen veks Norge raskt, og behovet for arbeidskraft og teknisk kompetanse skyt fart. Årskulla blir større, fleire tar vidaregåande utdanning, og vi får ein utdanningseksplosjon på 1960-talet. Presset på høgare utdanning aukar i hele landet – også i Bergen.
I denne perioden blir statusen endra frå teknikar til ingeniør. Det skjer gjennom politiske prosessar og reformar som gradvis løfter fagutdanninga, særleg gjennom arbeidet til Ottosenkomiteen, som legg grunnlag for ein ny struktur i høgare utdanning. Resultatet blir etablering av distriktshøgskular og fleire nye høgskular over heile landet.
Så, i 1969, skjer noko som endrar Norge for alltid: Oljefunnet i Nordsjøen. Plutseleg har landet fått ein ressurs som skaper enorm økonomisk vekst og nye moglegheiter. Behovet for ingeniørar blir akutt. Ein ny teknologisk og samfunnsmessig rikdom veks fram, og ingeniørane får ei nøkkelrolle i utviklinga av olje- og gassindustrien, frå dei første plattformene til utbygginga av heile Nordsjøen.
Gjester: Håvard Brede Aven og Steinar Jacobsen (tidlegare student ved BTS).
21 Nov 2025
Teknikarane som bygde framtida (1875–1945)
På slutten av 1800-tallet er Bergen i sterk endring. Industrien veks fram, fabrikkpiper reiser seg, og nye behov oppstår i ein by som plutseleg har vassverk, gassverk, verkstader og produksjon i rask utvikling. For å bygge denne nye byen trengs fagfolk som kan meir enn handverk – dei må kunne måle, teikne, konstruere og forstå maskiner, bygg og infrastruktur i eit moderne samfunn.
Det er i dette landskapet Bergen Tekniske Skole blir etablert. Skulen markerer eit skifte: handverk blir løfta mot vitskap og systematisk teknisk utdanning. I dei første tiåra opplever både byen og skulen vekst og optimisme.
I 1911 vedtar Stortinget å etablere en ingeniørutdanning i Trondheim (seinare NTNU). Dei tekniske skulane blir nedskalert frå treårige til toårige utdanningar, noko som skapar utfordringar for Bergen. Mellomkrigstida kjem med økonomiske nedgangstider, men skulen held stand.
Under andre verdskrig er forholda tronge, men søkargrunnlaget er framleis godt. Både lærarar og studentar deltar i motstandskampen, og skulen heldt fram med å være ein viktig kunnskapsinstitusjon for byen.
Gjester: Morten Hammerborg og Håvard Brede Aven.
Contact Ingeniørane som bygde Vestlandet - 150 år med utdanning og utvikling
Guest appearances
Books guests
Based on episode analysis; this does not confirm that the show is currently accepting guests.
Host of Ingeniørane som bygde Vestlandet - 150 år med utdanning og utvikling?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
