精神罔開講 Cheng-sîn bóng khai-káng

About 精神罔開講 Cheng-sîn bóng khai-káng

Cheng-sîn bóng khai-káng sī chi̍t-ê choân tâi-gí kái-soeh cheng-sîn i-ha̍k ê podcast chiat-bo̍k. Hi-bāng lán Tâi-oân-lâng ē-sái ke liáu-kái kap lán seng-oa̍h siong-koan ê cheng-sîn kiān-khong tì-sek. Mā hi-bāng lán ē-sái hoat-tián i bú-gí ûi-chú ê i-ha̍k choan-gia̍p ho̍k-bū. 精神罔開講是一个全台語解說精神醫學 ê podcast 節目。希望咱台灣人會使加了解咱生活相關 ê 精神健康智識。Mā 希望咱會使發展以母語為主 ê 醫學專業服務。 -- Hosting provided by SoundOn (https://www.soundon.fm/)

Publisher

Khó͘ Sek-un

Category

health & fitness

Language

zh

Explicit

No

First episode

31 Oct 2024

Latest episode

19 May 2025

Latest episodes

13 episodes in the feed.

1. 

   19 May 2025

   #12 簡單講「鬱症」：心情若鬱卒過頭，細膩是大腦破病！

   Chiap-sio̍k téng hôe teh kóng chêng-sū chiòng-gāi ê hoat-chok, chit hôe beh iau-chhiáⁿ ta̍k-ke lâi se̍k-sāi “ut-chèng”. Ut-chèng-hoat-chok m̄-sī kan-na tan-sûn sim-chêng ut-chut niā-niā. Ut-chèng sū-si̍t-siōng sī seng-lí in-sò͘ chiâⁿ tāng ê pēⁿ-chèng. Hoān-chiá ê ho͘-lú-bóng, bián-e̍k, kap náu-sîn-keng hē-thóng kî-si̍t lóng ū piàn-hòa. Tī-liâu mā ū chin chē mê-kak. Siōng iàu-kín sī lán ài iōng siáⁿ-mih thāi-tō͘ lâi kā hoān-chiá chi-chhî. Ǹg-bāng thiaⁿ-chiòng ē-sái tùi chit hôe chiat-bo̍k ke-kiám-á liáu-kái ut-chèng ê pún-chit. ================= 【ut-chèng 鬱症】 “major depressive disorder” Hoān-chiá kan-na ū keng-giām kòe chì-chió chi̍t-pái ê ut-chèng hoat-chok, bô keng-giām kòe sò-kông a̍h-sī kheng-sò hoat-chok. Chín-toàn chhut ut-chèng, piáu-sī hoān-chiá m̄ sī tan-sûn sim-chêng bái niā-niā. Hiān-tāi i-ha̍k í-keng ū chin chē chèng-kù chi-chhî ut-chèng sī tōa-náu seng-lí hong-bīn ê pēⁿ-chèng. 【kè-sio̍k-sèng ut-chèng 繼續性鬱症】 “persistent depressive disorder” Hoān-chiá ê ut-chut piáu-hiān sī liân-sòa î-chhî siong-tùi tn̂g ê sî-kan, ū ê hoān-chiá mā ē keng-giām ut-chèng hoat-chok. Kòe-khì ū “kheng-ut-chèng” ê kóng-hoat, m̄ koh sū-si̍t-siōng hoān-chiá khùn-liáu ê thêng-tō͘ bô-it-tēng pí ut-chèng khah kheng, chí-sī ū khùn-liáu ê sî-kan khah tn̂g. ================= E-mail: csbkk.taigi@gmail.com 漢字版說明請到面冊： https://www.facebook.com/profile.php?id=61568080851449&mibextid=LQQJ4d (https://www.facebook.com/profile.php?id=61568080851449&mibextid=LQQJ4d) 音樂製作：農村武裝青年-俐君 -- Hosting provided by SoundOn (https://www.soundon.fm/)

2. 

   5 Apr 2025

   #11 講情緒障礙 ê 發作：鬱卒 kap 躁狂

   Lán ê podcast chóng-sǹg koh khí-kiâⁿ—lo͘h. Si̍t-chāi sī chit chām-á sin-thé bô kài hó-sè, sim-chêng tòe leh bô sóng-khoài. Soah hioh-khùn pí pún-lâi phah-sǹg—ê khah kú. Lán lâng ê sim-chêng chū-liân sûi-tio̍h lán ê keng-giām ū khí-lo̍h piàn-hòa, m̄ koh nā chhiau-kòe it-tēng ê hoān-ûi, hêng-ûi kap su-khó khó-lêng ē ū chin tōa ê piàn-hòa, hō͘ lâng kám-kak piàn chi̍t-ē lâng, sīm-chì éng-hióng tio̍h ji̍t-siông seng-oa̍h. Chit hôe lán chò-hóe lâi liáu-kái tàu-té chêng-sū piàn-hòa kàu siáⁿ-mih thêng-tō͘ ē sǹg sī pēⁿ-thài ê chiòng-gāi. ================= 【chêng-sū 情緒】“mood” Cheng-sîn i-ha̍k thong-siông iōng lâi biâu-su̍t chi̍t-ê lâng siū khoân-kéng kap keng-giām éng-hióng chi-hā siong-tùi tn̂g-kî ê sim-chêng piàn-hòa chhu-sè. 【chêng-kám 情感】“affect” Cheng-sîn i-ha̍k thong-siông iōng-lâi biâu-su̍t chi̍t-ê lâng sim-chêng piàn-hòa piáu-hiān—chhut-lâi hō͘ lâng ē-tàng koan-chhat ê pō͘-hūn. 【sò-kông 躁狂】 “mania” Mā ē-sái kóng “sò-chèng”. Khah óa Tâi-oân-ōe chāi-lâi kóng “lia̍h-kông” “thô-hoe-tian”. Hoān-chiá in-ūi sim-chêng kap lêng-liōng chhèng koân, ū kòe-tō͘ chū-sìn, kòe-tō͘ hoaⁿ-hí, bô su-iàu khùn, kāu-ōe, su-khó kòe chē, oa̍h-tōng kòe chē, chhiong-tōng, bô kò͘ hong-hiám téng-téng piáu-hiān. Chèng-thâu nā liân-sòa chi̍t lé-pài í-siōng ia̍h-sī giâm-tiōng kàu su-iàu tòa-īⁿ lóng chún-sǹg. 【kheng-sò 輕躁】 “hypomania” Lūi-sū sò-kóng ê piáu-hiān, m̄ koh sî-kan siōng sī liân-sòa 4 kang í-siōng tiō chún-sǹg, thêng-tō͘ mā siong-tùi khah kheng. 【siang-kek-chèng 雙極症】 “bipolar disorder” Mā ē-sái kóng “sò-ut-chèng”. Hoān-chiá ê chêng-sū khí-lo̍h bô ún-tēng. Ē keng-giām tio̍h sò-chèng kap ut-chéng kau-thè hoat-chok. I-chiàu piáu-hiān ē pun chò chin chē bô kâng lūi-hêng. ================= E-mail: csbkk.taigi@gmail.com 漢字版說明請到面冊： https://www.facebook.com/profile.php?id=61568080851449&mibextid=LQQJ4d (https://www.facebook.com/profile.php?id=61568080851449&mibextid=LQQJ4d) 音樂製作：農村武裝青年-俐君 -- Hosting provided by SoundOn (https://www.soundon.fm/)

3. 

   27 Jan 2025

   #10 罔開講：聽友意見分享

   Kòe-nî chêng siōng bóe chi̍t hôe, lán sió hioh-chhoán chi̍t-ē. Kā ta̍k-ke hun-hióng chiat-bo̍k pháng kàu taⁿ siu-tio̍h—ê thiaⁿ-iú ì-kiàn. Sūn-sòa hun-hióng góa tùi choan-iú-sû hoan-e̍k ê khòaⁿ-hoat. (Iú-koan thiaⁿ-iú kiàn-gī “grandiose delusion” ê kóng-hoat, ta̍k-ke nā ū hèng-chhù ē-sái chham-khó bīn-chheh tē 7 hôe tah-bûn ê lâu-ōe.) ================= E-mail: csbkk.taigi@gmail.com 欲看漢字請到面冊： https://www.facebook.com/profile.php?id=61568080851449&mibextid=LQQJ4d (https://www.facebook.com/profile.php?id=61568080851449&mibextid=LQQJ4d) 音樂製作：農村武裝青年-俐君 -- Hosting provided by SoundOn (https://www.soundon.fm/)

4. 

   16 Jan 2025

   #9 講思覺失調症 ê 病因、治療

   Chit hôe lán lâi pó͘-chhiong su-kak-sit-tiâu-chèng ê pēⁿ-in, pí-lû seng-bu̍t-ha̍k siong-koan ê chèng-kù. Sian-thian kap hō͘-thian ê in-sò͘ lóng kài tiōng-iàu. Mā ē kán-tan kóng tio̍h su-kak-sit-tiâu-chèng tī-liâu kòe-têng ê chi̍t-kóa mê-kak. ================= 【sian-thian 先天】“congential” ／【hō͘-thian 後天】“acquired” 【hái-má-kau 海馬勾】 “hippocampus” 【hēng-lîn-hu̍t 杏仁核】 “amygdala” 【chêng-gia̍h-tōa-náu-phôe-chit 前額大腦皮質】 “prefrontal cortex” 【sī-khu 視丘】 “thalamus” 【ki-té-hu̍t 基底核】 “basal gaglia” 【sió-náu 小腦】 “cerebellum” 【tō͘-phak-bín】 “dopamine” 【 tn̂g-hāu-siā 長效射】 “long-acting injection” ================= E-mail: csbkk.taigi@gmail.com 欲看漢字請到面冊： https://www.facebook.com/profile.php?id=61568080851449&mibextid=LQQJ4d (https://www.facebook.com/profile.php?id=61568080851449&mibextid=LQQJ4d) 音樂製作：農村武裝青年-俐君 -- Hosting provided by SoundOn (https://www.soundon.fm/)

5. 

   5 Jan 2025

   #8 講思覺失調症 ê 表現、診斷、病程

   Chiap-sio̍k lán téng chi̍t hôe thó-lūn ê cheng-sîn-pēⁿ, lán chit hôe beh lâi chò-hóe liáu-kái su-kak-sit-tiâu-chèng, tiō sī í-chá kiò-chò cheng-sîn-hun-lia̍t-chèng ê ki-chhó͘ tì-sek. Chit ê pēⁿ ē ū siáⁿ-mih piáu-hiān, hoat-pēⁿ liáu khó-lêng ê piàn-hòa, koh ū tn̂g-kî tī-liâu ê tiōng-iàu. ================= 【su-kak-sit-tiâu-chèng 思覺失調症】“schizophrenia” Chi̍t-khoán goân-hoat-sèng cheng-sîn-kho pēⁿ-chèng. Hoān-chiá piáu-hiān chú-iàu sī tn̂g-kî ê cheng-sîn-pēⁿ éng-hióng—tio̍h siā-hōe kong-lêng. Mā ū khó-lêng ē sán-seng chêng-sū chèng-thâu kap līn-ti kong-lêng chiòng-gāi. Thong-siông ài tn̂g-kî tī-liâu. Kòe-khì hō-chò cheng-sîn-hun-lia̍t-chèng, Tâi-oân tī 2014 nî kái miâ. 【kiong-ti̍t-chèng 僵直症】 “catatonia” Chi̍t chióng cheng-sîn tōng-chok kái-piàn ê chèng-thâu. Piáu-hiān khó-lêng ū: hoān-chiá tùi gōa-chāi khoân-kéng ê chhì-khek bô hoán-èng, pó-chhî kò͘-tēng kî-koài ê chu-sè, bô lí-iû ê kek-tōng, chú-tōng chhut-la̍t té-khòng gōa-lâi ê le̍k-liōng, bô͘-hóng pa̍t-lâng ê ōe ia̍h-sī tōng-chok téng-téng. Tû-liáu su-kak-sit-tiâu-chèng í-gōa, giâm-tiōng ê chêng-sū chiòng-gāi ia̍h-sī sin-thé pēⁿ-chèng mā ū khó-lêng sán-seng chit khoán piáu-hiān. Mā ū lâng hoan-e̍k chò 【kín-tiuⁿ-chèng 緊張症】. 【im-sèng chèng-thâu 陰性症頭】 “negative symptom” Chi̍t khoán su-kak-sit-tiâu-chèng ê chèng-thâu. Piáu-sī hoān-chiá khiàm-khoat it-poaⁿ lâng èng-tong ū ê sim-lí ki-lêng, pí-lû khiàm tōng-ki, khiàm siā-kau, khiàm kóng-ōe, khiàm chêng-sū piáu-ta̍t téng-téng. Siong-tùi-sû 【iông-sèng chèng-thâu 陽性症頭】piáu-sī hoān-chiá ū it-poaⁿ lâng bô keng-giām—tio̍h ê chèng-thâu, chhiūⁿ hoàn-kak kap bōng-sióng. 【bōng-sióng-chèng 妄想症】 “delusional disorder” 【té-kî cheng-sîn pēⁿ-chèng 短期精神病症】 “brief psychotic disorder” 【lūi-su-kak-sit-tiâu-chèng 類思覺失調症】 “schizophreniform disorder” 【chêng-kám su-kak-sit-tiâu-chèng 情感思覺失調症】 “schizoaffective disorder” ================= E-mail: csbkk.taigi@gmail.com 欲看漢字請到面冊： https://www.facebook.com/profile.php?id=61568080851449&mibextid=LQQJ4d (https://www.facebook.com/profile.php?id=61568080851449&mibextid=LQQJ4d) 音樂製作：農村武裝青年-俐君 -- Hosting provided by SoundOn (https://www.soundon.fm/)

6. 

   30 Dec 2024

   #7 脫離現實 ê 精神病：幻覺、妄想、思考形式障礙

   Bêng-khak ê chèng-thâu biâu-su̍t ē-sái kóng sī cheng-sîn i-ha̍k ê ki-chhó͘ Liáu-kái lîn-lūi ê cheng-sîn ū khó-lêng sán-seng siáⁿ-mih khoán ê piàn-hòa, ē-sái hō͘ lán sióng-siōng hoān-chiá ê keng-giām. Chit hôe lán beh lâi kóng it-poaⁿ lâng hán-tit ū keng-giām kòe ê chèng-thâu, tiō sī pau-koat hoàn-kak, bōng-sióng, su-khó hêng-sek chiòng-gāi ê cheng-sîn-pēⁿ. ================= 【cheng-sîn-pēⁿ 精神病】“psychosis” Cheng-sîn i-ha̍k teh khí-pō͘ sî sú-iōng ê hun-lūi miâ-sû, biâu-su̍t ē éng-hióng hoān-chiá hiān-si̍t phòaⁿ-toàn ê pēⁿ-chèng. Hiān-tāi ê hē-thóng hán-tit kā cheng-sîn-pēⁿ tòng-chò chèng-sek chín-toàn, tiāⁿ iōng lâi piáu-sī hoān-chiá ū siong-koan chèng-thâu, siong-tùi-sû sī “neurosis”【sîn-keng-pēⁿ 神經病】. 【hoàn-kak 幻覺】 “hallucination” Ti-kak hong-bīn ê chèng-thâu. Khoân-kéng bô tùi-èng ê chhì-khek, lâng soah sán-seng kám-kak. Pí-lû thiaⁿ—tio̍h gōa-chāi khoân-kéng bô chûn-chāi ê siaⁿ-im kiò-chò thèng-hoàn-kak; khòaⁿ—tio̍h kiò-chò sī-hoàn-kak; phīⁿ—tio̍h kiò-chò hiù-hoàn-kak; bong—tio̍h kiò-chò chhiok-hoàn-kak. Tùi hoān-chiá ê keng-giām lâi kóng, hoàn-kak kap it-poaⁿ ê ti-kak kâng-khoán chin, só͘-í hoān-chiá ē līn-ûi gōa-chāi khoân-kéng chin-chiàⁿ ū chhì-khek lâi-goân. 【bōng-sióng 妄想】 “delusion” Su-khó lāi-iông hong-bīn ê chèng-thâu. Keng-giām lâi bô ha̍p-lí ê khí-in kap chhui-lūn kòe-têng, lâng soah sán-seng kian-tēng nā sìn-liām ê siūⁿ-hoat. Pa̍t-lâng nā thê-kiong hoán-chèng, hoān-chiá iu-goân sī siong-sìn bōng-sióng ê lāi-iông. Jî-chhiáⁿhoān-chiá ē kā gōa-lâi keng-giām kap lōe-chāi ê bōng-sióng kat-chò-hóe. Kin-kù lāi-iông ē-sái kiò-chò koan-hē bōng-sióng, pī-hāi bōng-sióng, tio̍h-chha̍t-thau bōng-sióng, put-tiong bōng-sióng (chiat-bo̍k lāi tha̍k chia̍h-chhò͘, chit-tò͘), chêng-ài bōng-sióng, chong-kàu bōng-sióng, khoa-tāi bōng-sióng, bô-bāng bōng-sióng, chhò-līn bōng-sióng, pī-khòng-chè bōng-sióng téng-téng. 【su-khó hêng-sek chiòng-gāi 思考形式障礙】 “formal thought disorder” Su-khó kòe-têng hong-bīn ê chèng-thâu. Lâng ê kám-kak ka-tī su-khó bē sūn ū khì piàn-hòa, pau-koat su-khó kóng-pò, su-khó thiu-chhut, su-khó tiong-toān, su-khó chhah-li̍p téng-téng. Hoān-chiá ū khó-lêng ē līn-ûi sī ū gōa-le̍k teh éng-hióng ka-tī ê su-khó. ================= E-mail: csbkk.taigi@gmail.com (mailto:csbkk.taigi@gmail.com) 面冊： https://www.facebook.com/profile.php?id=61568080851449&mibextid=LQQJ4d (https://www.facebook.com/profile.php?id=61568080851449&mibextid=LQQJ4d) 音樂製作：農村武裝青年-俐君 -- Hosting provided by SoundOn (https://www.soundon.fm/)

7. 

   23 Dec 2024

   #0 若會無代無誌欲用台語來講精神醫學？講本節目 ê 原由

   Chòe-kīn ū chi̍t-kóa pêng-iú hòⁿ-kî lán ūi-siáⁿ-mih ài iōng Tâi-gí lâi kóng cheng-sîn-i-ha̍k ê tāi-chì. Só͘-pái chit-hôe beh lâi kóng pún chiat-bo̍k chè-chok pōe-āu ê chi̍t-kóa siūⁿ-hoat. Pau-koat góa kò-lîn o̍h Tâi-gí-bûn ê keng-giām, koh ū tùi tong-chiân Tâi-gí khoân-kéng ê khòaⁿ-hoat. Góa m̄ sī chia̍h-pá siūⁿ êng, sī līn-ûi lán Tâi-oân-lâng chiâⁿ su-iàu khah chē choân Tâi-gí ê mûi-thé kap ha̍k-su̍t chu-goân. Hi-bāng ta̍k-ke nā-ū tông-ì góa ê khòaⁿ-hoat, chò-hóe lâi iōng Tâi-gí-bûn līn-bat chit-ê sè-kài. ================= E-mail: csbkk.taigi@gmail.com (mailto:csbkk.taigi@gmail.com) 面冊： https://www.facebook.com/profile.php?id=61568080851449&mibextid=LQQJ4d (https://www.facebook.com/profile.php?id=61568080851449&mibextid=LQQJ4d) 音樂製作：農村武裝青年-俐君 -- Hosting provided by SoundOn (https://www.soundon.fm/)

8. 

   15 Dec 2024

   #6 精神科敢有影 hia 輕鬆？kap 患者跋感情有 lōa 重要？講治療關係

   Thiaⁿ kóng cheng-sîn-kho hō͘-sū chi̍t kang chò tiám-pòaⁿ-cheng tio̍h hó, kap tī-liâu koan-hē m̄-nā hō͘ hoān-chiá khah phòe-ha̍p, choan-gia̍p khah khin-sang.

9. 

   8 Dec 2024

   #5 破病講話 tiō 會好？敢有 chia 好空 ê 代誌？講心理治療

   Sigmund Freud, Carl Jung, and Alfred Adler discuss the principles and applications of psychotherapy, cognitive behavioral therapy, and psychodynamic therapy in treating mental health issues.

10. 

    28 Nov 2024

    #4 精神問題 ài 按怎處理？食藥仔敢好？講精神科 ê 治療

    Clinical psychologist "nurse" and social worker "clinical psychologist" discuss the challenges and best practices in treating mental health issues with medication, including the use of sedatives, antipsychotics, antidepressants, and mood stabilizers.

11. 

    17 Nov 2024

    #3 為何精神會破病？講精神科病因學

    Kì-liân cheng-sîn ē phòa-pēⁿ, án-ne pēⁿ-in sī siáⁿ？Ū lâng kóng sī siū lâng éng-hióng, ū lâng kóng sī in-ūi ap-le̍k tōa, ū lâng kóng sī kha̍h-tio̍h-im. Chóng ū pah-pah-khoán ê khó-lêng, m̄ koh kám lóng ū iáⁿ？ Chit chi̍p lâi káng i-ha̍k siōng ū khó-lêng ín-khí cheng-sîn chèng-thâu ê in-sò͘. ================= 【pēⁿ-in-ha̍k/病因學】 “etiology” Miâ-sû, ē-sái piáu-sī teh gián-kiù pēⁿ-chèng khí-in siong-koan ê ha̍k-būn, eng-gí ê “etiology” mā ti̍t-chiap ū pēⁿ-in ê ì-sù. 【sio̍k-hoat-sèng/續發性】 “secondary” Hêng-iông-sû, piáu-sī chit-ê pēⁿ-chèng sī ū lēng-gōa chit-ê in-sò͘ ti̍t-chiap chō-sêng. 【goân-hoat-sèng/原發性】 “primary” Hêng-iông-sû, piáu-sī chit-ê pēⁿ-chèng bô-hoat-tō͘ chhōe—tio̍h pa̍t-ê goân-in. 【kah-chōng-sòaⁿ khòng-chìn/甲狀腺亢進】 “hyperthyroidism” Pēⁿ-miâ. Lâng ê kah-chōng-sòaⁿ ki-lêng kòe koân, tāi-siā ē kòe kiông, khó-lêng ē ín-khí tōa-ām-kui, thé-tāng kiám-khin, sim-thiàu kòe kín, làu-sái, sit-bîn, kín-tiuⁿ téng-téng piáu-hiān. 【chiam-bōng 瞻妄】“delirium” Pēⁿ-miâ, piáu-sī lâng ê ì-sek kap sim-tì siū-tio̍h sin-thé pēⁿ-thiàⁿ kiáu-liáu, chō-sêng kip-sèng chiòng-gāi. ================= Ná tùi lōe-iông a̍h-sī tâi-gí ū būn-tê, ē-sái kià tiān-chú phoe lâi chham góa thó-lūn. E-mail: csbkk.taigi@gmail.com (mailto:csbkk.taigi@gmail.com) 音樂製作：農村武裝青年-俐君 -- Hosting provided by SoundOn (https://www.soundon.fm/)

12. 

    7 Nov 2024

    #2 精神 án-chóaⁿ-iūⁿ chiah 算破病？講精神科診斷學

    Lâi khòaⁿ cheng-sîn-kho ê hoān-chiá tiāⁿ-tiāⁿ ē giâu-gî, chit-má ê bô-sóng-khoài kám sǹg sī pēⁿ？Ná sī pēⁿ koh tàu-té sī siáⁿ-mih pēⁿ？Chit chi̍p lán kán-tan lâi kóng cheng-sîn-kho ê chín-toàn sī án-chóaⁿ lâi, hō͘ ta̍k-ke sió-khóa-á chai-iáⁿ i-su hia lo-so sī teh mn̄g siáⁿ…… =================== 【chín-toàn/診斷】 “diagnose”(v.) “diagnosis”(n.) I-ha̍k siōng thàu-kòe kiám-cha chèng-thâu khì liáu-kái pēⁿ-chèng pún-chit ê kòe-têng. Kiám-cha liáu-āu ê kiat-kó, chhiūⁿ pēⁿ-chèng ê chèng-sek miâ-chheng, mā kiò-chò chín-toàn. 【cheng-sîn chi̍t-pēⁿ chín-toàn kap thóng-kè chhiú-chheh/精神疾病診斷 kap 統計手冊】 “The Diagnostic and Statistical Manual of Mental Disorders (DSM)” Bí-kok cheng-sîn i-ha̍k-hōe chú 1952 nî khai-sí chhut-pán ê chín-toàn chhiú-chheh, 2022 nî chhut-pán tē-gō͘ pán ê kái-pán, kā cheng-sîn pēⁿ-chèng chò phiau-chún-hòa ê hun-lūi. Choân-sè-kài chiok chē só͘-chāi teh iōng, mā sī Tâi-oân siōng chú-iàu ê chín-toàn hē-thóng. 【ut-chèng/鬱症】 “major depressive disorder” Chêng-sū pēⁿ-chèng ê chi̍t chióng, chú-iàu ê piáu-hiān sī liân-sòa nn̄g lé-pài í-siōng ê ut-chut siong-koan chèng-thâu. Ū khó-lêng ē chō-sêng chiâⁿ tōa ê sún-hāi, hó-khí—lâi liáu-āu mā ū khó-lêng ho̍k-hoat, su-iàu hó-hó-á tī-liâu. =================== Ná tùi lōe-iông a̍h-sī tâi-gí ū būn-tê, ē-sái kià tiān-chú phoe lâi chham góa thó-lūn. E-mail: csbkk.taigi@gmail.com (mailto:csbkk.taigi@gmail.com) 音樂製作：農村武裝青年-俐君 -- Hosting provided by SoundOn (https://www.soundon.fm/)

13. 

    31 Oct 2024

    #1 精神科是 teh pìⁿ-siáⁿ-báng？

    Tùi tāi-pō͘-hūn Tâi-oân-lâng lâi kóng, “cheng-sîn i-ha̍k” sī khah chheⁿ-hūn ê kài-liām, jî-chhiáⁿ siong-koan ê chu-liāu lóng sī gōa-lâi gí. Ūi-tio̍h hō͘ lán Tâi-oân-lâng hó khip-siu, góa beh lâi iōng bú-gí kái-soeh cheng-sîn i-ha̍k siong-koan ê tì-sek. Tē-it chi̍p lán seng lâi liáu-kái “cheng-sîn i-ha̍k” ê tēng-gī, “cheng-sîn-kho” sī teh khòaⁿ siaⁿ, koh kap “sîn-keng-kho” ū siáⁿ-mih bô kâng. Pún chi̍p miâ-sû: 【cheng-sîn i-ha̍k/精神醫學；cheng-sîn-kho/精神科】”psychiatry” Soeh-bêng: hiān-tāi i-ha̍k ê chi̍t-ē hun-ki, chú-iàu gián-kiù lâng ê sim-tì, pau-koat ì-sek, chêng-sū, su-khó, kám-kak, līn-ti, hêng-ûi téng-téng pō͘-hūn, só͘ sán-seng pēⁿ-chèng ê chín-toàn, goân-in, ū-hō͘, kap tī-liâu téng-téng hong-bīn ê ha̍k-būn. 【cheng-sîn-kho i-su/精神科醫師】”psychiatrist” 【sin-sim-kho/身心科】Soeh-bêng: “cheng-sîn kho” ê lēng-gōa chi̍t-khoán chheng-ho͘, mā ū lâng līn-ûi chi̍t khóaⁿ kóng-hoat khah óa【sim-sin i-ha̍k/心身醫學】tiō sī “psychosomatic medicine” ê kài-liām. 【sîn-keng-kho/神經科】”neurology” Soeh-bêng: hiān-tāi i-ha̍k ê chi̍t-ē hun-ki, chú-iàu gián-kiù lâng ê sîn-keng hē-thóng piàn-hòa ín-khí ê pēⁿ-chèng, pau-koat iûⁿ-hîn, náu kám-liām, náu hoeh-kin chi̍t-pēⁿ, tōng-chok chiòng-gāi, sîn-keng thè-hòa chi̍t-pēⁿ téng-téng. Ná tùi lōe-iông a̍h-sī tâi-gí ū būn-tê, ē-sái kià tiān-chú phoe lâi chham góa thó-lūn. E-mail: csbkk.taigi@gmail.com (mailto:csbkk.taigi@gmail.com) Im-ga̍k chè-chok: 農村武裝青年-俐君 -- Hosting provided by SoundOn (https://www.soundon.fm/)

Contact 精神罔開講 Cheng-sîn bóng khai-káng

Guest appearances

Does not typically book guests

Based on episode analysis; this does not confirm that the show is currently accepting guests.