Մեդիա նախաձեռնությունների կենտրոնի media.am կայքի փաստեր ստուգող լրագրողներ Արշալույս Բարսեղյանն ու Կարինե Ղազարյանը քննարկում են թեմաներ, որոնք այս կամ այն կերպ վերաբերվում են բոլորիս։ Նրանք խորանում են թեմայի մեջ, մի լավ հասկանում ինչը ինչոց է ու դրա մասին պատմում ձեզ։ Կարևոր թեմաներից օգնում են գլուխ հանել ոլորտի վստահելի գիտնականներն ու հետազոտողները։
Խորանալու թեմա․ Քաղհասարակության գործիքները՝ հակավաքսերի տեղեկատվական արշավներում
«Խորանալու թեմա»-ի այս թողարկման ընթացքում media.am-ի լրագրողներ Արշալույս Բարսեղյանը և Կարինե Ղազարյանը, ինչպես նաև գլխավոր խմբագիր Գեղամ Վարդանյանը քննարկում են, թե ովքեր և ինչպես են տարածում պատվաստումների մասին ապատեղեկատվությունը։
Խոսում ենք հակավաքսերից, որոնց գործենությունը վերածվել է քաղաքական ակտիվիզմի ու ընդօրինակել քաղաքացիական հասարակության գործելաոճը։ Քաղհասարակության գործիքակազմը օգտագործելով, հակավաքսերը փորձում են լայն զանգվածներին հասցնել բազմիցս հերքված տեղեկություն և ձևավորել պատվաստումների հանդեպ մեծամասամբ անհիմն վախ։
9 Jun 2021
Կուսակցությունների համար կանոնները փոխվելու են
«Խորանալու թեմա»-ի այս թողարկման ընթացքում media.am-ի լրագրողներ Արշալույս Բարսեղյանը և Կարինե Ղազարյանը քննարկում են Կուսակցությունների մասին նոր օրենքը։ Պարզաբանում են, թե ինչն է փոխվել օրենքում ու ինչն է կիրառվելու արդեն արտահերթ խորհրդարանական ընտրությունների ժամանակ։ Թեմայից օգնել է գլուխ հանել Աղասի Եսայանը, նա Ընտրական համակարգերի միջազգային հաստատության՝ IFES-ի հայաստանյան մասնաճյուղի ընտրությունների ավագ մասնագետն է և մասնակցել է այս օրենսդրական փոփոխությունների մշակմանը։
Podcast (https://soundcloud.com/tags/podcast)
13 Apr 2021
COVID-19-ի դեմ պատվաստումներ․ 10 հարց և պատասխան
«Խորանալու թեմա»-ի այս թողարկման ընթացքում media.am-ի փաստերը ստուգող լրագրողներ Կարինե Ղազարյանը և Արշալույս Բարսեղյանը պատասխանում են COVID-19-ի դեմ պատվաստումների վերաբերյալ 10 հաճախ հնչող հարցի, այդ թվում՝
❓ Ինչի՞ են պետք պատվաստումները։
❓ Ինչպե՞ս են պատվաստանյութերը բաշխվում երկրների միջև։
❓Արդյո՞ք AstraZeneca-ով պատվաստվելը անվտանգ է։
Որոշ հարցերից օգնում է գլուխ հանել Հիվանդությունների վերահսկամ և կանխարգելման ազգային կենտրոնի Իմունականխարգելման և կառավարելի վարակիչ հիվանդությունների համաճարակաբանության բաժնի պետ Սվետլանա Գրիգորյանը։
8 Feb 2021
Կադրային փոփոխությունները
«Խորանալու թեմայի» չորրորդ թողարկման մեջ փաստեր ստուգող լրագրողներ Արշալույս Բարսեղյանն ու Կարինե Ղազարյանը քննարկում են հեղափոխությունից հետո պետական ապարատում կադրային բազմաթիվ փոփոխությունները։ Նրանք պարզել են, որ վարչապետ դառնալու օրվանից և մինչև Արցախյան երկրորդ պատերազմը Նիկոլ Փաշինյանը ստորագրել է աշխատանքից ազատման ավելի քան 300 հրաման։
Շա՞տ է սա թե՞, ընդհակառակը՝ չափազանց քիչ հետհեղափոխական երկրի համար։ Ինչպի՞սի կարդրային քաղաքականություն կտեսնենք առաջիկայում։ Իսկ ի՞նչ է հուշում հարևան Վրաստանի փորձը։ Այս և այլ հարցերից օգնել են գլուխ հանել քաղաքական վերլուծաբան Էրիկ Հակոբյանը և Միջազգային ճգնաժամային խմբի (International Crisis Group) փորձագետ Օլեսյա Վարդանյանը։
Կարդացեք նաև media.am-ի հոդվածը կադրային փոփոխությունների մասին․ դրանում մանրամասն ներկայացվում է, թե երբ և ինչքան պաշտոնյա է ազատվել աշխատանքից կամ պաշտոն ստանձնել Թավշյա հեղափոխությունից հետո 👉 https://media.am/hy/verified/2020/12/25/25648/
14 Nov 2020
Ահաբեկիչնե՞ր, թե՞ վարձկաններ. ովքեր էին Ադրբեջան բերված սիրիացիները
«Խորանալու թեմայի» չորրորդ թողարկման մեջ փաստեր ստուգող լրագրողներ Արշալույս Բարսեղյանն ու Կարինե Ղազարյանը քննարկում են՝ ինչպես ապացուցվեց, որ Սիրիայից վարձկանները Ադրբեջան տեղափոխվեցին։ Նրանք պարզել են, թե ովքեր են այս մարդիկ, ինչ ազդեցություն են թողել պատերազմական իրավիճակի վրա և ինչպես նրանց ներկայությանն արձագանքեցին տարածաշրջանի երկրները։
Թեմայից օգնել է գլուխ հանել Կովկասի իրադարձությունները լուսաբանող լրագրող, Միջին Արևելքի Ինստիտուտի ոչ ռեզիդենտ հետազոտող Նիլ Հաուերը և Լոս Անջելեսի Կալիֆորնիայի համալսարանի 'Focus on Karabakh' պարբերականի խմբագիր Էմիլ Սանամյանը։
Կարդացեք նաև վարձկանների մասին media.am-ի հոդվածը. դրանում վերակառուցել ենք այն ուղին, որը անցել են սիրիացի զինյալները Հարավային Կավկաս հասնելու համար։ https://media.am/hy/verified/2020/11/05/24940/
25 Sept 2020
Կրթական նոր չափորոշիչները․ փաստեր vs միֆեր
«Խորանալու թեմայի» երրորդ թողարկման մեջ փաստեր ստուգող լրագրողներ Արշալույս Բարսեղյանն ու Կարինե Ղազարյանը քննարկում են կրթական նոր չափորոշիչները։ Ինչ միֆեր են տարածվում չափորոշիչների մասին և ինչ փոփոխություններ են դրանք իրականում բերելու դպրոց։ Որոնք են դրանց խնդիրներն ու առավելությունները և ինչ դրական կամ բացասական արդյունքներ կարող են դրանք ունենալ։
Թեմայից օգնել է գլուխ հանել «Պարադիգմա» կրթական հիմնադրամի համահիմնադիր, կրթության հետազոտող Նարեկ Մանուկյանը։
9 Sept 2020
Սևանի հիմնախնդիրը․ ի՞նչ կլինի, եթե լիճը ճահճանա
«Խորանալու թեմայի» երկրորդ թողարկման մեջ փաստեր ստուգող լրագրողներ Արշալույս Բարսեղյանն ու Կարինե Ղազարյանը քննարկում են Սևանի հիմնախնդիրը․ ինչու լիճը հայտնվեց ճահճացման եզրին, ինչքանով է հավանական Սևանի ճահիճ դառնալը ու ինչ է պետք անել նման ելքից խուսափելու համար։
Թեմայից օգնել են գլուխ հանել ԳԱԱ Հիդրոէկոլոգիայի և ձկնաբանության ինստիտուտի տնօրեն Էվելինա Ղուկասյանը և ԳԱԱ Կենդանաբանության և հիդրոէկոլոգիայի գիտական կենտրոնի ավագ գիտաշխատող Գոռ Գևորգյանը։
Այս թողարկումը ստեղծելիս մենք օգտվել ենք հետևյալ աղբյուրներից․
«Արփա-Սևան (https://www.youtube.com/watch?v=iB41Gf8o14c)», Հայկ Տիգրանյան, Գոհար սիմֆոնիկ նվագախումբ և երգչախումբ
«First report about toxic cyanobacterial bloom occurrence in Lake Sevan, Armenia (https://onlinelibrary.wiley.com/doi/epdf/10.1002/iroh.202002060?fbclid=IwAR2nvw2P3v_FtREv9MMV1KFcxtslP5U9oB_UV__gYXyIYE9xTDCwfiIM2nw#.XvDHlbDx9UQ.facebook)», Gevorgyan, Rinke et al., International Review of Hydrobiology
«Ի՞նչ է պետք իմանալ Սևանի խնդրի մասին. 10 փաստ (https://media.am/hy/verified/2019/07/19/12040/)», Media.am
«Սևանից՝ Ամուլսար․ զրույց շրջակա միջավայրի նախարար Ռոմանոս Պետրոսյանի հետ (https://www.youtube.com/watch?time_continue=811&v=fdX9u5oBjew&feature=emb_title&ab_channel=CIVILNET)», Սիվիլնեթ
«Սևանի ապօրինի տերերը․ ում տները կանցնեն ջրի տակ (https://fip.am/7656)», fip.am
16 Aug 2020
Արդյո՞ք «Իմ քայլը» պոպուլիստ ուժ է
Այս թողարկման խորանալու թեման իշխող «Իմ քայլը» խմբակցության գաղափարախոսությունն է։ Հաճախ ենք լսում, թե ինչպես են վարչապետ Նիկոլ Փաշինյանն ու նրա քաղաքական թիմը պիտակավորվում որպես պոպուլիստներ։ Փոխադարձ մեղանդրանքները շատ են, քաղաքական քննարկումները թեժ են և մի քիչ դժվար է հասկանալ՝ ի վերջո պոպուլիստ կառավարություն ունենք, թե՝ ոչ։
Այսօր կխորանանք այս թեմայի մեջ և կփորձենք մի քանի հարցի պատասխանել։ Նախ՝ ի՞նչ է պոպուլիզմը, ո՞րն է դրա գիտական սահմանումը ու արդյո՞ք «Իմ քայլը» տեղավորվում է այս սահմանման մեջ։ Եվ երկրորդը՝ ո՞րն է «Իմ քայլի» գաղափարախոսությունը, ի՞նչ գաղափարական խմբեր կան ընտրություններից առաջ հապճեպ կազմված խմբակցության մեջ և ի՞նչ սպասել հետագայում՝ ավելի միասնակա՞ն խմբակցություն, թե՞ փլուզում։
Contact Խորանալու թեմա
Guest appearances
Books guests
Based on episode analysis; this does not confirm that the show is currently accepting guests.
Host of Խորանալու թեմա?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
