Hannde neɗanke faamii wonnde, ɓamtaare waawaa laataade e hoore leydi ndin, si tawii o waylaani noone no o wuuriri e dow mayri. Ngam yo o waawu foolude mbayliigu weeyo, caɗeele taariindi, nguleendi e kokke, ko maa o wayla noone ngurdam makko. Ngam faddaade caɗeele, hejjina yimɓe e dow jam, gire arooje waawa ronude leydi hecciɗundi, hoɗuɓe e hoore mayri no haani ndartude ko’e maɓɓe. E nder oo taskaram Kiwal Taariindi, Abdulaay JALLO jaɓɓoto hertiyankooɓe e yarlitiiɓe gollooɓe e ɗen baŋŋe.
Ko honɗum mbayliigu weeyo e soppo leɗɗe battanta e layugol ñabbuuli wano Ebola?
E oo taskaram Kiwal taarindi en yewtay ko yowitii e Ñawu wi’eteengu Ebola, nguu ñawu teskaangu gila leɓɓi jooni to RD Konngo, e leyɗeele hoɗdiiɓe mum, e woodi e leyɗeele Afrik hirnaange, ina sikkaa ko ñawu ummortoonguu e kulle ladde. Ustagol laddeeji e noonanteeri kulle e puɗi no wi’iee "biodiwersite" woni tigi rigi sabu ƴellitaare ñawu nguu, ngu kulle ɗeeraaɓaata yimɓe ɓee. Ko honno soppuru laddeeji waawata ɓeydagol raaɓugol nguu ñawu? Holno fotaa daroreede haa taw kulle goɗɗe jogiiɗe ɗiin ñabbuuli hewtaani ka koɗooli yimɓe ɓee ? Ngam yewtude e dow ɗee toɓɓe en bismoto hoɓɓe amen. Moodi Saliou Diallo hertorɗo banŋe taarindi, sosuɗo fedde nde wonaa laamuyankoore wieteende Guinée Ecologie, daraniide oo alhaali to Guinée. Kono ko addii en heɗoto Issa Amadou Anne, daraniiɗo taarindi, senegalnaajo. Ka joofingol en heɗoto Fatouma Binta Diallo gooto e ardiiɗo fedde nde wonaa laamuyankoore AGOREC, fedde dariinde ngam hiwude laddeeji ɗin to Guinee.
28 Oct 2026
Taariindi: battane ɗii fijooji olempik saatiiɗi Dakar 2026 e dow taariindi ndii e baŋŋe tuuɗe e nguurdam moƴƴam
E oo taskaram Kiwal taarindi en yewtay ko yowitii e fijooji olempik sukaaɓe Dakar 2026. Ko e aset ngaroowo ɗin pijirlooji fuɗotoo ɗoo e Dakar. Ko ɓuri ujunaaji ɗiɗi atleeɓe no ɗaminaa eɗii pijirlooji. Ko ɗum saaɓi goomu topitiingu ɗin pijirlooji wieteengu COJOJ yuɓɓiniino golle yowitiiɗe e haɓɓugol tuundi poore, tutugol leɗɗe e laɓɓingol nokkuuji ɗo ɗiin pijirlooji waɗtetee wano Dakar e Saly to Mbour. E ɗum pelle sukaaɓe daraniiɗe taariindi tawtoraama e ɗen golle. Holko tigi rigi golle ɓen sukaaɓe siforii ? Ko woni golle maɓɓe ? Mbelle ɗee golle no waawi jokkeede caggal ɗiin pijirlooji ngam ɗum mbaawa battinde e taariindi ndii walla hundaari ɗii ? Ngam yewtude e dow ɗee toɓɓe en bismoto Ibrahima Ngom gooto e ardiiɗo fedde rendinde sukaaɓe daraniiɓe taarindi wieteende Jeunes Volontaires pour l’environnement e fransiire .Kono ko adii en heɗoto jantoore nde Fadima Sy waɗani en ko feewti e darnde sukaaɓe e woɓɓe tawtoraaɓe e ɗee golle yowitiiɗe e laɓɓingol Dakar ngam pijirlooji Dakar 2026. Ka joofingol en heɗoto kadi…
21 Oct 2026
Toɓɓere men hannde arti ko COP 17 woni jonnde faatunde denndaangal fannuuji nguurndam e dow leydi, yuɓɓinaande to Arménie
E oo taskaram Kiwal taarindi, en yeewtay hannde ko yowitii e tummbondiral adunayankeewal yowitiingal e ɗuuɗal-tagunndi yuɓɓinaangal Erevan to Armenie gila ñande 19 nduu lewru. E nder jonte ɗiɗi imminaaɓe leyɗe 196 yewtiday ko feewti e peeje haanaaɗe lelneeɗe ngam hiwude ɗuuɗal-tagunndi. Kono hannde kulle ladde goɗɗe wano demuuji woni ko mulude. E yeru to Guinee demuuji Bossou walla kadi kodiwoir to Parc Tanay. Holko woni sabaabu mulugol ɗiin deemuuji? Ko holɗum haanaa waɗeede ngam dadnude ɗin deemuuji? Ngam yewtude e dow ɗee toɓɓe en bismoto koɗo men Dr Adama Sangare ardiiɗo Yiilirde ngenndiire ngam keewal nguurndam leydi Guinée. Kono ko adii ɗum en heɗoto jantoore Rufao Baaba Ashwariya? Si heɗoɗen yiande heɗiyankooɓe men ko feewti e ndee toɓɓere.
Who has been a guest on Kiwal taariindi
Names identified in recent episode analyses. Showing up to five guests.
Lamiin Ibn Umar Jallo
Faatumata Binta JALLO
Kaja BA
Host of Kiwal taariindi?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
