#13: Gísli Snær Erlingsson forstöðumaður Kvikmyndamiðstöðvar Íslands - reynslan af starfinu, breytingar, staða og horfur
Gísli Snær Erlingsson tók við stöðu forstöðumanns Kvikmyndamiðstöðvar Íslands fyrir tveimur árum. Hann var áður skólastjóri London Film School og á undan stýrði hann The Puttnam School of Film hjá LaSalle College of the Arts í Singapore. Gísli lærði kvikmyndaleikstjórn í Frakklandi og hefur leikstýrt þremur bíómyndum, Stuttum frakka, Benjamín dúfu og Íkingút, auk fjölda annarra verkefna.
Ásgrímur Sverrisson ræðir við Gísla um reynslu hans af starfinu, hlutverk Kvikmyndamiðstöðvar, breytingarnar sem verið er að innleiða og loks stöðu og horfur í greininni.
13 Feb 2024
#12: Skarphéðinn Guðmundsson dagskrárstjóri RÚV og Margrét Jónasdóttir aðstoðardagskrárstjóri
Ásgrímur Sverrisson ræðir við Skarphéðinn Guðmundsson dagskrárstjóra RÚV og Margréti Jónasdóttur aðsstoðardagskrárstjóra RÚV um stefnuna varðandi leikið efni og heimildamyndir, fjármögnun, nýjan þjónustusamning, samstarfið við hinar norrænu almannastöðvarnar og sambandið við þjóðina.
29 Dec 2023
#11: Ársuppgjör 2023 með Hlín Jóhannesdóttur og Anton Mána Svanssyni
Ásgrímur Sverrisson ræðir við þau Hlín Jóhannesdóttur og Anton Mána Svansson kvikmyndaframleiðendur um uppskeru ársins 2023, breytingarnar á Edduverðlaununum, þrönga stöðu Kvikmyndasjóðs og þau álitamál sem kvikmyndaheimurinn stendur frammi fyrir á næstu misserum.
25 Apr 2023
#10: Börkur Gunnarsson rektor Kvikmyndaskóla Íslands
Kvikmyndaskóli Íslands hefur menntað hundruði kvikmyndagerðarfólks og eru meirihlutinn að störfum í íslenskum kvikmynda- og sjónvarpsiðnaði. Skólinn átti þrjátíu ára afmæli í fyrrahaust og af því tilefni ræddi ég við Börk Gunnarsson leikstjóra og handritshöfund sem verið hefur rektor skólans þennan veturinn. Við spjölluðum um framlag skólans til íslenskrar kvikmyndagerðar, hvaðan nemendurnir koma og væntingar þeirra, áskoranirnar í rekstri skólans og reynslu Barkar af rektorsstarfinu.
11 Jan 2023
#09: Jörundur Rafn Arnarson: Það sem hæst ber í heimi myndbrella
Jörundur Rafn Arnarson er myndbrellumeistari eða visual effects supervisor og hefur sem slíkur komið að tugum innlendra og erlendra verkefna síðustu tuttugu árin. Ásgrímur Sverrisson ræddi við hann um myndbrellufagið og það sem er efst á baugi í þeim heimi, sem að sjálfsögðu er óaðskiljanlegur hluti kvikmyndagerðar.
28 Dec 2022
#08: Uppgjör 2022 með Kristínu Andreu Þórðardóttur og Ragnari Bragasyni
Umræða um það helsta sem íslenski kvikmyndabransinn gekk í gegnum á árinu 2022 með Kristínu Andreu Þórðardóttur framleiðanda, leikstjóra og stjórnanda Skjaldborgarhátíðarinnar og Ragnari Bragasyni leikstjóra, handritshöfundi og formanni Samtaka kvikmyndaleikstjóra. Umræðuefni: Aðsókn og áhorf, bíó og sjónvarp, Bíó Paradís, hækkun endurgreiðslunnar i 35%, Kvikmyndastefnan og niðurskurðurinn til Kvikmyndasjóðs, Kvikmyndalistadeild Listaháskólans, Evrópsku kvikmyndaverðlaunin og loks horfurnar framundan.
24 Mar 2022
#07: Fjórar bíómyndir á tveimur árum (Þorkell Harðarson og Örn Marinó Arnarson)
Þorkell Harðarson og Örn Marinó Arnarson hafa á síðustu tveimur árum (2020-2022) sent frá sér fjórar bíómyndir sem allar hafa notið velgengni í kvikmyndahúsum þrátt fyrir heimsfaraldur. Þetta eru Síðasta veiðiferðin, Amma Hófí, Saumaklúbburinn og nú Allra síðasta veiðiferðin. Ég ræddi við þá um reynsluna af þessari þeysireið og hvert skal haldið héðan.
25 Feb 2022
#06: Kvikmyndadeild LHÍ í startholunum - með Steven Meyers
Kvikmyndadeild Listaháskólans tekur til starfa í haust. Ásgrímur Sverrisson ræðir við Steven Meyers deildarstjóra um uppbyggingu námsins og hvernig hann sér þetta allt fyrir sér.
16 Feb 2022
#05: Sjöundi og áttundi þáttur Verbúðarinnar og heildar yfirferð - með Friðriki Erlingssyni
Friðrik Erlingsson og Ásgrímur Sverrisson ræða um sjöunda og áttunda þátt Verbúðarinnar út frá sjónarhóli handritshöfundarins. Þetta er lokaþáttur yfirferðar um þessa þáttaröð (alls 4 þættir).
2 Feb 2022
#04: Fimmti og sjötti þáttur Verbúðarinnar - með Friðriki Erlingssyni
Friðrik Erlingsson og Ásgrímur Sverrisson ræða um fimmta og sjötta þátt Verbúðarinnar út frá sjónarhóli handritshöfundarins.
17 Jan 2022
#03: Þriðji og fjórði þáttur Verbúðarinnar - með Friðriki Erlingssyni
Friðrik Erlingsson og Ásgrímur Sverrisson ræða um þriðja og fjórða þátt Verbúðarinnar út frá sjónarhóli handritshöfundarins.
4 Jan 2022
#02: Verbúðin, fyrsti og annar þáttur - með Friðriki Erlingssyni
Friðrik Erlingsson og Ásgrímur Sverrisson ræða um fyrstu tvo þætti Verbúðarinnar út frá sjónarhóli handritshöfundarins.
30 Dec 2021
#01: Kvikmyndaárið 2021 með Ásgeiri H. Ingólfssyni
Ásgeir H. Ingólfsson og Ásgrímur Sverrisson stikla á stóru um það helsta sem gerðist í íslenskum kvikmyndum og sjónvarpi 2021. Þetta er fyrsti þáttur nýs hlaðvarps á www.klapptre.is (http://www.klapptre.is).
Reach and audience
Public platform figures. Ratings count people who left a rating, not total listeners.
Spotify
5.0 / 5
1 ratings
Contact Klapptréð
Guest appearances
Books guests
Based on episode analysis; this does not confirm that the show is currently accepting guests.
Host of Klapptréð?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
