بودكاست "كلام في الصحة" مع دكتور محمود علاء
الفكرة من "كلام في الصحة" هي توعية الناس بأهم المواضيع الصحية اللي بنواجهها في حياتنا اليومية. هنركز على أشهر الأمراض والحالات الطبية، وشرح طرق علاجها وإدارتها بطريقة سهلة وميسرة.
مش هنقف عند المعلومات الطبية بس، لا. هنجيب ضيوف من مختلف المجالات، زي الرياضة والتغذية والصحة النفسية، وهنستمع لقصصهم وخبراتهم في التعامل مع القضايا الصحية. من خلال ده، هنقدر نستفيد ونطبق الأفكار في حياتنا اليومية.
البودكاست هيخاطب كل فئات المجتمع، من الناس العادية لحد المتخصصين في المجال الطبي. الهدف هو نشر الوعي والثقافة الصحية بطريقة شيقة وممتعة
في حلقة النهاردة هنتكلم بالتفصيل عن تخصص التخدير ، هنعرف الضغط والصعوبات اللي بتواجه طبيب التخدير ، وعلاقتنا بدكتور التخدير بتبدأ امتى؟
وهل فعلا ممكن ناخد جرعة بنج زيادة ؟ وبعدها هنعرف الفرق بين التخدير الكلي و النصفي
وحقنة الظهر في التخدير النصفي و مضاعفات التخدير النصفي وليه بيجيلنا صداع بعد التخدير النصفي وهل ممكن يسبب شلل؟
وازاي بنعمل العمليات بدون الم؟ مثل الولادة بدون الم
ونعرف برضو هل ممكن اختار نوع التخديربنفسي او ممكن ارفض التخدير اصلا؟
وهنعرف بعد كدا ازاي بتحصل مرحلة الافاقة و ليه بنهلوس فيها
وطرق تسكين الألم بعد العمليات
21 Jun 2024
التغذية والتمرين - اختيار الدايت وخطة التمرين و اهم المكملات | بودكاست كلام في الصحة | ك.أحمد شلبي
في حلقة النهاردة هنتكلم بالتفصيل عن الدايت و المكملات الغذائية و التمرين بالتفصيل.
هنعرف في الأول أهمية الأكل و نوع الأكل على الجسم و هنتكلم عن شوية خرافات في التغذية وازاي تعمل دايت بلان مناسبة ليك.
و ايه هو معدل نزول الوزن المثالي وازاي اعالج النحافة.
بعدها هنتكلم عن أهم المكملات الغذائية وازاي اختار المكمل المناسب لي.
وبعدين هنعرف امتى نبدأ تمارين المقاومة و ازاي اختار النظام المناسب ليا واتمرن كام يوم في الأسبوع
وفي النهاية هنعرف احنا محتاجين نتدرب مع مدرب شخصي اونلاين ولا اوفلاين احسن.
7 Jun 2024
طب العيون - عمليات الليزك لتصحيح الابصاروعلاج جفاف العين | بودكاست كلام في الصحة | د.سامح سعد
في حلقة اليوم هنتكلم بالتفصيل عن أشهر مواضيع طب العيون ،هنعرف في الأول يعني ايه نظر ضعيف اصلا ؟
وايه الفرق بين طول و قصر النظر ، وهنعرف معنى كلمة استجماتيزم اللي بتخضنا كلنا .
وبعدين هنتكلم بالتفصيل عن عمليات تصحيح الابصار مثل الليزك و الفيمتوليزك و الليزك السطحي و غيرهم و هنعرف فوائدهم و مضاعفات العمليات دي.
هنعرف في الأول ايه الفرق بينهم في الاسم و خطوات عمليات تصحيح الابصار بالتفصيل و ايه احسنهم.
وبعدها هندخل على مواضيع مهمة زي القرنية المخروطية وعلاجها
ارتخاء الجفن و دموع العين عند الرضع و ندخل في النهاية على موضوع مهم جدا وهي جفاف العين اللي كلنا بنعاني منه حاليا ونعرف علاجه و ازاي نتجنبه.
2 Jun 2024
نقيب أطباء المنوفية - دور النقابة وسفر الأطباء واختيار التخصص | بودكاست كلام في الصحة | د.أحمد القرش
في حلقة النهاردة هنتكلم بالتفصيل عن مسيرة نقيب أطباء المنوفية د.أحمد القرش في العمل الاداري و النقابي و نعرف بيفضل ايه منهم ، وهنعرف بالتفصيل دور نفابة الأطباء و امتى نلجأ لها و ازاي ان النقابة بتساعد المريض زي الطبيب بالظبط وهنتكلم عن مشكلة قضايا الأطباء اللي بتترفع ضرهم وازاي نحمي نفسنا.
وبعد كدا هنتكلم عن نصائح لشباب الأطباء و ازاي تكون دكتور شاطر و نعرف رأي نقيب الأطباء عن سفر الأطباء و امتى مسافرش وافضل في مصر
وهنعرف ازاي نختار التخصص المناسب لينا بطريقة صح.
Contact كلام في الصحة
Guest appearances
Does not typically book guests
Based on episode analysis; this does not confirm that the show is currently accepting guests.
Host of كلام في الصحة?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
