ديما كوباية الشاي عندنا ليها ارتباط سحري بالراحة و الحرية ف الكلام ، ف مثلا كوباية الشاي ع القهوة بتخليك تحكي كل همومك لصاحبك ، او كوباية الشاي الي بتشربيها مع ست الكل ف المطبخ الي بسببها بتحكي كل تفاصيل يومك ليها او كوباية شاي الي في البلكونة الي بتخليك تفتكر كل الذكريات الجميلة و غيرها كتير . و علشان كدة كوباية الشاي هي الي ديما الي بنلجأ لها لما نحس اننا عطلانين ف الحياة . و علشان كدة قررنا اننا نشاركم حكاوينا مع كوباية الشاي و نتكلم عن قصصنا و اهتمامتنا .
بودكاست كوباية شاي| تقديم: اكرم خالد
لو قررت ف يوم تتفرج علي فيلم رومانسي من افلام هوليوود في الاغلب هتلاقي مشهد فيه البطل قاعد علي ركبتوا قدام حبيبته و ف ايده علبة فيها خاتم ألماس
بس هو اشمعنا الخاتم و مش حاجة تاني ؟ و ليه لو مش موجود الخاتم يبقي مفيش جواز ؟
النهارده هنتكلم عن شركة دي بيرز و هي مؤسسة عالمية بتحتكر صناعة و تجارة الالماس
و ازاي قدرت تخلق احتياج دايم للالماس في السوق ؟
17 Sept 2023
بموت في الشتيمة ٢(جيه يكحلها عماها)
ديماً بنسمع جملة افكار out of the box و ان الافكار دي اصحابها بيكونوا مبدعين فعلا ،
بس عمرك سالت نفسك هو الابداع كفاية ؟ طيب هل كل الافكار ال out of the box دي حلوة و تنفع ؟
الحقيقة لا ، بالعكس الفكرة العادية لو فشلت في ف الاول و الاخر هي فكرة عادية ف فشلها هيكون عادي زيها
لكن لو فكرة مختلفة و غريبة باظت او وقعت ف وقعتها بتكون صعبة فعلا
النهارده هنكمل الجزء التاني من ال reverse marketing زي ما اتفقنا الحلقة الي فاتت ف هات كوباية الشاي و تعالي .
10 Sept 2023
بموووت في الشتيمة
مكملين ف حكايات التسويق و النهارده الحلقة هتكون عن ال reverse marketing او التسويق العكسي و ازاي ممكن الشركات تستخدم النوع دا من التسويق ؟ قصتنا هتكون عن براند باتاجونيا و ال campaign بتاعتهم الي هنقدر نعرف من خلالها يعني ايه reverse marketing.
اتمني تستمتع بالحلقة يا صديقي ومتنساش تاخدلك بريك و تعملك كوباية شاي .
وطبعا متنساش برضوا لو الحلقة عجبتك تبعتها لصحابك و تعملنا follow علشان توصلك كل حلاقتنا
29 Aug 2023
الألماني و عمايلوا
كام واحد فينا بيكره براند مع ان منتجات البراند دا ال quality بتاعتها حلوة ؟
طيب تفتكر ازاي ممكن البراند يتعامل مع العملاء الي مش بيحبوهم ؟
النهارده هنتكلم عن volkswagen و هي من اكبر براندات العربيات الالماني . السؤال هنا ليه ممكن حد يكره عربية زي volkswagen عربية ال quality بتاعتها مفيش زيها !
علشان نجاوب ع السؤال دا هنرجع بالزمن لسنة ١٩٦٠ و الي فيه حصلت campaign من اجمد ال campaigns الي عملتها volkswagen.
ف هات كوباية الشاي و يلا بينا .
و متنساش لو الحلقة عجبتك تبعتها لصحابك و طبعا هستني رأيك ف كومنت 🤍 🥰
24 Aug 2023
! لو صاحبك باعك
كام مرة سمعت حد بيتكلم عن غدر الصحاب ؟
كتير مش كدة ، طيب عمرك شوفت اعلان الهدف منوا انك تغدر بصاحبك !
النهارده و تكملة لسلسة حلاقات حكايات التسويق هنتكلم عن قصة اعلان برجر الكينج الي فرقت ما بين الصحاب.
ف اتمني الحلقة تعجبك و متنساش تعمل like و share مع صحابك و follow علشان توصلك كل حلاقتنا .
22 Aug 2023
Kobayt Shay trailer | مقدمة بودكاست كوباية شاي
اهلا بيكم ف اول موسم من بودكاست كوباية شاي معاكم اكرم خالد
في بودكاست كوباية شاي هحكيلكم شوية قصص او تجارب بنمر بيها او بتاثر فينا و قريبة من اهتماتنا .
خليني الاول اقولك ليه كوباية الشاي بالتحديد ؟
بصراحة انا بيني و بين كوباية الشاي راحة نفسية معرفش سببها ، بس ديما كوباية الشاي مرتبطة معايا بارتياح ف الكلام و حرية ، يعني مثلا كوباية الشاي الي بتشربها ع القهوة لازم يبقي معاها قعدة صحاب و حكاوي مبتخلصش ، او كوباية الشاي الي بتشربيها مع ست الكل ف المطبخ الي بسببها بتحكي كل تفاصيل يومك ليها . و مواقف غير كدة كتير .
من الاخر انا قررت اننا نشرب كوباية شاي سوي .
اتمني تستمتع بالبودكاست و تسامحني لو في اي اخطاء سواء ف الصوت او التعديل لان بصراحة انا الي بعمل كل حاجة هنا يعني البودكاست دا انتاج اوضة العبد لله.
21 Aug 2023
(كيت كات اليابان ( ياباني اصلي
تسمع عن التسويق؟ طيب عمرك فكرت انت ليه بتحب براند عن التاني ؟
انا اسمي اكرم خالد و بختصار شديد انا شغفي التسويق و طرق التسويق و الابداع الي موجود في المجال دا .
في سلسلة الحلقات الي جاية هكلمكم عن اكتر قصص تسويق ناجحة . و ازاي قدرت البراندات تبدع ف انها تكتسب ولاء العملاء ليها .
اول حلقة هنتكلم فيها عن قصة نجاح كيت كات ف دخول السوق اليباني و ازاي قدروا يعملوا خطة ابداعية الي بيها يكسبوا ولاء العملاء ليهم و ينتشروا بشكل كبير .
Contact kobayt shay | كوباية شاي
Guest appearances
Does not typically book guests
Based on episode analysis; this does not confirm that the show is currently accepting guests.
Host of kobayt shay | كوباية شاي?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
