La Bibia piemontèisa

About La Bibia piemontèisa

Leture bìbliche dla duminica an lenga piemontèisa conform al Lessionari Ecuménich - Tùit ij test as treuvo an sël Blog https://www.tempodiriforma.it/bibiapiemonteisa/

Publisher

Genio Grassian

Category

religion & spirituality

Language

it

Explicit

No

First episode

2 Sept 2020

Latest episode

4 Nov 2020

Latest episodes

4 episodes in the feed.

1. 

   4 Nov 2020

   Duminica 8 Novèmber 2020 - Leture bìbliche an piemontèis

   Duminica 8 November 2020 – Duminica apress la Pancòsta ch’a fà 23 Leture bìbliche: Salm 78:1-7 (https://pms.wikisource.org/wiki/La_Bibia_piemont%C3%A8isa/Testament_Vej/Salm/Salm_24); Giosuè 24:1-28 (https://pms.wikisource.org/wiki/La_Bibia_piemont%C3%A8isa/Testament_Vej/Giosue/Giosue_24); 1 Tessalonicèis 4:13-18 (https://pms.wikisource.org/wiki/La_Bibia_piemont%C3%A8isa/Testament_Neuv/Tessaloniceis/1Tessaloniceis_4); Maté 25:1-13 (https://pms.wikisource.org/wiki/La_Bibia_piemont%C3%A8isa/Testament_Neuv/Mat%C3%A9/Mat%C3%A9_25) con le vos ëd Pàul Castlin-a, March Moretti, Màssim Marietta, Anin Ferrero, Gianni Marietta. “Noi i vorsoma pa, frej e seur, ch’i reste ant l’ignoransa”. La fòrsa dla fej ebràica e cristian-a a sta ant l’istrussion. Dé a l’é Pare e Magìster ch’a mostra ai sò fieuj e fije ij fàit ëd la vita e coma rëspondje. A àussa ‘l vel ch’a jë stërma da nòstra vista, nojàutri i na pijoma cossiensa e i na rëspondoma ‘d conseguensa. Costa conossensa, peuj, i la passoma anans ai nòstri fieuj e fije, naturaj e spirituaj, e sossì da generassion a generassion. A l’é sossì ch’an presenta ancheuj ël Salm ëd costa sman-a, le paròle dariere ‘d Giosuè, l’apòstol Pàul e Gesù midem. As trata ‘d na paròla d’arvelassion ch’a ispira speransa, fiusa an Nosgnor e fòrsa. https://www.tempodiriforma.it/bibiapiemonteisa/2020/11/04/duminica-8-november-2020-leture-bibliche/ (https://www.tempodiriforma.it/bibiapiemonteisa/2020/11/04/duminica-8-november-2020-leture-bibliche/)

2. 

   16 Sept 2020

   Duminica 20 dë Stémber 2020 - Leture bìbliche an piemontèis

   Duminica 20 dë Stèmber 2020 - Duminica apress ëd la Pancòsta ch'a fà sëddes Leture bìbliche: Salm 105:1-6, 37-45 (https://pms.wikisource.org/wiki/La_Bibia_piemont%C3%A8isa/Testament_Vej/Salm/Salm_105?action=edit); Surtìa 16:1-15 (https://pms.wikisource.org/wiki/La_Bibia_piemont%C3%A8isa/Testament_Vej/Surtia/Surtia_16); Filippèis 1:20-30 (https://pms.wikisource.org/wiki/La_Bibia_piemont%C3%A8isa/Testament_Neuv/Filipeis/Filipeis_1); Maté 20:1-16 (https://pms.wikisource.org/wiki/La_Bibia_piemont%C3%A8isa/Testament_Neuv/Mat%C3%A9/Mat%C3%A9_20) Ant l'Israel antich as consacrava a Nosgnor e a soa càusa ij rè, ij sacerdòt e ij profeta. Lor as angagiavo anvers ëd Nosgnor, a l'ero dedicà a Chiel e a sò sërvissi e a lo butavo al prim pòst ëd soa vita 'd lor. Soa unsion pùblica, solen, con d'euli a n'era la marca e da lolì a dipend, da la mira etimològica, ij tèrmin Mëssìa e Crist. Gesù 'd Nasareth a l'é "l'onzù" për ecelensa, ël Crist. Chiel a l'é dasse ànima e còrp al sërvissi ëd Dé 'l Pare për la salvëssa 'd coj ch'a-j son ëstàit fidà. Consacrà a Nosgnor a son ij ministr ëd Dé, confor a le vàire fonsion che lor a l'han. Consacrà a Nosgnor a l'é 'dcò minca 'n cristian génit. I trovoma costa vrità an nòstra tersa letura d'ancheuj, andova che l'apòstol Pàul a dis: "Për mi 'l vive a l'é Crist e 'l meuire a l'é 'n guadagn". Ël Salm 105 ch'a doverta le leture a l'é (coma vàire d'àutri) n'espression d'arconossensa e 'd làuda dël chërdent anvers ëd Nosgnor. La sconda e quarta letura, contut, a parlo 'd chërdent ch'a son nen arconossent e da le tante pretèise. Mersì a Nosgnor, tutun, soa misericòrdia e la dissiplina ch'a-j sogeta a ven mai a manch.

3. 

   9 Sept 2020

   Duminica 13 dë stembr 2020 - Leture bìbliche an piemontèis

   Duminica 13 dë stembr 2020 – Duminica apress la Pancòsta ch’a fà 15 Leture bìbliche: Salm 114 (https://pms.wikisource.org/wiki/La_Bibia_piemont%C3%A8isa/Testament_Vej/Salm/Salm_114); Surtìa 14:15-31 (https://pms.wikisource.org/wiki/La_Bibia_piemont%C3%A8isa/Testament_Vej/Surtia/Surtia_14); Roman 14:1-12 (https://pms.wikisource.org/wiki/La_Bibia_piemont%C3%A8isa/Testament_Neuv/Roman/Roman_14); Maté 18:21-35 (https://pms.wikisource.org/wiki/La_Bibia_piemont%C3%A8isa/Testament_Neuv/Mat%C3%A9/Mat%C3%A9_18) con le vos ëd Pàul Castlin-a, Massimo Marietta, Marco Moretti, Anin Ferrero, Gianni Marietta La libertà a l’é ‘l cadò, ël regal, che Nosgnor a dà, an soa misericòrdia, a coj ch’a son dij sò, ch’a-j aparten-o, coma ‘l sò pòpol. Cost cadò a treuva soa prefigurassion ant j’aveniment dl’antica stòria d’Israel e as realisa e dventa vita ant la comunità dij cristian. La libertà che Nosgnor a regala, contut, a l’é pa cola che ‘l mond dij mischërdent a vorìa avèj. As trata ‘d na libertà an comunion con Dé e an armonìa con soe lej, bon-e e giuste. J’at ëd liberassion che Nosgnor a l’avìa fàit per l’Israel antich (coj che la Pasca a sélebra) a j’ero e a son destinà a eduché, anlevé, sò pòpol a col ëstil ed vita ch’a guerna e garantiss la libertà ch’a l’ha arseivù. A son na “scòla ‘d vita”. L’istess a val për la comunità cristian-a, ch’a deuv regulé minca n’aspét ëd soa vita conform a lë spirit dël Crist, lë spirit dl’Evangel ëd la grassia, e an armonìa con la dotrin-a ch’a arsèiv da l’arvelassion bìblica antrega. Sossì a l’é ‘l giuss, l’essensa dle leture bìbliche ‘d costa duminica e che adess andoma a lese.

4. 

   2 Sept 2020

   Duminica 6 dë Stèmber 2020 - Leture bìbliche

   Duminica 6 dë stembr 2020 – Duminica apress la Pancòsta ch’a fà quatòrdes – con le vos ëd Pàul Castlin-a, Anin Ferrero, Massimo Marietta, Marco Moretti e Gianni Marietta https://www.tempodiriforma.it/bibiapiemonteisa/2020/09/02/duminica-6-de-stember-2020-leture-bibliche/ Letture bibliche: Salm 149 (https://pms.wikisource.org/wiki/La_Bibia_piemont%C3%A8isa/Testament_Vej/Salm/Salm_149); Surtìa 12:1-14 (https://pms.wikisource.org/wiki/La_Bibia_piemont%C3%A8isa/Testament_Vej/Surtia/Surtia_12); Roman 13:8-14 (https://pms.wikisource.org/wiki/La_Bibia_piemont%C3%A8isa/Testament_Neuv/Roman/Roman_13); Maté 18:15-20 (https://pms.wikisource.org/wiki/La_Bibia_piemont%C3%A8isa/Testament_Neuv/Mat%C3%A9/Mat%C3%A9_18#L%27arconsiliassion_tra_fr%C3%A8j) Ël pòpol ëd Nosgnor a l’é ‘n pòpol che, an ëd temp regular, as ancontra për selebré, con gòj e arconossensa, le figure e j’aveniment amportant ëd soa stòria e identità. I trovoma sossì ben testimonià për tuta la Bìbia. La Bìbia, an efet, nen mach a na fà la dëscrission, ma a comanda la selebrassion ëd certe feste, an dis coma selebreje e an dà fin-a ij materiaj ch’i n’oma da manca për selebreje. La pì amportanta ëd coste feste a l’é la Pasca. Ël verb “selebré” a ven dal latin “celebratio”, l’é a dì l’afluensa ‘d tanta gent për solenisé, onoré, esalté na përson-a o n’aveniment amportant. A veul dì laudé, comemoré, magnifiché, esalté, tùit ansema e ‘d maniera grandiosa, quajdun o quaicòsa. La Bibia an ciama a selebré Nosgnor Dé (e mach chiel), ch’a realisa për sò pòpol e an mes a sò pòpol, d’at ëd salvassion e ‘d liberassion. Le leture bìbliche dë sta duminica an propon-o un Salm ëd làude e ‘d ringrassiament e an parla dl’istitussion ëd la Pasca, nòstra vera festa dla liberassion, la pì autèntica. As trata nen contut ëd na formalità da fesse “mach për tradission” (coma quajvòta a càpita), ma ‘d quaicòsa ch’a l’ha da trasformesse an d’at concret, sostansiaj, d’amor, ëd giustissia e ‘d vita bin dissiplinà. Sossì a l’é ‘dcò lòn ch’an mostro la tersa e la quarta letura d’ancheuj, ciapà dal Testament Neuv.

Contact La Bibia piemontèisa

Guest appearances

Does not typically book guests

Based on episode analysis; this does not confirm that the show is currently accepting guests.