الحلقة كانت بتضع تساؤل كبير وسط المجتمع ليه أغلب المواطنين بطلعوا من السودان لعدة أسباب مختلفة اتمنى تكون الحلقة جاوبت علي عدة استفهامات و تساؤلات محيرة لينا كلنا
و شكراً لكل زول كان جزء من الإستطلاع
24 Jun 2020
Episode 4 - فتح الجامعات ولا التعليم عن بعد
ما بين جوطة الناس العايزة الجامعة تفتح و بين البرجوازين العايزين تعليم عن بعد نظرة عن بعد لتوضيح الحقائق و المعطيات
13 Apr 2020
Episode 3 - عادات و تقليد
عادات و تقليد
-تعريف العادات هي عبارة عن موروثات فكرية او ثقافية نتجت من فعل سابق متكرر مرتبط ب عادة بمناسبات معينة و مرات الأثر العقيدي او الديني عنو اثر عليها يا اما بتغير فيها او محافظة عليها
-العادات بتختلف من جيل الي جيل مع مرور الزمن بتتحور او بتغير مفهوما لكن تظل الفكرة ثابتة
-الفكرة من العادات انو غالباً بتبدا يا اما بتصرف فرد او جماعه و الناتج كان مرضي لفئة معينة و خلال الأزمنة المختلفة اتناقلوها الناس جيل بعد جيل
-العادات دائما بتخص شعب محدد او طائفة او قبيلة بعينها باختلاف الأماكن يعني حاجة بتميزها عن غيرها
-مع اختلاف الازمنة و تقدم الحضارات في عادات كتيرة اختفت او استبدلت بعادات دخيلة بسبب يا اما الاستعمار او النزوح لعدة أسباب مختلفة
-في العادات في جانب كويس و جانب كعب فبنلقى بعد مرات في عادات سيئة نتجت من معتقدات غلط منها وأد البنات و ختان الإناث ديل كانو من اسوء العادات عند البشر بالإضافة لامثلة كتيرة منها تقديم البشر قرابين للالهه في بعض المعتقدات القديمة
-لكن برضو في عادات كويسة و في مجتمعنا السوداني في عادات كتيرة شديد سمحة و ابسطها العادات المتبعة في الاعراس بتختلف من كل قبيلة او جماعة او اسرة حتى اللبس موروث و عندنا الجلابية بقت عادة موروثة و العمة كان عندها مدلول عميق جداً انو زمان ايام الاحتلال و الحروبات من كثرة الموت القماش للكفن بقى شبه ماف ف بقى المحارب لمن يطلع بلبس العمة عشان يكفنوها بيو و العمة السودانية بتختلف من انواع كتيرة و العمة عندنا ليها رمزية خاصة
-يبقى هنا الفاصل و السؤال الاساسي للحلقة ليه عادات و تقليد؟
-في الآونة الاخيرة اتغيرت مفاهيم كتيرة بسبب تأثر البعض بثقافات دخيلة كانت بالنسبة ليو غريبة بسبب الانفتاح المفاجئ و بتقدم العصور بقى من الساهل تعرف عادات اي شعب في الدنيا و موروثاتهم
-المشكلة بقت ما في انك بس تعرف ثقافات جديد المشكلة بقت تقليد اعمى لبعضها بدبس عشان عجبتك او انبهرت لكن بعظ مرات العادات البتدخل عليك غالباً بتكون متنافيه مع اسلوب حياتك علي النطاق الفردي او مع قوانين المجتمع الانت فيو علي النطاق الجماعي
-ابسط مثال الانبهار بثقافات الهنود و الاعياد بتاعتهم صح هي احتفالات جميلة و ضخمة فيها بهجة شديدة لكن المعنى منها انو دي احتفالات تقديس الهه و تمجيد حيوانات
-في تقليد ايوا بكون نافع ذو اثر ايجابي كبير عليك و علي الحوليك
10 Apr 2020
Episode 2 - الارض ليست مكان جيد للمعيشة
بعد بحث مطول و عميق عشان اثبت انو الارض دي ما مكان جيد للمعيشة ولا شي طلعت بكم حاجة المهم كدي كشفو ليها
Reach and audience
Public platform figures. Ratings count people who left a rating, not total listeners.
Apple Podcasts (US)
4.5 / 5
2 ratings
Host of Late Night Talk Show?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
