Í Lesgleraugunum verður varpað út upptökum af bókmenntaviðburðum safnsins, sem klipptar eru og skornar sérstaklega fyrir hlaðvarpið.
Spennandi umræður um lestur, persónur, sjónarhorn, ævisögur, sannleika og skáldskap - allt sem tengist bókmenntum - með mismunandi lesgleraugum í hvert sinn!
Fræðakaffi | Að vera biskupsfrú (Hildur Hákonardóttir)
Upptaka frá Fræðakaffi í Spönginni, maí 2021.
Hildur Hákonardóttir listakona og rithöfundur segir frá rannsóknum sínum á sögu löngu horfinna biskupsfrúa og fyrirkvenna, en árið 2020 kom út bók hennar "Hvað er svona merkilegt við það að vera biskupsfrú?" hjá bókaútgáfunni Sæmundi.
Bókin kom út í framhaldi af rannsóknum Hildar á níu biskupsfrúm í Skálholti á árunum 1510-1623. Fáar beinar heimildir eru til um þær sjálfar, en Hildur hefur kafað ofan í texta sem varðveist hafa m.a. um eiginmenn þeirra, feður og syni og fundið þaðr ýmsan fróðleik. Saga kvennanna er dregin fram „úr myrkviði horfinna alda, enda er oftlega fjallað um konur fortíðar nánast eins og um væri að ræða vel þekkta, meinlausa dýrategund sem deilir landinu með körlum.“ (H.H.)
Lokakvöld námskeiðsins Sviðsetning sannleikans sem haldið var á vegum Borgarbókasafnsins í Gerðubergi. Þátttakendur flytja sögur á sviði, sögur sem byggja á sannleikanum.
Flytjendur: Ásrún Magnúsdóttir, Kara Hergils, Sigurður Arent, Bjargey Ólafsdóttir, Jóhannes Árnason, Eyþór Gylfason.
Umsjónarmaður og kynnir: Halla Þórlaug Óskarsdóttir.
13 Apr 2021
Bergþóra og Bragi Páll | Húslestur - seinni hluti
Bergþóra Snæbjörnsdóttir og Bragi Páll Sigurðarson héldu húslestur í Gerðubergi 20. janúar 2021. Þar lásu þau upp úr eigin textum og annarra sem hafa veitt þeim innblástur í gegnum ferilinn. Þetta er seinni hluti þáttarins, en hér beina þau sjónum að nýjustu bókum sínum sem komu út á árunum 2017-2019 og textum sem veittu þeim innblástur þá.
Bækurnar eru Flórída, Austur og Svínshöfuð.
13 Apr 2021
Bergþóra og Bragi Páll | Húslestur - fyrri hluti
Bergþóra Snæbjörnsdóttir og Bragi Páll Sigurðarson héldu húslestur í Gerðubergi 20. janúar 2021. Þar lásu þau upp úr eigin textum og annarra sem hafa veitt þeim innblástur í gegnum ferilinn. Þetta er fyrri hluti þáttarins, en hér fjalla þau um texta sem þau lásu á námsárum sínum og fyrstu bækur sínar.
18 Mar 2021
Sannar sögur og skáldaður sannleikur | Auður Jónsdóttir og Pétur Gunnarsson
Rithöfundarnir Auður Jónsdóttir og Pétur Gunnarsson ræða við Einar Kára Jóhannsson, bókmenntafræðing og útgefanda, um ævisagnaritun, skáldsögur, sannleika, Halldór Laxness, Rousseau, Proust, falsfréttir og ýmislegt fleira. Upptaka í Borgarbókasafninu í Grófinni í desember 2020. Umsjónarmaður hlaðvarps: Halla Þórlaug Óskarsdóttir.
Contact Lesgleraugun | Borgarbókasafnið
Guest appearances
Books guests
Based on episode analysis; this does not confirm that the show is currently accepting guests.
Host of Lesgleraugun | Borgarbókasafnið?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
