Lets Talk Deep - eifach ehrlich.
Warum fallts üs Männer oft so schwer über das z'rede was üs würklich belastet und beschäftigt? Wieso schämet sich immerno no vieli, wenns drum gaht sich vor anderen z'öffne und ihri verletzlichi Siite z'zeige. I dem Podcast sprechemer über alles was die mentali Gsundheit von Männer abelangt. Mir redet über Gfühl, Problem, Ängst,Druck und alles was üs uf de Schultere lieht. Mir füehret ehrlichi Gspröch ohni Filter und mit vollstem Respeket fürenand. Gemeinsam schaffet mir en Ruum, i wellem mer sich wohlfühlt und offe über Sorge spreche döf - ohni Tabus und ohni Urteil.
Folge 6 - Gfühl zeige, Dating & Erwartige vo Fraue - Let's Talk Deep X Bambi Herz
Männer söllet meh über ihri Gfühl rede, dass ghört mer hützutags ziemlich oft. Aber was denkt eigentlich d'Gegesiite dezue? I dere Folg han ich d'Annouck vom Podcast «Bambi Herz» zu mir is Studio iglade, wo sich selber mit em Thema emotionali Intelligenz uusenandersetzt. Mir redet drüber, ob d'Angst vo Männer berechtigt isch, dass mer als schwach agluegt wird, wenn mer sich öffnet, was uf emene erste Date Platz hät und wo d'Grenze isch zwüsche Gfühl zeige und z'viel si. Es gaht au drum, was Fraue selber falsch mached, was Männer- und Frauefründschafte vonenand chönd lerne und werum sich mentali Problem bi Männer oft als Wuet zeiget und bi Fraue als Truurigkeit.
D'Annouck findet ihr uf Instagram under @bambiherzpodcast und ihre Pocast uf Apple Podcast & Spotify.
17 Aug 2026
Folge 5 - Ich bin zu mim eigene Psycholog worde
Sali mitenand :)
I üsere Folg Nummer 5 isch de Nico z'Gast. Er verzellt ganz offe vo sinere Chindheit: Sini Eltere hend sich trennt, wo er vieri gsi isch, und im spötere Verlauf isch auno sin Brüeder relativ früeh vo deheime uszoge. Demnach isch de Nico scho ned wie vieli Persone da usse mit allne sine Familiemitglieder ufgwachse. Scho as Zehjährige isch de Nico zwüschet sine Eltere gstande und het d'Kommunikation müese übernäh. Vill Verantwortig, vill z'früeh.
Mir redet drüber, was das mit em Selbstwertgfühl macht, wenn d'Anerchännig vo de Mueter usbliibt. De Nico verzellt au vom Fuessball und vo einzelne Moment, wo hüt no hange bliibed, vom Gruppedruck i sinere Jugend und vom Kampf mit sim eigene Körperbild.
Er berichtet was ihm würklich ghulfe het, zum mit sich selber is reine z'cho: Journal schriibe, Selbstreflexion und sin Glaube. Es ehrlichs Gspröch über Verantwortig, Verzeihe und schwere Moment ide Entwicklig zumene erwachsene Maa.
30 Jun 2026
Folge 4 - Unsicherheite & Ängst
S'thema Angst und Unsicherheite wird bi vielne Männer oft belächlet oder ned ernst gnoh und das führt schlussendlich dezue, dass vieli Männer deisbezüglich schwieget. Mir wönd i dere Folg mit de Psychologin Andrea Moser genauer aneluege und usefinde wieso Männer vermehrt Problem hend sich über ihri Unsicherheit und Ängst uszspreche, was Underschied zu Fraue si chönd und was mer bi dem Thema alles underneh chan.
Das Thema isch so gross, dass natürlich no lang ned alles i einere Folg gseit werde chan, weswege sicherlich im wiiter Verlauf vom Podcast no wiiter Folge zum Thema, i verschiedene Forme und mit underschiedliche Gäst, erschiene werdet :)
31 May 2026
Folge 3 - Vode Liideschaft zum grösste Feind
Sali zemme :)
I üsem allererste richtige Deeptalk isch de Severin z'Gast. Er verzellt vo sinere Ziit als Leistigsportler im Schwiizer Spitzetennis, ganz offe und transparent über sini Erfahrige und drüber, was die Ziit i ihm dine alles usglöst het.
Vo de erste Erfolg und internationale Turnier, über Rückschläg bis hin zu starche mentale Herusforderige. Es isch sogar sowiit gange, dass sich es Burnout abahnt het. Mittlerwile het de Severin sis Engagement im Tennis beendet und es eiges StartUp ufzoge.
Wie die Ziit würklich usgseh het und was de Severin undernoh het, zum wieder uf sin Weg z'cho, bespreched mir i dere sehr persönliche Folg. En ehrlichi Gschicht über Druck, Loslah und de Wäg zrugg zu sich selber.
7 May 2026
Folge 2 - Status Quo & Hilfsagebot
Sali zemme :)
I dere Folg redemer drüber was Let's Talk Deep i sim erste Monet als Podcast alles erreicht het. Zudem stell ich eu 6 verschiedeni Hilfsagebot vor, wo ihr nutze chönd falls ihr mal externi Hilf für üchi Problem in Aspruch neh wönd. Die Agebot chönd vo üch allne da usse gnutzt werde und sind da, um üch i schwere Ziite zur Siite z'stah.
Machets guet und gnüsset de hütigi Tag!
14 Apr 2026
Folge 1 - Stark würke. Stark leiste. Mit Dipl.-Psych. Katharina Woog
Leistigsdruck isch öppis was üs alli, i irgendere Form immer wieder begleitet. Egal ob er vo üsem externe Umfeld wie Kollege, de Partner oder Familie geh wird, chaner au genau so starch und intensiv vo eim selber uferleit werde. De Druck chan vieles bewürke jedoch bringt er au vieli Risike mit sich mit. Ide hütige Episode wönd mir mit de Dipl. Psychologin Katharina Woog dem ganze genauer uf de Weg gah und üs tüüfer mit dem Thema usenandersetze. Mir redet über persönlichi Erfahrige, Grenze und au ersti Schritt sowie Massnahme wo helfe chönd wenner üs mal zu starch in Chopf stiigt. Druck wird üs i verschiedenste Forme immer begleite, aber es isch essenziell das mir lernet wiemer mit dem umgah chönd.
3 Apr 2026
Folge 0 - De Start vomene neue Kapitel.
Sali zemme, I dere Folg erfahret ihr alles wichtige rundum de Podcast. Ich verzelle üch öppis über mich, wies zu dem Projekt cho isch, was mer sich vo Lets Talk Deep döf erwarte und was Ziel vom ganze wird si. Die Pilotfolg (Folge 0) isch nun de offzielli Start vomene Neue Kapitel.
Ich wünsche dir ganz viel Spass bim alose und no en ganz schöne Tag :)
31 Mar 2026
Trailer: Lets Talk Deep - eifach ehrlich.
Herzlich Willkomme bi "Lets Talk Deep". Warum fallts üs Männer so schwer, über das z'rede was üs würklich beschäftigt und belastet? I dem Trailer erfahrsch du, was dich i dem Podcast alles erwartet. Ehrlichi Gspröch mit Psychologe und Betroffene, wo über ihri Erfahrige und Problem verzellet. Mit all dem schaffemers au din Rucksack mit dine tägliche Laste und Herusferoderige, wieder echli liechter z'mache.
Ohni Tabus und ohni Filter.
Abonnier de Podcast jetzt, um die ersti Folg ned z'verpasse!
Reach and audience
Public platform figures. Ratings count people who left a rating, not total listeners.
Spotify
5.0 / 5
26 ratings
Contact Lets Talk Deep - eifach ehrlich.
Guest appearances
Books guests
Based on episode analysis; this does not confirm that the show is currently accepting guests.
Host of Lets Talk Deep - eifach ehrlich.?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
