ألف وعي و وعي

About ألف وعي و وعي

قصص ألف وعي و وعي يسرني ان اقدم لكم بمناسبة السنة الجديدة قصص ألف وعي و وعي - نشاء الله يعجبوكم - الحاصون جو من الوعي و الفكاهة ألهمني به الله عز و جل و حبيت أشارككم به 😇😬🙈

Publisher

Isma Hamidi

Category

comedy

Language

ar

Explicit

No

First episode

27 Dec 2019

Latest episode

7 Jan 2020

Latest episodes

4 episodes in the feed.

1. 

   7 Jan 2020

   الحلقة 3 - عيشة و باندو

   ألف وعي و وعي ـ الحلقة 3ـ عيشة 👩و باندو👨🦰 كان يا مكان في قديم الزمان لقاء بين رجل و امرأة ... بالعربية المرأة كانت توقب على الرجل من بعيد و كي حط عينو عليها سيد الرجال تبسمت المخلوقة، الحشمة زادتها جمالا ☺️ فإلتهب قلب الرجل❤ و جاب يماه و جرى يخطب (المهم هادي تصرى غير مع بنت عمك 🙈) المفيد تزوجوا عيشة و باندو 👰🤵 كل واحد فيهم مليء بأحلام وردية و طامع في مستقبل زاهر 🌷🌷🌷و معلبالهمش بلي الي بينهم و بين المستقبل الزاهر هو تبسي شربة 🍲...باندو:" اممممم مشي هاكدا تطيب يما الشربة... مفهمتش وش درتيلها بصح اسمحيلي رهج متنتكلش "🤮 قلب عيشة يطيح من 10eme étage و تطلعلها السخانة 🤯 و في قلبها المكسور تقولوا الرهج يرهجك و تبكي en silence 😭 و ما تبين غير الابتسامة الناشفة 😏 ما علينا باندوا ارتكب ذنب عظيم و راح يخلصوا بالتاني و المتني 🤭 عيشة تشنف اسبوعين الضحكة تفارق وجها و كي يقولها وش بيك تقولوا والوا راسي وجعني شويا ما تقلقش روحك... هو نسا كامل الشربة بصح عيشة مزالها تغلي في قلبها😡.. و مع الايام تكبّر عقلها و تقولك معليش درك راه في يدي ماعندوا وين يروح و انا درك بالعقل نريڨليه و نغيرو مش يولي كيما بابا و خويا او مهند 🙈 و تبدء حرب التغيير من الطرفين كلهم يريد أن يحقق نسخة زوج و زوجة الأحلام 🧖♀️🧖♂️.. و مع الأخير في زوج يخسروا لأنه واحد ما تغير و في المعركة كرهوا بعضاهم و أشهدوا على تعاستهم ولادهم لي يخرجوا الى العالم ضحايا عنف معركة التغيير 🧟♂️🧟♀️ الفايدة عيشة مليحة و باندو هايل و اذا فقط ركزوا في آية الله : إن الله لا يغير ما بقوم حتى يغير ما بأنفسهم... الحياة الزوجية تكون جنة 💑... فيها تفهّم الآخر، تقبله واحترامه و هذه هي وصفة الحب❤

2. 

   6 Jan 2020

   الحلقة 1 - القلب و العقل

   الحلقة 1ـ القلب ❤️ و العقل 🧐 كان يا مكان من قديم الزمان صراع قائم بين القلب و العقل... حيث أن العقل كان معضم الوقت زعفان على القلب و تقدر تقول حالف فيه... و اليكم مثال على الاختلاف القائم بينهم و لكم الحكم ... العقل " درك انت كيفاش قصتك 😡 انا نعيي روحي بالتخمام مش نسڨموا حياتنا و انت لي يجي يبكيلك تعطيه الصوارد لي مخبيهم للمشروع و زيد أعطيه وقتك لي أنا نسحقوا مش نمشي الموضوع و في الأخير تجيني تبكي و تعاني كي الطفل الصغير 😩 لان فلان خدعك بعد الملح لي كلاه منك و فلان ما عبركش مع انه انت سبّقتوا على روحك ebin نقولك الشح فيك و لوكان تزيد تحڨرنا انا نستقيل و نطير عليك و شوف لي ينفعك 🤯 القلب :انت تان عييتني يا خو نهار كامل و انت تهدر و انت تطلع و تحبط و تحسب تحسب تحسب كلي طالع للقمر شويا خود كونجي و خليني استشعر شويا اللحظة لي راهم يحكيو عليها 😇 قالك آ سيدي كي تعيش اللحظة يطير الهم و تفرى الامور وحدها بلا ما تتدخل 😇 و نزيدلك حاجة عمّر بها راسك انا هو الشاف عجبك الحال او لا 😎 و غير ما تشوفش روحك بزاااف أنه راك شاد عليا السما، بالعربية مكنتش حابة نبيعهم بصح اجبرتني انه نقولك أن جماعة access حرشوني عليك و قالولي اخطيك من العقل و بلي هوما شايفينك انت الظالم ça va 🤨 اذن ريتي من البوليتيك و خليني على راحتي 😍 العقل: آه إمالا هاكا ☹ إذن خليني نقولك الحقيقة المرة : انت مشي شاف انت نشاف لي يجي يعفس عليك و يروح، و بدون تدخلي يصرا فيك كثر و كثر صح مشي شاد عليك السما بصح شاد عليك العقل لأنه اذا ذهب العقل ياو ياخدوك لجوانفيل و شوف gary douglass يخرجك 😬 ياو هو يمشي عقلو كيما يلزم و دار فيها مدرسة عالمية يدخّل بيها الشكاير و انت وش درت كي حاب تحطني على جنب 🤔 و زيد نقولك حاجة انا هدية من الله اليك كرمك بي عن سائر المخلوقات وش تقول فيها هادي 🤨 شفت كيفاش نعرف نسكتك... و لأن القصة طويلة ما بينهم حلقة وحدة متكفيش... to be continued كيما تقول سرور 😉

3. 

   6 Jan 2020

   الحلقة 2 الدعم و التحدي

   #ألف_وعي_و_وعي -الحلقة 2- #الدعم و #التحدي كان يا مكان في قديم الزمان لقاء بين الدعم والتحدي ... كي كان طالع الدعم شاف التحدي هابط زڨالو من بعيد و قالوا خسارة عليك الخدمة لي نديرها توقفلي فيها وش درتلك 😩 التحدي تشوكا مكانش يستنا فيها من قبل الدعم 🙁 لا علينا حبس شويا و شاف فيه مليح ثم قالو : انت مؤمور و انا مؤمور و لوكان معجبكش الحال روح لسيدي الشيخ يحكم بيناتنا... و هاكدا كان الحال راحوا في زوج للشيخ يشكيولوا 👴 شاف فيهم الشيخ بعد ما فرغوا شكارتهم ثم أمر الشيخ الدعم أن يسكب له ماء في فنجانه الذي كان مملوء بالشاي فرد عليه الدعم قائلا " يا سيد الشيخ فنجانك راهو معمر اذا نسكب الماء يفيض... سأله الشيخ : و ما العمل ؟ رد الدعم : لازم نفرغوه و نغسلوه و بعدها يمككني أن أسقيك ماءا... قال الشيخ : كذلك دور التحدي هو يساعدك لتقوم بدورك ...كاين خيط ما بيناتكم حتى ينزل هو مش تقدر تطلع انت فامتن له 😇 و هاكدا تصالحوا الدعم و التحدي ⚖ حتى انه رجعوا يلعبوا مع بعض باستمتاع واستكشاف آفاق أخرى و مستويات أخرى لذتها تقوى كلما هبط التحدي أعمق 😁😁😁

4. 

   27 Dec 2019

   ألف وعي و وعي (Trailer)

Contact ألف وعي و وعي

Guest appearances

Does not typically book guests

Based on episode analysis; this does not confirm that the show is currently accepting guests.