جربت قبل كدة تاخد وتدي مع دماغك
وتعرف ايه بيدور فيها؟
او جالك تساؤلات كتير ومش عارفلها تفسير؟
في بودكاست اللعب مع الدماغ
هنتناقش مع بعض في أفكار ومعلومات
تخليك تشغل دماغك وتفكر بشكل مختلف
في حاجات يمكن بتعتبرها بديهية
لكن هيا مش كدة.
تقديم : حنين المغربي
افكارنا بتكون اضافة عملها عقلنا على فكرة اتعرض ليها اصلا.
سواء غير او عدل عليها او حتى عرضها بشكل تانى، علشان كده بيقولوا ان عقلين احسن من واحد لان وجود حد معاك و انه بيعرض عليك افكار دى وسيلة هتولدلك انت افكار جديدة و مختلفة و هو كمان و ده الى بيوصل لاحسن نتيجة.
اسمعوا الحلقة الاخيرة من الموسم الاول من بودكاست #اللعب_مع_الدماغ
وشاركونا برأيكم.
6 Oct 2020
خلي بالك من عقلك
واحد من بين كل أربعة أشخاص في العالم بيتأثر بالاضطرابات العقلية أو العصبية في مرحلة ما من حياته وعلشان كدة الاهتمام بالصحة العقلية مهم ومطلوب .. اسمعوا الحلقة الجديدة من بودكاست #اللعب_مع_الدماغ علشان تعرفوا اكتر عن الصحة العقلية واهميتها لينا وخلي بالكوا من عقلكوا
29 Sept 2020
خداع بصري
تعمل ايه لو اكتشفت انك عايش فى وهم اسمه انك شايف كل حاجة .. وهل انت شايف فعلا كل حاجة على حقيقتها؟..احيانا الاجابة بتكون اه اكيد شايف بس لو تأملت هتلاقى حاجات كتير جدا احنا فاكرين اننا شايفنها و احنا مش شايفنها .. و حاجات مؤمنين بيها و بنبني عليها حياتنا من غير ما نشوفها.
اسمعوا الحلقة الجديدة من بودكاست #اللعب_مع_الدماغ عن الخداغ البصري
22 Sept 2020
شريحة إيلون ماسك
الفترة الأخيرة ظهر إيلون ماسك وأعلن عن شريحة بحجم العملة المعدنية وتم اختبارها على الخنازير والقرود وسيتم تجربتها على البشر لاحقاً ودة يعتبر طفره تقنية كبيرة هتغير العالم.
اسمعوا الحلقة الجديدة من بودكاست #اللعب_مع_الدماغ علشان تعرفوا اكتر عن شريحة إيلون ماسك
15 Sept 2020
لغز الفراعنة
مصر القديمة مليانة الغاز كتير اوى و كل ما تقرأ اكتر كل ما تحتار اكتر وتفضل تدور لحد ما تلاقى اجابات لكل اسئلتك،
الفراعنة كانوا متطورين رغم الامكانيات القليلة فى الوقت دة.
.كمان كان واضح قد اية قدروا يستغلوا معرفتهم بالعلوم على قد ما يقدروا عشان يحلوا مشاكلهم
1 Sept 2020
فخ الفراعنة
مصر الفرعونية عالم زى ما فى كنوز و الغاز كمان فى علوم و فنون و كل ما نقرأ عنها اكتر كل ما نستغرب ازاي قدروا يوصلوا للحضارة دي وقتها .. اسمعوا الحلقة الجديدة من بودكاست #اللعب_مع_الدماغ علشان تعرفوا عن الفخاخ والمصايد اللي عملوها الفراعنة علشان يحموا مقابرهم من السرقة.
25 Aug 2020
لعنة الفراعنة
كتير بنسمع عن لعنة الفراعنة وبنكون اساطير وحكايات عنها .. لكن سألنا نفسنا قبل كدة هل دة حقيقة ولا لا ؟
اسمعوا الحلقة الجديدة من بودكاست اللعب مع الدماغ علشان تعرفوا عن لعنة الفراعنة.
18 Aug 2020
السم في العصير
جربت تسأل نفسك قبل كدة ايه الأعراض اللي ممكن تيجي لحد اما بيتعرض لتسمم
وهل في علاج للسم ولا اخرته موت لا محاله؟!
في الحلقة الجديدة من بودكاست اللعب مع الدماغ هنتكلم عن السموم وانواعها وازاي
بنتعرض ليه.
11 Aug 2020
الطبيعة تتعافى
الطبيعة تتعافى كلمة سمعناها كتير خلال الشهور اللي فاتت مع بداية ظهور وباء الكورونا
وفي الحلقة الجديدة من بودكاست اللعب مع الدماغ هنتكلم عن ايه حصل نتيجة الوباء لكن من منظور مختلف وازاي دة أثر علينا وعلى الطبيعة.
الحلقة من كتابه : ادهم قريطم
وتقديم : حنين المغربي
4 Aug 2020
الخيال بقى واقع
تطور وبقاء الانسان مرتبط بتكيفه واكتشافه لحلول وأفكار جديدة ومبتكره وتطويره لأدوات واختراعات تسهل عليه حياته اللي جايه.
في الحلقة الجديدة من بودكاست اللعب مع الدماغ هنتكلم عن الذكاء الاصطناعي وتأثيره على حياتنا
الحلقة من كتابة : ميرنا مجدي
28 Jul 2020
ابنك على ما تربيه
ما تبحث عنه يبحث عنك .. جلال الدين الرومي
في الحلقة الجديدة من بودكاست اللعب مع الدماغ هتاخدنا حنين المغربي في جوله لفهم
طبيعة تصرفاتنا وطرق تربيتنا اللي بتأثر علينا وعلى شخصيتنا بشكل كبير
الحلقة من كتابة : ميرنا مجدي
21 Jul 2020
مبدأ ارشميدس
في اكتشافات قد تكون بالنسبالنا في منتهي البساطة في الوقت الحالي بس في وقتها كانت ثورة في التفكير العلمي و مازالنا لحد النهاردة عايشين عليها بعد ما أصبحت قواعد و أسس علمية ثابتة.
اسمعوا الحلقة الجديدة كاملة من بودكاست اللعب مع الدماغ علشان تعرفوا اكتر عن الحلقة
14 Jul 2020
نسبية الوقت
كلنا بنحب السفر واكتساب خبرات وتجارب جديدة
لكن فكرت في مرة لو سافرت عبر الزمن ايه هيحصل؟
سواء سافرت للماضي او للمستقبل .. وهل دة اصلاً ينفع يحصل !!
اسمعوا الحلقة الجديدة من بودكاست اللعب مع الدماغ علشان تعرفوا اكتر
7 Jul 2020
تصرفات تلقائية
في الحلقة الجديدة من اللعب مع الدماغ هتتكلم معانا حنين المغربي
عن تصرفاتنا التلقائية وليه بناخد رد فعل معين تجاه حدث ما بيحصل حوالينا وايه المسئول عن كل دة ؟
اسمعوا الحلقة وفي انتظار رأيكم
30 Jun 2020
أنت مين؟
دايماً بنسأل نفسنا عن احنا مين وليه بنعمل التصرفات دي؟
هل دي حاجة بتحصل بشكل تلقائي ولا في مسببات لكل دة !!
اسمعوا الحلقة الأولى من اللعب مع الدماغ علشان تعرفوا الاجابات على كل الأسئلة دي
#اللعب مع الدماغ
#عبّر
30 Jun 2020
مقدمة | Intro
اسمعوا مقدمة بودكاست اللعب مع الدماغ
علشان تعرفوا اكتر عن البودكاست ومين هيقدمه
Reach and audience
Public platform figures. Ratings count people who left a rating, not total listeners.
Apple Podcasts (US)
3.8 / 5
4 ratings
Contact اللعب مع الدماغ
Guest appearances
Does not typically book guests
Based on episode analysis; this does not confirm that the show is currently accepting guests.
Host of اللعب مع الدماغ?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
