الفص اليمين ببساطة بيخليك تعمل حاجات خارج حدود المألوف بالنسبة لعموم الناس.
واكتر حاجة ممتعة بالنسبة لأي حد هي ببساطة الشئ "الغير مألوف" في أي مجال فا تلاقيك تزهق من الشئ المألوف والتقليدي ونفسك تشوف حاجة جديدة ومختلفة بقي علشان كدة مارادونا ورونالدينيو كانوا وما زالوا فاكهة كرة القدم علي مر التاريخ بالرغم انهم ما كانوش هدافين الهدافين ولا إحصائياتهم حتي قريبة من بيليه وميسي ورونالدو لكنهم كانوا بيقدموا شئ غير مألوف تماماً ودة دليل انهم كانوا مشغلين موود الابداع في عقلهم مش موود كرة القدم أبداً.
6 Jan 2024
إحساس العقل بالألم
من معجزات العقل إن العقل نفسه ما بيحسش بالالم لكن بيترجم اشارات الاحساس بالالم لكل اعضاء الجسم التانية لكن هو ما عندهوش مستقبلات ولا مراكز احساس بالالم خاصة بيه هو شخصياً ودي من نعمة ربنا علينا لأن العقل هو اللي بيدير كل حياة الانسان ولو بيحس بالالم ودة اللي بيحصل في كل اعضاء جسم الانسان نتيجة العمليات الحيوية الطبيعية زي الهضم والتنفس والحركة كان حا تتحول حياة الانسان لجحيم.
5 Jan 2024
زيت الارجان
جايب لكم النهاردة الزيت المعجزة او زي ما بيسموه زيت الارجان
شجرة الأرجان شجرة مغربية من أندر أشجار العالم و بيسموها لوز البربر.
شبه شجرة الزيتون لكن اكبر ومدورة وممكن تعيش لآلاف السنين.
شهرتها جات من زيت الأرجان اللي من أغلى الزيوت في العالم المستخلص من بذورها والملقب بالذهب السايل.
يستخلص زيت الأرغان بالطرق التقليدية على أيد البربر اللي هم سكان المغرب الأصليين وتشغل تجارة وصناعة زيت الأرجان أهمية كبرى في الاقتصاد المغربي،
هو أساساً كان بيستخدم بس في الطبخ زي أي زيت تاني ولحد دلوقتي علي فكرة بيستخدموه في الأكل المغربي.
لكن الصدفة لعبت دورها في اكتشاف فوايده التانية المهمة والخطيرة جداً لما لاحظ الناس اللي بيشتغلوا في معاصر زيت الأرجان ان الستات اللي وظيفتهم الضغط برجلهم علي بذور الأرجان لعصرها وبالتالي طول النهار رجلهم محطوطة في زيت الأرجان رجلهم بقيت ناعمة وجميلة جداً غير قبل ما يشتغلوا في العصر وغير الستات اللي شغالين في أقسام تانية من المعصرة فا فهموا ان الزيت دة أكيد في حاجة هي السبب في تجميل أرجل الستات دي.
لكن زيت الأرجان ما طلعش بيجمل الرجلين بس لكن طلع له فوائد كتيرة لا حصر لها تجميلية وصحية لأنه يعتبر من أنقى الزيوت وأغناها بالمواد الطبيعية.
4 Jan 2024
الطريق السريع للإبداع
مشهور جداً عن بعض الفنانين والملحنين والمغنيين زمان انهم كانوا ما يقدروش يطلعوا عالمسرح يمثلوا او يغنوا قدام الناس ويتخطوا رهبة مواجهة الجمهور قبل ما يعلوا الطاسة لأنهم بيطلعوا ابداعاتهم ويلعلعوا ويتجلوا بسبب تفوق الفص اليمين في التوقيت دة لأن الحاجات اللي بيبلبعوها دي مفعولها شغال عالفص الشمال مش الفص اليمين فا بتدخل الشخص في منطقة الابداع وهو سايب نفسه خالص.
4 Jan 2024
الخوف من المستقبل
الاجيال الحالية خايفة من تكنولوجيا الذكاء الإصطناعي لأنهم عقول مستنسخة من تعليم فاشل قتل الإبداع عندهم وخلاهم خايفين من أي حاجة ممكن تنافسهم في الأعمال الغبية التكرارية اللي هم بيعملوها لأنهم مافيش حاجة من اللي بيعملوها فيها أي نوع من الإبداع بالتالي أي حد بدون شهادات او مهارات يعملها زيهم ويمكن احسن منهم كمان بل ان اي مكنة ممكن تعملها بدون الحاجة لأي حد منهم.
4 Jan 2024
إبداع الحلم
أي تفكير مختلف او كبير أو عظيم بنقول عليه حلم لأننا في الحلم بنبقي مسلوبين الإرادة ومش حاسين بالواقع اللي حوالينا بالتالي مخنا بيقول لنا حاجات خارجة عن سيطرتنا وخارج ظروف الحياة اللي حوالينا اللي المفروض تخلينا نعيش في الواقع الأليم ونقفل علي تفكيرنا القاصر التقليدي.
Contact معجزة العقل
Guest appearances
Does not typically book guests
Based on episode analysis; this does not confirm that the show is currently accepting guests.
Host of معجزة العقل?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
