Fenomens novs, istorgias pauc enconuschentas e connexiuns ch’ins duess enconuscher: La Marella va a fund a las chaussas. Il podcast da savida da RTR perscruta, declera e metta en context – fundà, chapibel ed attractiv raquintà. Per tut quellas e quels che vulan savair dapli e chapir in pau meglier il mund..
Neue Phänomene, wenig bekannte Geschichten und Zusammenhänge, die man kennen sollte: «la Marella» von RTR geht den Dingen auf den Grund. Der Wissens-Podcast recherchiert, erklärt und ordnet ein. Fundiert recherchiert, verständlich erklärt und attraktiv erzählt – ein Kino für die Ohren für alle, die die Welt ein bisschen besser verstehen möchten.
L'emprima classa dal lavuratori «scriver litterar» da la Lia Rumantscha terminescha ses studi. Durant dus onns èn ils participants e las participantas sa deditgads a metodas da scriver, han lavurà vi d'agens texts ed èn ids en l'analisa cun experts sco Leo Tuor, Lukas Bärfuss u Vincenzo Todisco.
È scriver in text litterar pia mo ina dumonda da tecnica, strategia e disciplina? Gianna Olinda Cadonau, autura e manadra da cultura tar la Lia Rumantscha, discuta pertge ch'i dovra ina scola da scriver litterar per rumantsch, dals cunfins da la tecnica e da la romantisaziun dal «scheni». Ed ils participants e las participantas da l'emprim lavuratori «scriver litterar» raquintan da musas che na bitschan betg, da sbrinzlas en scrit e prelegian excerpts da lur ovras che vegnan preschentadas en il rom dals Dis da litteratura 2026 en la Postremise a Cuira.
31 Oct 2026
Il laresch – l'attracziun da l’atun dad aur
La transfurmaziun dals lareschs en differentas colurs è adina puspè fascinant ed attira er ina pluna giasts en la regiun da l’Engiadina. Quest’emissiun è ina repetiziun d'ina marella da l’onn 2024.
Igl è quel mument, cura ch’ils lareschs midan la colur da lur guglias d’in verd stgir en in mellen dad aur e procuran per cuntradas che sumeglian ina surfatscha aurada.
Il laresch sez serva ultra da la furniziun laina elavurada en differentas modas, sco ina planta ideala en guauds da protecziun cunter lavinas. Quai grazia a sias ragischs profundas e sia scorsa grossa che protegia la planta er cunter incendis. Dentant vegn il laresch er sfruttà en autras manieras, p.ex. sco lain lunar. «Il laresch è fitg rustical, tegn'ora, feridas, dirs envierns. El dovra però blera glisch per ch'el, possia crescher», resumescha il selvicultur da S-chanf, Adrian Schorta. Sper el vegnan ulteriurs selviculturs a pled, dentant er persunas dal turissem, ed ina dunna da Scuol cun il polesch verd che elavura itg da rascha or dal laresch.
La «Marella» s’avischina a questa planta unica, raquinta da la vita sexuala dal laresch e declera era, daco ch’el è l’unica planta da guglias che sa deliberescha da quellas avant l’enviern.
23 Oct 2026
Marella: «Carschen uost» – in roman cumpara suenter passa 40 onns
Durant decennis è il roman «Carschen uost» dad Imelda Coray-Monn (1933-2009) restà en in truclet. Ussa vegn el publitgà or dal relasch e n’ha perdì nagut da sia actualitad.
Il roman scrit vers la fin dals onns 1970 raquinta l’istorgia da Veronica, ina dunna che tschertga sia plazza en in mund plain aspectativas – tranter lètg, maternitad, desideri da libertad e crisas psichicas. In roman surprendentamain modern che tracta tematicas er anc oz tabuisadas.
La «Marella» preschenta passaschas or dal roman, commentadas da Viola Cadruvi e da Rico Valär. Plinavant vegn era Imelda Coray-Monn a pled, quai grazia a material d’archiv.
Reach and audience
Public platform figures. Ratings count people who left a rating, not total listeners.
Spotify
5.0 / 5
2 ratings
Contact Marella
Guest appearances
Does not typically book guests
Based on episode analysis; this does not confirm that the show is currently accepting guests.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
