اهلا وسهلا فيك وفيكي ببودكاست محكية.
محكية هو بودكاست شبابي من انتاج شيبيرز حيفا وفيه منتناول عدة قضايا الي بواجهها مجتمعنا العربي، بالعربي المحكية.
هدفنا هو الكشف عن مواضيع مختلفة وزيادة الوعي عند الشباب العربي بكل مكان لاننا منآمن انه مشكلة ببلد معين ممكن يكون صار الها حل ببلد تاني.
فرح نحكي اقتصاد واستثمار، تكنولوجيا وريادة أعمال ، صحة نفسية وتوظيف سياسة وحقوق، فن، فلسفة، تنمية بشرية وغيرهن.
البودكاست بشمل سلسلات منفردة عن مواضيع مختلفة وبشمل مقابلات مع شخصيات مختلفة من مجالات متعددة.
استنونا بحلقة جديدة كل اسبوعين ولاقونا على جميع منصات البودكاست الي بتحبوها؛
سلامات!
Mahkiyyeh Podcast | S2E3 | كيفية التعامل مع التسريح الجماعي
بين ازا كنت مهندس برمجيات؛ مسؤول عن قسم الاعلانات أو مدير فريق كتير مهم بشركة هايتك، وظيفتك ممكن تروح من بين ايديك بيوم وليلة.
مؤخرا شفنا كتير من الشركات العالمية، الكبير منها او الصغير قامت بتسريح جماعي لقسم كبير من العمال.
بحلقة اليوم رح يناقش مروان وروان هاد الموضوع من عدة زوايا وبالاخص كيف نتعامل مع الموفق اذا تم تسريحنا من شغلنا.
طبعا منتمنى كل حدا يحافظ على شغله ووظيفته الي بحبها ولكن تابعونا بهاي الحلقة لنشوف الطريق المختلفة للتعامل مع هيك موقف لانه ممكن يلعب لصالحك.
15 Jan 2023
Mahkiyyeh Podcast | S3E3 | الملك العريان
بالحلقة الثالثة من سلسلة اتخاذ القرارات بتحكيلنا رنا قصة الملك العريان.
شو هو الفيل اللي بالغرفة بقصة الملك العريان؟
وشو علاقة هاي القصة باتخاذ القرارات بحياتنا اليومية؟
استمعوا واستمتعوا بالحلقة وشاركوها مع اصدقائكم والاشخاص المهتمين بالموضوع،
استنونا بحلقة جديدة قريبا
3 Jan 2023
Mahkiyyeh Podcast | S1E2 | The hi-tech world from the perspective of ShadenCodes
حلقة اليوم مميزة بطابعها وبضيفها لانها مقابلة مع شادن بشارات المعروفة ب- ShadenCodes.
بهاي الحلقة بتحدثوا مروان وجيسي مع شادن عن عالم الهايتك من عدة زوايا غير اعتيادية.
بتشاركنا شادن بخبرتها بهاد المجال الواسع، وبتحكيلنا عن منصتها وصفحتها الانستغرامية المختصة بالبمرجة من نظرة شادن.
منتطرق لعدة جوانب ومنها:
النساء في عالم الهايتك
الطرق المختلفة لدخول عالم الهايتك والتطور بداخله
كيفية انشاء منصة فعالة ذات هدف توعوي
وغيرها
استمعوا واستمتعوا بالحلقة وشاركوها مع اصدقائكم والاشخاص المهتمين بالموضوع،
استنونا بحلقة جديدة قريبا
12 Dec 2022
Mahkiyyeh Podcast | S3E2 | البلكونة
بحلقة اليوم بتوخدنا رنا برحلة ذهنية لنتعرف على مفهوم جديد بعالم اتخاذ القرارات.
اليوم راح نحكي عن شو يعني، لما بدنا نوخد قرار، لازم بالاول نستكشف "الاشياء" ونطلع عالبلكونة.
29 Nov 2022
Mahkiyyeh Podcast | S2E2 | التطوير الذاتي مقابل التطوير المهني
مروان بلان وروان بنَا بطلوا علينا بحلقة جديدة من سلسلة التطوير المهني.
بحلقة اليوم رح يتحدثوا عن ما هو التطوير الذاتي وما هو التطوير المهني، الفرق بينهم، نقاش التشابه بينهم وكيفية الاستفادة من كل واحد منهم لتحسين حياتنا الشخصية والمهنية
29 Oct 2022
Mahkiyyeh Podcast | S3E1 | مقدمة عن اتخاذ القرارات
سلسلة جديدة وحلقة جديدة بتحكيلنا فيها رنا عن موضوع اتخاذ القرارات.
بكل حلقة رح توخدنا برحلة جديدة لزاوية مختلفة بهاي المجال واليوم رح نبدا بانه "نطلع على البلكونة"
لما تكون بقلب حلبة الرقص، وفي قدامك قرار لازم توخده، اترك الحلبة، واطلع عالبكونة. توخدش قرار مستعجل، شوف الصورة الكبيرة بالاول، راجع معلومتك وبعدين قرر.
تابعونا بالحلقات القادمة لنكمل نحكي عن الموضوع
27 Oct 2022
Mahkiyyeh Podcast | S2E1 | بداية سلسة لوظيفتك الجديدة
سلسلة جديدة وحلقة جديدة منحكي فيها عن عدة امور من عالم الشغل والتوظيف لحتى احنا وانتم نستفيد مع بعض من خبراتنا الشخصية ومن خبرات الباحثين والخبراء بهاد المجال.
بهاي السلسلة بقعدوا مروان بلان وروان بنَا ليتناقشوا عن كيف تكون بدايتك لشغلك الجديد كتير سلسة.
شو هي الخطوات المناسب تعملها لحتى تفوت على فريق جديد، بيئة جديدة، وظيفة جديدة ومدير جديد وتقدر تبدع.
27 Oct 2022
Mahkiyyeh Podcast | S1E1 | الداخلة - وادي الذهب من نظرة صندوق الاستثمار المغربي
الحلقة الاولى من بودكاست محكية هي اول حلقة من سلسلة المقابلات.
حلقة اليوم تم تسجيلها بالمغرب بمنطقة الداخلة وادي الذهب لما كنا مجموعة من شيبيرز حيفا هناك من ضمن مشروع GoMena.
وهلمرة ببودكاست محكية، حكيناها مع منير هواري، المدير العام لصندوق الاستثمار بمنطقة الداخلة وادي الذهب، وزميلته هدى بوتلوت مديرة قطب الذكاء الاقتصادي والتحفيز الترابي بهدا الصندوق.
رح نحكي عن طبيعة منطقة الداخلة من ناحية اكاديمية واقتصادية، طبيعة عملهن بصندوق الاستثمار وابرز الانجازات ونحكي عن الرؤيا للتعاون مع مشروع GoMena
بتمنالكوا حلقة ممتعة وغنية
25 Oct 2022
Mahkiyyeh Podcast - Intro
اهلا وسهلا فيك وفيكي ببودكاست محكية.
محكية هو بودكاست شبابي من انتاج شيبيرز حيفا وفيه منتناول عدة قضايا الي بواجهها مجتمعنا العربي، بالعربي المحكية.
هدفنا هو الكشف عن مواضيع مختلفة وزيادة الوعي عند الشباب العربي بكل مكان لاننا منآمن انه مشكلة ببلد معين ممكن يكون صار الها حل ببلد تاني.
لهيك رح نحكي اقتصاد، استثمار، تكنولوجيا،ر ريادة أعمال ، صحة نفسية، سياسة، حقوق، فن، فلسفة، تنمية بشرية وما الى ذلك.
البودكاست بشمل سلسلات منفردة عن مواضيع مختلفة وبشمل مقابلات مع شخصيات مختلفة من مجالات متعددة.
استنونا بحلقة جديدة كل اسبوعين ولاقونا على جميع منصات البودكاست الي بتحبوها؛
سلامات!
Contact محكيّة
Guest appearances
Books guests
Based on episode analysis; this does not confirm that the show is currently accepting guests.
Host of محكيّة?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
