هاد القناة تدارت لهدف واحد، نشارك أمور و تجارب عشتها سواء فحياتي الشخصية و المهنية، الصعوبات النجاحات لي حققتهم أو دزت منهم، ربما شخص غايسمعهم غادي يعاونوه فحياتو بشتى جوانبها، كانآمن بلي كل واحد تخلق فهاد الدنيا باش يعيش تجربته الخاصة فهاد الحياة، و أنا هنا باش نشارك معك تجربتي لي ربما غاتنفعك فتجربتك
3 ثوابت كاتمثل قواعد أساسية كايتبنى عليها أي تسويق ناجح فأي مشروع.
هوما لي شاركت فبودكاست اليوم..
13 Feb 2024
السمعة ديالك هي أساس نجاحك (كيفاش تبنيها بشكل صحيح) | Ep7
كإنسان عايش وسط مجتمع معين، السمعة ديالك هي لي كاتفتح لك أبواب و تسهل لك أمور فوسط داك المجتمع كيفما تقدر تسد لك بيبان و تحرمك من بزاف دالفرص فالمستقبل و تخليك منبوذ وسط المحيط لي راك فيه..
كيفاش تبني سمعة جيدة و تحافظ عليها ؟ هذا هو موضوع اليوم.
11 Feb 2024
الهدرة لي ماكايشاركوهاش معك الناس لي خدامين فالويب (هي سبب نجاحهم) | Ep6
باش دير فلوس فهاد الوقت سهلة، باش تضاعفهم هي الصعيب، ولكن كاين حاجة أصعب من هاد جوج و هي لي ماكايشاركوهاش معك..
فهاد البودكاست غاندوي على هاد الثلاثة و شنو خاصك بالضبط تركز عليه فهاد السنة باش تمشي مزيااان بالأخص فالعمل ديالك أونلاين
عندك مشكل فالمبيعات ؟ نقص فالعملاء ؟ إعلاناتك ماكايجيبوش نتائج لي أنت كاتطمح لهم ؟
تصنت لهاد البودكاست غاندوي على مسألة كايخدمو بها المشاريع الكبرى قبل مايطلقو أي إعلان أو تسويق للمنتجات لي عندهم. (فهم سلوك العميل)
25 Jun 2023
الدوامة الجديدة لي كايدوز منها كل صاحب مشروع أو مقاول (قليل لي كايخرج منها بربح) | Ep4
قليل لي كاينجح كمقاول أو صاحب مشروع،
أغلب الناس لي ناجحة، كاينين أساسيات كايتبعوهم،
بلا بهم ماغاديش توصل للنجاح لي أنت كاتطمح له،
"كل نجاح كايخلف موراه أثر"
مهمتك كشخص باغي يسلك نفس الطريق أنك تتعرف على دوك الآثار و تربطهم.
باش هكا تسهال عليك الطريق.
و فهاد البودكاست شاركت معك بعض الآثار لي خلفوها الناس الناجحين بالأخص فالمقاولة و المشاريع.
و أيضا أخطاء كايطيحو فيها الناس فدخولهم لهاد العالم لي مانخبيش عليك بلي صعييب بزااف
و قلة قليلة لي كاتوصل من خلاله للطموحات لي كانو دخلو عليهم من لول باش يوصلو لهم.
عجبك لبودكاست، نفعك ؟
شاركو مع شخص واحد غايستافد منو.
19 May 2023
الإعلانات مابقاوش كايجيبو لك نتائج ؟ ها علاش | Ep3
فهاد البودكاست غاندوي فالخدمة و بالضبط على واحد الحاجة لي غاتكون غافل عليها فطريقة الإعلان ديالك لمنتجاتك أو خدماتك، و التغيير لي إيلا طبقتيه فإعلاناتك غادي تطلع نسبة الربح فأي حاجة كاتسوق لها، و تطرقت أيضا لأمور أخرى غاينفعوك فالجانب التسويقي و تأثيرهم على المنتجات أو الخدمات لي كاتبيعها (مع أمثلة)
بودكاست غاينفع أكثر الناس لي خدمو فالمنصات الإعلانية كفايسبوك أدس، أنستغرام، تيكتوك أدس..الخ و بعد مدة ماكايبقاوش الإعلانات كايجيبو له نتائج كيفما فلول، و هادشي كايؤثر على نسبة الربح ديالهم، و لي كايؤثر أيضا على المشروع ديالهم بصفة عامة.
إيلا كاتعرف شي واحد مهتم، غاينفعو هاد البودكاست بالضبط، بارطاجيه معه يستافد كيفما أنت ستافدتي.
1 May 2023
من فكرة لواقع | كيفاش تحول أحلامك لإنجازات ب 3 حوايج إيلا ركزتي عليهم
مستقبلك مبني على 3 أمور..
و هما لي غادي نشاركهم معك فهاد البودكاست داليوم.
نبغيك تحط حداك ستيلو و ورقة، و انت متبع معايا، كتب و سجل النقط المهمة لي كانقول.
حيت هادشي لي غاتسمع خاصو التطبيق باش يتحقق، و نتمنى تكون من الناس لي كايطبقو ولا لي غايطبقو.
إيلا بان لك لبودكاست غاينفع شخص آخر، فممكن تشاركو معه، كاختيار منك، و غايساعدني أنا فأنني نتحفز نشارك أكثر فهاد السلسلة.
26 Apr 2023
أهم بودكاست نبغيك تسمعو فهاد العام بالضبط، و تكتشف به راسك أكثر | Ep1
كنت حاير فكيفاش غانبدا البودكاست، بأشمن موضوع و فأشمن جانب
و قلت أحسن حاجة نقدر نبدا بها هي بعض الدروس لي خديتهم فحياتي تعلمتهم
و بهم جاوبت على سؤال : إيلا تعطاتني فرصة ننصح معاذ لي عندو 18 عام يالاه غايقول بسم الله فالحياة الواقعية بعيدا على الحياة الدراسية، اشنو نبغي نقول له ؟
بودكاست مدته 40 دقيقة، ممكن يكون أحسن بودكاست تقدر تسمع له و تستافد فعلا منو من أخطاء و أمور غاينفعوك فمستقبلك كيفما كان العمر ديالك..
إيلا بان لك لبودكاست غاينفع شخص آخر، فممكن تشاركو معه، كاختيار منك، و غايساعدني أنا فأنني نتحفز نشارك أكثر فهاد السلسلة.
Contact Moàd Battahi
Guest appearances
Does not typically book guests
Based on episode analysis; this does not confirm that the show is currently accepting guests.
Host of Moàd Battahi?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
