MyFavTimeHK賣飛佛Time

About MyFavTimeHK賣飛佛Time

從前，有兩個傻婆， 因為參加一場比賽我哋認識大家， 因為讀同一間學校我哋做埋同學， 因為玩同一項運動我哋做過隊友。 N年之後各自忙碌，大家能夠見面敘舊機會少之又少，2020年搞搞新意思，開個頻道同大家吹下水。講生活、講工作、講回憶、講童年、講理想⋯⋯總之乜都講吓！ 家姐 - 音樂達人，為理想可以去到好盡。鍾意食野，做運動同去旅行既貓奴。 YY - 典型水瓶座，鍾意簡單，好怕麻煩，最喜歡自由自在放空。旅行愛好者，唔去旅行會身痕。

Publisher

myfavtimehk

Category

society & culture

Language

zh

Explicit

No

First episode

21 Jul 2020

Latest episode

25 Sept 2020

Latest episodes

8 episodes in the feed.

1. 

   25 Sept 2020

   Ep.8 - 我們的校園回憶の恐怖老師篇 (ft. 樹小姐)

   今集我哋邀請咗特別加賓 - 樹小姐一齊吹下水，回憶一下我哋中學時代嘅有趣經歷。 雖然畢咗業咁多年，恐怖老師們喺我哋記憶中仍然留下深刻印象，好似坐咗時光機返到當時班房一樣。

2. 

   18 Sept 2020

   Ep.7 - 你點考車牌？

   大部份人嘅 bucket list 都應該會有考車牌呢個項目，究竟點解要去考車牌呢？大家又記唔記得你哋個牌係點樣考番黎㗎？ 今集會同大家分享一下我哋去學車、考車牌嘅經歷同原因。

3. 

   11 Sept 2020

   Ep.6 - 不可觸犯的酒店禁忌

   旅行去玩當然想開開心心，但對於膽小嘅朋友黎講，住酒店往往都係最大嘅考驗，總怕自己時運低，一個華麗轉身就會遇上「烏烏」！唔深陷險境都嚇親死......加上，可能因為人在異鄉，總會變得疑神疑鬼，有時又會覺得外地嘅「烏烏」特別恐怖。 正所謂「寧可信其有，不可信其無」，今集會討論入住酒店禁忌之外，亦會有家姐同YY分享入住酒店時靈異經歷分享。

4. 

   3 Sept 2020

   Ep.5 - 鬼節十大禁忌

   農曆七月十四，相傳係鬼門關大開，陰氣至重之時。唔知大家對於鬼節禁忌又知道幾多呢？究竟有咩鬼節禁忌要留意呢？ 今集會講同大家講下鬼節十大禁忌，希望大家同我哋一樣抱住「寧可信其有，不可信其無」嘅心態，農曆七月行事小心啲！若然真係不幸冒犯了靈體，惹來麻煩，就喊都無謂啦！

5. 

   28 Aug 2020

   Ep.4 - 中一薯仔開學日

   每個人心中都會有自己獨有嘅一段開學日回憶，特別係作為中一新生，初到一個陌生環境，又遇上無數嘅新面孔，嗰種心情要試過先會知道。第一日返學成粒薯仔咁，乜嘢都唔識，但徬徨中又帶期待。 今年因為疫倩，個個學生轉曬去網上開課，冇咗傳統開學禮嘅儀式，更少咗份人與人之間確實嘅交流.... 今集我哋會同大家講下中一開學嘅回憶，分享一下我哋兩粒薯仔當年新學年遇到d咩經歷。 最後仲有《Kai事分享》！

6. 

   6 Aug 2020

   Ep.3 - 有壓力使乜驚！

   由今年年頭已經開始抗疫嘅大家，對於持續半年有多嘅疫情，身心都會開始疲累。疫情持續，加上距離回復正常遙遙無期，好多朋友已經被迫放緊無薪假，減人工，或者甚至已經被炒。。。造成好大壓力，個人情緒難免受到影響。 遇到壓力點算好？其實又有乜好怕，最緊要勇敢去面對，辦法總比困難多！ 今集我哋會同大家探討遇到壓力時會有咩症狀，分享一下減壓嘅方法，希望能夠幫助大家對症下藥搵出解決方法。

7. 

   21 Jul 2020

   Ep. 2 - 你估病菌真係夜晚六點先開工咩！

   原本大家都好天真咁以為疫情已經漸入佳境，可以除低口罩一唞，出街威威，回復返少少正常生活。點知疫情又返兜我哋啦⋯⋯究竟呢個肺炎仲要折磨我哋人類幾耐呢？ 講起疫情，今集家姐會同大家分享佢個由英國返香港嘅走難奇妙旅程。而亦都會有隔住個mon留守家中嘅YY，同大家探討入隔離營前要有咩準備。正所謂世事難料，只要去隔離營前做足備，半夜敲門也不驚。 除左呢度，大家都可以去 Youtube, Spotify去聽我地既 podcast 。仲有記得Follow 埋我地既 IG呀！ myfavtimehk 多謝支持～

8. 

   21 Jul 2020

   Ep.1 - 開台喇喂！

   大家好我哋係家姐同YY，2020年香港發生好多事。日常生活、心態上都受到前所未有嘅影響。正正因為呢個機遇，將兩個身兼多職、一向生活忙到癲嘅老友拉埋一齊，搞搞新意思。一切由零開始，隨心出發，想講就講，一齊吹下水，香港正能量。 除左呢度，大家都可以去 Youtube, Spotify去聽我地既 podcast 。仲有記得Follow 埋我地既 IG呀！ myfavtimehk 多謝支持～

Contact MyFavTimeHK賣飛佛Time

Guest appearances

Books guests

Based on episode analysis; this does not confirm that the show is currently accepting guests.