牛歡喜講膠所

About 牛歡喜講膠所

《牛歡喜講膠所》，由本地牛隻保育團隊 Joycow 嘅三位「補肉員」，邀請成員們同各方生態關注嘅朋友，淺談環境及動物保育相關議題。作為「講膠所」，我哋唔講財經，但係講生態經，透過資訊剖析、保育實例；喺頻繁變遷嘅「極端氣候」下 chill 傾，致力釐清郊野、「膠野」同「膠嘢」。莫使膠野叢生，請做好思想「補肉」。 補肉員：Philip、Tom、Him and 搵緊嘉賓...

Publisher

補肉員

Category

science

Language

zh

Explicit

No

First episode

12 Oct 2021

Latest episode

2 Jan 2023

Latest episodes

18 episodes in the feed.

1. 

   2 Jan 2023

   不吃動物的人 EP5：Sky、Carmen、Ann ft. 牛歡喜聯合創辦人 Philip

   嘉賓 Philip：⁣ 有別於一般知訊性 podcast 的凝重氛圍，「不吃」團隊也著重呈現受訪嘉賓的個性特質。本次作為「牛歡喜」的代表，從田野考察掌握的實況，與政策現況的角度上，說了很多塔門、牛隻、郊野垃圾與數據相關的東西。也談了頗多登山及運動的習慣、素食經驗及如何將意識推廣面向公眾的策略⋯⋯。⁣ 主持人 Sky、Carmen 及 Ann，均涉獵著多種學術範疇與背景，揉合著哲學、社科、心理學、藝術、素食、動保及民間推廣等面向的一個對談。盼望可從中審視事物的共通性，而連繫我們至回饋自然的契機，是一顆顆善良的心。⁣ 也感謝 Anna 在錄音及後製上的專業認真。總言之，這麼一個富親和力與文化氣息濃厚的 podcast 團隊，我非常喜歡，也榮幸能置身對談當中。⁣ ⁣ 主持兼插畫 Carmen：⁣ 點樣先可以令到人歡喜？便利嘅生活模式、富足食物⋯⋯乾淨嘅居住環境？⁣ 牛呢？點樣至可以令到牛歡喜？⁣ 一班有熱情，有行動力，有諗法同神奇號召力嘅年青人，點解同點樣幫「塔門牛」發聲？由零開始，到集合百人到市區收集牛食物，幫手清理垃圾等等等等（數之不盡）。一齊聽下「牛歡喜 Joy Cow」同我哋有趣嘅討論之餘，記得去佢地個 page 睇長文分享呀 🤍⁣ ⁣ 主持兼監製 Sky：⁣ 呢集本應係第四集，點知後製期間突然殺出「城大乳牛事件」，《ep4. 城大養牛牛歡喜？》就搶佔咗第四集，呢集順延變咗第五集——由此可見 Philip 行動力之高強！聽聽這位不吃紅肉的人的故事，感受一下他的輕鬆、幽默和生命力，就會知道點解「Joy Cow」咁 joyful——and successful。⁣ ⁣ 主持 Ann：⁣ 第一次見到「牛歡喜 Joy Cow」呢個 #牛隻關注／#淨灘／#生態 page，已經覺得個名好盞鬼！識埋佢哋團隊嘅「補肉員」之後發現⋯⋯果然人如其名！大家都係咁 fun 咁玩得，仲好有行動力！聽完今集 podcast 後，請大家稍移玉步，上「牛歡喜」IG 睇埋佢哋啲千字潮文 post 🫡 出文快靚正，內容有深度，又夠貼地兼風趣（忍唔住又笠高帽 😄），真心 respect！🙌🏼⁣ ⁣ 錄音後製 Anna：⁣ 今集與「牛歡喜」合作，不論是錄音還是剪接，均非常愉快，皆因 Philip 相當幽默，笑聲不絕，但話鋒一轉，當他談起塔門的牛牛或環保議題時，分析詳盡，思路清晰。這或許就是「牛歡喜」的魅力所在，吸引到同溫層以外的朋友關注。⁣ ⁣ ▋Follow 埋「不吃動物的人」啦！⁣ ⁣ Apple Podcast: https://apple.co/3X0bWCV⁣ Google Podcast: https://bit.ly/3WUwrAL⁣ Spotify: https://spoti.fi/3IeB4Bt⁣ YouTube: https://youtu.be/AfQwkzZ0-Gs

2. 

   25 Nov 2022

   Joycow × 不吃動物的人 ： 城大養牛牛歡喜？

   「牛歡喜」Philip：⁣⁣ ⁣ 近日香港城市大學（城大）宣布，位於大埔林村的自家農場於 11 月 16 日正式啟用，並一同引入 24 頭懷孕乳牛，未來可產出自家鮮奶及雪糕。同時，農場成立目的亦為修讀六年制獸醫學學士課程的學生，供給一個實戰經驗、學習畜牧及農場管理技巧的場地。⁣⁣ ⁣⁣ 從城大「自家」新聞稿的用字（aka. hastag）考究，項目標榜「環保」、「可持續發展」、促進「動物醫學」、「健康一體化」、保障「公共衞生」及倡議「動物福利」，並「進入另一里程」。⁣⁣ ⁣⁣ 在 COP27（埃及國際氣候峰會）終將碳排放大國避談多年的「損失與損害（loss and damage）」基金放進議程討論範圍。西方諸國早為生境的「可持續」及「動物權利」作考量，推出了各樣的大豆、燕麥和杏仁乳製品，甚至風行植物肉，均受民眾青睞。此刻，在本地引入 24 頭懷孕乳牛，代表著自家的畜牧業將以「可持續」作考慮，乳牛的後代亦生生不息。⁣⁣ ⁣⁣ 此「持續」非彼「持續」，這次，感謝致力倡議素食文化的團隊「不吃動物的人」所邀請，Sky 將以畜牧業與動物權利的角度，揉合筆者對本地野化牛保育境況的理解，談論當中利弊。從大環境、動物友善、牛隻研究及學生實習等層面，城大是否背道而馳？⁣⁣ ⁣⁣ 「不吃動物的人」Sky：⁣⁣ ⁣ 「牛歡喜」補肉員 Philip 一日主動同我討論城大農場事件，當然要立即捉住佢（in a humane way）錄返一集，傾下啲牛歡唔歡喜。呢集由相約到錄音到出街都只不過用咗幾日時間⋯⋯實在佩服感動。希望下次可以傾得更加輕鬆歡喜。⁣⁣ ⁣⁣ 「不吃動物的人」錄音後製 Anna：⁣⁣ ⁣ 我相信城大牧場的誕生是出於良好意願，讓獸醫學生獲得實習機會，但良好意願不等於好事。若從動物權利的角度出發，不論牛牛在牧場如何受人性化的對待，牠們的存在全然要為人類服務，已越來越不為人所接受。或許我們不用無中生有，可以關注在塔門及其他地區因著環境污染而生命受危的野牛們。⁣⁣ ⁣⁣ 五分鐘認識現代乳製品工業：https://bit.ly/3xMQtmK⁣⁣ ⁣⁣ （圖片來源：香港電台視像新聞）

3. 

   4 Aug 2022

   【牛歡喜講膠所】Ep7 - Joycow × Yesterday Camping：露營 Page 營運雜談，寫文、淨灘到自家品牌

   今集，我哋一洗嚴肅風格，請嚟 Joycow 嘅 Core 成員 Jane，輕鬆漫談下佢嘅露營專頁 「Yesterday Camping」。短短兩年，以詩意滿滿的簡潔文案、日系風格的用色與排版，搭配著每段親近，又融化內心的野外烹調經歷，獲得高人氣！（偽 . 日系式讚嘆）⁣ ⁣ 從事文字編輯工作嘅佢，如何由記錄露營軼事、用具、衣裝襯搭，到選擇置身淨灘淨山，推廣愛護自然，近來更開展自家品牌？喺推廣意識方面，我哋又點睇文字喺速食時代下嘅威力？鍾愛於紙本嘅佢，更諗過創立露營雜誌...。⁣ ⁣ 我哋都相信，無論身處何地，文字都能帶領讀者跨越時間、海岸與山嶺；淺灘上，腳背被緩緩沾染，反覆，餘韻匿藏在指隙之間。抬頭，我們的思緒如星河往返、交織，重聚。⁣ ⁣ Camper：Philip、Jane（昨日露營 Yesterday Camping 版主、明日露營 Tomorrow Camping 品牌創辦人）

4. 

   24 Jul 2022

   Ep 09 - 牛歡喜 × 執煙頭競技委員會（香港）：由零到一百，將執煙頭推至世界舞台辛酸史

   今集，我哋續談社會設計（Social design），三位大男孩如何透過浪接浪的跳躍思維，將清潔工執煙頭的實況類比運動項目，更妄想推廣至世界舞台？相對於考古學，著重考察個體現況的「考現學」如何透過瞭解街坊生活模式，或是其口述歷史，呈現出有別於傳統框架內的數據蒐集角度，跨過洪溝，使所得結果與社區觀點接軌？更彰顯了民眾話語權的價值？ 儘管如此，利用「執煙頭競技」有趣而寬廣的切入點，引領公眾了解清潔工權益及其背後的種種複雜面向，也難以達到全盤托出？原來社會脈絡的複雜程度，遠超出我們的想像。 除了跳出框架大膽嘗試、實踐試錯，觀察後的改進也要異常審慎？全因很多橫空而生的設計忽略了在地實踐與預測，分分鐘為後世帶嚟咗把雙面刃...？一系列圍繞著煙頭嘅微妙觀察、愛情故事等等，由三名青年為大家娓娓道來。 持分者：Philip、Oscar（競技教練）、Ka Long（競技運動員）、Kimba Sam（項目國際裁判）

5. 

   20 Jun 2022

   Ep 08 - 牛歡喜講膠所 × 講膠所：從社會設計角度講膠、社區網絡、貼地推冷門嘢（嘉賓 - 講膠所 Talking Plastic）

   從宏觀到微觀，由相對冷冰冰的規劃放眼至「社會設計」，如何透過講求民間互動、在地性（貼地）、利他性（同理心）、實踐性等甚至更多因素；去設計活動、項目等等，使「冷門議題」能夠發揮其推廣的持續影響力？都係一門專項！ 簡單啲講，今集有「講膠所 Talking Plastic」嘅幾位社會設計系友好們，同我哋傾：「如何貼地咁推廣環保。」。佢哋喺紅磡街市嘅民間協作項目，同我哋嘅民間推廣經驗，又會 jam 到啲咩火花呢！ 好，上面講嘅設計要點及理論都可以暫拋諸腦後，從實踐中與大眾建立關係、共學、邊做邊修改；原來先係精髓！生果檔有分紅白袋，做成單次購買重複使用塑膠？為走塑又有人帶膠兜買魚？更多跳脫嘅街市限定用袋造詣，由四位女生同你哋一一解構...。街市議價你就試得多，同商家傾走塑現金券價格你又試過未？ 持分者：Philip、講膠所 Talking Plastic（Viann、Joyce、Yori、Heidi） 請見諒：器材發脾氣，本集以耳筒聆聽效果相對更佳（有少雜訊）。

6. 

   19 May 2022

   【牛歡喜講膠所】Ep6 - 習以為常 vs 時代自省：從戶外品牌宣傳片中築起營火狂歡的反思

   「Leave no trace」概念隨著時代演進，人們逐漸自省與反思郊遊活動、歷奇冒險對自然的友善程度，如何秉持公民意識，盡量使探索與破壞間的衝突遞減。而國際峰會近年更不乏以「Sustainable Mountain Tourism」為題的討論及推廣；若從一些緊扣著人類活動的既有觀念作反思，在郊野生境築起壯觀營火，是否必須？渡過了茹毛飲血的時代，爐具能替代的煮食方式，若堅持原用，是為了加熱食物、還是製造氣氛景象？增加活動體驗者的「體驗感」？ 即使生火，除了可使用焚火台；國外的一些歷奇網站，亦列舉過不少野外紮營選址的要項，例如遠離草地、溪流。亦盡量將火焰「最小化」，依煮食份量執拾適當數量的木材；實用性 優於 觀賞性，以達致生態友善。更有攀岩者開始關注鎂粉對土壤的影響，嘗試推出「Eco friendly」的防滑粉，原來郊遊與自然應當取其平衡。 香港，一個郊區承載力嚴重超越負荷的地方，有戶外品牌提倡「可持續走起」，地區宣傳片卻原用舊時代的營火狂歡元素。企業除了主打「用戶體驗」面向的呈現，推廣的意識能否「因地制宜」又是否重要？ 補肉員：Philip

7. 

   9 Mar 2022

   Ep 07 - 十年人事幾番新？牛隻議題卻停滯達十年之久；盤點近廿年的議題發展脈絡

   本地勢情瞬息萬變，莫講話十年，三日分分鐘已經人事幾番新；惟獨牛事歷久不變？隨住城鄉拉近加上郊遊風潮遞增，往年牛事連連，貝澳、塔門，從公眾眼眸中一閃而過。連帶受益的牛隻議題關注重新進入了家常討論的短暫高峰，送牛迎虎，善忘不變...。 從民間角度出發，冷門議題與社會遞進的滯後跟落差，離不開關注群屬小眾，而於寥寥可數的關注群體中，相對缺乏的是議題脈絡的發展詳述及整理。以致每逢討論高峰，大眾的論述無法建基於具流通性的已有基底，達至層層遞進。永遠得啲「好嬲」、「好慘」、「人類抵死」。 所以今次，本地首個概述牛隻議題廿年脈絡嘅 Podcast，將會盤點政策上嘅變動與停滯。數據上嘅缺乏、多元性以及透明度，準備嚇大家一跳！要令秒針再度緊隨分針移動，達致因時制宜。最重要的，就是提醒大家，緊扣社會步履的現行政策仍未跟議題脫軌；皆因它們屬平行空間中的同聚鄰居，一起停滯不前，使社會步履跟不上日益遞進的大環境風氣及關注點。 補肉員：Philip

8. 

   6 Feb 2022

   Ep 06 - 綠在區區駭人見聞：回收工場，同時將環保與疫情下浪費具象化的地方？（嘉賓 - ahka and kiki）

   隨住疫症肆虐，措施收緊，外賣現成常態；保守估計近年啲膠刀叉嘅全年棄置量已達 200 億件咁誇張。前身為「緣在區區」intern 嘅 ahka 同 kiki，嚟到同大家講見聞、講回收忌諱；原來塑膠再造機嘅濾膜頗為昂貴？回收物若被污染，換膜又有幾煩？消費卷竟然又掀起咗一陣棄置潮...？ 我哋仲會淺談膠袋徵費、管制即棄塑膠嘅公眾諮詢，由「三色筒」引申至「綠在」有關民眾回收意願及信心嘅爭議。冇錯，今集簡直係「賀年環保議題盆菜」一樣！如果佢係一碗米線，就係一碗冇走韭芽嘅過橋米。 惜食食評家：Philip、Ah Ka、Kiki

9. 

   20 Jan 2022

   【牛歡喜講膠所】Ep5 - 山嘢 Gau1 up：人不輕狂枉少年 暨 以前行山點爬文？（嘉賓 - 一籃野 Basketofstuff）

   人不輕狂枉少年，踏破鐵鞋又無地圖，相信大家細個都經歷唔少，搞到要開住個 GPS 剷林落山，落到山又發現唔夠水、將僅餘嘅食糧分比成村人...。今次繼續有活潑動人嘅 Ryann 同大家講「走營」、裸行八仙嶺等哈轆史；講到郊遊前爬文準備嘅重要性，宜家就話興 YouTube，原來以前 Philip 真係上網睇文章 mark 路線？ 輕狂有時，滑咗啞嘅大家心態上又有咩轉變？大家千祈唔好期待將會聽到啲好認真嘅轉變。 Gau1upper：Philip、一籃野 Ryann

10. 

    31 Dec 2021

    Ep 05 - 由城到郊，先由咫尺學會物種共生，再踏進郊區談共存（嘉賓 - 雀鳥刺繡藝術家：一籃野）

    「保育」一詞蘊含著人對自然的彌補之意，周旋其意，難免略顯沉重；或遠，距離在於城市與非洲大草原的遙遠。但大家有否想過，先不談獅子老虎大笨象，在談香港郊區之前，我們的城市鄰居雖然個頭微小，但也可是「保育」及善待的對象？ 不出走郊野，也能學會人與動物的共融概念？今集由大嶼居民淺談「共存」，更分享因鳥巢被強行拆遷，繡出了她將雀鳥保育的訊息蘊藏於藝術作品內的契機。仲突然傾起咗對「幽靈公主」嘅睇法！ 補肉班底：Philip、一籃野 Ryann

11. 

    20 Dec 2021

    【牛歡喜講膠所】Ep4 - 如果我有逆轉的超能力，五大毀山「民化」你仲做唔做？

    風乾物燥，山火頻生，大東山、雞公嶺、蒲台島，草原變燎原，不堪往事山友們歷歷在目，從露營角度，生火方式以至取材都有講究？而雞公嶺經大火後被種上新的植被，點知又再比越野單車留痕處處？「野山留痕」後患無窮，喺郊野、灘岸留下巨量垃圾，原來從民間及政府部門角度，運走垃圾都相當耗時不易，程序更是繁複。 毀山「民眾化」對抗山野文化，無知只是一時，反省過後的亡羊補牢才是「可持續山地旅遊（Sustainable Mountain Tourism）」之法。 小編們登山將逾 8 個年頭，由年少無知到自省投正，今次繼續輕鬆談見聞。 補肉班底：Tom、Philip

12. 

    9 Dec 2021

    Ep 04 - 野生動物餵，唔「畏」？如何為情感投射找 credit？

    野豬捕殺令反響席捲全城，除了使動物權益的有關討論升溫不斷，垢病已久的野生動物餵飼問題再被牽起注視。保育野生物種提倡宜盡量以非接觸方式達致予動物的保育效果，不論是「好心市民」還是本地合法的持牌餵猴員，若人類以緊密接觸的餵養形式造就保育手段，你又會否「餵」懼動物習性改變，使佢哋唔「畏」懼同警惕人類？ 中間的取捨應如何商榷？有送草入塔門嘅我哋係咪倒自己米？而「動保」除咗單純因為人嘅憐憫之心及情感投射，原來動物係咪因外界因素產生刺激，或表面上嘅情緒變動，都可以有科學根據？外國就「動物福祉」建基於科學化，同「善待動物」透過法例喺人類日常生活又有何應用例子？今集同大家淺談一下。 補肉班底：Tom、Philip

13. 

    14 Nov 2021

    【牛歡喜講膠所】Ep3 - 海豚研究員之日常？試過連續一星期訓喺船？（嘉賓 - 香港海豚保育學會 副會長：麥希汶）

    秋風起，三蛇肥，冬季寒冷，隨著人類發展將城郊拉近，山林漸毀，動物誤闖城市覓食難免，豈料面臨殺生之禍。「動物權益」近日打轉於大眾眼眸，同時間「大嶼」工程進入了環評審批程序，中部水域的江豚及白海豚危機再現！今集繼續有希汶，同大家以輕鬆形式，講下海豚研究員平時要做啲咩，又會回應下啲網上QnA，剖釋「圈養動物」議題坊間謬誤。 講講下又醒起海咩公園面臨緊節流危機...。 補肉班底：Tom、Philip、希汶（嘉賓）

14. 

    1 Nov 2021

    Ep 03 - 圈養動物：鯨豚自殘，卻不得善終？香港果間又做成點（嘉賓 - 香港海豚保育學會 副會長：麥希汶）

    早前虎鯨「Kiska」喺加拿大尼加拉瀑布城嘅主題樂園不斷以頭撞牆，其被囚 40年的身世惹人憐憫，圈養期間牠誕下的五條幼鯨全數夭折，「圈養動物」議題短暫搏得大眾討論。圈養動物，古今中外又有啲咩嚇人例子？喺香港起個「海濱庇護所」比動物退休，又貴唔貴？ 補肉班底：Tom、Philip、希汶（嘉賓）

15. 

    25 Oct 2021

    Ep 02 - 「大愚一期」有違國策？中央原來禁咗填海；「雙Y」海上大橋意向復萌嘅啓示？

    施政報告講明發展往北移，「北部都會區」誓成主力，「大愚」暫遭冷落，又真係唔搞個海？1000公頌嘅「一期」成現屆班子硬推政職，原來國策又禁咗填海提倡保育？成件事有幾尷尬？「雙Y」代表住施政報告規劃方針嘅導向又有咩象徵啟示？ 香港嘅美麗生態，值得持續關注。

16. 

    14 Oct 2021

    Ep 01 - 「海洋保護區」，可能係香港史上最難爭取嘅保育措施，「環評制度」穿哂窿又搞邊科？

    「海洋保護區」同「環境評估影響制度」，用意都係令發展期間對周邊生境嘅破壞達致舒緩及避免，點知「Hong Kong style」版本嘅係用嚟圓滿發展意向而「做樣」嘅一盞「綠燈」？施政報告倡議發展往北移，涉及地段包含「濕地」及郊野公園範圍；同時間，又提倡精簡「環評」制度程序。我哋就用「個海」這些年來受過嘅百般折磨，以「港珠澳」、「三跑」、「石鼓洲焚化爐」、「P3」及中央放風嘅「雙Y」等一連串實例，帶出「保護區」同「環評」嘅千絲萬縷，裏裏外外都已經穿曬窿，大家想像下精簡過後又會變成點？ 溫馨提示，現於屯公同龍翔道塞緊車嘅你，啱先又過咗三個字，下次見。

17. 

    12 Oct 2021

    【牛歡喜講膠所】 Ep2 - 「極端天氣」靠減碳？施政報告好尷尬

    早幾日，大雨淋漓，彷如八號波威力嘅三號波為大眾誘發好多不便，甚至悲劇。天文台發言直指面對「極端天氣」，全世界都需要加大力度減碳；既然極端氣候令淺溝變深溝，黃雨已經要勞煩「契哥」游水返工，咁我哋就淺談下「施政報告」同以往一啲發展方針是否與減碳契合？順道聽下三位小編點比個風玩謝... ——————————————————— 快啲去 Follow 我地➥ Instagram 同 Facebook 啦!!! Instagram：https://www.instagram.com/joycowshk/ (https://www.instagram.com/joycowshk/) Facebook：https://www.facebook.com/Joycowshk (https://www.facebook.com/Joycowshk)

18. 

    12 Oct 2021

    【牛歡喜講膠所】 Ep1 - 營季又到，係郊野定膠野？塔門爛攤子點收科？

    上個營季，單係復活節五日連假，塔門同東龍島合共錄得11噸垃圾，草地荒漠化、人牛衝突頻生。營季又到，不妨入嚟聽下三位牧牛少年，上至護牛淵源、牛隻忌諱，下至現場驚險狀況、義工軼事；一齊探討下塔門「膠野」各種階段！露營前嘅籌備，你又知幾多？ —————————————————————— 快啲去 Follow 我地➥ Instagram 同 Facebook 啦!!! Instagram：https://www.instagram.com/joycowshk/ (https://www.instagram.com/joycowshk/) Facebook：https://www.facebook.com/Joycowshk (https://www.facebook.com/Joycowshk)

Contact 牛歡喜講膠所

Guest appearances

Books guests

Based on episode analysis; this does not confirm that the show is currently accepting guests.