Not Glamorous Daily | 不 華麗之日常 Podcast

About Not Glamorous Daily | 不 華麗之日常 Podcast

平日睇網上社交平台盡是美好，但現實大部分人每日經歷幾多不華麗事件？每星期用聲音分享最真實不華麗之日常：不華麗的自己、職場上的無奈、友誼的遺憾、伴侶的關係、真實的情緒⋯ Not Glamorous Daily：分享無Filter的生活 無修飾的情緒，找回自己 學習過活 廣東話 Podcast

Publisher

Not Glamorous Daily

Category

society & culture

Language

zh

Explicit

No

First episode

7 Apr 2021

Latest episode

21 Nov 2021

Latest episodes

7 episodes in the feed.

1. 

   21 Nov 2021

   人生遇到的一件事 | 階段性友誼

   小學寫紀念册會寫友誼永固，有幾多個真係到做Friendship Forever？ 現今社會，科技發達，有IG有FB，你都唔難知你”朋友”近況，但呢啲都只局限於網絡上友誼。 但現實生活呢？ 係唔同時間圈就會產生階段性友誼，讀中學時你地幾個女仔friend過打band，近年仲有見嗎？讀大學又有幾個同科戰友，除左RE U仲會私底下約出來嗎？出到來做野因興趣而相聚嘅新朋友，當無左共同興趣後仲有話題嗎？ 對於階段性友誼，唔需要感嘆、唏噓，人生不嬲都會有唔同過客，如果你身邊有班友誼過渡左階段性，請好好珍惜，呢種就真係 真 友誼永固！

2. 

   12 Jun 2021

   職場上的某一種文化 | 欺凌文化

   欺凌 霸凌 係一個好嚴重嘅問題。 但你唔好以為只係在學時會出現，畢左業就無事？今次就特別想講下就算係投身社會，踏入職場，欺凌文化都時有發生。好多時，當時人會話「我講笑啫，你唔玩得呀？」Sorry 真係唔好笑，其實永遠只得欺凌者覺得好笑。 今次就想記底曾經係職場遇到嘅欺凌者，唔好話咁大個人，一個玩笑都唔開得，但帶有侮辱嘅話笑，我點解要聽；帶有攻擊嘅玩笑，我點解要承受 ；帶有欺凌嘅言語，我點解要忍左佢。我係返工，唔係俾你侮辱、攻擊、欺凌！

3. 

   7 Jun 2021

   工作上的某一種上司 | 舉棋不定 左搖右擺

   個個都拍拖，唔通個個都想拍拖咩。個個做上司，唔通個個都識做上司咩。 真係唔好以為個個上司都一定有領導能力，領導能力唔係一種學識，唔係空口講白話，而係講有無遠見、有無決策方向、有無諗法、下刪一萬字⋯⋯ 係職場上遇到夾到嘅好上司真係同中六合彩一樣，萬一遇著舉棋不定、左搖右擺、浮過浮雲嘅上司 ，身為下屬，係不忿，係痛苦，但唯有一邊不忿一邊諗方法令到自己人生易過啲，一係就唔撈嘅啫。 今次係到分享我遇過嘅呢種上司，希望警醒自己，然後繼續返埋位做野囉。

4. 

   16 May 2021

   自己成為某一種人 | 不再十八廿二

   人類好似好鐘意將人生分為十年十年咁計。 三十後，人稱三張野，深知自己唔再十八廿二。踏入三張後，好聽叫熟女，或者人稱中女。 但一直都唔明點解三張係一個關口，好似好多野都要係三十歲前完成。 老老實實，唔好再EXPECT我活左三十年就一定要生活美滿，工作上要追數追KPI，但人活著並不需要趕程度。 如果你同我一樣唔再十八廿二，OR你仲年輕（但三張呢日點都會黎），今集只想講 「我的半熟的人生，只想找回自己，仍然學習 過活。」

5. 

   1 May 2021

   工作上的某一種人 | 朋友變成同事關係大多數RIP

   最近見到一句說話：同事未必適合做朋友，朋友未必適合做同事。 友誼真係會因為變成同事後改變，加入左利害關係嘅雜質、共事時經歷嘅不快、比較、心計、嫉妒、情緒⋯⋯唔係話每一對朋友變左同事關係都玩完，但一定唔會返返去以前咁囉。 或者你地都仲係Friend會食飯吹水，又或者已經更流於表面只係FB IG個Friend，但朋友變成同事後，應該可以為曾經擁有嘅百份百純友誼講句RIP。

6. 

   18 Apr 2021

   工作上的某一種人｜年紀唔細但行為小學雞

   真係好勞氣！最近工作上又遇到一位小學雞。而我只可以將現實嘅怒氣放喺呢個不華麗之日常到。 人生中喺工作上一定遇到幾位小學雞，係無奈嘅、係慘痛嘅，今次就同大家分享下我觀察中小學雞有嘅特徵同通病，最後亦就住我最近遇到一位極品小學雞同事嘅經歷發現咗最好嘅相處之道。

7. 

   7 Apr 2021

   自己成為某一種人 Not Glamorous Daily

   點解會有 不 華麗之日常？好多人嘅網絡世界、社交平台都好似好美好，而現實呢，其實大部分時間都過緊不華麗嘅生活，只係網上網下大家都唔會用最真實一面示人。我希望每個星期係到記錄一件不華麗事件或者經歷，當係比自己發下噏風，亦可以用聲音記錄嘅平台，盡情將最真實或醜陋嘅想法同故事記錄落嚟。其實大家現實都過得好Shit同Not Glamorous Daily，咪係呢到圍爐取暖囉！

Contact Not Glamorous Daily | 不 華麗之日常 Podcast

Guest appearances

Does not typically book guests

Based on episode analysis; this does not confirm that the show is currently accepting guests.