"Olinpia" Paris 2024ko Olinpiar jokoen ikusmiran egoteko kirolariek duten gunea da. Gune berezi eta zaila, lehia eta lesio arriskuez josia baitago. Iñaki Berastegik jo du bertara, Euskal kirolariak elkarrizketatzera. "Olinpia" podcastean bildu ditu beraien amets, gogo eta sentipenak.
18. Asier Martinez: ''Nire bizitza asko aldatu da Tokioko Olinpiar Jokoen ostean''
Tokion diploma olinpikoa eskuratu zuen Asier Martinez Etxarrik (Zizur Nagusia, Nafarroa, 2000) 110 metro hesietan: amestutako debuta izan zen. Atleta nafarrarentzat "ezustekoa" izan zen finalera sailkatzea eta txapelketa seigarren postuan amaitzea. Ordutik, emaitza onak baino ez ditu pilatu: Europako Txapelketa irabazi zuen iaz, eta brontzea ere eskuratu zuen Munduko Txapelketan.Paris 2024ko Olinpiar Jokoetan seigarren postua errepikatzea "zaila" dela azpimarratu arren, domina irabaztearekin "noski" amets egiten duela aitortu dio Inaki Berastegiri.
2 Sept 2023
17. Maitane Etxeberria: ''Pena izan zen Tokiora ez joatea, baina ez nuen atsekaberik sentitu''
2021ean bete ezin izan ez zuen ametsa betetzea du asmo Maitane Etxeberria (Lezo, Gipuzkoa, 1997) eskubaloi jokalariak: Olinpiar Jokoetan parte hartzea. "Nire postuan maila handiko jokalari asko zeuden, eta ez zen erraza esan dio Inaki Berastegiri. Gainera, orduan "gaztea nintzen" azpimarratzen du.Urte hauetan, Lezoko jokalaria egonkortu egin da Espainiako Selekzioan, eta azken deialdi guztietan jokalari finkoetako bat da. Munduko Txapelketan preolinpikora sailkatzea jokoan izango dute.
27 Aug 2023
16. Iker Arozena: ''Azken urtetan izan dudan garapena ikusita, sailkatzearekin amets egin dezaket''
Luzera jauziko Euskadiko txapelduna eta egungo Euskadiko markaren jabea da Iker Arozena (Hondarribia, Gipuzkoa, 2001). Urte hasieran lehiatu zen lehen aldiz nazioarteko txapelketa batean, Turkiako Europako txapelketan, zehazki.Parisko Olinpiar Jokoak "agian" berarentzat "goizegi" datozen arren, "amets" hori egia bihurtzeko lanean ari da, "lortzen ez badut, espero dut sailkatzetik gertu geratzea, bederen" aitortu dio Inaki Berastegiri.
Imanol Garciandiak (Urretxu, Gipuzkoa, 1995) bere ibilbideko helburu "garrantzitsuenetakoa" beteko luke 2024ko Olinpiar Jokoetara sailkatuz gero. Hungariako Pick Szeged eskubaloi taldeko jokalari gipuzkoarra azken bi urteetan Espainiako selekzioan jarraitutasun handiarekin jokatzen ari da, eta urte hasieran brontzea eskuratu zuen Munduko Txapelketan.Datorren urtarrilean jokatu den Europako Txapelketan dute lehen aukera matematikoki Pariserako sailkatzeko, eta, bestela, martxoan edo apirilean jokatuko den pre-olinpikoan beste aukera bat izango dute. Imanol, baikor aritu da Inaki Berastegirekin.
20 Aug 2023
14. Mikel Linazisoro: ''Olinpiar Jokoek eragin oso handia eta positiboa izan dute eskaladan''
Pariskoak kirol eskaladaren bigarren Olinpiar Jokoak izango dira kirol olinpiko gisa, eta Mikel Linazisorok (Bergara, Gipuzkoa, 2000) uste du sailkatzeko aukera izan dezakeela haietara begira.Medikuntza gradua amaitzen ari da gipuzkoarra, eta, horrenbestez, orain arte ezin izan du eskaladan bere "arreta guztia" jarri. Bloke eta sokako modalitatean aritzea da bere asmoa, abiadurako proba alboratuta "Olinpia" podcastaren atal honetan aitortu dioenez Inaki Berastegiri.
19 Aug 2023
13. John Cabang: ''Neu jarri nintzen Filipinetako atletismo federazioarekin harremanetan''
Filipinetako selekzioarekin Parisko Olinpiar Jokoetan parte hartzeko aukera izan dezake John Cabangek (Madril, 2001), 110 metro hesietan. Hiru urterekin Madril utzi, eta haren familia Iruran (Gipuzkoa) ezarri zen eta bertan hazi eta hezi da Jonh. Garbi adierazi dio "Olinpia" podcastaren atal honetan Inaki Berastegiri "argi neukan Filipinetako selekzioarekin lehiatu nahi nuela".2023 hasieran debuta egin du bere herrialdeko selekzioarekin Asiako txapelketetan. "Oso urduri nengoen nire debutean". Cabangek dioenez, "orain" hasiko da "Olinpiar" Jokoetarako bidea benetan planifikatzen.
13 Aug 2023
12. Ane Santesteban: ''Emakumezkoen egutegian Olinpiar Jokoek garrantzia handiagoa dute''
Jayco-Alula taldeko txirrindularia da Ane Santesteban (Errenteria, Gipuzkoa, 1990), eta bere ibilbideko hirugarren Olinpiar Jokoen atarian dago. "Joko batzuetan egotea beti da berezia" aitortu dio Inaki Berastegiri "Olinpia" podcastaren atal honetan.Rioko Olinpiar jokoetan Espainiako selekzioko txirrindulari bakarra izan zen, eta Tokion, berriz, Mavi Garciarekin batera aritu zen. "Tokiokoa esperientzia gogorra izan zen". Aneren egutegia bete-betea dagoen arren, bere ibilbideko "hurrengo helburu nagusia" Parisko Jokoak dira ezbairik gabe, aurreko bi saioetan adina ilusioarekin ari da lanean.
12 Aug 2023
11. Irati Mitxelena: ''Jokoetarako sailkatze hutsa garaipen handia litzateke''
Luzera jauzian eta jauzi hirukoitzean Espainiako txapeldun izandakoa da Irati Mitxelena (Donostia, 1998). "Kasualitatez" hasi zen atletismoan, eskolarekin egin zuen irteera batean probatu eta gero.Ikasketak direla eta, Estatu Batuetan ere lau urtez trebatutakoa da, eta, egun, CicbioGunen duen ikertzaile lana eta atletismoa uztartzen ditu. "Lorpen handia da, eta sailkatzen ahaleginduko naiz". Baikor hitz egin dio Inaki Berastegiri .
6 Aug 2023
10. Inigo Pena: ''Nire kirol ibilbideko ziklo olinpikorik zailena izaten ari da''
Aldaketak izan dira protagonista, beste behin, Inigo Penaren (Zumaia, Gipuzkoa, 1990) ziklo olinpikoan. Tokioko Olinpiar Jokoetan, K2-1000 metrotan lehiatu zen Paco Cubelos-ekin batera, baina Parisko Jokoetarako distantzia hori desagertu denez, K2-500 metroetara aldatu behar izan du. "Ziurgabetasun handiko garaia izaten ari da".Piraguista gipuzkoarrarentzat ziklo olinpiko "motz eta gogorra" bizi badu ere, taldekide on bat bilatuko duela uste du. "Sailkatuz gero, dominagatik borrokatzea litzateke helburua" Inaki Berastegiri azaldu dionez.
5 Aug 2023
9. Leti Canales: ''Surfistontzat Olinpiar Jokoak helbururik garrantzitsuena da orain''
Paristik urruti, Tahitin, egingo da 2024ko Olinpiar Jokoetako surf txapelketa, eta bertan egon ahal izateko lanean buru belarri ari da Leti Canales (Sopela, Bizkaia, 1995). Belauneko lesioa dela eta, ia urtebete egin du lehiatu gabe.Tokioko Olinpiar Jokoetatik "gertu" geratu zen. "Pre-olinpikoan ez nuen presioa ondo kudeatu" onartu dio Inaki Berastegiri. 2021an Europako Txapeldun geratu arren, motibazioa berreskuratzea "asko" kostatu zitzaion. "Lasai" eta "gustura" ari da bere itzulera prestatzen "Olinpia" podcastaren atal honetan azaldu digunez.
30 Jul 2023
8. Odei Jainaga: ''Parisera fisikoki ondo ailegatzeko konfiantza dut''
Odei Jainaga (Eibar, Gipuzkoa, 1997) lesionatuta ailegatu zen Tokioko Olinpiar Jokoetara. "Jokoak baino gehiago, aurreko hilabeteak izan ziren gogorrak, mina duzun arren, jarraitu egin behar duzulako". 2020ko jokoetatik lehiatu gabe dago xabalina jaurtitzaile gipuzkoarra, eta 2022ko irailean ebakuntza egin behar izan zioten sorbaldan.Itxaropen osoz esan dio Inaki Berastegiri, "urtebete" beharko duela erabat osatzeko.
29 Jul 2023
7. Klara Olazabal: ''Olinpiar Jokoetara sailkatzea aurrera pausuaren seinalea litzateke''
Tokioko Olinpiar Jokoetara joateko zorian geratu zen 2021ean Klara Olazabal (Irun, Gipuzkoa, 1998). "Ez sailkatzea kolpea izan zen momentu hartan, baina baita irakasgai ona ere".Piraguista irundarrari familiatik datorkio piraguismoarekiko maitasuna, eta, La Seu d'Urgell (Herrialde Katalanak) utzi eta etxera itzultzea erabaki du aurten, anaia duen Telmo Olazabalen aginduetara entrenatzeko. Londresen (Ingalaterra) irailean egingo den Munduko Txapelketa begiz jota du. Bere eguneroko lan dinamikaz eta dauzkan pentsamendu eta ilusioetaz hitz egin du.
23 Jul 2023
6. Inigo Llopis: ''Errelebo mistoetan parte hartzea ere gustatuko litzaidake''
Inigo Llopis igerilariak zilarrezko domina eskuratu zuen Tokioko Paralinpiar Jokoetan, S8 kategorian, 100 metro bizkar estiloan. "Domina lortzearekin amets egin genuen, eta, azkenean, lortu genuen" esan dio Inaki Berastegiri.Aurrez, Rioko Paralinpiar Jokoetan ere parte hartu zuen. "Asko disfrutatu nituen nire lehendabiziko jokoak". Manchesterren (Ingalaterra) egingo den igeriketa egokituko Munduko txapelketa da bere hurrengo erronka handia.
22 Jul 2023
5. Lourdes Oyarbide: ''Paris ingurua, txirrindulari azkarrentzako ibilbide aproposa izango da”
Movistar Team taldeko txirrindularia da Lourdes Oyarbide (Egino, Araba, 1994). Badaki Olinpiar Jokoetarako hautatua izatea "zaila" izango dela, baina badauka "esperantza".Halako kirol ekitaldi batean parte hartzea edozein kirolarirentzat "ametsa" dela badio ere, Munduko Txapelketa edo itzuli handiak "garrantzitsuagoak" direla uste du Inaki Berastegiri "Olinpia" podcasatren atal honetan esan dionez.
16 Jul 2023
4. Nahia Zudaire: ''Nire bigarren jokoak izanik, lasaiago ari naiz lanean''
Nahia Zudairek (Zubieta, Gipuzkoa, 2004) etxekoekin eta gertukoekin bizi nahi ditu bere ibilbideko bigarren Paralinpiar Jokoak izan daitezkeenak.Tokion, S8 kategorian, bi diploma olinpiko eskuratu ostean, Parisen dominen lehian egotea espero du. "Desberdina izango da. Beste Nahia bat iritsiko da Parisera". Manchesterren (Ingalaterra) egingo den igeriketa egokituko Munduko txapelketa da bere hurrengo erronka handia.
15 Jul 2023
3. Ion Izagirre: ''Arantza sartuta dut Olinpiar Jokoekin; ezin izan dut nahi beste gozatu''
Karranpe edo kalanbreek jota, Ion Izagirrek (Ormaiztegi, Gipuzkoa, 1989) ezin izan zuen erlojuaren aurka proba amaitu Tokioko Olinpiar Jokoetan. Errepidekoan, berriz, 79. postuan amaitzea lortu zuen. Bost urte atzera eginda, Rioko jokoetan, errepidekoa izan zen txirrindulariak amaitu ezin izan zuen proba. Aldiz, erlojupekoan diploma olinpikoa eskuratu zuen.2024an, "Pandemiaren ostean, Parisen, Olinpiar Joko normalagoez disfrutatu nahi nuke". Izan ere aurreko egoerak, amorragarriak ere egin zaizkio Izagirreri Inaki Berastegiri aitortu dionez.
9 Jul 2023
2. Pello Bilbao: ''Tokioko Olinpiar Jokoetarako hautatua ez izatea dezepzio handia izan zen''
Azken orduan, Espainiako hautatzailearen erabakiz, Tokioko Olinpiar Jokoetara joan gabe geratu zen Pello Bilbao (Gernika, Bizkaia, 1990). Bahrain-Victorious taldeko txirrindulariarentzat "bete gabe" geratu zen "erronka polita" izan zen hura.Jokoek orduan beregan sorrarazten zuten zirrara berreskuratu ez badu ere, "ilusioa" egingo lioke Parisen egoteak: "Kirol batetik haratago doan ekitaldi bat da".
8 Jul 2023
1. Maialen Chourraut: ''Sekulako ilusioarekin ari naiz jokoak prestatzen; neu ere harrituta nago''
Olinpiar Jokoetan domina gehien lortu duen euskal kirolaria da Maialen Chourraut (Lasarte Oria, Gipuzkoa, 1983). Ur bizietako piraguismoan, C-1 modalitatean, Londres 2012n brontzea lortu zuen, Rio 2016n urrea kolkoratu zuen eta Tokioko jokoetatik zilarrarekin bueltatu zen 2020an.Paris 2024, bosgarren Olinpiar Jokoak lituzken arren, oraindik ere "ametsa" dira berarentzat. C-1-az gain, Kayak Kross modalitatean parte hartzeko aukera ere izan dezake piraguista gipuzkoarrak. Ahaleginean ez duela huts egingo da ondorioa, "Olinpia" podcastaren lehen atalean Inaki Berastegirekin izan duen elkarrizketa entzunda.
Contact Olinpia
Guest appearances
Books guests
Based on episode analysis; this does not confirm that the show is currently accepting guests.
Host of Olinpia?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
